LITURGI NATAL PERMATA

GBKP RUNGGUN GRIYA RUMAH TENGAH

Sabtu, 18 Desember 2021

Tema :
“Nggeluh Jadi Teman Dibata,Guna Ndalanken Si Ngena AteNa (Bnd Joh 15:14)”

Sub Tema :
“Perayaan Natal Mpengasup Permata Mpelimbarui Diri Guna Jadi Teman Dibata, Ncidahken
Anak Singuda Jadi Pasu-pasu Man Doni Enda.”
 Liturgi Kebaktin Natal Permata
Runggun Griya Rumah Tengah (GRT)
Sabtu, 18 Desember 2021

Thema : Nggeluh jadi teman Dibata, Guna Ndalanken Si Ngena AteNa (Bnd Joh 15:14)
Sub Thema : Perayaan Natal Mpengasup Permata Mpelimbarui Diri Guna Jadi Teman
Dibata, Ncidahken Anak Singuda Jadi Pasu-pasu Man Doni Enda

I. PERSIKAPEN
1. Rende Ibabai MC

2. Kata pengalo-ngalo ras penjelasen liturgi ibas panitia natal nari.

Paksa sie panitia natal, pengkhotbah ras pelayan khusus (Pt/Dk) ersikap ibas kamar
persikapen
3. Barisen Prosesi Mengketi Ruangan, diiringi Tarian Roti Manis
(Perpulungen Tedis)

II. KEBAKTIN
1. Votum : Kebaktin Natal permata enda ibenaken ibas gelar Dibata Bapa
sinjadiken kerina sinasa lit, ibas gelar Jesus Kristus si reh ku doni enda nebusi dosa
manusia, ras ibas gelar Kesah Sibadia simereken gegeh ras simpelimbarui
kegeluhenta

2. Salam : Perkuah ate ras dame ibas Dibata Bapa ras ibas Tuhan Jesus Kristus nari ibas
kerembaken Kesah Si Badia ras kita (kam) kerina gelah. Amin

Perp. i 7 6 :5 . i 7 6 5 . 4 3 2 1 (iendeken)

A………..min A………….min A………..min

3. Invocatio : Ola kel pelepas ise pe anggap enteng man bandu erkiteken kam nguda
denga. Tapi jadilah kam man usihen kalak si tek subuk ibas pengerananndu, ibas lagu
langkahndu, ibas kam nehken keleng ate, ibas kinitekenndu bagepe ibas ukurndu
bujur. (I Timotius 4 : 12)

4. Rende KEE.115 : 1,3 (Keriahen Si Mbelinna)

1. Keriahen si mbelinna si kuberitaken e,
Enggo tubuh si permakan, eme Tuhan Yesus e.
Pujilah min Dibatanta ras dame-dame- dame man banta
Dibatanta si erkuah ate man kita jelma e
 3 Tuhan Yesus persadanta, em isuruh Bapa e….
Sinasapken krina dosa ibas Golgota kepe
Pujilah min Dibatanta, ras dame,dame, dame man banta
Dibantata si erkuah ate man kita jelma e

5. Responsoria : Erpalasken Matius 5 : 13-16 (Perpulungen kundul).

L : Bagi sira si seh kel perluna guna pangan bagepe kam nandangi kerina manusia
P : Tapi adi sira e lanai masin lanai banci ibahan masin mulihi. Sira e lanai erguna
emaka i ambekken jenari i dedehi kalak
L : Bagi terang si seh kel perluna ibas gelap, bagepe kam nandangi doni enda. Kuta
silit idas uruk labanci lang teridah
P : Labo isagani kalak lampu kenca bage itutupina alu tumba, tapi itamakenna
kudatas nahe pertendangen, gelah terang iakap kalak kerina silit ibas rumah e.
L : Dage ersinalsallah min terangndu ilebe-lebe kalak sinterem gelah adi idahna
perbahanenndu simehuli ipujina Dibata Bapanndu si i Surga.

