H K B P MARANATHA BETUNG

RESSORT MARANATHA BETUNG

DISTRIK XVIII SUMBAGSEL
Jl. Palembang-Jambi Km. 75,5 Kec. Betung
MINGGU UJUNG TAON PARHURIAON, 26 Nopember 2023
Pdt. Rukun Hutagalung, M.Th (Pendeta Ressort / Uluan) 081263866654
C.Pdt.Geovani Siregar, S.Th (Calon Pendeta) 082273324543
REK HURIA.BRI. 5784-01-024651-539
TOPIK : MANOMUNOMU BANUA GINJANG DOHOT TANO NA
IMBARU
EV : PANGUNGKAPON 21: 1-4 E P: JESAYA 65: 17-
23
A. ANGKA NA MANGHOBASI PARMINGGUON MANOGOT DOHOT ARIAN

Petugas Minggu Siang Di Rumah

Jamita Pdt.Rukun Hutagalung, M.Th Orangtua
Agenda C.Pdt.Geovani Siregar, S.Th Orangtua
Tingting St.D.Hutabarat Anak
Harentaon St.E.br.Lumbangaol Anak
Slider & Musik Gael &Aldo Malau Anak
Tim Songleader Ina
B. TINGTING / WARTA JEMAAT MINGGU 26 NOPEMBER 2023
SELAMAT HARI MINGGU BAGI KITA SEMUA
1. Nama Minggu Kita Hari ini yaitu Minggu Ujung Taon Parhuriaon: Parningotan
Di Angka Naung Monding. Topik Minggu Manomunomu Banua Ginjang
Dohot Tano Na Imbaru/Menyongsong Langit Dan Bumi Yang Baru
2. Ucapan Salam: Hurianta pasahathon “Selamat Ulang Taon” ma tu sude hamu
ruas ni hurianta na mar-Ulang Taon Hasosorang dohot Parbagason di na
saminggu on. Jala horas ma di hamuna angka dongan na ombas on dope
marminggu jala selamat marminggu ma di ruas ni huria na patupahon
parmingguan di bagastabe hinorhon angka siulaon dohot na hurang hipas.
3. Parhepengan: Marpardomuan tu angka parhepengon tajaha ma di harotas acara
on
4. Goar-goar Na marulang taon Kelahiran dohot Pardongan saripeon,
mamungka 26 Nopember s/d 02 Desember 2023.
No Goar/Marga L/P TUBU UMUR WEYK
1
2 Rafika Lumbantobing P 27-11-2014 9 Anugerah
3 Novita Lumbantobing P 28-11-2004 19 Anugerah
4 Inang Anita N. Br. Sidabalok P 29/11/1982 41 Agave
5 Amang Poltak Pernando Kasanop L 30/11/1982 41 Anugerah
Damanik
 6 Novaldo Imanuel Simanjuntak L 30/11/2014 9 Agave
7 Inang Mardita Malau P 01/12/1991 32 Anugerah
8 Yoga Pranata Tambunan L 01/12/1997 26 Anugerah
9 Amang M. Sitompul L 02/12/1962 61 Agave
Nas 1 Korintus 15:58“Onpe, hamu angka donganku na hinaholongan, marsihohot jala
so mubauba ma hamu, jala lam sumurung ma tongtong di bagasan ulaon ni Tuhan i, ai
diboto hamu do: Ndang magopo halojaonmuna di bagasan Tuhan i..”
5. Jumlah Jemaat Pada Kebaktian Minggu ke XXIV Setelah Trinitatis 175 orang
6. Partangiangan Pangapulion: Di minggu sadarion pukul 16.00 Wib dipatupa hurianta
do acara pangapulion tu bagas ni Kel.Op.Jesika Tambunan/br.Situmorang Wiyk Agave.
Siala di ari nasalpu nunga jumolo marujung natoras boru Op. Jesika boru. Alani i ria ma
ruas ni hurianta dohot parhalado mandohoti ulaon i.
7. Koor Ina: Dipangidohon tu saluhut Ina asa ro hita latihan Koor Ina ima di ari Kamis 30
November 2023 masuk pukul 16.00 Wib.
8. Koor Ama: Dipangidohon tu saluhut Ama asa ro hita latihan Koor Ama ima di ari Jumat
01 Desember 2023 masuk pukul 19.30 Wib.
9. Papunguhon Celengan Diakonia: Celengan Diakonia ta papungu tu ari minggu naeng
ro tanggal 03 Desember 2023.
10.Gaba-gaba Natal: hombar tu rencana ni anak ni hurianta Parkarejo dohot pangaranto
ima na laho manuhor Pohon Natal jala di taon na salpu nunga tarpapungu 1.000.000,
alani ma sai lam dipasupasu TUHAN nasida dia angka ulaon nasida dohot rumah tangga
nasida. Jala sai anggiat tu Advent 1 on nunga adong Pohon Natal sian partisipasi nasida.
11.Advent Natal Parhalado & Keluarga Sa Ressort Maranatha Betung: Tu ari minggu
naeng ro 03 Desember 2023 dipatupa hurianta Ressort HKBP Maranatha Betung ima
Advent Natal Parhalado & Keluarga maringanan di hurianta, sialanii ria ma hita
parhalado dohot keluarga suang songoni ReNa, Ina Kamis DOhot Koor Ama ni hurianta
mandohoti ulaon i, masuk pukul 17.00 WIB.
12.Advent Natal Pangula Na Gok Tingki Distrik XV Sumbagsel: Ari Senen tanggal 04
Desember 2023 dipatupa HKBP Distrik XV Sumbagsel Advent Natal Pangula Na Gok
Tingki dohot keluarga di HKBP Sukamaju Masuk Pukul. 10.00 WIB.
13.Dekorasi Natal: dipangido tu ReNa HKBP Maranatha Betung asa mandekorasi gereja
asa boi tu Advent I nunga sidung Dekorasi garejanta.
14.Topik Doa : Angka ulaonta siganupari, hahipason, ganjang ni umur, angka ruas na
dibagasan hamaolon parngoluon, keluarga dohot parsahiton. amang Op.Mirachel
Harahap, Amang MF. Tamba, inang Op. Jouana Br. Ritonga, Op. Lukasihana Br.
Ambarita,Op. Oswald Sibuea,boru ni Amang J. Silitonga/Br. Siahaan, Op. william
Girsang, Rike Lumban Gaol.Kel. Op. Jesika Tambunan asa tumibu tarapul nasida. anak-
anak kita yang sekolah yang sedang menghadapi pendidikan, yang bekerja dan yang
mencari sekolah, mencari cita-cita, kerja dan jodoh mereka.

