AMPAR AMPAR PISANG

Ampar ampar pisang

Pisangku balum masak
Masak sabigi dihurung bari-bari
Masak sabigi dihurung bari-bari
Mangga lepak mangga lepok
Patah kayu bengkok
Bengkok dimakan api
apinya canculupan
Bengkok dimakan api
apinya canculupan
Nang mana batis kutung dikitip bidawang
Nang mana batis kutung dikitip bidawang

ANAK PIPIT

Anak pipit
Gugur matan di sarang
Ka tanah di sala rapun saray

Umay umay
Kada pang sampai hati
Malihat anak pipit 'kan cilaka

Kasihani anak pipit

Ambili anak pipit
Jangan biarkan anak pipit
Dalam sengsara

Kasihani anak pipit

Ambili anak pipit
Jangan biarkan anak pipit
Dalam sengsara
SAPU TANGAN BABUNCU AMPAT
Saputangan babuncu ampat
Sabuncunya dimakan api
Dimakan api

Luka nang di tangan

Kawa dibabat
Luka nang di hati
Tabawa mati

Tabang bamban jangan diparit

'Mun diparit buang ka sumur
Buang ka sumur

Rindang pang dandam

Jangan diharit
Lamun diharit
Mambawa umur

PAMBATANGAN
Hu hu hu
Matan di hulu
Mambawa rakit bagandengan
Bahanyut matan di udik barito
Awal hari baganti minggu
Siang dan malam
Waktu hari baganti hari
Istilah urang mancari rajaki
Kada talapas lawan gawi
Panas hujan kada manjadi papantangan
Kada heran tatap dirasaakan
Mananjak batang sambil barami ramian
Akhirnya sampai katujuan
Inilah nasib manjadi urang pambatangan
Namun nasib sudah ditantuakan
Insya allah ada harapan
Panas hujan kada manjadi papantangan
Kada heran tatap dirasaakan
Mananjak batang sambil barami ramian
Akhirnya sampai katujuan
Inilah nasib manjadi urang pambatangan
Namun nasib sudah ditantuakan
Insya allah ada harapan
Insya allah ada harapan
Insya allah ada harapan