Roman Urdu

TAFSEER
AHSANUL
BAYAN
Sahih Hadees ki roshni me

Hafiz Salahuddeen Yusuf

Transliteration
ABU IBRAHIM MOHAMMAD R. CHANDAN
 (ROMAN URDU)

Tafseer Ahsanul
Bayan
Sahih Hadees ki roshni me
(Surah 1 aur 105 se 114)

Tafseer
Hafiz Salahuddeen Yusuf
Transliteration
Abu Ibrahim Mohammad R. Chandan

Foreword (muqaddama)
1
Beshak tareefein Allah ( )hi ke liye hain jo aalamo ka rabb hai.
Hum uski hamd bayan karte hain, usse hi madad mangte hain aur
usse hi maghfirat talab karte hain. Hum allah ki panah me aate
hain apne nafs ke shar se, aur bure aamaal ke shar se. Allah jise
hidayat de use koi gumrah nahi kar sakta, aur allah agar kisi ko
gumrah chod de use koi hidayat nahi de sakta.

Main gawahi deta hoon ke koi mabood nahi ebadat ke layak siway
Allah ke, jiska koi sharik nahi, aur main gawahi deta hoon ke
Muhammad ( )uske bande aur rasool hain.

Tafsir ahsanul bayan hafiz salahuddeen yusf ki likhi hui Quraan

majeed ki ek behtareen tafsir hai, jo aam logon ko quraan
samajhne aur uspe amal karne ke liye sahal andaz me bayan ki gayi
hai. Is tafsir ka tarjuma mukhtalif zaban me kiya ja chuka hai.
Baqi zabaan me quraan ke mane ko sametna aur samajhna
mushkil hai, is liye urdu zabaan is tafseer ki ahmiyat badh jati hai.
Urdu zabaan me arabi ka istemaal, qurani mane ko pakad kar
rakhti hai jiska kisi aur jabaan me yaksa tarjuma mumkin nahi. Is
baat ko zehn me rakh kar main is tafseer ko angrezi likhawat me
dhal raha hoon, jis se jo log urdu nahi padh sakte aur angrezi
padhne ke aadi hai, wo quraan ki tafseer urdu zaban ki lazzat ke
saath padhe aur samjhe.

Main is ki (transliteration) shuruwat ka shay quraan tafseer

programme ko deta hoon jo ek koshish hai muslim students
association ke janib se aam logon ko Quraan samajhne aur
samjhane ki. Is kitab me surah ke tarteeb bhi programme ke
maukif aur unwaan ke hisaab se sajayagaya hai. Pehle choti aayete
jo hum namaaz me padhte hain, fir aqeeadh se mutalliq aur fir
nabiyon ke bare me.

2
Main Allah se dua karta hoon ki humari is koshish ko qabul kare jo
Ikhlas ke saath sirf allah ko razi karne ki ummeed se hai aur isme
hui humari khata ko maaf kare. Allah hum sab ko hidayat de aur
hume sirat-e-mustaqeem par istaqamat ke saath chalaye. Ameen!

Transliterator

Abu Ibrahim Mohammad R. Chandan

29th January, 2015.

3
 Contents (fahrist)
Surah Number Surah name Page No
1 Al-Fatihah 4
39 Az-Zumar 14
105 Al-Fil 14
106 Quraysh 17
107 Al-Man 19
108 Al-Kawthar 22
109 Al-Kafiroon 25
110 An-Nasr 28
111 Al-Masad 30
112 Al-Ikhlas 34
113 Al-Falaq 36
114 An-Nas 39
39 Az-Zumar 42
71 Nuh 58
11 Hud 68
7 Al Araf 79
19 Maryam 84

4
1 Surah Al-Fatihah(The Opener)

Shuru karta hoon main Allah ke naam se jo nihayat maharban

bada raham wala hai.

Surat al fatihah quraan majeed ki sab se pehli surat hai jis ki hadees me
badi fazilat aayi hai, fatihah ke mane aaghaz aur ibtida ke hain. Is liye
ise al-fatihah yani fatihah al-kitaab kaha jata hai. Is ke aur bhi naam
ahadees se sabit hai, masalan ummul quraan, as-saba al-mathani, al-
quraan ul-azeem, as-shifaa wagairah.

Is ka ek aham naam as salawaat bhi hai, jaisa ke ek hadees qudsi me

hai, Allah tala ne farmaya qismat as-salaat baini wa baina abdi,
ahadees sahih muslim kitaab assalaat. Maine salaah (namaaz) ko apne
aur apne bande ke darmayaan takseem kar deya hai, murad surah al-
fatihah hai. Is ka nisf (yani aadha) hissa Allah tala ke hamd-o-sana aur
us ki rahmat wa ruboobiyat aur adl baadshahat ke bayan me hai, aur nisf
hisse me dua wa manajaat hai jo banda allah ke baargah me karta hai.

Is hadees me surat fatihah ko namaaz se taabeer kiya gaya hai jis se ye

saaf maloom hota hai ke namaaz me is ka padhna bohut zaroori hai,
chunanche Nabi ( )ke irshadaat me us ki khoob wazahat kar di gayi
hai, farmaya La salata liman lam yaqraah bi fatihah al-kitaab (sahih
bukhari wa muslim) Us shakhs ki namaaz nahi jis ne surah fatihah nahi
padhi. Is hadees me ( )ka lafz aam hai, jo har namaazi ko shamil hai
munfarad (individual) ko ya imam ke peeche muqtadee. Sirri namaaz ho
ya jahri farz namaaz ho ya nafl har namazi ke liye surah fatihah padhna
zaroori hai.

5
Is amoom ki majeed taeed us hadees se hoti hai jis me aata hai ke ek
martaba namaaz fajr me baaz sahaba karaam (radi allahu anhum) bhi
Nabi ( )ke saath quraan padhte rahe jis ki wajah se Aap ( )par
qiraat bojhal ho gayi, namaaz khatm hone ke badh jab Aap ( )ne
pucha ke tum bhi saath padhte rahe ho? Unhone jawab me haan kaha, to
Aap ( )ne farmaya La tafalu al ibaam al-quraan faana la salata
liman lam yaqraa biha tum aisa mat karo balke surat fatihah zaroor
padha karo kyonki is ke padhe bagair namaaz nahi hoti (Abu Dawood,
Tirmizi, Nisai) isi tarah hazrat Abu Hurairah (radi allahu anhu) se
marwi hai ke Nabi ( )ne farmaya man salli salata lima yaqraah
feeha baamal quraan fahiya khazu thalatha ghair tamaam jis ne
baghair fatihah ke namaaz padhi to us ki namaz naqas hai, teen martaba
Aap ( )ne farmaya. Abu Hurairah (radi allahu anhu) se arz kiya
gaya (ana nakunu wara al-imaam imam ke peeche bhi hum namaaz
padhte ho us waqt kya kare?) hazrat Abu Hurairah (radiallahu anhu) ne
farmaya (iqrah biha fee nafsak imam ke peeche tum surah fatihah
apne jee me padho) Sahih Muslim. Mazkoora dono hadees se wazah
(clear) hua ke quraan majeed me jo aata hai: surah aaraf 7:204,

Jab quraan padha jaye to suno aur khamosh raho, ye hadees (jab imam
qiraat kare to khamosh raho) ka matlab ye hai ke jahri namaazo me
muqtadee surat fatihah ke alawa baqi qiraat khamoshi se sune. Imam ke
saath quraan na padhe. Ya imam surat fatihah ki aayato ko waqfa de kar
padhe ta ke muqtadee waqfe me hadees sahih ke mutabiq surah fatihah
padh sake, ya surah fatihah ke baad itna waqt de ke muqtade surah
fatihah padh le.

