PARTORDING NI PARMINGGUON

MINGGU TAON NA IMBARU

Ev. Parjamita 3 : 1 - 15 Ep. Jakobus 4 : 13 - 17

Topik :
DENGGAN DO DIBAHEN DEBATA DI TINGKI HALEHETANNA

HURIA KRISTEN BATAK PROTESTAN

MINGGU 01 JANUARI 2024
1. Pangaradeon Parhalado di Konsistori
2. Prosesi Parhalado.
 Prosesi Parhalado rap dohot Pandita/Uluan sian konsistori
mamasuhi gareja
 Dung sahat di jolo Barisan Prosesi, jongjongma di langgatan
mandompakhon ruas.

3. Joujou tu Parsombaon:
Pdt: Hami Parhalado Pasahathon Selamat Tahun Baru ma tu hita
saluhutna.
J : Selamat Tahun Baru ma tutu nang tu hamu Parhalado nami.
Pdt: Tama do hita mandok mauliate tu Debata Pardenggan Basa I, na
paloashon hita bongot tu Tahun Baru 2024 on. Diramoti jala
dipaimbaru do hita tongtong marhite HataNa Na badia I naung
suan dibagasan rohanta, asa anggiat imbaru roha dohot
pingkiranta. Gomos ma hita martangiang tu Tuhantai asa
hipashipas hita mandalani taon on, dipadao angka mara dohot
nasa ragam ini sahit sian hita.
J: Imatutu, sai angka silasniroha ma jaloonta di taon 2024 on.
Pdt: Alani, Tapuji ma Tuhanta dibagasan HatimbulonNai, marende
ma hita Sian BE HKBP No. 70: 1-3 “NAUNG SALPU TAON
NA BURUK I”

(Ditingki manghuling musik mulak ma Parhalado tu ingananna)

4. Marende BE. HKBP No. 70 : 1 – 3 “NAUNG SALPU TAON NA

BURUK I” BL. 36
♫♪♫ Naung salpu taon na buruk i, Ho ma hupuji Tuhanhi
Ai diramoti Ho tongtong tondingku dohot dagingkon
Ai diramoti Ho tongtong tondingku dohot dagingkon

1
 ♫♪♫ O Jesus sai asi rohaM, paian denggan ni basaM
Muse di taon na’mbaru on di nasa huriaM tongtong
Muse di taon na’mbaru on di nasa huriaM tongtong

-----Musik-----

♫♪♫ (Jongjong) Sai tong paian hataMi na mangapuli roha i

Alai pangago sasude padao ma sian hami be
Alai pangago sasude padao ma sian hami be

02. VOTUM :
U : Marhitehite Goar ni Debata Ama dohot Goar ni AnakNa Tuhan Jesus
Kristus dohot Goar ni Tondi Parbadia, na tumompa langit dohot tano
on. Amen. Ahu do Alpha, Ahu do Omega, bonana dohot ujungna
ninna Tuhan i, na adong dohot naung adong hian dohot na ro. Pargogo
na sumurung. Haleluya!
H : (Mangendehon) BE. HKBP No. 852 : 1 “HALELUYA HKBP
(3X)” BL. 852
♫♪♫ Haleluya Haleluya Haleluya
U : Martangiang ma hita!
Ale Tuhan Debata. Sian asi ni rohaM do umbahen sahat hami tu taon
na imbaru on; Ho do na mangaramoti hami di bagasan taon na salpu i.
Sai asi ma rohaM, sai unang tulak hami nuaeng, sai dongani ma hami
di bagasan taon na imbaru on. Pasupasu hami ro di angka ulaon na
denggan na hula hami marhitehite GoarMu. Alai na gumodang,
pasupasuhon ma HataM na badia i tu rohanami, asa gabe imbaru
rohanami, asa tarpamasuk Ho hami tu banua ginjang di hasusuda ni
bohal nami. Amen. (Hundul)

