DESA PAKRAMAN DENPASAR BANJAR SUKA-DUKA TEGALSARI DENPASAR

Jalan Kapten Sujana No 11 Denpasar

Nomor Lepihan Parindikan

: 03/Tgs/III/2012 :: Mareresikan, Maprani miwah Nyanggra catur Brata Panyepian,

Om Swastiastu, Malarapan antuk swalapatra puniki,kaatur piuning ring Prajuru Adat,Penasehat,Kelihan Dinas,Kasinoman Bulan Maret Lanang-Istri Banjar Tegalsari Denpasar sane wangiang titiang,mangda rawuh mareresikan miwah nabdabin Papranian semeton banjar sami, nyanggra Tawur Agung Kasanga miwah Catur Brata Panyepian Tahun Baru Saka 1934 . Riantukan asapunika titiang nunas mangda presida rawuh nemoning : 1. Rahina/Pinanggal : Buda,Wage,Merakih, 21 Maret 2012 Galah : Dadauh, 15.00 Wita (suaran kulkul) Pariindik : Mareresikan Genah : Ring Bale Banjar Tegalsari Denpasar Busana : Adat dangan 2. Rahina/Pinanggal Galah Pariindik Genah Busana : Wraspati,Kliwon,Merakih, 22 Maret 2012 : Dadauh, 12.00 Wita (suaran kulkul) : Maprani raris kelanturin nunas tirta miwah ulam caru : Ring Bale Banjar Tegalsari Denpasar : Adat sembahyang

NB: Krama Banjar Sane Jagi nunas Tirtha miwah Ulam Caru Tawur Agung Kasanga saking Pura Desa lan Pura Puseh mangda siaga saha sarana genah Tirtha suang-suang medaging Canang lan sesari. Inggih asapunika atur-piuning miwah pinunas titiang, dumogi presida kadagingin lan nenten lali titiang matur dahat suksmaning manah. Om Santhi, Santhi, Santhi Om. Denpasar,Redite,Wage,Krulut,11 Maret 2012 Prajuru Banjar Tegalsari Penyarikan

Kelihan Suka-duka

I Gusti Bagus Alit Suartha.SE

I Gusti Made Kartika,S.Pd

DESA PAKRAMAN DENPASAR BANJAR SUKA-DUKA TEGALSARI DENPASAR

Jalan Kapten Sujana No 11 Denpasar

Nomor Lepihan Parindikan

: 03/Tgs/III/2012 :: Persiapan Maprani miwah Nyanggra catur Brata Panyepian,

Om Swastiastu, Malarapan antuk swalapatra puniki,kaatur piuning ring Krama Banjar Tegalsari Denpasar Lanang-Istri sane wangiang titiang,kaatur titiang rawuh Maprani lan Ngaturang Upakara Tawur Agung Kasanga Nyanggra Catur Brata Panyepian Tahun Baru Saka 1934.Riantukan asapunika titiang nunas mangda Banten Prani utawi Upakara duwene sane pacang kaaturang sampun presida siaga nemoning : Rahina/Pinanggal : Sukra,Umanis,Menail, 4 Maret 2011 Galah : Dadauh, 09.00 Wita Genah : Ring Bale Banjar Tegalsari Denpasar Busana : Sembahyang. Upakara Papranian pacang kaatur Pukul.12.00 Wita Inggih asapunika atur-piuning miwah pinunas titiang, dumogi presida kadagingin lan nenten lali titiang matur dahat suksmaning manah. NB: Krama Banjar Sane Jagi nunas Tirtha CaruTawur Agung Kasanga saking Pura Desa lan Pura Puseh mangda siaga saha sarana genah Tirtha suang-suang medaging Canang lan sesari miwah stata nganggen senteng. Magenah ring Bale Banjar Tegalsari . Galah kaatur ; 12.00 Wita Om Santhi, Santhi, Santhi Om.
Denpasar,Anggara,Pon,Menail,1 Maret 2011 Prajuru Banjar Tegalsari Penyarikan