6
Is tarah aayat qurani aur hadees sahih me alhamdulillaah koi ikhtilaf
nahi rahta. Dono par amal hojata hai. Jab ke surah fatihah ki mumaniyat
se ye baat sabit hoti ke quraan kareem aur hadees takrate aur dono me
se kisi ek par hi aml ho sakta.

Ye surat makki hai, makki ya madani ka matlab ye hai ke jo surat hijrat

se qabl nazil hui hain wo makki hai, chahe iska nuzool makke me hua
ho ya us ke as paas aur madani wo suratein hain jo hijrat ke baad nazil
hue chahe wo madina me nazil hua ho ya uske aas paas, ya fir makke
me hi kyun na hua ho.

Bismillah Is par ikhtilaf hai ke ye har surat ki mustaqil aayat hai ya

har suat ki aayat ka hissa hai, ya sirf surat fatihah ki ek aayat hai, ya kisi
bhi surat ki mustaqil aayat nahi hai, ise sirf dusre surat se mumtaz karne
ke liye har surat ke aaghaz me likha jata hai, ulemma-e-makkah wa kufa
ne ise surat fatihah samet har surat ki aayat qarar diya hai. Jabke
ulemmae madinah, basarah aur sham ne ise kisi bhi surat ki aayat taslim
nahi kiya, siway surat naml ki aayat number 30 ke, ke us me bil ittafaq
bismillah aata hai. Isi tarah jahri namaaz me unchi aawaz me
padhne par bhi ikhtilaf hai. Baaz unchi aawaz se padhne ke qail hain,
aur baaz dheemi aawaz se. aksar ulemma ne sirri aawaz se padhne ko
behtar qarar diya hai. bismillah ko aaghaz me hi alag kiya gaya hai,
yani Allah ke naam se padhta ya suru karta ya tilawat karta hoon, har
aham kaam shuru karne se pehle bismillah padhne ki taqeed ki gayi hai.
Chunanche hukum diya gaya ke khane, zabah, wudu aur jimmah se
pehle bismillahpadho. Aur hum quraan kareem ki tilawat se pehle
bismillah se pehle (auzu billahi min as-shaitaan ir-rajeem) padhna
jaruri hai, jabke tum quraan kareem padhne lago to allah ki janib me
shaitaan se panah mango.

7
Sab tareef Allah tala ke liye hai, jo tamaam jahano ka palne wala
hai.

Alhamdulillah me makhsoos ke liye hai, yani tamaam tareef

Allah ke liye hai, ya us ke liye khaas hai, kyonki tareef ka asal mustahiq
aur sazawar sirf allah tala hai. Kisi ke andar koi khubi, hasan ya kamal
hai to wo bhi Allah tala ka paida karda hai, is liye hamd ka mustahiq
bhi wahi hai. ye Allah ka zati naam hai, is ka istemaal kisi aur ke
liye jayaz nahi. la illaha afzal zikr hai aur Alhamdulillahko afzal
dua kaha gaya hai (Tirmizi, Nasai wa gairhu). Sahih Muslim aur Nasai
ki riwayat me hai Alhamdulillah mezaan ko bhar deta hai is liye ek
aur hadees me aata hai ke allah us baat ko pasand farmata hai ke har
khane par aur peene par banda Allah ki hamd kare (Sahih Muslim).

Allah tala ke asmaa husna me se hai. Jis ka maani har cheez ko

paida karke zarooriyaat ko muhaiya karne aur us ko takmeel tak
pahuchane wala. Is ka istemal baghair idhafat ke kisi aur ke liye jayaz
nahi.

jahano ki jama hai. Waise to tamaam khalaq ke majmoo ko

aalam kaha jata hai, is liye iski jama nahi lai jati. Lekin yahaan us ki
ruboobiyat kamala ke izhar ke liye aalam ki bhi jama li gayi hai. Jis se
murad makhlooq ki alag alag jins hai. Masalan aalam jinn, aalam ins,
aalam malaika, aur aalam wahoos wa turoo wagairahu. In tamaam
makhlooqat ki zarooratein ek dusre se mukhtalif hain lekin
rabbulalameen sab ki zarooriyat, in ke ahwal wa zaroof aur taba wa
ijsaam ke matabiq muhaiya farmata hai.

8
 3
Bada meharbaan aur nehayat raham karne wala.

Ar-rahmaan aur Ar-raheem dono mubalagah ke sege hain. Jis me kasrat

aur eternity ka mafoom paaya jata hai. Yani Allah tala bahut raham
karne wala hai aur us ki ye sifat deegar sifaat ki tarah daieeme (eternal)
hai.

Baaz ulema kahte hain rahmaan me raheem ki nisbat zada mubaalaga

hai isi liye rahmaan ad-duniya wal aakhira kaha jata hai. Duniya me us
ki rahmat jis me bila (change) takhseesh kafir aur momin sab faiz aab
ho rahe hain aur aakhirat me wo sirf raheem hoga Yani us ki rahmat
sirf mumineen ke liye khaas hogi.

4
Badle ke din (yani kayamat ke din) ka malik hai

Duniya me bhi agarche kyonki saza ka silsila ek had tak jari rahata hai,
us ka mukkammal zuhoor aakhirat me hoga aur Allah tala har saksh ko
us ke acche ya bure aamaal ke mutabiq mukkmal jaza ya saza ada
karega. Aur sirf Allah tala hi hoga. Allah tala us roz farmayega aaj kis
ki baadsahi hai? Phir wahi jawab dega sirf ek Allah ghalib ke liye. Us
din koi hasti kisi ke liye Ikhtiyar nahi rakhagi, saara mamla Allah ke
haanth me hoga. Ye hoga jaza ka din.