03. Marende BE. HKBP No. 66 : 1 – 2 “DEBATA BAEN DONGANMI”

BL. 52

2
 ♫♪♫ Debata baen donganmi lao mangula ulaonmu
Baen Ibana haposanmu sai paserep rohami
Debata baen donganmi Debata baen donganmi

♫♪♫ Debata baen donganmi molo Debata donganmu

Ndang tarbahen ho be lilu sai ture do langkami
Debata baen donganmi Debata baen donganmi

04. PATIK:
U : Tangihon hamu (Tatangihon) ma Patik ni Debata di Minggu Taon
Baru on, i ma Patik I – X.
Patik I: Ahu do Jahowa Debatam, ninna Debatanta. Ndang jadi
marangkup Ahu bahenonmu Debatam.
Patik II: Ndang jadi ganaonmu jala ndang jadi sumanonmu manang
aha na di banua ginjang dohot na di banua tonga on, ro di na di
bagasan aek na di toru ni tano, ianggo tung gabe si sombaon manang
sioloan.
Patik III: Ndang jadi dohonon Goar ni Debata, ianggo so ture
dalanna, ai hona uhumNa do sogot angka na marsineang di GoarNa.
Patik IV: Ingot hamu ma pabadiahon ari Minggu i. Di na onom ari
ma ula hamu nasa siulaonmu; alai anggo ari papituhon i, ari
paradianan ni Jahowa Debatam do i. Ndang jadi ho mangula anggo di
na sadari i, manang anakmu pe manang borum, manang naposom
lahilahi manang naposom boruboru, ro di pinahanmu, ro di isi ni huta
ni halak pe na mangebati hutam. Ai di na onom ari do ditompa Debata
langit dohot tano dohot laut dohot nasa isina, dung i maradian do
Ibana di ari papituhon i. Dibahen i do umbahen na dipasupasu Debata
Jahowa ari paradiananNa i jala diparbadiai.
Patik V: Ingkon pasangaponmu do natorasmu, asa martua ho jala
leleng mangolu di tano na nilehon ni Jahowa Debatam di ho.
Patik VI: Unang ho mamunu!
Patik VII: Unang ho mangalangkup!

3
 Patik VIII: Unang ho manangko!
Patik IX: Unang ho olo manghatindanghon hata na so tutu maralohon
dongan jolma.
Patik X: Ndang jadi haliangan ni roham bagas ni donganmu, ndang
jadi haliangan ni roham dongan saripe ni donganmu, manang
naposona baoa manang naposona boruboru manang lombuna manang
hodana, manang dia pe ugasan ni donganmu.
Boha pandok ni Debata taringot tu patik na sampulu i ?
On do: Ahu do Jahowa Debatam, ninna Debatanta. Pargogo na so
hatudosan jala Parrimas. Siluluhon dosa ni amaama tu pinomparna, ro
di sundut patoluhon, ro di sundut paopathon, pinompar ni angka na
sogo roha di Ahu; Alai asi do rohangKu di angka na marriburibu,
angka na marholong ni roha di Ahu na so mangalaosi PatikHi.
I do sahatna. Antong rap mangido gogo ma hita tu Tuhanta Debata.
U+H: Ale Tuhan Debata, sai pargogoi ma hami mangulahon na hombar
tu PatikMi. Amen.
05. Koor : Ina HKBP Borneo
06. Marende BE. HKBP No. 171: 1 - 2 “TANDAI MA AU” BL. 49
♫♪♫ Tandai ma au sungkapi ma dohot rohangku
Uji ma au pamanat huhut ma dalanhu
Olo ditanda Ho au Debata