C. PELEAN MINGGU DOHOT PARTANGIANGAN

N URAIAN-GOAR NI Huria Sentralisasi Jumlah
o PELEAN/PERSEMBAHAN
A Persembahan kebaktian Minggu di
dalam keluarga
1 Kebaktian Minggu Siang (10.30 Wib) 19 1.025.100 1.252.900 2.278.000
 Nopember 2023
2 Pelean Amplop 450.000 450.000
3 Pelean Kebaktian Sikkola Minggu, 18 58.050 70.950 129.000
Nopember 2023
5 Pelean Koor Ina Kamis 40.050 48.950 89.000
6 Pelean Koor Ama 52.650 64.350 117.000
7 Pelean PA RNHKBP, 18 Nopember 2023 20.700 25.300 46.000
Jumlah 1.646.550 1.462.450 3.109.000

D. PELEAN BULANAN/Perpuluhan
No Goar/Marga WEYK Bulan Huria Sentralisasi
1 Kel.M.Sibarani/br.Marbun Agave Nopember 45.000 55.000
Jumlah 100.000

E.PELEAN PARTANGIANGAN PARPUDI/PANUTUP

No Inganan /Tempat Jumlah Huria Sentralisasi
1 Gereja 379.000 170.550 208.450

F. HAMAULIATEON / MANGIDO TANGIANG

No Goar/Marga WEYK Jumlah Huria Sentralisasi
1. Kel.St.B.Simbolon/br.Simamora. Agave 200.000 90.000 110.000
Ala pangaramotion TUHAN di ari
nasalpu naung Pensiun/Purnabakti
ma nasida sian parkarejoanna, sai
ditambai TUHANTA pasupasu
dohot hahipason tu nasida suang
songoni nang martamba umur
ianakhon nasida Marthin Simbolon
di ari Minggu sadarion 26
Nopember 2023 gonop 21 Taon.
Sai TUHANTA ma mangalehon
hahipason, bisuk dohot angka
pasupasu tu perkuluiahan/ ulaonna .
Tu pdt: 100.000, C.Pdt: 100.000,
Sintua: 200.000, Koor Ama:
100.000, Koor Ina: 100.000 Rena:
100.000, S.Minggu: 100.000 =
1.000.000
2. Kel.Op.Jesika Agave 200.000 90.000 110.000
Tambunan/br.Situmorang. Ala
pangaramotion TUHAN denggan
do mardalan ulaon partuat ni
natuatua nasida nadiari nasalpu.
Hipas nasida borhat nang mulak.
Sai anggiat di Pasupasu
TUHANTA gomparan dohot
keluarga nasida di angka
ulaon/parkarejoan.
3 Kel.Nasib Pardomuan Agave 250.000 112.500 137.500
Purba/br.Simanjuntak. Ala
pangaramotion TUHAN denggan
 do mardalan ulaon pasupasu
parbogason dht ulaon adat nasida
diari nasalpu. Sai anggiat lam di
tambai TUHANTA pasupasu,
hahipason tu keluarga nasida tu
joloanon.
4 Oktatianto Tamba. Ala Anugerah 100.000 45.000 55.000
Pangaramotion TUHAN dilehon
hahipason tu nasida lumobi
pasupasu na sian TUHAN I lam
ditambai TUHAN pasupasu di
parkarejoan na imbaru di
RS.Charitas.
5 Wilson Karolin Tamba. Ala Anugerah 100.000 45.000 55.000
Pangaramotion TUHAN dilehon