5
Hum sirf teri hi ebadat karte hain aur tujhse hi madad chahate
hain

9
Ebadat ke mane hai kisi ki raza ke liye intehai azeez aur kamala khushu
ka izhaar (ibn Kathir) aur ba-qaul shariyat me kaamala mohabbat
khudhu aur khauf ke majmoo ka naam hai. Yani jis zaat ke saath
mohabbat bhi ho aur us ke maafooq al-asbaab zarai se us ki giraft ka
khauf bhi ho. Hum teri hi ebaadat karte hain aur tujhse hi madad
chahate hain- na ebadat Allah ke siwa kisi aur ki jayaz hai aur na madad
manganana kisi aur se jayaz hai. In lafzo se shirk ka safaya kar diya
gaya lekin jin ke dilo me shirk ka rog raah pa gaya hai wo mafooq
(supernatural) asbab aur maatahat (subordinate/helping) asbab istaanat
(type of help) me farq ko nazar andaz kar ke aawam ko shaq aur subha
me dhal dete hain aur kahate hain ke dekho jab hum beemar ho jate hain
to doctor se madad hasil kare hain aur deegar insane se madad ke
talabgar hote hain is tarah wo ye baat karte hai ke Allah ke siwa aur un
se madad mangana bhi jayaz hai. Halanki asbaab ke matahat ek dusre se
madad chahana aur madad karna ye shirk nahi hai. Ye to Allah tala ke
banaya hua nizaam hai. Jis me saare kaam zaahir asbas ke mutabiq hi
hote hai. Hatta ke Ambiya bhi insano ki madad hasil karte the. Hazrat
Isa (alayhi salaam) ne farmaya ( ) Allah ke deen ke liye
kaun mera madadgar hai? Allah tala ne Ahl-e-emaan kofarmaya:
( ) wa tanu ala al-birri wat-taqwa, Surah al-
Maidah: 2. Neki aur taqwa ke kamo par ek dusre ki madad karo. Zaahir
baat hai ke ye taaoon mamnoo hai na ke shirk, balke matloob wa
mahmood hai. Iska istalahi shirk se kya talluq? Shirk to ye hai ke aise
shaks se madad talab ki jaye jo zaahiri asbaab ke lehaz se madad na kar
sakta ho. Jaise kisi faut shuda saksh ko madad ke liye pukarna, us ko
mushkil kusha aur haazat rawa samajhna, usko nafa wa nuksaan aur
door nazdeek har ek ki faryad sunne ki salahiyat rakhne wala tasleem
karna. Iska naam hai mafooq al asbaab tareeke se madad talab karna. Isi
ka naam shirk hai jo bad kismati se mohabbat-e-auliya ke naam par
musalmaano me aam hai.

10
Tawheed ki teen kisme hain Tawheed ar ruboobiyat, tawheed al
uloohiyat, aur tawheed al asma wassifaat.

1. Tawheed ruboobiyat ka matlab ke is kainaat ka malik, raziq, aur

mudbir (statesman) sirf Allah tala hai.Is kism ki tawheed ko
tamaam log mante hain, hatta ke mushrikeen bhi us ke qail rahe
hain aur hain. Jaisa ke Quran ne mushrikeen-e-makkah ka aitraf
naql kiya- farmaya Ae paigambar ( )- in se pucheay ke
aasmaano aur zameeno me rizq kaun deta hai, ya tumhare kanoo
aur andho ka malik kaun hai aur bejaan se jinda aur jinda se
bejaan ko kaun karta hai aur duniya ke kaamo ka intazaam kaun
karta hai? Kah denge ke Allah (yani sab kaam karne wala Allah
hai) Chap 10, surah yunus: 31).

Dusre mukaam par farmaya agar aap ( )in se puucheay ke

zameen aur zameen me jo kuch hai sab kis ka maal hai? Saato
aasmaan aur arsh azeem ka malik kaun hai? Har cheez ki
baadshahi kis ke haantho me hai? Aur wo sab ko panah deta hai
aur us ke mukaabil koi panah dene wala nahi, in sab ke jawaab
me ye yahi kahange ke Allah tala. (Chap 23, surah Al
Muminoon 84-89).

11
2. Tawheed al uloohiyat ka matlab hai ke ebaadat ki tamaam
aksaam (types) ka mustahiq Allah tala hai aur ebaadat har wo
kaam hai jo kisi makhsoos hasti ki raza ke liye ya us ki narazi ke
khauf se kiya jay. Is liye namaaz, roze, hajj, aur zakaat sirf yahi
ebaadat nahi hai balke kisi makhsoos hasti se dua wa iltaza
karna, uske naam ki nazar nayaz dena, us ke samne qayaam
karna, us ka tawaf karna, us se tamaa (greed/pane ki chahat) aur
khauf rakhna waghairah bhi ebaadat hai. Tawheed al uloohiyat
ye hai ke shirk ka irtaqaab (thinking) karte hain aur mazkoora
ebadaat ki bohut si kismet wo qabro me marfoon, ifrad aur
fautshuda buzurgon ke liye bhi karte hain, jo sarasar shirk hai.
3. Tawheed asma wassifaat ka matlab hai ke Allah tala ki jo sifaat
Quran aur hadees me bayan hui hai inko bagair kisi taweel aur
tahreef ke tasleem kare aur wo sifaat us andaaz me kisi aur ke
andar na mane. Maslan jis tarah us ki sifaat Alim-ul-ghaib hai,
ya ya dur ya nazdeek se har ek ki fariyaad sunne par wo qadir
hai, kainaat me kar tarah ka tasrf karne ka use ikhtiyaar hasil
hai, ya us qasam aur safaat hai un me se koi safaat bhi Allah ke
siwa kisi bhi wali ya kisi bhi saksh ke indar tasleem na ki jaye.
Agar tasleem ki jayegi to ye shirk hoga. Afsos hai ke qabr par
sutoon me shirk ki ye kism bhi aam hai aur unhone Allah ki
mazkoora safaat me bohut se bando ko bhi sharik kar rakhe
hain.

12
 6
Hume sacchi aur seedhi rah dikha

Hidayat ke liye mafom hain, raste ki taraf rahnumai karna, raste par
chala dena, manjil maqsood tak pahucha dena. Use arabi me irshad
taufeeq, ilhaam aur dalalat se tabeer kiya jata hai, yani humari, siraat-e-
mustaqeem ki taraf rahnumai farma. Us par chalne ki taufeeq aur us par
naseeb farma,, take hume teri raza (manzil maqsood) hasil ho jaye. Ye
sirat-e-mustaqeem mahaj aql aur zayanat se haasil nahi ho sakti. Ye
siraat-e-mustaqeem wahi al Islaam hai, jise nabi (salallahu aleyhi
wassalaam) ne duniya ke saamne pesh farmaya aur jawaab Quraan wa
hades sahih me mahfooz hai.

( 7)
Un logo ke raste jis par tune inaam kiya, un ke nahi jin par gazab
kiya gaya aur na gumraho ka.

Ye sirat-e-mustaqeem wo islam hai jise nabi ( )ne duniya ke liye

samne pesh farmaya aur jo ab Quraan aur Hadees sahih me mehfooz
hai. Sirat e mustaqeem ki wajahat hai ke ye seedha rasta hai jis par log
chale, jin par tera inaam hua. (surah Nisa 4:69 aayat me Allah ne
farmaya,

13
Aur jo bhi Allah tala ki aur rasool ( )ki farmabardari kar aur un
logo ke saath hoga jin par Allah tala ne enaam kiya jaise Nabi,
Siddique, Saheed aur nek log(saliheen) ye behtareen rafiq hai. Is aayat
me ye bhi wajahat kar di gayi hai ke Inaam ya fatah logo ka ye rasta
Etaat Rasool ( )hi ka rasta hai, na ke koi aur rasta. Baaz riwayat se
sabit hai ke magdoobi Alayhim (jin par Allah ka ghazab nazil hua) se
muraad yahoodi aur (walad daal leen) gumraho se muraad nasara hain.
Ibn Abi Hatim kehate hain ke mufasareen ke darmayan isme koi
Ikhtalaf nahi. Mustaqeem par chalne walo ki khawaish rakhne walo ke
liye zaroori hai ke wo yahood wa nasara dono ke gumrahoon se bach
kar rahe.