♫♪♫ (Jongjong) Asi ma rohaM, taringot tu pangalahongku

Olo tutu, jotjot do na lilu dalanku
Sesa dosangku sude Debata

07. MANOPOTI DOSA :

U : Tatopoti ma dosanta, martangiang ma hita: Ale Amanami jala
Debatanami na di banua ginjang. Parasiroha na sumurung mida hami.
Huparhatutu jala hutopoti hami do dosa dohot pangalaosionnami na
godang i. Tatap ma hami marhite asi ni rohaM, jala sesa ma dosanami
4
 saluhutna, ala ni panghophop ni Anak haholongan ni rohaM, Tuhan
Jesus Kristus, Sipangolu hami. Amen.
Bagabaga ni Debata taringot tu hasesaan ni dosa.
Munsat pe angka dolok, jala humuntal angka robean, alai anggo parasi
ni rohangKu na so tupa munsat sian ho, jala padan ni hadameonHu na
so tupa humordit, ninna Jahowa siasii ho. Hasangapon ma di Debata
na di Ginjang

H : Amen. (Hundul)
08. Marende BE. HKBP No. 68: 1, 3 “MASILELEAN ANGKA TAON”
BL. 93
♫♪♫ Masilelean angka taon ro di ujungna sogot
O Jesus lehon parrohaon na naeng tongtong marningot
Di halalao ni aringki huhut manimbang ujung ni i

♫♪♫ Ra naung tarrimas Debata marnida pambaenanhu

Ra naung didok tinaba ma hau on na so dihangKu
Ndang olo marparbue i tu aha be hasea i

09. EPISTEL
U: Tangihon hamu (Tatangihon) ma hata ni Debata turpuk Epistel di
Minggu Taon Baru on, tarsurat di Jakobus 4 : 13 -17 ; E hamu,
didok hamu do: Sadari on manang marsogot laho ma hami tu huta
adui, asa disi hami sataon martigatiga jala mangomoomo.
H: So adong diboto hamu na masa marsogot; ai aha do hosamuna! Suman
ma hamu tu timus na tarida satongkin, dung i gabe so haidaan be.
U: Singkat ni i ma nian dohononmuna: Molo na lomo roha ni Tuhan i,
mangolu ma hami, jala bahenonnami ma on dohot an.
H: Hape ditengatengahon hamu do hata manggang muna; na jahat do
nasa panenganengaon sisongon i.
U: Antong, na umboto mambahen na denggan, gabe ndang diulahon, na
mardosa ma ibana disi.

5
 Ido sahatna. Martua do angka na tumangihon Hata ni Debata jala na
umpeopsa.
H : Amen.
10. Koor : RNHKBP Borneo
11. Marende BE. HKBP No. 64 : 2, 4 “NAUNG MORU DO MUSE
SATAON” BL. 192
♫♪♫ Aut alusanhu Debatangku ra tung maila au disi
Marningot salpu ni rohangku ro di sude ulaonhi
Ai dosa do binaen ni tangan gok dosa nang rohangku pe
Nang pat nang mata nang pamangan luhut marsala do hape

♫♪♫ (Jongjong) Ndang dapot bilanganhu dosa naung huulahon

nasailaon
Huhut ndang harajuman basa ni Tuhan Jesus na sai laon
Ndang dibaloshon Ho Tuhanhu tu au hombar tu dosangki
Sai dipalambas Ho rohaMu marnida pangalahongki

12. MANGHATINDANGHON HAPORSEAON :

U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok!
R : Ahu porsea di Debata Jahowa….. du (Hundul)
13. Koor : Ama HKBP Borneo
14. TINGTING :
a. Ramah Tamah Bersama
Di ari Senin, 1 Januari 2024 dung simpul Parmingguon di hurianta, dipatupa
Keluarga Uluan ni hurianta do Ramah Tamah Taon Baru bersama. Alani,
marpangidoan hami asa rap ma hita di Ulaon i.

b. Pelean Pukul 00.00 WITA

Pelean parsirangan taon pukul 00.00 boi ma tapasahat tu Bendahara ni
hurianta manang tu Admin.

