GKPI EBEN-HAEZER PADANG NABIDANG

JEMAAT KHUSUS (PERSIAPAN)

A. PARTORDING NI ULAON PAMASUMASUON
Ricardo Pasaribu & Ester br. Sirait
Sabtu, 7 November 2020

A. ULAON PAMASUMASUON (MODEL B)

1. PATUJOLO :
2. PROSESI (Huria Jongjong)
3. MARENDE NO. 14: 1+6 “Puji Hamu Jahowa Tutu”
 Puji hamu Jahowa tutu, Pardengganbasa
Parasiroha salelengna i. Pardengganbasa i, Parasiroha i.
 Sai burju be marende sude, mamujimuji,
Tuhanta Debata Jahowa i. Parasiroha i, na marmulia i.

4. VOTUM / INTROITUS / TANGIANG :

Pandita : Ulaon pamasumasuon Pardongansaripeon on, dipungka
jala dipatupa di bagasan goar ni Debata Ama, AnakNa Tuhan Jesus
Kristus, dohot Tondi Parbadia. Asi ni roha dohot dame ma mandongani
hamu saluhutna, Amen.
Huria : Pujipujian, hasangapon dohot hamuliaon ma di Tuhanta
Pardenggan basa i. Tapuji jala tapatimbul ma goarNa. Ai Ibana do
manompa langit dohot tano. Di bagasan Ibana do pangurupion di hita.
Ari on do na jinadihon ni Jahowa, marolopolop jala marlas ni roha ma
hita di si.
Pandita : Martangiang ma hita: …. Amen.

5. MARENDE NO. 123: 1+3 “Ale Dongan Na Saroha”

 Ale dongan na saroha, manjalahi dame i
Dompak Jesus tapasada, holong ni rohanta i
Ai Ibana do ulunta, hita do ruasNa i.
Tuhan Jesus do gurunta, hita siseanNa i.
 Sai pasada ale Tuhan, angka na porsea i
Asa masihaholongan, songon na pinatikMi
Dibagasan hasintongan, i do pinangidoMi
Sai padomu angka dongan, na tutu sinondangMi.
6. JAMITA
7. MARENDE 159: 1-2 “Martua Dongan Angka Na Sabagas”
 Martua dongan angka na sabagas, Na mardonganhon Tuhan Jesus i.
 Na mangoloi Ibana mansai ringgas, Na so marholang tangiangna i.
Tongtong holong rohana di Ibana, Manungkun lomo ni rohana I,
Huhut tongtong marguru tu hataNa Dibaen sandok pangalahona i.
(Pangoli dohot Oroan ro ma tu jolo)
 Martua baoa dohot inaina, Sisadaroha mida Jesus i.
Na rap marholongroha di Tuhanna, Marsaulihon hatuaon i.
Na sahat sian asi ni rohaNa, Tu halak na porsea sasude;
Ido dibaen nasida haposanna, Manang beha parsorionna pe.

8. PAHOTHON DOHOT PAMASUMASUON PARDONGAN SARIPEON

 Sungkeman (Pangoli dohot Oroan: Mangido Tangiang/Restu Tu
natuatuana)
 Poda Pardongan Saripeon
 Padan Pardongan Saripeon
 Pahothon Dohot Pamasumasuon
 Pasahathon Surat Parsaripeon
9. KOOR: ~ Punguan Ina GKPI Eben-Haezer Padang Nabidang
~ Punguan Ina HKBP Pulo Angin
10. MARENDE NO. 160: 1 “O Tondi Parbadia I, Bongoti”
 Rajai ma hami sai tongtong Pasaor tu rohanami on DameM, o
Tuhannami. Marhitehite tondiMi Ingani rohanami be, Huhut patogu
hami. Dao ma bada Sian hami, jabunami baen inganan Pardamean,
hasonangan.
11. PELEAN:
~ Ayat Pelean :
~ Tangiang Pelean : (Huria ni Tuhan Jongjong)
12. ENDE PELEAN : 476: 3 “Ndada Au Guru di Au”
 Ulaonku nang artangku pangke ma baen sangapMi,
Diusehon Ho mudarmu tung tanda do holongMi.
Ndang be au guru di au. Jesus na humophop au,
Nampuna au. Tung saleleng au mangolu, Jesus do nampuan au.
13. TANGIANG PANUTUP : “Ale Amanami”
14. PASUPASU
15. MARENDE : Amen, Amen, Amen.
B. ACARA UMUM
1. Pandita dohot Pengantin marpoto
2. Hata Huhuasi:
~ Sian Paranak
~ Sian Parboru