hahipason. Sai anggiat ditambai
TUHANTA pasupasu di angka
ulaon nasida.
6 Rike Lumban Gaol. Ala Agave 500.000 225.000 275.000
Pangaramotion ni TUHAN di ibana
dohot nunga malum sian
parsahitonna. Sai di Pasupasu
TUHANTA ma ibana marhite
angka hahipason, parkarejoanna tu
joloanon.
Tu Pdt: 200.000, Tu, C.Pdt:
100.000, Sintua: 200.000 =
1.000.000
1.350.000 607.500 742.500
Jumlah Keseluruhan 2.469.100 2.468.400

G. LAPORAN PARHEPENGON MINGGU 26 NOPEMBER 2023

NO NO URAIAN
MASUK KasHuria Sentralisasi KELUAR JUMLAH
1 Saldo 19 Nopember 4.130.825 Foto Copy Acara 327.000
2023 Minggu
+Amplop,kertas,tinta
print
2 Pelean Minggu, 1.646.550 1.462.450 Angsuran Sepeda 448.000
Ama,Rena,SKM,Ina, Motor bulan
Amplop, Lapangan Nopember
3 Pelean 45.000 55.000 Transport Guru SKM 600.000
Bulanan/Pepuluhan Sep-Nov
26 Nopember 2023
4 Pelean, Hamuliateon 607.500 742.500 Transport Capen 300.000
26 Nopember 2023
5. Pelean Partangiangan 170.550 208.450 Honor Bendahara 800.000
Parpudi
Diakonia Huria 100.000
Listrik 1.165.200
 Jumlah 6.600.425 2.468.400 3.740.200
Keuangan Huria 6.600.425-3.740.200 = 2.860.225
Cat. Uang Sentralisasi langsung dikirimkan ke BPSK HKBP.
ACARA KEBAKTIAN MINGGU UJUNG TAON PARHURIOAN
(Minggu Parningotan di Angka Na Monding)
HKBP RESSORT MARANATHA BETUNG
MINGGU, 26 Nopember 2023
01. PAMUHAI :
U : Huria na hinaholongan ni Tuhan Jesus Kristus,namarpungu do hita di tingki
on ima di Minggu Ujung Taon Parhurion jala di tingkion pe ditogihon do
hita asa hita marningot ari ni ngolunta di hasiangan on asa tongtong hita lam
jonok tu Debata jala tongtong satia hita dibagasan TUHAN sahat di jou hita
mulak tu Ibana.
R :Mauliate dipasahat hami tu Ho TUHAN siala dipaloasHo hami
marningot tu angka dongan namI, keluarganami naung jumolo sian
hami asa hamipe tongtong paradehon diri sadiari Ho ro mangalap
hami nunga jumpangMu hami dibagasan hasatiaon na tu Ho.
U :Topik ni Minggu tu hita di tingki on ima: Manomunomu Banua Ginjang
Dohot Tano Na Imbaru/ Menyonsong Langit dan Bumi Yang Baru
Sialani do dipangido tu hita asa hita tongtong mian dibagasan Debata jala
dibagasan Ibana do hita dipamonang marhite TUHANta Jesus Kristus. Ta
pahohom ma rohanta satongkin, martangiang na hohom ma hita……Amen.
Tapuji ma TUHAN jala ta pangiar ma soaranta marende ma hita:

