PENILAIAN AKHIR SEMESTER (PAS)

MADRASAH IBTIDAIYAH
TAHUN PELAJARAN 2017/2018

Lembar Soal

Mata pelajaran : Bahasa Bali Kelas : II (Dua)

Hari/tanggal : ... November 2017 Waktu : 90 menit

Petunjuk Umum :
1.Bacalah Basmalah terlebih dahulu!
2.Tulislah identitas dan nama muatan/mata pelajaran pada lembar jawaban
yang telah disediakan!
3.Tuliskan semua jawaban di lembar jawaban!
4. Bacalah setiap butir soal dengan baik sebelum dijawab!
5.Kerjakan lebih dahulu soal yang dianggap mudah!
6.Tanyakan kepada pengawas apabila ada soal yang kurang jelas!
7.Periksa kembali pekerjaanmu sebelum lembar soal dan lembar jawaban
diserahkan kepada pengawas!

Siap Selem
Ada tuturan satua Siap Selem. Ia ngelah panak pepitu. Panakné ané nem
suba pada samah bulun kampidné. Ané paling cenik doglagan, tusing ngelah
bulu. Kacritayang I Siap Selem ngalih amah di alasé, saget teka ujan bales. I
Siap Selem nginep di umah Mén Kuuk. Ditu Mén Kuuk ngaé daya apang sida
ia ngamah I Siap Selem tekén panak-panaké. Suba peteng I Siap Selem ajak
nem panakné mekeber. Enu I Doglagan medem di samping batuné. Meng Kuuk
teka jeg nyaplok batu. Men Kuuk ngeling, giginé pungak.
I. Sautin patakon betén ené manut wacana baduur !
1. Akuda I Siap Selem ngelah pianak ?
2. Nyén adan pianak Siap Selem ané paling cenik ?
3. Dija I Siap Selem ngalih amah ?
4. Nyén ané medem di samping batuné ?
5. Dija I Siap Selem nginep ?
 Suputra
Madé Karmaya mula anak Suputra. Ia asih tur jemet. Tusing taén mrekak
tekén rerame miwah guru, sayang téken timpal-timpalné makejang. Ento
mawinan ia liu ngelah timpal.
Sedek dina Buda, Madé Karmaya lakar ka sekolah, saget tepukina
timpalné I Semadi ulung sepédané. Bajuné I Semadi telah daki kena tanah, lima
tur batisné metatu. Ditu lantas Madé Karmaya ngenggalang nulungin timpalné
ento.
I Semadi ajaka ke Puskésmas negakin sepéda. Teked di Puskésmas, Pak
Dokter lantas ngubadin lima miwah batisné I Semadi. Suba kéto Madé Karmaya
nebus serep ubad I Semadi di apotik. Lantas gandenga I Semadi ka sekolah
tekén Madé Karmaya. I Semadi demen pesan ngelah timpal Madé Karmaya
parisolahné becik pisan, demen nulungin timpal. I Semadi ngucapang suksma.