15. Koor : PS. Marturia

6
16. Mandok Hata Selamat Taon Baru
a. Mewakili Ruas
b. Mewakili Parhalado
17. Papungu Pelean Huhut Marende BE. HKBP No. 65 : 1...
“MAJUMPANG TAON IMBARU ON” BL. 129 (Pelean Ia, Ib)
♫♪♫ Majumpang taon imbaru on di au dibahen Jesus
Dibaen rohaNa di au on basaNa dipatulus
Ibana do manogu au saluhut jea dipadao
Mambaen las ni rohangku
♫♪♫ Dibahen i hupuji Ho o Jesus Debatangku
Ai ndang hea mangulon Ho mambaen partuaonku
Rohangku panuratan ni godang ni denggan basaMi
Ai Ho do pangurupi

-----Musik-----
♫♪♫ Ipe dohot tu jolo on Ho pangasahononhon
Marjea pe portibi on martua au dohonon
Ai las rohangku marsak pe mangolu au lao mate pe
Ho do hatuaonku

♫♪♫ Di Ama di AnakNa pe di Tondi Porbadia

Ma hasangapon sasude ho jolma manisia
Tolopi ma pamujingkon haposi ma haposanhon
Ai sai tongtong rohaNa

18. JAMITA: Parjamita 3 : 1 – 15

19. Papungu Pelean Huhut Marende BE HKBP No. 69 : 1... “JESUS SAI
URUPI HAMI“ BL. 84 (Pelean II)

7
 ♫♪♫ Jesus sai urupi hami dohot di taon baru on
Paimbaru gogonami mangihuthon Ho tongtong
Pasupasu ma muse na porsea sasude

♫♪♫ Pingkiranhu ulaonhu tau pasangap Ho ma i

Dungo manang modom ahu Ho tongtong di lambunghi
Nang lao ruar masuk pe Ho ma donganhi muse
-----Musik-----
♫♪♫ Taon parasinirohaon baen di au sandok taon on
Lam pahot ma hasesaan ni dosangku di au on
Holan Ho do Jesuski tuk pasaehon dosangki

♫♪♫ Sai apuli ma rohangku dohot holong ni rohaM

Jala jalo tangianghu ala denggan ni basaM
Jea sasude padao asa unang marsak au

-----Musik-----
♫♪♫ Sai pagomos ma rohangku manundalhon dosa i
Lam paganda ma ringgashu mangulahon patikMi
Asa unang rohangkon lalap di portibi on
♫♪♫ Sai ramoti au Tuhanhu sipat taon na’mbaru on
Usung au di tanganMu molo suda bohalhon
Asa las rohangku lao ia ro panjouM di au

