Assalamualaikum Wr.Wb.

Bismillah jadi sekar pangiring catur, ngajadi tuturus laku, muru sampurnaning
rahayu, banjaran jatining bagja. Alhamdulillah panyinglar Riya jeung Sumah, anu
pasolengkrah nyaruntah dina galeuh leuleumbutan, panundung ujub jeung
takabur, anu ngagojod dina qolbu, pangusir anu ngadaki dina ati, nu tinggal iwal ti
setra bersihna ati, geusan nampa jorelatna hidayah al-quran jeung sunnah Rosululloh
SAW.
Ku ucapan kalimat syahadataen, anu netepkeun pagusten, bari pasang subaya ka gusti
nu maha suci, Insya Alloh moal arek lunca linci, mulang udar tina tali gadang, najan
tepi ka iraha oge, keukeuh kukuh, anteng manteng moal rek monteng, najan loba nu
muntangan.
Sholawat salam teh hiji doa, nu nandakeun kadeudeuh sareng kameumeut anu
maneuh, ka gusti junjunan alam, kakasih Alloh, habibana wanabiyana Muhammad
SAW, ka kulawargina, miwah ka para shohabatna, sareng ka jalma anu turut tumut
kamantena, pamugi kalebet urang sadayana. Amiin.
Para hadirin wal hadiroh rohimakumulloh! Utamina pangersa Al-mukarom al-
mukaromah, biyang sareng ramana bakal panganten istri, kalih sadaya
kawargiannana.
Saur paripaos sepuh tea mah, sim abdi dina ieu saat, lambe sambung lemek, ilat
sambung talatah, sampean sambung lengkah, kenging ka percanteunan ti keluarga
Bapa Amidin (alm) kanggo ngadugikeun pamaksadannana.
Dupi anu kahiji ngadugikeun hatursewu panuhun, laksaketining kabingahan manah,
ka kasih ati miwah ka kulawargi bakal panganten istri.
Anu kaduana, seja nyuhunkeun sihapunteun kasadayana, tina sugrining kalepatan,
bilih rombongan anu sumping, kirang tata titi duga sareng peryogana, kasadayana
neda tawakuf sareng hapuntena bae.
Anu katiluna, nyanggakeun silaturrohmi ka sadayana pamugi kersa nampina, kalayan
pamugi Alloh SWT ngersakeun maparin paedah silaturrahmina. Amiin ya robbal
alamiin.
Dupi anu kaopatna, sumeja unjuk kapihatur sarehna di rorompok teh, gaduh putra anu
keur mangsana remaja, gumeleber kumalayang, mapai-mapai raratan qodar pangeran,
sumiriwik nitih taqdir ti ajali, kumawantun lolongok ka lebet kebon patamanan
kagungan bapa didieu, rupina bae pasarandog amprok, sareng sekar anu nuju
mangkak nantang seuseup, atuh waktos wangsul ka rorompok teh, katingal pun anak
guling gasahan, lir kadudut lelembutan, kapentang mamaras rasa. Hoyong metik
naming heunteu wanton, sanaos aya paripaos, batu turun keusik naek kalapa
tonggoheunnana, Jang Andriana daek, Nenk Yuli daek, sami sami pada
bogoheunnana, saumpami heunteu kawidian kunu kagungan taman, da gening taman
teh di pageur ku ajaran agama sareng susila.
Ku kituna unjuk kapihatur campaka teh hoyong dipetik, pangersa bapa kalih ibu
pamugi widi, seja di anggo aleman sungkeman, pupunden rasa, buah ati, tempat
kasucian ati, tempat sasampayan kaheman rasa, di damel batur hirup Saumur-umur,
diajak sasarengan ngojayan sagara rumah tangga, neuleuman caladi laki rabi, pamugi
pinareng tinemu bagja tansah kinayungan, salamina aya dina kaasih gusti anu maha
suci, Amiin, rupina kitu gerentes pun anak teh.
Atuh waktos ayeuna, kagok asong kapalang rongkong, tatandang nu bakal mindang,
balebat mangsana miyang, cunduk waktu nu rahayu, nitih wanci nu mustar, ninggang
mangsa nu utama, malati ligarna ati, kembang tanjung nu gumulung, pameungkeut
cangreud kadeudeuh, pakait patali asih, antawis Jang Andriana Ka Neng Yuli pinasti
rintih ngahiji, subaya nu bakal nyata, geugeut layeut laki rabi, sumangga urang
sakseni.
Salajengna sim abdi, kalawan asamana Ibu Endang nyaeta sepuh calon bakal
panganten pameugeut, neda panyaksen ti sadayana kalayan ucapan
Bismillahirrohmanirrohiim!
Mangga nyanggakeun pun anak anu wastana, Ujang Andriana Ka pangersa bapa
kalih ibu Diding kanggo di dahupkeun ka tuang putri anu wastana Neng Yuli
Luyu sareng babadantenan urang kapungkur namung saleresnamah nyanggakeun teh
mung nyanggakeun wungkul awak sakujur, tiluhur sahibas rambut, tihandap sahibas
dampal, tigigir sapanggiling gisik kulit, rambutna salambar, getihna satetes, tulangna
sahuntu, nafasna sadada, kabodoan sareng ireng kataligeuhannana, sanggem paripaos
tea mah:
Ditekuk maung, Katinggang pangpung, Ilang alang marga hina, Sumangga seja
nyanggakeun.
Namung pun anak teh heunteu barang bantun anu nyugeumakeun, keupat kapitkeupat
nampah teh saleresna, teu janjang jinjing, teu kapal keupeul, atuh eta mah manawi
aya anu dijinjing anu di tangeuy, etang-etang tilam kadeudeuh bae ti pun anak ka
tuang putrid didieu, pamugi katampi.
Pamungkas ti sim abdi, seja Itidar sanduk-sanduk papalaku, bilih bae aya sanggeum
nu maduuk kana kalbu, ngagaris kana ing panggalih, langkung sahur bahe carek, aya
basa kirang merenah, aya kecap kalepasan, pamugi bae sadayana, utamina pangersa
sepuhna bakal panganten istri miwah sadaya kulawargi, mugi ageing cukup lumur
pangapunten, neda jembar pangampura, kersa ngamparkeun lautan pangaksami,
akhirna mangga sapurati ngahatutkeun.
Billahittaufiq wal hidayah,
Wassalamualaikum Wr.Wb.
Assalamualaikum Wr.Wb.