II. Isinin tanda silang ( x ) aksara a, b utawi c pesaut ané paling patut !
1. Madé Karmaya anak cerik kaliwat ....
a. jemet b. corah c. belog
2. Madé Karmaya ngenggalang nulungin timpalné. I Karmaya anak cerik
masolah sané ....
a. becik b. pelih c. jelek
3. Madé Karmaya anak cerik jemet tur asih tekén timpal. Jemet artiné ....
a. rajin b. males c. mayus
4. Sepatutné iraga malaksana ané melah tekéning ....
a. i rerama b. i maling c. i gegéndong
5. Tusing dadi mrekak tekén anak lénan. Mrekak solah ané ....
a. jelek b. melah c. becik
6. Satonden majalan masuk ingetang mapamit tekén i ....
a. rerama b. maling c. Gegéndong
 Maplalian
Sari : “Put, Putri demen maplalian apa ajak timpal-timpalé ?”
Putri : “Tiang demen maplalian gala-gala, men Sari demen maplalian
apa?
Sari : “Tiang demen maplalianan curik-curik.”
Putri : “Ajak nyén biasané Sari maplalianan curik-curik?’
Sari : “Tiang biasané maplalianan ajak Luh Darmi, Ratna, Santi, Gék
Mirah, muah Adnyani.”
Putri : “Kénkén carané maplalianan curik-curik?”
Sari : “Béh, aluh sajan ada ané dadi tukang jaga ajak dadua ané lénan
dadi liwat sambilang magending. Nyén ané lewat paling siduri
ento ané dadi tukang jaga.”
Putri : “Oh kéto, mai jani raga maplalianan bareng.”
Sari : “Dija kal maplalianan ? Jani kal jeritin malu timpal-timpalé.”
Putri : “Ditu di lapangan samping umah tiangé.”
7. Ané demen maplalianan gala-gala ....
a. sari b. putri c. adnyani
8. Ané demen maplalianan curik-curik ....
a. putri b. sari c. madé
9. Ané dadi tukang jaga plalianan curik-curik liuné ....
a. abesik b. dadua c. tetelu
10. Sari ajak Putri lakar maplalianan di ....
a. umah timpal b. lapangan c. Sekolah
Luh Sekar
Luh Sekar mula anak jemet. Bapané magaé di carik. Ia demen pesan
nulungin mémé bapané magarapan. Semengan suba ia nyampat di natah
umahné, lantas nyiam entik-entik ané suba layu. Disubané suud madaar ia
ngumbah piring. Teka uli sekolahan Luh Sekar nulungin bapané nanem woh-
wohan. Disubané sanja ia mulih lantas manjus, madaar tur tusing engsap
malajah. Ento mawinan mémé bapané sayang pesan tekén Luh Sekar.
11.Yan suba semengan Luh Sekar nyampat di natahné. Sampat ané anggon
nyampat di natahné melakar aji ....
a. duk b. bulu c. lidi
12.Yening mara bangun semengan, patut ....
a. malali b. madaar c. nampihan saput
13.Sabilang wai patut ... apanga dueg.
a. malali b. maplalianan c. malajah
14.Yan suba layu bungané patutné ....
a. abut b. getep c. siam
15.Anak ané dueg krana setata inget ....
a. malali b. mabalih c. malajah
Natah Sekolah
Madé Tama jani suba kelas 2 Sekolah Dasar. Ia masekolah di SD Darma
Susila. Sekolah Madé Tamané linggah pesan. Ditu ada lapangan, taman sekolah,
ruang kelas, kantor, perpustakaan miwah UKS. Lapangan sekolahné anggona
rikala murid-muridé olahraga miwah upacara bendéra nyabran rahina Soma.
Taman sekolahe togos murid-muridé nanem sarwa entik-entikan miwah
bunga-bungaan. Taman sekolahé ento asri pesan. Liu ade entikan bunga. Ada
bunga sandat, mawar, melati, jepun muah angsoka. Sarahina-rahina murid-
muridé magilir nyiram tamané ento.
Di sekolah Madé Tamané ada ruang kelas ané anggon tongos murid-
muridé malajah. Ada masih ruang ané madan kantor. Ditu tongos para guru
muah kepala sekolah. Perpustakaan tongos muridé maca miwah nyilih buku.
Ané madan UKS tongos murid-muridé maubad di sekolah.
16. Natah sekolahé pulain bunga apang nyak ....
a. bet b. menyi c. asri
17. Natah sekolah ané bersih mekada idupé ....
 a. seger b. sebet c. gelem
18. Sekolah tongos murid-muridé ....
a. maplalianan b. macanda c. malajah
19. Pamula ané kuangan yéh lakar ....
a. seger b. mati c. ngérémbun
20. Jepun, cempaka, sandat soroh ....
a. jukut-jukutan b. woh-wohan c. bunga
21. Makire masekolah patut ....
a. ngeling b. ngambul c. mapamit
22. Prabot ané anggon masekolah luiré ....
a. jaja b. layang c. buku
23. Putu Sujana seleg malajah. Sinah ia lakar dadi ....
a. belog b. mayus c. dueg
24.Ané ngemang pelajahan di sekolah ....
a. guru b. rerama c. polisi
25. Tongos muridé nyilih buku di sekolah madan ....
a. kantin b. UKS c. Perpustakaan

III. Isinin cecek-ceceké betén ené aji pasaut ané beneh !

1. Yen tulungina tekén timpal patut ngorahang ..... A. muani
2. Setata demen matetulungan pasti lakar liu ngelah ..... B. patpat
3. Ané madan rerama tuah mémé lan ..... C.lapangan
4. Bapa rerama ané ..... D. bunga
5. Carik tongos anaké mamula ..... E. timpal
6. Siapé mabatis ..... F. bapa
7. Sampiné mabatis .... G. maubad
8. Taman sekolahé tongos muridé nanem ..... H. padi
9. UKS tongos muridé ..... I. suksma
10.Tongos muridé maplalianan ..... J.dadua
 KUNCI JAWABAN BAHASA BALI KELAS 2
PENILAIAN AKHIR SEMESTER GANJIL
TAHUN PELAJARAN 2017/2018

I.1. Papitu
2. Doglagan
3. Di alase
4. I Doglagan
5. Umah Men Kuuk

II. 1. A 11. C 21. C

2. A 12. C 22. C
3. A 13. C 23. C
4. A 14. C 24. A
5. A 15. C 25. C
6. A 16. C
7. B 17. A
8. B 18. C
9. B 19. B
10.B 20. C

III. 1. I. suksma
2. E. timpal
3. F. bapa
4. A. muani
5. H. padi
6. J. dadua
7. B. patpat
8. D. bunga
9. G. maubad
10. C. lapangan