02. Marende BE HKBP No. 834:1-3. “Na masihol do rohangku”

♫♪♫
Na masihol do rohangku tu na sonang i, tu inganan ni Tuhanta i. Tano on
ro di sudena pangisina isusa, sai susa rohangki. Marolopolop rohangki di
surgo di na sonang i. Soada na hurang sabam sonang rohangki, molo
dung sahat au tusi.
♫♪♫
Ai andigan idaonku haholonganhi raphon Jesus alealengki. Haholongan
na badia sian Jesus i, sonang sai sonang rohangki.Marolopolop ………
(Jongjong) --- Musik----
♫♪♫
Di na hundul au manatap dompak langit i, di na ro sibalik hunik
i.Digombarhon i do ujung ni ngolunta i, ndang be mabiar au
disi.Marolopolop………

03. VOTUM – INTROITUS – TANGIANG :

U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Parbadia na tumompa langit dohot tano on.
Amen. Songon on do Hata ni Tuhan Jesus: Na monang i do siparulosan dohot
angka ulos na saksak, jala ndang sesaonKu goarna sian pustaha hangoluan,
 jala parhatopotonKu do goarna di jolo ni Damang dohot di jolo ni angka
surusuruanNa. Haleluya!
H : (Mangendehon): Haleluya, Haleluya, Haleluya!
U : Martangiang ma hita! Ale Tuhan Jesus, Tuhan ni angka na mate dohot
angka na mangolu! Ho do nampuna hami, manang mangolu manang mate pe
hami. Nang pe mardalan hami di rura nilinggoman ni hamatean, ndang
huhabiari hami be hamatean, ai Ho do dongannami. Ndang tartiop hamatean
manang tanoman be hami, ai Ho do Tuhannami naung humophop hami, jala
Ho nampuna hami. Ro hami nuaeng tu Ho mangido: Sahat tu Ho ma
tondinami dohot dagingnami, asa di Ho hami manang na mangolu manang na
mate pe. Sai tiop ma tangannami, urupi hami marhitehite panghophopMi, asa
sahat hami tu hangoluan na so ra suda. Amen.(Hundul)

04. Marende BE HKBP No. 353: 1 – 2 “DI SURGO HASONANGAN I

♫♪♫
Di surgo hasonangan i inganan na dumenggan i.Tusi naeng laho muli au asa
rap dohot Jesus au.
♫♪♫
Tutu godang dope adong marnihot au di tano on.Sai tostosanku nama i lao
mandapothon surgo i