Yth. Bapak dan Ibu Diding

Yth. Para Tokoh Masyarakat, Alim Ulama dan Pini Sepuh
Hadirin dan hadirat yang berbahagia .!

Terlebih dahulu marilah kita panjatkan puji dan syukur kehadirat Alloh SWT.
Tuhan Yang Maha Kuasa yang telah melimpahkan segala rahmat dan hidayah-Nya
kepada kita semua. Dan hanya karena rahmat hidayah-Nyalah pada hari ini kita dapat
berkumpul bersatu padu, bercengkrama bertatap muka dalam suatu acara yang Insya
Alloh akan kita saksikan bersama yakni Acara Walimatunnikah antara Saudara
Andriana dengan Yuli
Sholawat serta salam semoga selamanya terlimpuhcurahkan kepada Nabi terakhir
yang terpilih, Rosul penutup yang termasyhur yakni Habibana Wanabiyyana
Wamaulana Muhammad SAW. beserta para shohabatnya, kerabatnya, serta kepada
seluruh umat yang selamanya taat kepada ajarannya sampai akhir zaman

Bapak, Ibu, serta hadirin yang berbahagia

Pada kesempatan ini saya atas nama keluarga Ibu Endang yang merupakan orang tua
dari saudara Andriana terlebih dahulu menyampaikan permohonan maaf yang
sebesar-besarnya kepada Bapak, Ibu, serta hadirin dan keluarga besar dari Bapak
Diding apabila kedatangan kami beserta rombongan dari Tundagan, dapat
menggangu dan kurang berkenan di hati Bapak, Ibu serta hadirin selaku pribumi di
sini. Apabila ada prilaku kami yang kurang sesuai dengan adat istiadat di sini mohon
dimaafkan.

