Om Swastyastu,

Inggih, Ida dane para uleman miwah atiti sami sane dahat kusumayang titiang rahajeng swasti
prapta ring pakubon titian. Sakewanten titiang nunas iwang saantukan kawentenan palemahan
miwah padewekan titiang irika sakaluwarga. Titiang miwah kulawarga ngaturang suksmaning
manah duaning sakaning asung kertha wara nugaraha Ida Sang Hyang Widhi, titian miwah
semeton sami prasida masadu ajeng ring genah lan galah puniki.

Ida dane sareng sami, rasa angayubagia titiang ring manah saantukan sangkaning pasuecan Ida
Sang Hyang Widhi Wasa ring galahe sane becik puniki, Redite 17 September 2023. Prasida
mamargi upacara lan upakara Metatah utawi Mepandes. Lugrayang titiang nyanggra Ida dane
sareng sami antuk nyobiahang kawentenan padewekan titiang miwah kaluwargan titiang. Kaping
siki , wastan titian Made Subagia pinaka sane nuwenang karya mangkin, kaping kalih kurenan
titiang mawasta Kadek Mastini. Puniki pianak titiang sane metatah mawasta Putu Ayu Purnami
sareng Kadek Bulan miwah Komang Agus. Punika kawentenan titiang sane wawu sampun
kamargiang sawatara galah 9 semeng. Sane kapuput olih Ida Peranda, dewa saksi lan bhuta saksi
sampun kamargiang sane mangkin titiang nunas taler Ida dane nyaksi tur micayang restu dumogi
sida mamargi sidaning don.

Inggih wantah kadiasapunika sane prasida aturang titiang, nenten lali nunas agung sinampura
menawi rikala ngelaksanayang dudonan acara punika titian miwa kulawarga madue pabuat sane
nenten patut. Inggih sane mangkin ida dane sareng sami durusang mesandekan utawi
ngunggahang boga sematra ring genah sane sampun kacumawisang miwah ampurangan
kekirangan ipun. Maka wesananing atur, puputang tiang antuk parama santih

“Om Santih, Santih, Santih Om”