Yahood ki badi gumrahi thi wo jante bujhte sahih raste par nahi chalte
the, aayat alhayyi me tahreef aur haila karne me gureej nahi karte the,
hazrat uzair Alayhi salaam ko Ibn Allah kahate Apne ahbaar o ruhbaano
ko haraam wa halaal ka mijaj(quwaat rakhne wala) samajhte the.Nasara
ki badi galti ye thi ke inhone hazrat Isa alayhi salaam ki shaan me gulu
kiya aur inhone (Allah ka beta) aur teen khuda me se ek karaar diya.
Afsoos hai ke ummat Muhammad ( )me bhi ye gumrahi aam hai
aur isi wajah se wo duniya me zaleel aur ruswa hai. Allah tala use
dalallat ke gadhe se nikale. Suraat ke aakhir me amen kahne ki nabi
( )ne takeed farmayi, isliye Emaam aur muktadi kar ek ko ameen
kahna chahieay.

14
105 Surat Al-Fl (The Elephant) -

Kya tune nahi dekha ke tere rab ne hathi walo ke saath kya kiya.

Jo Yemen se khana kaba ki takhreeb ke liye aaye the, alam taalam kya
tujhe malum nahi? Istafhaam taqreer ke liye hai, yani tu Janata hai ya
wo sab log janate hain jo tere humasr hai. Ya is liye farmaya ke Arab
me ye waqiah gujre abhi jaydah arsa nahi hua tha.

Mashoor tareen kaul ke mutalliq ye waqiah us saal pesh aaya jis saal
nabi ( )ki wiladat hui thi. Is liye arabo me us ki khabren mashhoor
aur mutawatir thi, ye waqiah mukhtasar! Hasab zeel hai:

Waqiah ashaab-al-fil:

Jaisa ke baadshah ki taraf se Yemen me abrahatal-ishram gorj tha us ne

sana me ek bahut bada girja tameer kiya aur koshish ki ke log khana
kaba ki bajay ebaadat aur hajj umrah ke liye idhar aaya karein. Ye baat
ahle-makkah aur deegar kabail Arab ke liye shakth nagawar thi.
Chunanche un me se ek shaksh abraha ke banaye hue ebaadat khane ko
galazat se paleed kar diya. Jis ki ittillah us ko kar di gayi ke kisi ne us
ke girija ko napar kar diya hai. Jis par us ne khana kaba ko dhane ka
iraadah kar liya, aur ek Lashkar le kar make par hamla karne nikla.
Kuch haanthi bhi us ke saath the. Jab ye Lashkar wadi mehshar ke paas
pahucha to Allah tala ne parindo ke jhund bhej diye jin ki chonch aur
panjo me kankare thi, jo chane ya masoor ke barabar thi. Jis fauji ke bhi
ye kankariyaan lagti wo pighal jata aur us ka gosht jhar jata. Khud

15
abraha ka bhi Sana pahuchte pahuchte yahi anjaam hua. Is tarah
Allah( )ne apne ghar ki hifazat farmayi. Make ke kareeb pahuch,
abraha ke Lashkar ne nabi ( )ke dada, jo make ke sardar the, unke
unto par kabza kar liya, jis par abdul mutallib ne aakar abraha se kaha
ke tu meri unt wapas kar de jo tere Lashkar ne pakde hai. Baki raha
khana kaba ka masala jis ko dhane ke liye tu aaya hai to wo tera
mamala allah ke saath hai, wo allah ka ghar hai, wahi muhafiz hai, tu
jane aur baitullah ka malik Allah jane.

Kya un ke makar ko bekaar nahi kar diya

Yani wo khana kaba dhane ka iradah le kar aaya tha, us me is ko

nakaam kar diya.

Aur un par parindo ke jhund par jhund bhej diye

Ababeel parinde ka naam nahin balke us ke mane gul dar gul

Jo un ko matti aur patthar ki kankare mar rahi thi

Sijjil matti ko aag me paka kar us se banaya hua kankar. Un chote chote
patthar ya kankar ne top ke golo aur bandooq ki goliyon se jayada
mahlak kaam kiya.

16
Pas inhe khaya hue bhuse ki tarah kar diya

Yani un ki aizae jism is tarah bikhar gaye jaise khai hui bhusi hoti hai

17
106 Surat Quraysh
Is surah ko surah Ilaaf bhi kehte hain, Is ka talluq bhi gujishta surah se
hai.

Quraysh ke Manoosh (security) karne ke liye.

Yani inhe shardi aur garmi ke safar se manoosh karne ke liye.

Iilaf ke mane hai manoosh aur aadi banana, yani us kaam se kalaft aur
nafrat ka door hojana, quraysh ke maal wa maash ka jariya tijarat thi.
Saal me do martaba un ka tijarati kafila baahar jata aur wahaan se
cheeje tijarat lata. Shardiyon me Yemen, jo garam ilaka tha aur
garmiyon me Sham ki taraf jo thanda tha, khana kaba ke khidmat gujar
ho ne ki wajah se ahle arab, unki izzat karte the. Isliye ye kafile bila rok
tok safar karte. Allah tala is surat me Quraysh ko batla raha hai ke tum
jo garmi, shardi me do safar karte ho, wo to humare us ehsaan ki wajah
se hai, ke hum ne tumhe make me Aman aata kiya hai aur Ahle arab me
izzat banaye hue hain. Agar ye cheez na hoti to tumhara safar mumkin
na hota, aur Ashaab-al-fil ko bhi hum ne isi liye tabah kiya hai ke
tumhari izzat barkarar rahe aur tumhare safar ka silsila bhi. Jis par tum
dependent ho. Agar abraha apne mazmoom maqsad me kamiyab ho jata
to tumhari izzat wa sayadat bhi khatam ho jati aur silsila safar bhi
18
munqatah ho jata. Is liye tumhe chahieay ke sirf usi baitullah ke rab ki
ibadat karo.

Pas unhe chahieay ke usi ghar ke rab ki Ibadat karte rahe.

Jis ne unhe bhuk me khana* diya aur dar aur khuf # me aman wa
aamaan diya.

*Majkura tijarat aur safar ke jariya se.

#
Arab me qatl wa gaarat gari aam thi lekin quraysh makkah ki wajah se
jo Ahtaram hasil tha, us ki wajah se wo khuf wa khatre se mahfooz the.

19
107 Surat Al-Maun
Is surat ko surat-ud-deen aur surat-ul-yateem bhi kahate hain (fath
ul qadeer). Ye surah makki hai aur make ke ibtadai daur me is ka
nujul hua hai.

Kya tune dekha jo (roze) jaza ko jhutlata hai

Rasool Allah ( )ko khitab hai aur istafaam (question) se maqsad

izhaar-e-tajjub hai. Riwayat maarifat ke mafoom me hai aur din se
muraad aakhirat ka hisab aur jaza hai. Baaz kehte hai ke kalaam me
hazaf hai. Asal ebaadat hai. Kya tune us shaksh ko pahachana jo roze
jaza ko jhutlata hai? Ya wo apni is baat me sahi ya galat hai.

Yahi wo hai jo yateem ko dhakke deta hai.

Is liye ke ek to bakheel hai, doosra qayamat ka munkir hai. Bhala aisa

shaksh yateem ke saath kyon kare husne sulook? Yateem ke saath wahi
shaksh accha bartao karega jis ke dil me maal ke bajay insani qadro aur
ikhalaki dhabato ki ahmiyat wa mohabbat hogi. Dusri, use us baat ka
yaqin ho ke us ke badle me mujhe qayamat wale din acchi jaza milegi.