05. PATIK:
U : Tangihon hamu ma Patik ni Debata di minggu sadari on, i ma na tarsurat di
Konfesi Bindu 15, Parningotan di na monding. “Tahaporseai jala
tahatindanghon do: Hamatean i, i ma ujung ni ngolu ni jolma di portibi
on, maradian ma ibana sian sandok ulaonna. Adong haluaon di angka
na porsea paboa Jesus Kristus naung hehe i do pangoluhon jolma i sian
na mate, Ibana do Tuhan ni na mangolu dohot na mate. Martua do na
mate di bagasan Tuhan i na satia ro di ujung na. Dipatupa huria i do
parningotan di angka na monding laho padungohon haporseaonta
marningot ajalta sandiri huhut padohothon panghirimon di
hamonangan ni Kristus manaluhon hamatean songon i nang
panghirimon di banua ginjang sambulon ni tondinta dohot di
hadodomu ni na porsea i dohot Tuhan Debata sahat tu na ro Jesus
Kristus paduahalion”.
I do sahatna. Antong, rap mangido gogo ma hita sian Tuhan Debata!
U & H :Ale Tuhan Debata! Sai pargogoi ma hami mangulahon na hombar tu
PatikMi. Amen.
06. Marende BE HKBP No. 432:1-2.“Sian hurungan ni dosangki”
♫♪♫
Sian hurungan ni dosangki ro au tu Ho, ro au tu Ho. Tu haluaon di mudarMi,
Jesus au ro tu Ho. Nasa rohangku malum, hipas, gabe mamora, nang pe pogos.
Sian jeangku ro au tu Ho, Jesus au ro tu Ho. (Jongjong)
♫♪♫
Sian ilangku, nang ramunhi ro au tu Ho, ro au tu Ho.Gabe na ias nang
rohangki, Jesus, au ro tu Ho.Sian holsongku tu sonangMi, sian runduthu tu
dameMi.Sian arsakhu tu holongMi, Jesus, au ro tu Ho.
07. MANOPOTI DOSA:
U: Tatopoti ma dosanta, martangiang ma hita! Ale Tuhan Debata, Ama ni
Tuhan Jesus Kristus, Ho do Debata Pargogo na so hatudosan, sitompa nasa na
adong, paruhum na tigor, na manguhumi jolma manisia!
H: Na ro do hami tu joloM manopoti dosanami, angka na huula hami
marhite sian pangalaosionnami di PatikMu, i ma marhitehite sian
tubutubu ni rohanami na roa i, nang sian panghataionnami na so ture, ro
di pangoloionnami di hisaphisap ni rohanami.
U : Na tama situtu do hona uhum hami ala ni dosanami i, alai na tarsolsolbagi do
hami nuaeng alani i. Asi ma rohaM di hami, ale Debatanami. Pardengganbasa
jala Parasi roha do Ho ala ni Anak haholongan ni rohaM, Tuhan Jesus Kristus
Tuhannami. Sai sesa ma dosanami saluhutna, jala suru ma Tondi Parbadia tu
rohanami be, asa tarbahen hami mangoloi Ho di bagasan hatigoran dohot
habadiaon, gabe sahat hami tu hangoluan na so ra suda, na pinarbagabagaM di
angka na porsea di AnakMu, Tuhan Jesus Kristus, Tuhannami. Amen.
H: Marende angonangon BE. No. 688:1. Tuhan
1. Tuhan jotjot do marsak donganki ala na sala pambahenanki,Hatangku,
langka nang parulanki, jora ma au.
U : Tabege ma bagabagani Debata taringot tu hasesaan ni dosanta!Adong do
di hita sintua ni malim na songon i, na hundul di siamun ni habangsa
hatongamon di banua ginjang. Dibahen i tarbahen Ibana do pangoluhon ro di
ujungna angka na sandok ro tu Debata marhitehite Ibana; na mangolu do Ibana
tongtong, asa ditangianghon nasida. Hasangapon ma di Debata na di ginjang!
H : Amen. (Hundul)

08. Koor/Vocal Group ReNa HKBP Maranatha

09. Marende BE HKBP No. 467: 1 - 2 “ASI NI ROHAM HUPUJI”
♫♪♫
Asi ni rohaM hupuji ala Ho manobus au.Dipaias Ho rohangku gabe
soranganMu au.IngananMu rohanami TondiMi manggohi i.Pangke dohot
ngolunami gabe ulaulaMi

10. E P I S T E L : JESAYA 65: 17-23

U: Tatangihon ma hata ni Debata turpuk Epistel di Minggu Ujung Taon
Parhuriaon, imana tarsurat di Jesaya 65 : 17 – 23. Marganti soring ma hita
manjahasa, Songon on ma hata ni Jahowa. “Ai ida ma, Ahu ma manompa langit
na imbaru dohot tano na imbaru, jala ndang be ingoton angka na parjolo i
manang tarsunggul tu roha.
H : Ingkon marlas ni roha ma hamu jala marolopolop ro di salelenglelengna ala
Ahu manompa angka i! Ai ida ma, Ahu manompa Jerusalem bahen
parolopolopon, jala bangso isina i bahen las ni roha.
U : Ahu sandiri pe marolopolop do mida Jerusalem, jala marlas ni roha Ahu mida
bangsongKu, jala ndang be tarbege disi soara partangison manang soara
angguhangguk
H : Ndang adong be disi posoposo siotik ari, manang na ubanon na so gok
ariarina; ai dolidoli dope na marumur saratus taon laho mate, jala pardosa
sisaratus taon hona bura.
U : Jala paulionnasida ma angka bagas, laos inganannasida, suanonnasida ma hau
anggur jala panganonnasida parbuena.
H : Ndang tagamon nasida paulihon bagas, gabe halak na asing mangingani,
ndang tagamon nasida manuan, gabe halak na asing manganhon; ai songon
ariari ni hau, songon i do ariari ni bangsongKu, jala jadijadian ni
tangannasida ingkon halak na Hupillit marsaulihonsa.
U : Ndang tagamon loja so marniula nasida, manang manubuhon anak, asa
tilahahononna tibu, ai pinompar ni na pinasupasu ni Jahowa do nasida ro di
tubunasida i.Ido sahatna.Martua do angka na tumangihon Hata ni Debata jala
na umpeopsa.
H : Amen.

