SURAT

Surat punika marupa sarana ngrauhang daging pikayun ring semeton utawi anak
sios ,surat talet pinaka cihna bukti ring sajeronning acara jagi kalaksanayang.sujatine kantun
makueh kawigunan surat punika.

Manut daging nyane surat punika kabinayang dados:

1. Surat dinas
2. Surat resmi / surat jabatan
3. Surat niaga / perniagaan
4. Surat pribadi / keluarga.

Surat dines lan surat resmi punika pateh ,makekalih surat punika ketahne mangge ring
sajeroning kantor pemerintah utawi jawatan,

Surat niaga kamedalang utawi kaanggen ring sajeroning usaha perniagaan / industri swasta.

Surat pribadi utawi keluarga mangge ring sajeroning keluarga,utawi anggering suang-suang

Ritatkala pacang nulis surat utawi makarya surat ,wenten sane patut elingang ,merupa bagian
surat sane nenten dados laliang.begian-bagian surat punika luire:

a. Kepala surat
b. Tanggal surat
c. Nomor surat
d. Lampiran surat
e. Hal surat / tetuk daging surat
f. Alamat surat /genah sane jagi katuju
g. Salam pembuka dan penutup/ pangrastiti
h. Isi surat / daging surat
i. Pengirim surat/ sane ngirim surat
j. Tembusan surat/ sang sane uning sakewanten nenten mabuat
k. Iniisial surat / sang sane nyalin
Conto surat

SURAT NYINAHANG PANGULEMAN UPACARA YADNYA

praya katur ring ………

malinggih ring ……

om swastyastu

Dumadak ida sang hyang widhi asung kerta wara nugraha ring tityang, mangda mollih
karahayuan,antuktityang jagi ngawentenang karya manusa yadnya ( ngotonin) pianak tityange
sane kapertama sane jagi kalaksanayang ring :

rahina : wrespati umanis dungulan

pinanggal : 20 oktober 2009

dauh : 09.00 wita ngantos puput

genah : banjar semilajati denpasar

rerepi puniki pinaka tityang tangkil iriki, ngturin, ngulemin,semeton.gustin,suryan tityang

mangda ledang ugi ngrauhin tityang ring rahinna sane mangguh ring ajeng ,ngaksi kalih
ngrntebin karyan tityange.

Pamuput tityang ngaturang puja astawa dumadak iriki sinamian mangguh rahajeng.tan
lali tityang nunas geng rena sinampura laan ngaturang suksma.

Om santih,santih,santih oM

Semilajati 15 agustus 2009

Atur tityang

I wayan Sweta Getas

 I. Swalapatra katur ring guru

Sewalapatra praya katur,

Ring Bapak/Ibu Guru Kelas I

SMP PGRI 1 Denpasar.

” Om Swastyastu ”

Malarapan antuk rerepi puniki titiang nguningayang ring Bapak/Ibu guru, saantukan ring
rahinane mangkin :

Rahina : Wrespati

Tanggal : 17 Juli 2009

Titiang tan mrasidayang ngaranjing ka sekolah, saantukan titiang katiban lara

ngerempuyang.

Inggih wantah asapunika atur piuning titiang, mangda Bapak/Ibu guru sauningaya.

Denpasar, 17 Juli
2009

Atur titiang,

( Ni Putu Ernawati )
II. Swalapatra Katiba ring rerama

Surat praya katur ring bapa kalih meme,

malinggih ring Desa Tegal Harum

Kecamatan Denpasar Barat.

Om Swastyastu,

Sampun sue titiang nenten naenin ngaturang orti, ring bapa kalih meme iriki. Wawu
mangkin titiang polih ngaturang sewala patra. Maka pangentos sikian titiange tangkil ring bapa
lan meme.

Titiang mangkin sampun SMP kelas siki. Papelajahane ring sakolahan mangkin sayan
ngakehang. Ring sekolahan mangkin sampun ulangan. Titiang magiet pisan malajah, mangda
rapot titange nenten barak. Seos ring punika, sane mangkin titiang jagi numbas buku
Matematika, Buku Bahasa Indonesia, miwah buku Bahasa Bali. Punika awinan titiang nenten
banget keberatan, samalih yening wenten, mangda ledang bapa kalih meme ngirimin titiang
jinah, mangda wenten anggen numbas buku punika.

Inggih asapunika pinunas titiang, mangda ledang bapa kalih meme ngantuk ampurayang
pisan. Titiang matur nyuunang pisan, pasuecan bapa kalih meme ring titiang. sewalapatra puniki
titiang irika ring dunungan taler bapa kalih meme iriki ring jumah, kasuryan kalih kasuecan
antuk Ida Sang Hyang Widhi wasa karahajengan, kalih panjang yusa.