20
Aur miskeen ko khilane ke liye targheeb nahi deta.

Ye kaam bhi wahi karega jis me mazkoora khoobiyan hongi warna

yateem ki tarah miskeen ko bhi dhakka hi dega.

Un namaaziyo ke liye afsoos (aur wail name jahannam ko jagah)

hai.

Jo apni namazo se ghaafil hain.

Is se murad wo log hain jo namaz ya to padhte hi nahi ya pehle padhte

rahe fir susth ho gaye honge, ya namaaz ko us ke apne masnoon waqt
me nahi padhte. Jab ji chahata hai padh lete hain ya takhir se padhne ko
mamool bana lete hain, ya khushoo khudhoo ke saath nahi padhte. Ye
saare hi mafhoom us me aajate hain, is liye namaaz ke mazkoora saari
hi kothaheyon se bachna chahieay. Yahaan, is makaam par zikr karne se
ye bhi wajah hai ke namaz mein un kothaheyon ke murtaqab wahi log
hote hain jo aakhirat ki jaza aur hisab khitab par yakeen nahi rakhte. Isi
liye munifiqeen ki ek sifat ye bhi bayan kigayi hai.

Surah nisa (4) aayat no. 142

Beshak munafiq Allah se chalbaziyan kar rahe hain aur wo unhe us

chalbaziyon ka badla dene wala hai aur jab namaaz ko khade hote hai

21
to badi kaahili ki halat me khade hote hai, sirf logon ko dikhate hain,
aur yaad Allah ki yun hi si barai naam karte hain.

Jo riyakari karte hain

Yani aise logo hote hain ke logo ke saath ho to namaaz padh li ba surat
deegar namaz padhne ki jarurat hi nahi samajhte, yani sirf namood wa
numaish aur riyakari ke liye namaaz padhte hain.

Aur bartane ki cheez rokte hain

Maoon choti cheez kokehte hain - baaz is se muraad zakaat lete hain,
kyonki wo bhi asal maal ke maqable me bilkul thodi si hoti hai (2.5%)
aur baaz is se gharo me bartane wali cheeje murad lete hain jo padosi ek
dusre se be jijhak maang lete hain. Matlab ye hai ke gharelu cheeze
aaraita (udhaar) de dena aur us me kabeedgi (kam) mahsoos na karna
acchi sifat hai aur isi ke bar-aksh bakheelgi aur kanjoosi dar haqeeqat
ye munkireen e qayamat ki nishani hai.

NB: Aqeedah aakhirat ko majboot karne ki taqeed aur huqooq Allah aur
huqooq al ebaad ki adaigi ki talqeen ki gai hai. Quraan ke bayan karda
teeno markazi aqaaid (tauheed/risalat/aakhirat) ke inkaar ka laajmi
nateeja galat aqaaid wa aamaal aur bure akhlaq wa kirdaar hote hain,
ahle emaan ko in cheezo se door rehne ki sakht jarurat hai. (Talkhes al
Quraan)

22
108 Surat Al-Kawthar
Is ka dusra naam sura an-nahar bhi hai.

Musnad Ahmad me hai ke Rasool Allah ( )par ganoodgi si tari ho

gayi aur Aap ()sar utha kar mushkuraye, fir ya to khud aap ne
farmaya, ya logo ke us sawal par ke Huzoor ( )kaise mushkuraye?
To Aap ( )ne farmaya mujh par us waqt ek surat utri firaap ne
Bismillah ar rahman ar raheem padh kar puri surat ki tilawat ki aur
farmaya jante ho ke kawthar kya hai? Logo ne jawab diya Allah aur
rasool ( )jyada jante hai. Farmaya woek jannat ki nahar hai jis par
bohut bhalai hai, jo mere rab ne mujhe ata farmayi hai, jis par meri
ummat qayamat wale din aayange, us ke bartan aasmaan ke sitaro ki
ginti ke barabar hai, baaz log us se hataye jayange to main kahunga ai
mere rab ya bhi mere ummati hai, to kaha jayega aap ko nahi maloom
ke in logo ne aap ke baad kya kya biddate (innovation) deen me nikali
thi.Hadees me aya hai ke is me do naale aasmaan se girte honge, nasai
ki hadees me hai ye waqiah masjid me gujara, is liye istadlal hai ke ye
surat madani hai. (Ibn Kathir)

Yakeenan humne tujhe (hauz) kawthar (aur bohut kuch) diya hai.
(sehad se jadah meetha aur doodh se jada safed nahar).

Kawthar, kasarat se hai, is ke bohut se mane bayan kiye gaye hain. Ibn e
Kathir ne khair kathir ke mafoom ko tarjeeh di hai kyonki is me aisa
amoom hai ke jis me dusre mane bhi aa jate hai. Maslan sahih hadees
23
me batlaya gaya hai ke is se ek nahar murad hai jo jannat me aap ( )
ko ata ki jayegi. Is tarah baaz hadith me bataya gaya hai, is se ahle
emaan jannat me jane se kabl Nabi ( )ke dast Mubarak se paani
peyange. Is hauz me bhi pani isi jannat wali nahar se aarahi hogi. Isi
tarah, duniya me fatuhaat aur aap ( )ka rafa wa dawaam, zikr aur
aakhirat, azar wa sawab, sab hi cheeze khair katheerme aajati hai.
(Ibn katheer)

Pas tu apne rab ke liye namaaz padh aur qurbani kar.

Yani namaaz bhi sirf Allah ke liye aur qurbani bhi sirf Allah ke liye hai.
Mushrikeen ki tarah is me dusro ko sharik na karo. Nahar asal mane unt
(camel) ke halqoom me cheer ya neeza maar jar use jabah karna, dusre
janwaro ko zameen par leta kar un ke galo par choori chalai jati hai, ise
jabah karna kehte hain. Lekin yahaan nahar se muraad mutlaq qurbani
se hai. Alawa is me bataur sadka wa khairaat janwar qurbani karna, hajj
ke mauke par meena me aur eid al adha ke mauke par qurbani karna sab
shamil hai. (Surah al anaam, 6:162), (6:121)

Aap farma dijeay ke bilyaqeen meri namaaz aur meri qurbani aur mera
jeena aur mera marna ye sab khalis Allah hi ka hai jo sare jahano ka
malik hai.

24
Aur aise janwaro me se mat khao jin par Allah ka naam na liya gaya go
aur ye nafarmani hai aur yakinan shayateen apne dosto ke dil me dalta
hai take ye tum se jidal kare aur agar tum un logo ki itaat karne lago to
yakeenan tum mushrik ho jaoge.

Yakeenan tera dushman hi lawaris aur be naam wa nisaan hai.