Bapak, Ibu, serta hadirin yang saya hormati

Selanjutnya saya selaku juru bicara dari rombongan Calon Mempelai Pria akan
menyampaikan maksud dan tujuan kedatangan kami ke sini sebagai berikut :
1. Ijinkanlah pada kesempatan ini saya menyampaikan salam silaturahim dari
keluarga Ibu Endang selaku orang tua dari Andriana kepada keluarga besar Bapak
Diding selaku orang tua dari Yuli dan semoga pertemuan ini menjadi sebuah
wasilah untuk menjalin silaturahmi yang lebih erat antara kedua belah pihak
keluarga dan handaitolan semuanya.
2. Kami ini semuanya dipinta untuk mengantarkan seseorang yang tidak mau
berangkat sendirian yaitu saudara Andriana, Dia ini yang asalnya merupakan
seorang pemudayang tangguh, pemberani dan penuh percaya diri, tapi kini dia
mendadak menjadi orang yang penakut dan pemalu dan rendah diri.
Hal ini tentu saja menjadi sangat membingungkan Bapak dan Ibunya. Tapi ketika
ditanya hal yang menjadi penyebabnya, oh ternyata Ananda Andriana sedang
dilanda penyakit asmara, karena ia telah tergoda oleh seorang gadis cantik jelita asal
Desa Hantara yang bernama Yuli dan konon kabarnya tempat timggalnya di sini.
Oleh karena itu, pada kesempatan ini, mungpung disaksikan oleh para Pini Sepuh dan
handaitolan semua, saya atas nama Ibu Diding akan menyerahkan sepenuhnya
ananda saudara Andriana Sebagai Calon Mempelai Pria untuk segera dinikahkan
dengan saudari Yuli yang merupakan putri Bapak Diding selaku Calon Mempelai
Wanita. Di samping itu saya atas nama Ibu Diding selaku orang tua dari saudara
Andriana menyampaikan permohonan maaf yang sebesar-besarnya kepada keluarga
besar Bapak Diding karena kedatangan kami beserta rombongan ini tidak disertai
bingkisan atau hadiah seperti yang diharapkan. Tapi kalu pun ada hanya semata-mata
tanda kasih sayang dari orang tua terhadap anaknya yang akan membina rumah
tangga. Walaupun itu pasti masih jauh dari cukup. Sekali lagi saya atas nama Ibu
Diding menyerahkan sepenuhnya ananda saudara Andriana dari ujung rambut
sampai ke ujung kaki, dari segala kekurangan dan kelebihannya kepada Bapak
selaku orang tua dari Yuli untuk segera dinikahkan.

Bapak, Ibu serta hadirin yang berbahagia..

Demikianlah kiranya ungkapan penyerahan dari saya atas nama Ibu Diding, dan
akhirnya saya selaku pribadi dan rombongan menyampaikan ucapan terimakasih atas
segala kebaikan dalam penerimaan kami beserta rombongan, dan mohon maaf
apabila ada kekurangan dan kesalahan dari kami.