11.Koor Ina Kamis

12. Marende BE HKBP No. 88:3-4. “Jesushu Naung Manobus au” BL.106.
♫♪♫
Jotjotna i husoadahon Ho, Sipangolu tondingkon.Mabiar lao
manghatindanghon Ho na manghophop au tongon.Hupuji nasa asiMi, alai
gumodang holongMi. (Jongong)
♫♪♫
Bagas uhirhon tu rohangku panghophopMi humophop au.Tusi ma togu
pingkiranku, guru di Ho sambing ma au.Hupuji nasa asiMi, alai gumodang
holongMi.

13. MANGHATINDANGHON HAPORSEAON:

U : Tahatindanghon ma haporseaonta i, songon na hinatindanghon ni donganta
sahaporseaon di sandok portibi on. Rap ma hita mandok!
H : Ahu Porsea di Debata Jahowa….. (Hundul)

14. TINGTING
15. Koor Ama Maranatha Betung

16. PARNINGOTAN DI NA MONDING

Marende BE No. 334:3+5. “Nasa jolma ingkon mate” BL. 186.
  Jesus Kristus nunga mate ala ni mangolu au.Singkop tua diparade,i pe
las rohangku lao.Manadinghon pardagangan, mandapothon
hasonangan.Mandapothon Jesushi,ai malungun au tusi.
 Dohot do disi maringan na badia i sude.Ompu dohot panurirang, nang
sude apostel pe.Ai marriburibu taonna lao tumopot ingananna.Angka na
badia i pasangaphon Tuhan i.
U: Hamuna angka dongan sahaporseaon!Nunga sahat hita tu minggu ujung taon
parhuriaon. Dipaingot i do hita paboa na laho marujung do sandok ngolu on, ai
ndang adong na hot di portibi on. Di bagasan minggu ujung taon parhuriaon on,
tama do ingotonta angka donganta naung jumolo monding di bagasan na sataon
parhuriaon i. Ndada asa marsak jala tumatangis hita umbahen taingot nasida
naung jumolo monding i, alai asa lam tapanghilalahon do paboa parsatongkinan
do ngolunta di portibi on. Na ingkon borhat do hita muse manopot angka na
badia i di inganan na pinarade ni Jesus Tuhanta i. Antong tabege ma goar-goar ni
angka donganta naung jumolo monding i!
(sahalak sian tongatonga ni partohonan Manjaha goar-goar ni na monding)
HKBP Maranatha Betung
No Nama/Goar Tanggal Lahir Monding Tutup Usia
1 Amang Marolop Tambunan 10 Agustus1966 Senen 19 56 Taon 2
( Op. Ni si Dita ) Desember Bulan
2022
2 Inang Sri Hotmaria br.Hutapea, 21 Agustus 1987 Sabtu, 07 35 Taon 5
Amd.Ak ( Inang Grace) Januari 2023 Bulan
3 Febriani br.Lumbantobing 03 Pebruari 2007 Kamis 11 Mei 16 Taon 3
2023 Bulan
U:Nunga tabege goargoar ni angka naung monding manipat na sataon parhuriaon on.
Antong tama do ingotonta angka pambahenan nasida na denggan i tagan di ngoluna
bahen sorminan na arga di hita. Laos tapangido ma gogo sian Tuhanta i asa lam
margogo hita mangulahon hataNa saleleng mangolu hita, asa unang marisuang
sambing tingki na pinasahat ni Debata tu hita molo diudut Ibana dope hosanta sahat
ro di tingiki on. Antong martangiang be ma hita di bagasan rohanta, laosjongjong ma
hita di ingananta be!
(Manghuling organ angonangon BE No. 347 dua ayat ).…….Amen…..
Mangendehon BE No. 347:1-2. “Sai masipaidaan” BL. 11
 Sai masipaidaan do na porsea i. Dung sahat be langkana tu hasonangan
i, tu hasonangan i,tu hasonangan i
 Antong burju ma hita mangalo dosa i. Sai unang tading hita di tongan
dalan i, di tongan dalan i, di tongan dalan i.
U: Antong tapuji ma Debata ala diparade di hita inganan na sonang, na andul ummuli
jala dumenggan sian nasa na adong di hasiangan on, inganan na hot ro di
saleleng ni lelengna. Alani i, taparhatopot ma di bagasan rohanta pandohan ni
 apostel Paulus na mandok: “Ai Kristus do hangoluan di ahu, jala laba nang
hamatean.” Marende ma hita laho papunguhon peleanta!(Hundul)
17. Marende BE HKBPNo.240: 1…..“O Hamuna Na Porsea” BL.222. (Papungu
Pelean Ia, Ib)
♫♪♫
O hamuna na porsea,sai tong hamu mangalo jea, utian ni pangago i. Hata ni
Debatamuna ma baen hamu sinjatamuna, ndang talu be hamu disi.Bisuk pe
musu i, ditanda rohami,jou ma Jesus sai monang do baenonna ho, alai
musunta talu do.
♫♪♫
Sai paias rohamuna, huhut sai alo hisapmuna, ai halak Krsiten do hamu. Sai
papos ma rohamuna di Tuhan Jesus Rajamuna,ai urupanNa do hamu. Naeng
suda pe gogom,sai tatap sambulom na di ginjang.Sonang disi tondinta i,dung
sahat hita ro disi.---Musik---
♫♪♫
Ale Jesus pargogoi ma nasa jolma sioloi hataM di hasiangan on. Paimbaru
rohanami,huhut papir ma tondinami,ai na gale do hami on. Tu rohanami
be,pasaor ma TondiMi na badia.Sai burju be di Ho sude, mangolu manang
mate pe.