Abtar aise shaksh ko kehte hai jo maktool al nasl ya maktool al zakr ho, yani
us ke zaat aur hi us ki nasal ka khatama ho jaye, ya koi us ka naam lene wala
na rahe. Jab Nabi ( )ki aulaad jinda na rahe to baaz kafir ne Nabi ()
ko abtar kaha. Jis par Allah ne Aap ( )ko tasalli di ke abtar tu nahi, tere
dushman hi honge. Chunanche, Allah tala ne aap ( )ki nasl ko baki rakha,
us ka silsila ladki ki taraf se hi hai. Is tarah aap ( )ki ummat bhi aap
( )ki aulaad manooi hi hai. Jis ke kasrat par Aap ( )qayamat wale din
fakhr karange. Alawa iske aap ( )ka zikr puri duniya me nihayat izzat wa
ehtaraam se liya jata hai. Chunanche ye peshangoi harf dar harf puri hui abu
jahl, abu lahab aur uthba ka zikr khair aaj duniya ke pardo me kahin bhi nahi
hai aur Aap ( )ka zikr khair hai ke seeno ke andar aur jabano ke upar har
tarah jari wa sadi hai.

Yaad raheke ye peshangoi jamane risalat ke liye makshsoos nahi thi balke
qayamat tak ke liye aam hai, jobhi jahaan bhi aur jab bhi Aap ( )ki
mukhalifat karega wo be naam wa nisaan ho jayega kyonki Aap ()
qayamat take ke liye nabi hai. (Talkhees ul-Quraan)

25
109 Surat Al-Kafiroon
Ye surah makki hai.

Shan-e-nuzool

1. Hazrat Abdullah Ibn Abbas (radiallahu anhu) se riwayat hai ke ek

mauke par kuffare (qureysh) makke ke kuch sardar Allah ke Rasool
()ke pas aaye aur kaha ke hum apke deen ko qubool karte hain
lekin hum bhi sahi hai aur aap bhi sahi hai. Aur kaha makkah me ek
saal aap humare deen par chale aur dusre saal humapke deen par
chalenge.

2. Abdullah Ibn Masood (radiallahu anhu) se riyat hai ke ek martaba

kuffare makkah aaziz aagaye Islam ki dawat se, to wo Allah ke
Rasool( )ke paas aaye aur unse kaha, agar aap maal chahte hain to
aapko Arab ka sabse jada maal denge. Agar aap shadi karna chahte hain
to Arab ki sabse khoobsurat ladki se shadikara dete hain, agar aap
baadshahi chahate hain to apko hum baadshahi dete hain, lekin aap
Islam se baaz aajaye. Ye na manane par fir kaha ke thik hai hum ek saal
aapke deen par change aur ek saal aap humare deen par, fir ye surah
nazil hui.

Fazilat: Sahih Muslim me Hazrat Jabir (radiallahu anhu) se marwi hai

ke rasool Allah ( )tawaaf ki do rakaato aur Musnad Ahmad me Ibn
Umar (radiallahu anhu) se fajr aur maghrib ki sunnato me (qul ya ayyu
hal kafiroon) aur surah Ikhlas padhte the. Isi tarah aap ( )ne baaz
sahaba (radiallahu anhu) ko farmaya ke raat ko sote waqt surah padh
kar soye to shirk se bari karaar paoge. Baaz riwayat me khud aap ( )
ka amal bhi ya batalaya gaya hai (Ibn Kathir).

26


Aap keh dijeay ki aye kafiro.

Al-Kafiroon me jins ke liye hai lekin bataur khaas sirf in kafiro se

khitaab hai jin ke babat Allah koilm tha ke in ka khatma kufr wa shirk
par hoga. Kyonki is surat ke najool ke badh kai mushrik musalmaan
hue, aur unhone Allah ki ebaadat ki. (fath al Qadeer)

Na main ebaadat karta ho us ki jis ki tum ebaadat karte ho.

Na tum ebaadat karne wale ho jis ki main ebaadat karta hoon.

Aur na main ebaadat karunga jiski tum ebaadat karte ho.

Aur na tum us ki ebaadat karne wale ho jis ki main ebaadat kar

raha hoon.

Baaz ne pehle aayat ko haal ke ur dusre ko istaqbaal ke mafoom me liya

hai, lekin Imam Shaukani ne kaha hai ke in taqallafaat ki jarurat nahi
27
hai. Taqeed ke liye taqaraar Arabi jabaan ka aam asloob hai. Jaise
quraan kareem me kai jagah aaya hai. Jaise SuratAr-Rahmaan, Surah
Al-Mursalat me hai. Isi tarah yahaan bhi takeed ke liye ya jumla
doharaya gaya hai. Maqsad hai ke ye kabhi mumkiin nahi ke main
tawheed ka raasta chor kar shirk ka raasta ikhtiyar karlu. Jaise ke tum
chahate ho. Aur agar Allah ne tumhari qismat me hidayat nahi likhi hai,
to tum bhi us tawheed aur ebaadat al-hayyi se mahroom rahoge. Ye baat
us waqt farmayigayi jab kuffar ne ye shart pesh ki keek saal hum Aap
( )ke mabood ki aur ek saal Aap ( )humare mabood ki ebaadat
kare.

Tumhare liye tumhara deen hai aur mere liye mera deen hai.

Yani agar tum apne deen par razi ho aur use chorne ke liye tayyar nahi
ho, to main apne deen par razi hoon main use kyon choru?

28
110 Surat An-Nasr
Nujool ke aitbaar se ye aakhari surah hai (Sahih Muslim Kitab at-
Tafseer), jis waqt ye surat nazil hui to baaz Sahaba (radiallahu
anhum) samajh gayeke ab Nabi ( )ka aakhiri waqt aagaya hai.
Isi liye Aap ( )ko tasbeeh wa tahmeed aur istagfaar ka hukm
diya gaya hai jaise Hazrat Ibn Abbas aur Hazrat Umar (radiallahu
anhuma) ka waqiyah Sahih Bukhari me hai.

Jab Allah ki madad aur fatah aajaye

Aur logo ko Allah ke deen me jok dar jok aata dekho

Allah ki madad ka matlab, Islam aur musalmano ka kufr aur kafiro par
galba hai, aur fath se murad fath makkah hai, jo Nabi ( )ka
mawlood wa maskoon tha. Lekin kafiro ne Aap ( )aur sahaba
karam ko wahaan se hijrat karne par majboor kar diya tha. Chunanche
jab 8 hijri me ya makkah fath hogaya to log fauj dar fauj Islam me
dakhil hone shuru ho gaye. Jab ke is se kabl ek ek do do fardh
muslaman hote the, fath makkah par logo ko ye baat bilkul wajah ho
gayi ke Aap ( )Allah ke sacche paighambar hain aur deen islaam
deen al-haq hai. Jis ke baghair aapki nijat mumkin nahi. Allah tala ne
farmaya jab aisa ho toaayat

29
Tu apne rabb ki tasbih karne lag hamd ke saath, aur us se magfirat
ke dua maang, beshak wo bada hi taubah kabool karne wala hai.

Yani ye samajh le ke tabligh risalat aur ahqaaq haq ka fardh, jotere

zimmeh tha, pura hogaya aur aap tera duniya se kooch karne ka marhala
qareeb aagaya hai. Is liye hamd wa tasbeeh al-Hayyi aur istagfar ka
khoob ahtamaam kar. Is se maloom hua ke zindagi ke aakhri ayyam me
in cheezo ka aithram kasrat se karna chahieay.