Terima kasih, Billahittaufiq wal hidayah,

Wassalamualaikum Wr.Wb.
Bismillaahirrahmaanirrahiim,
Assalamu'alaikum Wr.Wb.
Alhamdulillahi rabbil 'alamiin, washalatu wasalamu ala asrofil anbiyai walmursalin wa'ala
alihi washohbihi ajmain. Robbisrohli sodri, wayasirli amri wahlul ukdatamillisaani yafqohu
qouli.
Para wargi anu sami dimulyakeun ku Alloh, sumangga urang sami-sami nagdo'a ka nu
kagungan ieu alam katut sapangeusina, urang neda jiad ijabahna mugia ieu pamaksadan
ginanjar karahayuan.
Dulur-dulur anu sami kumpul, sanak baraya nu pada aya, sepuh anom jaler istri, kalayan
asmana sepuh miwah kulawargina cep Andriana. Tipayun mugi sih panghaksami, reh sim
kuring saabringan, cunduk rusuh datang geura, tanding walik muru pasir, tanding julang
muru rangrang, tanding jogjog moro mondok, moro panonobanana.
Dupi anu dimaksad, ieu nganteur nu teu ludeung, nu hoream datang nyorangan, pun anak
wasta Andriana. Inyana, mun peuting teu genah cicing, mun beurang teu puguh lampah,
suda dahar suda polah, henteu puguh rarasaan. Singhoreng sabada dititenan, cenah katiir
jamparing asih, karuncang panah asmara, bareuh asa nyanyautan. Langkung ti kitu cenah,
parantos titp asih nunda subaya, nyumponan jangji pasini, sadusikum ka bale nyungcung.
Kantos nyobi-nyobi diheureuyan, nguji pamadegannana.disisilihan wanoja lian. Singhoreng
gilig pikir buleud tekad, teu kalis ku nu gareulis, teu sadrah ku dibeberah, majarkeun teh,
mun abdi pareng jadi jeung anjeuna, bangun moal pegat son, ari margi, duriat mandean
gunung, cinta mandean sagara, kembang cinta terus mangkak, leleb moal manggih ganti,
geus saati geus sapikir. Kumargi sakitu atuh mangga ieu nyanggakeun pun anak, mugi
kebesan keresa nampi. Geus puguh galurna catur, negmbat papayan sajarah puguh
gigirangannana. Mun kitu titis tulis ti ajali, jodo rusiah pangeranteu aya nu mustahil. Mung
hatur uninga, pun anak teh badag soteh warugana, elmuna mah hejo tur bangbangan keneh,
masih didikeun atikeun kalayan kasobaran. Percanten ka ki besan nu landung kandungan
laer aisan, leuleus jeujeur liat tali.
Kalih ti eta deuih, cundukna ieu si utun datangna ieu si ujang, estu lugag-legog bari lengoh
datang bari keupatnampah, teu aya jingjing bawana. Sakadar ugal egol nyoren pestol,
mamanggul talutug nahun, aseuk maneuh pancir waris, nini aki. Bahanna ti paku jajar, waja
perak beusi akas, disipuh ku kayu garui dipancaran ku samida, matih beunang nganaatan.
Hatur lumayan, keur ngaseukeun bibinihan, binih asih tangkal duriat, di huma leuweung
larangan nu aheng kabina-bina tacxan kagadabah jalama. Kibesan! Dalah dikumaha atuh,
sakieu geuning buktina, dibeber-beber kalah soeh, dikenyang-kenyang karah bedah, lieuk
euweuh ragap taya mung tekad ngakar maneuh jero manah meleuleuheungkeun tuang
putera, rek dipetik dipimilik, dipajang dina jambangan, didamel jimat paripih. Mung tamba
pamali teuing, nyanggakeun saaya-aya, batok kohok, piring semplek, beas sasiki, gula
sapasi, paris ipis tamba tiris, sendal capit keur ka cai. Sanes teu nyaah sanes teu hormat ka si
Ujang ka si nyai, sakieu geuning buktosna, tumamprak sadaya-daya.Mungguh sepuh
sakadar sumambung dua, dahupna ieu barudak aya dina akajanglaran, sial dangkalna, sue
naasna, geus ditalangan ku apana ku emana, barudak mah mugia laki rabina dipareng
panjang punjung panjang yuswana ginuluran karahayuan, negrak di hanjuang siang.
Sakali deui nyanggakeun ieu pun anak, mugi ditampi sapamakasadannana, paripaos getihna
satetes, ambekananana nu sakesotan, indit peuting miang beurang, labuh di curug, rag-rag di
jungkrang, dengdek mahekun condong namp[lokekeun nyanggakeun ka ki besan nu
wijaksana.
Pungkas asur, beurat hate hese kacap, teuleum teu werat ka dasar, ka leuwi tangeh rek nepi,
nyanggakaun sadaya-daya, cag dugi kadinya.
Wassalamualaikum Wr.Wb.