Kelihan Suka-duka

I Gusti Bagus Alit Suartha.SE

I Gusti Made Kartika,S.Pd

DESA PAKRAMAN DENPASAR BANJAR SUKA-DUKA TEGALSARI DENPASAR

Jalan Kapten Sujana No 11 Denpasar

Nomor Lepihan Parindikan

: 03/Tgs/III/2011 :: Persiapan Nyanggra Pangupukan lan catur Brata Panyepian,

Om Swastiastu, Malarapan antuk swalapatra puniki,kaatur piuning ring Krama Banjar Tegalsari Denpasar sane wangiang titiang,mangda sareng sami sida Ngaturang Caru Tawur Agung Kasanga miwah ngelaksanayang Catur Brata Panyepian Tahun Baru Saka 1934.Saha setata Nunas Asung Kertha Wara Nugraha Ida Sang Hyang Widhi Wasa mangda iraga sareng sami nemu karahayuan. Riantukan asapunika titiang nunas ring Krama Banjar sami mangda Ngaturang Upakara sekadi kasurat ring sor :

1.Rahina/Pinanggal : Wraspati,Kliwon,Merakih, 22 Maret 2012, Ring suang-suang Banjar lan Paumahan Krama Banjar : - Dauh 08.00 wita,nancebang Sanggah Cucuk ring Jaba/lebuh Paumahan lan Banjar,Makober Gana Pati lan magantung sujang / cambeng madaging tatabuhan (arak lan berem). - Dauh 12.00 wita, nunas ajengan caru, tirtha caru lan tirtha pangelukatan ring Pura Desa lan Puseh Denpasar, masarana lan sesarinia. - Dauh 18.00 wita ngaturang upakara : Ring Sanggah cucuk munggah banten daksina, pras ajuman, banten danan, tumpeng ketan, panyeneng lan rerasmen. Katur ring bhatara kala lan bathari durga. Ring sor sanggah cucuk ngaturang segehan manca warna 9 (siya) tanding, olahan ayam brumbun, tetabuhan arak berem, toya anyar, katur ring Sang Bhuta Raja lan Sang Kala Raja. Segehan nasi cacah 108 (satus kutus) tanding, ulam jeroan matah lan segehan agung atanding, tetabuhan arak berem lan toya anyar, katur ring Sang Bhuta Bala lan Sang Kala Bala. Ring Sanggah / Pemerajan ngaturang upakara pras ajuman daksina, ketipat kelanan, penyeneng, canang lenge wangi burat wangi, nunas tirtha lan bija. Ring natar sanggah / pemerajan lan natar umah ngaturang segehan alit atanding. - Wusan ngaturang upakara ring ajeng, raris sinamian angga kulawarga sajabaning sane durung maketus, mabya kala lan maprayascita saha natab tebasan pamyak kala ring natar jero / umah suang-suang. - Dauh 18.30 wita, ngamargiang pangerupukan (mabuu-buu) ngederin jero / paumahan suang-suang antuk sarana api (obor, prakpak) , kulkul bamboo utawi lianan, bawang lan masui. Yan madaging maider jeri / paumahan utawi banjar, pailehane mangda Prasawya (Timur Utara Barat Selatan, utawi nungkasin arah jarum jam, utawi

saking ulu ka teben). Pangerupukan ring wawidangan banjar kaenter olih Prajuru lan Pacalang Banjar. 2.Rahina/Pinanggal : Sukra, Umanis, Merakih, 23 Maret 2012, ngawit dauh 06.00 wita gumanti dauh 06.00 benjangnyane, kamargiang CATUR BRATA PANYEPIAN utawi NYEPI SIPENG. 3.Rahina/Pinanggal : Saniscara,Paing,Merakih, 24 Maret 2012, NGEMBAK GENI

Inggih asapunika atur-piuning miwah pinunas titiang, dumogi presida kadagingin lan nenten lali titiang matur dahat suksmaning manah. RAHAJENG NYANGGRA CATUR BRATA PANYEPIAN TAHUN SAKA 1934. Mogi-mogi Ida Sang Hyang Widhi Wasa stata Asung Kertha wara nugraha ring Iraga sareng sami miwah ring Jagate.

Om Santhi, Santhi, Santhi Om.

Kelihan Suka-duka

Denpasar,Redite,Wage,Krulut,11 Maret 2012 Prajuru Banjar Tegalsari Penyarikan

I Gusti Bagus Alit Suartha.SE

I Gusti Made Kartika,S.Pd