Om Swastyastu Suksma aturan titiang antuk galah kapalca ring titiang pacang matur samatra ring acara ulang

tahun adin tiange Komang Putri Indrasuari, sane mapatinget ulang tahun nyane ke 11 warsa rahinane mangkin. Angayu bagia aturang titiang mantuka Ida Sang Hyang Widhi Wasa antuk paswecan Ida titiang sareng timpal- timpal titiange prasida makumpul i riki nyarengin patinget ulang tahunnyane Komang Putri Indrasuari. Titiang ngawalanin timpal titiange ngucapang rahajeng wali warsa mantuka ring Komang Putri Indrasuari dumogi Komang rahajeng, panjang yusa tur stata kenak. Mantuka ring ibu, bapak miwah kulawarga sareng sami i riki, titiang matur suksma antuk ulemanne katiba ring titiang tur panyanggra sane becik tur meriah, punika maawinan titiang prasida sareng ngastitiang Komang Putri Indrasuari ring patinget wali warsa dane rahina mangkin mogi- mogi Komang Putri Indrasuari prasida dados jatma sane maguna tur subakti ring meme bapa. Ring galahe sane becik nenten lali titiang nunas geng rena sinampura yan prade wenten parilaksanan titiang, bebaos titiang sane nenten manut ring kayun kulawarga sareng sami i riki. Inggih asapunika atur titiang mogi- mogi wenten pikenohnyane. Malihan pisan titiang ucapang rahajeng wali warsa mantuka ring Komang Putri Indrasuari mogi- mogi rahajeng tur panjang yusa. Inggih untatin titiang antuk parame shantih. Om Shantih, Shantih, Shantih Om.