6. Koor/ VG : PJJ Sektor 1

7. Rende KEE No. 95 : 1 (O, Yesus Tuhanku, iendeken 2x)

O, Yesus Tuhanku, Kam T’rang doni e
T’rangi min ukurku, Sampat aku pe
Mekuah ateNdu , Man perdosa e
Apuli min aku ‘bas susahku e

8. Berita Kerna Dosa Manusia

L : Tuhan ndilo kam gelah idalenkenndu peraten Dibata ibas kegeluhenndu.
P : O Tuhan, megati denga rusur kesenangen doni enda nge si idalanken kami,
lenga kami erdalan ibas peratenNdu
L : Kesenangen doni enda labo kap lit si tetap janah asa ndigan pe labo banci jadi
penampat ibas kegeluhenndu
P : O Tuhan, i gejap kami nge maka melala perbahanen ras pelanggaren kami
nandangi ketetapen Ndu. Kesenangen doni si idalanken kami, emaka reh kami
kuadepenNdu mindo pengalemi dosa idur Kam nari.
L : Ernlemlah kam man Dibata, sebab Ia nge sijadi penebusdu ras simereken pasu-
pasu man bandu.

9. Koor/ VG : PJJ Sektor 3

10. Rende KEE No 292 : 1-2 ( Manusia enggo erdosa)

1) Manusia enggo erdosa meluat mekelesa
Pusuh labo lit damena di sirang ras Dibata
Begikenlah pendilona ikutkenlah kataNa
Geluh pelimbaruiNa rembak kita ras IA
2) Megati meganjang ukur nogan nimbak kataNa
 Piah dungna latih rukur disirang ras Dibata
Begikenlah pendiloNa malang erlajar baNa
Di mberat pe bas geluhta menahang di ras Ia

11. Berita Pengalemi Dosa (Perp. Tedis)

La ate Dibata anak-anakNa bene ibas kegeluhen si la erguna. Emaka tetap kita ialemi
dingen ipelimbaruiNa. Nina Tuhan man kalak si ngakuken dosana: “Aku kap Dibata
si nasapken dosa-dosandu, janah si e kulakoken erkiteken bage kin biakKu. Lanai
Kupeinget-inget kerina dosa-dosandu” Amin. (Yesaya 43:25)

12. Rende KEE 239 : 1-2 (Si Endekenlah ‘nde-‘nden si Meriah)

1) Si endekenlah ‘nde-‘nden si meriah
Man Tuhannta si ‘nggo tubuh bas pelangkah
Sabab patut nge k’rina kita nembah
Ban babaNa terang ngaruh ras petuah

Reff : Dage mari kita kerina

‘Lah si puji gelar Dibata
Ula na iukur erbera
Tuhan Yesus me kap Rajanta

2) Tuhan Yesus metunggung dat pujin

Perban Ia si ngajari kita kin
Kek’lengenNa la erkeri-kerin
Adi pakelah pedahNa seh pagin
Reff :

13. Koor/ VG : PJJ Sektor 4 (Perp. Kundul)

14. Koor/VG : Permata GRT

15. Nagani lilin Natal ( Perp tedis)

Kata Dibata ibas nagani lilin Natal enda” Nina Yesus, Aku kap terang doni. Ise
ngikutken Aku, ialokenna me terang si mereken kegeluhen, janah lanai ia erdalan ibas
gelap” (Yoh 8:12)

Rende KEE No. 135 : 1-3 (Berngi e, nggo kepe)

1) Berngi e, enggo kepe, Yesus reh kudoni e

Nusurlah ngangkut dosanta me kin
Jadi kap musil lah sangap pagin
Asa sitek Tuhan e 2x
2) Anak e bujur pe, singena me aku e
KiniulinNdu tadingken Kam kap
 Bengket ku doni lah trang sigelap
Aku daramenNdu e 2x
3) Berngi e, enggo kepe, Tuhan reh ku doni e
Padan Dibata teridah tetap
KinikelengenNa banta me kap
Tuhan sipuji gelah 2x

