Alhamdulillah hi robbil ‘alamin assholatu wa salamu ala as sro fil anbiyai wal mursalin sayyidina wa maulana muhamadin wa ala alihi wa soq bihi aj’main amaba’du Ingkang kawulo hormati bapak Agus Suryono dalah Ibu sumrambah sedoyo keluarga agung ing dusun mukti sari mriki. Ingkang kawulo tak zimmaken poro sepuh pini sepuh poro alim lan sedoyo poro rawuh ingkang minulyo. Ngaturaken kulon nuwun. Kepareng kawulo matur anepangaken bileh kawulo sak rombongan minongko keluargo agung ibu Ismiyati saking Kebon Sari Jember marak sowan wonten dalem nipun bapak Agus Suryono dalah Ibu lan keluargo agung ing Mukti Sari mriki. Sakderengipun kawulo matur langkung rumiyen monggo kito sesarengan muji syukur wonten ngarsanipun Allah SWT ingkang sampun paring nikmat, barokah, hidayah lan inayah dumateng kito sedoyo mugi kito sedoyo tansah pinaringan wilujeng rahayu, sehat bagas waras lahir tumusing bathin. Ugi solawat lan salam kito aturaken dumateng junjungan kito sedoyo gih meniko Nabi besar Muhammad SAW mugi kito sedoyo tansah pikantuk syafaattipun ngantos benjang ing dinten yaumil akhir allahuma Amin... Bapak Agus Suryono dalah ibu lan poro rawuh sedoyo ingkang kinurmatan, ingkang sepindah kawula lan keluargo ibu Ismiyati ngaturaken salam taklim dumateang Bapak Agus Suryono dalah ibu sumrambah keluarga agung ing Muktisari mriki mugio sedaya tansah pikantuk kawilujengan, kesehatan lan kebahagiaan. Amin yra. Saklajengipun kepareng kawulo agempil kamardikan panjenengan sedoyo gih awit saking darmaning tiyang sepuh angiringaken panyuwunipun anak kawulo jaler ingkang nami anakmas Dion Indarto marak sowan dumateng keluargo agung bapak Agus Suryono dalah ibu, gih amargi saking bombonge manah lan remening penggalih kulo sedoyo keluargo ibu Ismiyati saking Kebon Sari , kumowantun matur piyambak dumateng bapak Agus Suryono dalah ibu,nglajengaken pirembagan lan matur maksud lan tujuan kawulo sakeluargo sowan ing muktisari mriki. Kados ingkang sampun dados pirembakan kito sesarengan, ingkang magepokan kalian dinten adicoro akad nikah, ijab qobul sampun katetepaken tanggal 6 mei 2018. Pramilo saking meniko kawulo sak keluargo hangaturaken ubo rampe lan paningset kagem jangkepi adicoro lamaran akad nikah lan ijab qobul soho wisudanipun daub polokromo anak kulo Dion Indarto ingkang bade pikantuk putro putrinipun bapak Agus Suryono dalah ibu ingkang nami nimas Ayu Fitri ..... Mugio panjenengan sekalian saget hanampi kanti suko renaning penggalih.lan sageto angraketaken tali bebesanan antawis keluargo agung mukti sari kalian keluargo agung kebun sari, lan mugio saget lumeber dateng tali katresnanipun calon penganten kekalih ingkang bade mujudtaken keluarga ingkang sakinah, mawadah warahmah allahuma amiin. Kawulo sak keluarga sampun pasrah purbo waseso dumateng bapak agus suryono dalah ibu ngengingi wisudo akad nikah ijab qobul lan daub polo kromonipun anak kulo Dion Indarto lan nimas ayu Fitri ...... Cekaping atur Kawulo sak keluarga menawi wonten kekirangan ing babagan menopo kemawon, langkung langkung anggen kawulo matur dumateng panjenengan sedoyo, wonten lepatipun boso lan subo sito ingkang mboten ngrenani penggalih, nyuwun agunging samudro pangaksami ingkang katah lan sak ageng agengipun. Mekaten atur kawulo wassalamualaikum wr wb.