30
111 Surat Al-Masad
Is surah ke do naam hai, surah al-Lahab aur surah al-Masad. Is
surah ke lahab naam rakhne ki wajah ye hai ke is surah me do baar
lafz lahab aaya hai jis ke mane hai aag ka shola aur lapat, isi
munasibat se is ka naam lahab rakha gaya hai. Iski aakhri aayat
me lafz masad hai, jis ke mane hai majboot budi hui aag ki rassi ka
fanda.

Is ki shan-e-nujool me aata hai ke jab Nabi ( )ko hukum hua ki

apne ristedaro ko tableegh kare to Aap ( )ne safa pahar par chad
kar ya sabaha! ki aawaj lagai. Is tarah ki aawaj khatre ki alaamat
samajhi jati hai. Chunanche is aawaz par log ikatthe ho gayen. Aap
( )ne farmaya jara batalao, agar main tumhe khabar du ke is pahar
ke peeche ek ghursawar lashkar hai jotum par hamla karna chahata hai,
to tum meri tasdeeq karo ge? Unhone kaha kyon nahi, hum ne kabhi
Aap ( )ko jhuta nahi paya. Aap ( )ne farmaya ke, main tumhe
ek bade aajab se darane aaya hoon (Agar tum kufr wa shirk me mubtala
rahe).Ye sun kar abu lahab ne kaha tere liye halaqat ho kya tune is liye
jama kiya tha? Jis par Allah tala ne ye surah najil farmayi (Sahih
Bukhari, Tafseer surah Tabbat). Abu lahab ka asal naam abdul uzza tha.
Apne husn jamaal aur chahre ki surkhi ki wajah se use abu lahab kaha
jata tha. Alawa wo apne anjaam ke aaitbaar se bhi use jahannam ki aag
ka indhan (fuel) banaya tha. Ye Nabi ( )ka haqiqi chacha tha, lekin
Aap ( )ka shadid dushman tha aur us ki biwi umm jameel bint harb
bhi dushmani me apne shauhar se kam na thi.

31
Abu Lahab ke dono haanth tut gaye aur wo (khud) halaaq ho gaya.

Yada, yad (haanth) ka tasneeya (dual) hai. Muraad is se us ka nafs hai.

Haal bol kar kal ka muraad liya gaya hai, yani halaq aur barbaad ho
jaye, ye baddua lafz ke jawab me hai, jo us ne Nabi ( )ke mutallaq
gusse aur aadawat me bole the. Wa tab-b (aur wo halaq ho gaya) ye
khabar hai yani baddua ke saath hi Allah ne us ki halaqat aur barbadi ki
khabar de di. Chunanche jang-e-badr ke chand roz badh ye shadid
bemari me mubtala hogaya. Jis me taoon ki tarah gilti si nikalti hai. Is
me us ki maut ho gayi. Teen din tak uski laash yun hi padi rahi. Hatta
ke shakth badboodaar ho gayi. Bil aakhir us ke ladko ne beemari ke
phailne ke khauf se us ki jism par door se hi patthar aur mitti daal kar
use dafna diya.

Na to us ka maal us ke kaam aaya aur na us ki kamai.

Kamai me us ki aulad bhi shamil hai, yani jab Allah ki girft aayi to koi
cheez us ki kaam na aayi.

Wo ankareeb bhadkane wali aag me jayega.

32
Aur us ki biwi bhi (jayagi) jo lakdiyan dhone wali hai.

Yani jahannam me ye apne khawind ki aag par lakidiyan la la kar

dalegitake majeed aag bhadke. Ye Allah ki taraf se hoga. Yani jis tarah
ye duniya me apne showhar ki us ke kufr wa aanadat me madadgar thi,
aakhirat me bhi aajab me us ki madadgar hogi. (IbnKathir), baaz kahte
hain ke wo kaante daar jhariyan dho dho kar lati aur Nabi ( )ke
raste me lakar bicha deti thi. Aur baaz kahate hai ke us ki chugal khori
ki aadat ki taraf isharah hai. Chugal khori ke liye ye arabi muhawarh
hai. Ye kuffar e qureyish ke paas ja kar Nabi ( )ki gheebat karti
aur unhe Aap ( )ki aadawat par uksati thi. (Fath al-Bari)

Us ki gardano me poust khajooro ki bani hui rassi hogi.

Masad majboot bani hui rassi, wo moonj ki ya khajoor ki poust ki hui

ya aahani taro (wire) ki. Jaisa ke mukhtalif logo ne us ka tarjama kiya
hai, baaz ne kaha hai ki ye wo duniya me dale rakhti thi jise bayan kiya
gaya hai. Lekin jyada sahi baat ye maloom hoti hai ki jahannam me us
ki gale me jo toq hoga, wo aahani taro se bana hua hoga. Masad se
tasbih us ki shiddat aur majbooti ko wajah karne ke liye di gayi hai.

Pure quraan me kisi maqam par kisi dusman rasool ka naam le kar
mujammat nahi bayan ki gayi hai, siway is surah ke, ke yahaan rista
munkatah karne wale aur shan-e-risalat me gustakhi karne wale chacha
ki mujammat hi nahi balke duniyawi aur ukhrawi har tarah ke aajab me
giraftar hone ka tajkira hai.

33
Is waqt bhi abu lahab jaise kirdar wale insaan ke liye ye surah ek misal
hai, ki agar wo deen ke khilaf honge to khud apne tamaamtar asbab wa
wasail ke bawajood halaqat wa barbadi se bach nahi sakange. [Talkhes
al Quraan]

34
112 Surat Al-Ikhlas
Ye mukhtsar si surat badi fazilat ki hamil hai, iseNabi ( )ne
salas (ek tehai 1/3) Quraan qarar diya hai aurise raat ko padhne ki
targheeb di hai (Bukhari). Baaz Sahaba (radiallahu anhum) har
rakaat me deegar surat ke saath bhi padhte the. Jis par Nabi ()
neunhe farmaya tumhari is ke saath muhabbat tumhe jannat me
dakhil kar de gi (Bukhari). Is ka sabab najool ye bayan kiya gaya
hai ke mushrikeen ne Rasool Allah ( )se kaha ke apne rabb ka
nisbat bayan karo (Musnad Ahmad)

Aap kah dijeay ke wo Allah tala ek (hi) hai.

Allah tala be nayaz hai

Yani sab us ke muhtaj hai, wo kisi ka muhtaj nahi.

Na us se koi paida hua aur na wo kisi se paida hua.

35
Yani na koi cheez us se nikali hai na wo kisi cheez se nikla hai.

Aur na koi us ka humshar hai.

Us ki jaat me us ki sifaat me aur na us ke afaal me (laisa ka misli

shayyinn). Hadith kudsi me hai ke Allah tala fermata hai insaan mujhe
gali deta hai, yani mere liye aulad sabit karta hai, halaki main ek hoon
be niyaz hoon, maine na kisi ko jana hai na kisi se paida hua hoon, aur
na koi mera humshar hai (Sahih Bukhari). Is surat me un ka bhi radd ho
gaya jo ek se jada khudao ke qail hai aur jo Allah ke liye aulad sabit
karte hai, aur jo us ko dusro ka sharik gadh dalte hain aur un ka bhi jo
sare se wajood bari tala hi ke qail nahi.

