Pergi ke laut mencari ikan

di bawa pulang di masak gulai

yang di tunggu sudahlah datang
walimatul ursy akan segera di mulai

Dengan Bismilah lon mula lisan

keu pang ule alam seulawet taba
adat budaya kandongan islam
saleum ngen salam keu mandum syedara

Assalamualaikum jamee rombongan

wajah that senang lon kalen rupa
keunoe neupiyoh tameng u dalam
keu tempat besan kaleuh teusedia

Adat mukia ranup lampuan

tanda keu rakan mameh suara
lonjok keu gatadalam hidangan
ranub meukarang tacuba rasa

Kamoe po rumoh hate that senang

Ka teuka dating Lintoe that muda
tabak meu asoe get that hiasan
ka sah bak reusam,fi’e sereuta

Krue semangat buleun limong blah

Cahya meuleupah meureula donya
jame baroe troh neugerak ju langkah
tanda laju sah uroeyoe acara

Jioh that lintoe katrok geulangkah

keunoe geupapah geumeu keluarga
rumeh dara baroe senyum that ceudah
Nyen bibi merah geupreh kakanda

Seulaseh meutindeh urat

yang ka neulipat lam bate neuba
dari jioh keunoe neu berangkat
wahe sahabat syedara lingka

On ranub ijo yang meutaloe-taloe

ateuh tempat droe geueuget sigra
peunanda jame tasambot disinoe
ranub tagantoe saleng mulia

(PENUKARAN BATEE RANUB DI SILAHKAN)

Ka lon teurimeng ranub meu asoe
keu bungong jaroe bak ureng tuha
langkah u dalam bek awai neuwoe
neu preh seuleuso mandum acara

Gaki tahayon mandum hai rakan

meutuwah jalan uroe bahagia
keu aneuk muda lon mohon bantuan
neu sambot hidang mandum ube na

Mirah ngon kuneng tabak hiasan

meu asoe dalam indah lagoina
Teurimeng geuasaeh syedara sayang
mandum nyan hidang kamoe terima

Krue semangat rahmat meuhimpon

sijuk hate lon leupi lam dada
wate trok keunoe wahe tgk ampon
Neuba Linto/Dara Baroe meurempek Adinda/kakanda

Tgk lintoe ka geu peu payong

kupiah lambong laksana raja
di dara baroe leumah sit that anggon
lage bidadari dalam syiruga

Wate takalon tarek that uroe

Di tgk.lintoe bektrep le di lua
nyak jeut segera payong ta gantoe
nyak jeut meusandeng ureng nyan dua

Ta belanja gule di Pasai Cot Tarom

tamita gayong ta cuco ija
Jinoe troh wate tatuka payong
Tanda kamoe teurimeng lintoe baroe teuka

Jinoe tatameng nibak saleum takzim

Meu iakt baten ureng nyoe dua
Mameh that lintoe oh wate geu khem
Bit langsong geutem dara baroe muda

Ini lintoe bukan sembarang

Lintoe ini tiada duanya
Orang nya setia tiada banding
Lagi paham bideng agama
Uronyoe gata ka neu meusandeng
Pu pu mungken urusan dua
kabeh taloe mandum pesaeng
Jinoe gata kajeut juara