16. Khotbah : (Perpulungen kundul)

1. Pertoton sope khotbah
2. Khotbah : Joh 15:14-18, Pilipi 4:4-9,Kol 3:15-17 (pilih)
3. Pertoton kenca dung khotbah

17. Pengakun Kinitekan (Perp. Tedis)

18. Koor/ VG : PJJ Sektor 2 (Perp. Kundul)

19. Nehken persembahen pengataken bujur (100% guna dana pensiun GBKP)
Kata Dibata kerna persembahen pengataken bujur : Ngataken bujur eme persembahen
sipehagaken Aku, janah si patuh ngikutken Aku tentu Ku kelini (Mas. 50 : 23)
Rende : KEE 136 : 1-3 (Kam Kerina Si Tek)
1) Kam k’rina si tek mari surak janah puji
Pedas min kerina ku betlehem
Nehenlah Anak tubuh man Tuah ta
Mari kita nembah, mari kita nembah
Mari kita nembah man Raja

2) O, Raja mulia si njujurken k’rina

La mela Kam tunduh ibas ampun
Kam me Dibata mula-mula nari
Mari kita nembah, mari kita nembah
Mari kita nembah man Raja

3) Kam k’rina malekat pujilah man Tuhan

Ersurak, ersurak man baNalah
Puji Dibata i surga, i doni
Mari kita nembah, mari kita nembah
Mari kita nembah man Raja

20. Ertoto Kerna Persembahen + Doa Syafaat

1. Pengurus Permata Pusat, Klasis, Runggun, Perpulungen, sektor gelah ngasup
ndahiken dahinna ibas kepenguresen Permata.
2. Gelah kegeluhen Permata tetap ndalanken si ngena ate Dibata, ndauh ibas pinakit
sosial, narkoba.
3. Pemerintah
4. Rsd
21. Tekad ras Pengutusen
L : Keleng ate Dibata enggo ituduhkenNa man banta (ndu)
P : Erpadan kami Tuhan tetap ngergaken keleng ateNdu ibas kegeluhen kami
alu ngelakoken perbahanen simehuli jadi pasu-pasu man doni enda
L : Kam Teman Dibata kap,nggeluhlah bagi singena ateNa
P : Erpadan kami Tuhan njagai kegeluhen kami la ikut kubas pinakit sosial,
narkoba si erbahan geluh kami lanai meherga.
L : Cidahkenlah perbahanenndu simehuli man kerina manusia
P : Erpadan kami jadi saksiNdu singgeluh ibas doni enda erpalasken kiniteken
kami man BanNdu
L + P : Amin

22. Koor/ VG : Permata GRT

23. Rende KEE No. 329 : 1, 3,4 ( Tuhan Yesus Penampatku, Perpulungen tedis)

1. Tuhan Yesus Penampatku

Ia penalemenku
Kuikutken me dalanNdu
Kam me kegeluhenku.
Reff: Teneng tetap tendingku
Paguh kinitekenku
Lanai lit kebiarenku
Tan Tuhanku menegu
3. Tuhan Yesus Penampatku
Nimbak praten dagingku
Suari berngi Kam kulebuh
Pengarapenku nteguh.
Reff:..

4. Tuhan yesus penampatku

Seh kedungen geluhku
Lah pusuhku tetap mambar
B’lin liasNdu Ku palar
Reff:..

24. Pertoton Tuhan

25. Pemasu-masun :
L : Dibata sumbul kemalemen ate elah sincukupi keperlunta (ndu) guna ndalanken si
sentudu ras peratenNa. Janah Diabatalah erdahin ibas kita (kam) arah Jesus
Kristus gelah kita (kam) ngelakoken singena ateNa. Man Kristuslah kemulian
seh rasa lalap. Amin
P : Amin….3x (iendeken)
III. Varia Natal

SELAMAT HARI NATAL 2021 & TAHUN BARU 2022

TUHAN YESUS MEMBERKATI, AMIN