Denpasar, 17 Maret 2009

Titiang

Kadek Emi Rahayu

 pËy ktu( :
r& bpk/ hibu
guru
sen \jhinË&
k)ls/ 12

rhj% s)m%
s\Ðn&p)\Ëwu; suwl ptË puniki mj%
r&bpk/ hutwi hibu sen \jhinË&k)ls/
12 , titê*ennÓ)n pËsidÒ zÏ\inßlj; duwn&
ewnÓ)nÀ¡pcr Ádt / .
S kdi punik htu(pën&titê* ,
gumnÓipinunsÓitê*kdgi\in. duwn& hspunik
titê* nunsæ\mæur titê* mtu(suk×m.

wli ti tê*

(……………………..) (……………………..)
 Pidato
Ainggih,Mantuke ring Pare uleman sareng sami riantukan tityang polih galah
ngaturang sambrame wecana,antuk punika tityang nunas uratian Ida dane sareng
sami.

Sadurung tityang ngelanturang atur,ngiring sareng sami tan surud – surud nunas
paswecan Ida SangHyang Widhi,duaning sangkaning sih asung waranugraha Ida
irage praside mapupul iriki tur maning panggihin tityang kenak rahajeng sareng
sami.Ngiring kawitin antuk panganjali umat,Om Swastyastu..........

Kaping ajeng mantuka ring palungguh dosen pinaka panureksa sane dahat
wangiang tityang.

Para pasuitran tityang ring kelas sendratasik semester 5 sane tresnasihin tityang.

Maduluran antuk wahyadiatmikaning manah,rasa angayubagia aturang titiang

majeng ring pare uleman sarengsami riantukan praside iring titiang mesadu ajeng
ring galahe mangkin puniki.

Ainggih ratu Idedane sareng sami,manut sekadi sane sampun kauningin sareng
sami,pariindik aeb jagate mangkin,ngeniang Parisolah pare yowanane sane
nyansan lempas ring uger – uger agama,hukum, sosial lan sane siosan patut
kawaspadeyang lan kekayunin ring irage sareng sami.luire,makeh pare yowanane
keni kasus Narkoba,lianan punika,keni pergaulan bebas,nyantos lampus ring
margine ulian mebalapan sepeda motor.tityang pinake yowana, lan ketah kebawos
mangkin generasi penerus, merase jejeh pisan ring kewentenan sane sekadi
puniki,yen ten gelisang kekayunin turmaning baosang,sinah sampun Bali
riwekasan nenten meduwe Generasi sane kuat lan Praside ngewangun Jagatnyane.
Ratu Idedane sareng sami,yan kemanah antuk titiang,anggen penyengker aeb
jagate sakadi puniki,waluye nasikin segara,titiang mewali matur,ngiring Irage
sareng sami mangda praside ngewangun malih Organisasi sekaa terunane ring
suang – suang Banjar, taler organisasi sisya ring sekolah.Duaning,mangkin makeh
organisasi druwene sampun nyansan ical,lan angga nyane taler nyansan ngured –
nguredang.Yen kakayunin,wantah ring bebanjaran sane preside anggen genah
mepupul pare yowanene,lan preside ngemargiang pikayun – pikayun danene sane
becik.Siosan punika,mangdane para yowanane sami ngelingang rage,ring tetamian
leluhure nguni indik budaye bebanjaran lan adat istiadatnyane.kenten taler ring
organisasi sekolah,wantah pinaka genah para sisyane,marerembug parindik aeb
jagate sekadi mangkin.

Majeng ring Pare manggalane sami,titiang taler nunas mangdane nguratiang lan
praside ngewentenang acare sane ngemiletin pare sekaa teruna druene.yan sampun
asapunika,sinah pare yowanane nenten malih ngayunin indik paridabdab sane
meboye.riantukan sami ngiringang ring paridabdab organisasi ipune suang – suang.

Pare uleman sareng sami,Sekaa teruna Punika wantah panyeledii wargane

riwekasan,antukan punika,ngiring kayunin,baosang lan margiang sapunapi
sepatutnyane mapidabdab mangdene pare yowana puniki praside dados penyeledii
sane andel ring rage,andel pikayun lan andel indik pangeweruhan.Mangdane Jagat
Bali sane luih puniki sayan nincap taksunnyane ring dure Negara.Riantukan
kawikanin sareng sami,Bali wantah idup saking taksu nyane,taksu
Bali,luire :Agama,Budaya,Adat Istiadat,lan seni.Silih sinunggil nyane wantah
Organisasi Sekaa teruna puniki.semaliha sekolah taler genah utama,para gurune
nyobyahang indik kewentenan jagat baline.

Ainggih ratu Ida dane sareng sinamian,nenten panjang atur tityang ring galahe sane
becik puniki,untengnyane wantah sapunapi antuk ngayunin indik aeb jagat sakadi
mangkin,mangdane nenten para yowanane dados tumbal aeb jagat sane ketah
kebawos Globalisasi Puniki.

Asapunika preside antuk tityang matur,make kirang langkung unjuk lungsur,lan

wenten atur tityang sane nenten manut.tityang nunas agung pengampura.Untatang
tityang antuk parame santhi.Om,Shanti,Shanti,Shanti,Om.