18. JAMITA: PANGUNGKAPON 21: 1-4 Pdt. Rukun Hutagalung, M.Th

MANOMUNOMU BANUA GINJANG DOHOT TANO NA IMBARU
Dongan Sahaporseaon dibagasan TUHAN Jesus Kristus
Diminggu sadarion di minggu ujung taon Parhuriaon ditogihon do hita ganup
marningot angka na tahaholongi di tongatonga keluargata dohot sisolhotta naung
jumolo. Molo pe tataringoti nasida na manogihon hita do asa hita pe marnida ariari ni
ngolunta jala manghamuliateon angka pambahenan ni Debata na ta panghilalahon
sahat tu tingki on. Tarapul ma keluarga na marningot di angka na hinaholongan ni
rohaNa jala unang hita sai tumatangis alai lam ta padenggan ma ngolunta sahat tu
haroro ni ajal ni parngoluonta sian hasiangan on. Alani do marhite hata ni Debata tu
hita di tingki on di togihon do hita marnida pamerengan/A[okaliptik na di ida si
Johannes uju tarbuang ibana di Patmos. Tung marhite haporseaonna I do ibana
marnida pangungkapon na dipasahat Debata tu Ibana. Jala marhite i ma di lehon ma
posniroha tu hita angka na dihasianagn on, ima:
a. Banua ginjang naimbaru/surgo dohot tano naimbaru lehonon ni Debata tu
hita
b. Inganan na dipature Debata jala disi ma angka na porsea marpungu
c. Debata maringanan di tongatonganta jala Ibana marhuaso di ngolunta
d. Diapusi nasa iluilu, arsak,ndang adong hamatean,na hansit,
anggukangguk ai nunga ditaluhon Ibana sudena jala ima na laho jaloonta
sian Haporseaonta saleleng hita manghaporseai Debata. Amen.

19. Marende BE HKBP No. 522 : 1… ”SURGO I SAMBULONTA DO I

 (Pel II + Amplop)
♫♪♫
Surgo i sambulonta do i ndang adong be siaeon disi.Na mamuji tongtong na
disi pinalua ni Tuhanta i.Surgo i surgo i ndang adong be siaeon disi .Surgo i
surgo i surgo i ndang adong be siaeon disi.
♫♪♫
Na marloksa naung sahat tusi tu inganan na sai denggan i.Aut naung domu
ma au dohot i gok ma las ni rohangku disi.Surgo i surgo i ndang adong be
siaeon disi .Surgo i surgo i surgo i ndang adong be siaeon disi ------Musik
-----
♫♪♫
Na mangkirim rohangku dison paima sahat tusi nang au on.Taiti au ale
Tuhan tusi asa rap dohot Ho au disi.Surgo i surgo i ndang adong be siaeon di
si .Surgo i surgo i surgo i ndang adong be siaeon disi