20. TANGIANG PELEAN : (Jongjong)

U : Tatangianghon ma peleanta. Ale Debata, Amanami na di banua
ginjang! Ho do haroroan ni saluhut silehonlehon na denggan dohot
nasa ulibasa na mauliutus. Hupasahat hami ma sian na nilehonMi tu
hami, peleannami tu Ho. Sai jalo ma i gabe uap na hushus di joloM.
Pasupasu ma i jala ramoti asa huparhaseang hami pelean on,
patimbulhon harajaonMu di tongatonga ni huriaM dohot di portibi on.
Buhai ma roha nami marhitehite TondiM, asa lam hutanda hami
godang ni silehonlehonMi tu hami, asa lam girgir hami mandok
mauliate tu Ho, marhitehite Jesus Kristus Tuhannami. Amen.
8
R : (Mangendehon) BE. HKBP No. 204 : 2 “NDANG
TADINGHONONHU HO” BL. 73
♫♪♫ Nasa na nilehonMi tondi ro di pamatanghu
Hosa dohot gogongki ro di saluhut artangku
Hupasahat i tu Ho na so unsatonhu do
U : Ale Tuhan Debata, na so marmula, na so marpansohotan, Debata na
manongtong ro di saleleng ni lelengna. Na so olo suda do angka
taonMu, jala ndang marparbolatan angka ariariM; alai jempek jala na
gabur salpu do taonnami dohot ariarinami. Nunga salpu muse sada
taon sian ariarinami, alai ndang salpu ianggo asi ni rohaM. Dibahen i
hupuji hami Ho marhitehite Tuhan Jesus Kristus Tuhannami, ala ni
godang ni asi ni rohaM na pasahat hami tu bona ni taon on. Mansai
godang do denggan ni basaM hujalo hami manipat taon na salpu i, jala
huingot hami do i sadari on. On pe mauliate ma rohanami tu Ho, ala
dipangolu jala diramoti Ho hami, dilehon Ho sipanganon dohot
paruloson di hami jala dipasupasu Ho na niula ni tangannami. Angkup
ni i dilehon Ho do hasonangan tu luatnami, jala dipalua Ho do hami
sian parmaraan, jala diramoti Ho do hami di hagogotan. Tongtong do
dilehon Ho Barita na Uli i manondangi hami asa sanga hami paubahon
rohanami. Angkup ni i dilehon Ho do apulapul tu na marsak, tu na
matean, asa unang mandele nasida. Molo huingot hami sude
pambahenannami di taon na salpu i, na maila do hami nuaeng
maradaphon Ho, ala jotjot magopo ariarinami dohot asi ni rohaM
hubahen hami. On pe binsan disalpuhon Ho nuaeng taon naung salpu i
sian hami, salpuhon ma sude pambahenannami na hurang i, jala sesa
sude dosanami. Sai huphupi ma pambahenannami na hurang i,
marhitehite asi ni rohaM. Diebati Ho do hami manipat na sataon i, jala
diida Ho do lan na so marparbue na denggan di tongatonganami. Sai
unang jolo taba, sai pasombu ma hami mangolu, anggiat marparbue na
denggan hami tu joloan on. Huparhatopot hami do sude asi ni rohaM
jala di bagasan haserepon dohot unduk ni roha do hami nuaeng
mangido tu Ho: Sahat tu Ho ma hami sude. Sai togutogu jala ramoti
ma hami on sude. Sai togutogu jala ramoti ma hami di bona ni taon
on, songon i ganup ari, asa pujionnami Ho di taon na ro on. Patuduhon

9
 ma ganup ari tu hami dalan sidalananami dohot ulaon siulaonnami. Sai
pasupasu ma hami jumpa marpungu di bagasMon, di parsikolaan,
songon i dohot di bagasnami be. Sai tumpahi sude parjamita, pangajari
dohot na paturehon na marsahit, songon i dohot na pinasahat tu nasida.
Sai ramoti ma na manggomgomi hami. Tatap ma saluhut na tarsosak,
na pogos, na dangol, na so marama, na so marina, na nileaan ni halak.
Unang loas nasida hona rupa, alai patuduhon ma tu nasida asi ni
rohaM na so mansohot i, asa rap marlas ni roha hami sogot di
hasonangan di lambungMu di inganan na hot, ala ni AnakMu, Tuhan
Jesus Kristus, Tuhannami. Amen.
Ale Amanami na di banua ginjang! Sai pinarbadia ma GoarMu! Sai ro
ma harajaonMu! Sai saut ma lomo ni rohaM di banua tonga on songon
na di banua ginjang! Lehon ma tu hami sadari on hangoluan siapari!
Sesa ma dosanami songon panesanami di dosa ni dongan na mardosa
tu hami! Unang hami togihon tu pangunjunan! Palua ma hami sian
pangago!
R : (Mangendehon) BE. HKBP No. 841 : 1 “AI HO DO NAMPUNA
HARAJAON” BL. 841
♫♪♫ Ai Ho do nampuna harajaon dohot hagogoon
Ro di hasangapon salelengnilelengna Amen

U : Tangiang Pasupasu
R : (Mangendehon) BE. HKBP No. 845 : 1 “AMEN (3X) HKBP” BL.
845
♫♪♫ Amen Amen Amen

21. Marsijalangan rap dohot ruas.

10