20. PANGUJUNGI:(JONGJONG)
U : Nunga tabege Hata ni Debata na mangarahon parngoluonta asa hita
tongtong mian dibagasan Debata di ngolunta siganupari. Molope dipaloas
Debata hita marningot tu angka donganta naung jolmolo sian hita di minggu
sadarion sai lam paposrohanta ma i di ngolunta jala ta panghilalahon do na
dipamonang TUHAN Jesus hita marhite haporseaonta na tu Ibana molope ta
bolus sogot haduan hamatean di ngolunta.
R : Mauliate ma TUHAN di hataM na paingothon hami asa hami tongtong
manghaporseai Ho jala ndang dihabiari hami be hamatean siala naung
ditaluhon Ho hamatean marhite haheheonMu dohot naung manaek Ho
tu Surgo. Sai Ho ma pamonang hami di bagasan hasiangan on jala
paposma rohanami di hasiangan on.
U : Borhat ma hita dibagasan panghirimon dohot posniroha jala sai di
pamonang TUHAN ma hita saleleng di hasiangan on hita manaluhon angka
parsorion dohot pergumulan ni ngolunta. Sai ta paingotingot ma angka
denggan ni basa Debata jala lam porsea ma hita tu Ibana.
R :(MANGENDEHON) BE NO.183:1. NA JUMPANG AU
1. Na jumpang au na asiroha di au naung mago i hian, Tuhan Jesus parasi
roha di au na lilu na hinan. Nuaeng hutanda Tuhanki, parasi roha bolon i,
Parasi roha bolon i.
U:Tatangianghon ma peleanta:Ale Debata, Amanamina di banuaginjang……!
R:(Mangendehon) BE No. 204: 2 NDANG TADINGKONONHU HO”
 Nasa na ni lehonMi, tondi ro di pamatangku.Hosa dohot gogongki, ro di
saluhut artangku. Hupasahat i tu Ho, na so unsatonhu do.
U; Tangiang Parningotan di Angka Na monding
U : Ale Tuhan Debata, na sian nahinan jala na mangolu ro di saleleng ni lelengna!
Huingot hami sadari on angka na mate sian hami, naung pajolohon tu
lambungMu. Di Ho do anakhinsu ni banua ginjang, jala diungkap Ho do i di
angka na mangasahon Tuhan Jesus Kristus. Na rungka do rohanami sadari on
marningot ajalnami, dohot di haheheon ni daging di ari sogot. Mauliate ma
 rohanami tu Ho, ala ditubuhon Ho hami tu panghirimon na mangolu, gabe
partohap hami di hangoluan na so ra suda. Ndada na mandele hami di ari
parningotan on, alai na malungun do hami di sambulo ni tondinami. Nunga torop
dongannami naung nialapMu; tau sipaingot do ujung ni langka nasida di hami,
bahen pangkirimon mida Tuhan Jesus di ujung ni langkanami be. Sai sungguli
ma rohanami mambahen tiruan na denggan di angka pinomparnami. Sai apuli ma
na marsak roha dohot angka na matean, asa unang mangandungi jala mandele
nasida. Sai taiti ma rohanasida mamereng dompak ginjang. Sai lehon tondiM tu
hami asa tangkas dihatindanghon tu hami, naung dohot do hami anakMu jala
panean di arta na di banua ginjang. Sai padao ma ganggu ni roha sian hami asa
hot haporseaonnami maniop Tuhan Jesus sipangolu i, andorang hubolus hami
rura linggoman ni hamatean i. Molo homur matanami be, ungkap ma mata ni
rohanami asa tangkas diida dalan tu hasonangan i. Molo hallang dilanami, so
binoto be manghuling, pargogoi ma hami marhitehite TondiM i, asa tarjouhon
hami: Ale Amang! Sahat tu tanganMu ma tondingku! Sai patiur hian rohanami,
asa hobas langkanami jala sonang hami laho mate di bagasan Tuhan Jesus
Kritus, Tuhannami.Amen.
Ale Amanami na di banua ginjang! Sai pinarbadia ma GoarMu! Sai ro ma
harajaonMu! Sai saut ma lomo ni rohaM di banua tonga on songon na di banua
ginjang! Lehon ma tu hami sadari on hangoluan siapari! Sesa ma dosanami
songon panesanami di dosa ni dongan na mardosa tu hami! Unang hami togihon
tu pangunjunan! Palua ma hami sian pangago!

H : (Mangendehon): BE HKBP No. 841 : 1“Ai HoDo Nampuna Harajaon”BL

841
 Ai Ho do nampuna harajaon dohot hagogoon, ro di hasangapon saleleng ni
lelengna. Amen.
U : Tangiang Pasupasu !
H : (Mangendehon): BE HKBP No. 845 : 1 “AMEN (3x) HKBP” BL 845
Amen, Amen, Amen.

SELAMAT ARI MINGGU UJUNG TAON PARHURIAON

SAI DIRAMOTI TUHAN MA HITA SALUHUTNA