36
113 Surat Al-Falaq
Ek hadees me Nabi ( )ne farmaya Aaj ki raat mujh par aisi
aayat najil hui hai jin ki misl maine kabhi nahi dekhi ye farmakar
Aap ( )ne ye surat aur surah an-nas padhi (Sahih Muslim).
Abu Habis Jahni (radiallahu anhu) se Aap ( )ne farmaya ai
abu habis, kya main tumhe sab se behtareen taweez na bataun jis
ke jariye se panah talab karne wale panah mangte hai, unhone arz
kiya haan zaroor batlaye Aap ( )ne dono surato ka zikr kar
ke farmaya dono muwazzatain hain (Sahih Nasai). Nabi ()
insano aur jinno ko nazar se panah manga karte the. Jab ya dono
surate nazil hue to Aap ( )ne in ke padhne ko mamool banaya
aur baqi dusre cheeze chod di (Sahih Tirmizi). Hazrat Ayesha (radi
allahu anha) farmati hain jab Aap ()ko koi takleef hoti to
muwazzatain padh kar apne jism par phonk lete. Jab Aap ( )ki
takleef jada hogayi to main ye suratein padh kar Aap ( )ke
haantho ko barkat ki umeed se Aap ( )ke jism par pherti
(Bukhari). Jab Nabi ( )par jadu kiya gaya to Jabreel
(Alayhisalaam) do surate le kar hazir hue aur farmaya keek
yahoodi ne Aap ( )par jado kiya hai, aur ye jadu fala kuan me
hai. Aap ( )ne Hazrat Ali (radi allahu anhu) ko bhej kar use
mangawaya, (ye ek kangha ke danto aur balo ke saath ek danto ke
andar lapate hui thi, aur mom(wax) ka ek putla tha jis me suiyan
(needle) chubhi hui thi) Jibreel ke hukm mutabiq Aap ( )in
dono surato me se ekek aayat padhte jate aur ghira kholi jati aur
sui nikalti jati khatme tak pahuchte pahuchte saari ghirhe bhi khul
gayi aur suiyan bhi nikal gai, Aap ( )is tarah sahih ho gaye
jaise koi shakhs jakarbandi se aazad ho jaye (Sahih). Aap ( )ka
37
ya mamool bhi tha ke raat ko sote waqt surat Ikhlas, Falaq aur
Naas, padh kar apni hatheliyon par phoonkte aur fir inhe pure jism
par malte, pahle sar chehre aur jism ke alge hisse par haanth ferte.
Us ke baad jahan tak Aap ( )ke haanth pahuchte, teen martaba
Aap ( )aisa karte (Sahih Bukhari).

Aap keh dijeay ke main subah ke rabb ki panah me aata hoon.

Falaq ke mane subah ke hain. Subh ke takhsees is liye ke jis tarah Allah
tala raat ka andhera khatam kar ke din ki roshni la sakta hai, wo Allah
usi tarah khauf aur dahshat ko door kar ke panah mangne wale ko aman
bhi de sakta hai. Ya insaan jis tarah raat ko us baat ka mantazeer hota
hai ke subh roshni ho jayegi, isi tarah khuf jada aadmi panah ke zarieay
se subh kaamyabi ke tuloo ke umeedwar hota hai (Fath al Qadeer)

Har us cheez ke shar se jo us ne paida ki hai.

Ye aam hai is me shayataan aur us ki zurriyat, jahannam aur har us

cheez se panah hai jis se insaan ko nukhsaan pahuch sakta hai.

38
Aur aandheri raat ki tareeki ke shar se jab us ka andhera phail
jaye.

Raat ke aandhere me khatarnak darinde apni ghufao se aur mauzi

janwar apne bilo se aur isi tarah jurm karne wale apne mazmoom irado
ko amali jama pahnane ke liye nikalte hain, in alfaaz ke jarieay se un
tamaam se panah talab ki gayi hai. Gasiq, raat waqt dakhil ho jaye, cha
jaye.

Aur ghiro (knot) (laga kar un) me phoonkne walo ke shar se (bhi).

Nafasat, muannas (feminine) ka sega hai. Jo al-nafoos (mausoof

mahzoof) ke sifat hai, min shar al-nafoos al-nafasat yani ghiro me
phookne wale nafooso ki burai se panah, us se muraad jadu ka kala
amal karne wale mard aur aurateinhain.Yani us me jadugaro ki sharrarat
se panah mangi gayi hai. Jadugar padh padh kar phoonk marte aur gireh
lagate jate hain, aam taur par jis par jadu karna hota hai us ke baal ua
koi cheez hasil kar ke us par ye amal kiya jata hai.

Aur Hasad karne wale ki burai se bhi jab wo hasad kare.

Hasad ye hai ke hasid mahsood se zawaal (declination) ki nemat ki

aarzoo karta hai, chunanche us se bhi panah talab ki gayi hai, kyonki
hasad bhi ek nehayat buri ikhalaqi beemari hai jo neko ko kha jati hai.

39
114 Surat Al-Nas
Is ki fazilat guzista surat ke saath ho chuki hai. Ek aur hadees jis
me aata hai ke Nabi ( )ko namaaz me bechain kiya, namaaz se
faraghat ke badh Aap ( )ne pani aur namak mangwa kar us ke
upar mala aur saath saath (teeno sureh) padhte rahe.

Aap keh dijeay ke main logon ke rabb ki panah me aata hoon.

Rabb ka matlab hai jo ibtada se hi jab ke insaan abhi maa ke pet me hi

hota hai us ki tadbeer wa islaah karta hai. Hatta ke wo baligh aqil ho
jata hai, fir wo ye tadbeer chand makhsoos afraad ke liye nahi, balke
tamaam insaano ke liye karta hai, aur tamaam insano ke liye hi nahi,
balke apne tamaam makhlooqat ke liye karta hai. Yahaan sirf insan ka
zikr kar insaan ke us sharf afzal ka izhaar hai jo tamaam makhlooqal par
us ko hasil hai.

Logo ke malik ki

Jo zaat, tamaam insano ki parwarish karne wali hai, wahi us layaq hai
ke kainaat ki hukmarani aur baadshahi bhi usi ke paas ho.

40
Logo ke mabood ki (panah me)

Aur jo tamaam kainaat ka parwardeegar ho, puri kainaat par usi ki

baadshahi ho, wahi zaat us naat ki mustahaq hai ke us ki ebaadat ki jaye
aur wahi tamaam logo ka mabood ho, chunanche main usi azeem wa
bartar hasti ki panah hasil karta hoon.

Waswasa dalne wale, peeche hat jane wale ke shar se.

Al-was-wasa: baaz ke nazdeek ism fail al-mausoof ke mane me hai, aur

baaz ke nazdeek ye ze was-was hai. Was-wasa, makhfi aawaz ko kehte
hain, shaitaan bhi nihayat gair mahsoos tareqon se insaan ke dil me buri
bate daal deta hai. Isi ko was-wasa kehte hain. Al-khan-nas (khisak jane
wala) ye shaitan ki sifat hai. Jab Allah ka zikr kiya jata hai to ye khisak
jata hai aur agar Allah ki yaad se gaflat badh jaye wo dil par cha jata
hai.

Jo logon ke seeno me was-wasa dalta hai.

Wo jin me se ho ya insaan me se.

41
Ye waswasa dalne walo ki do qisme hain. Shaitaan al-jinn ko to Allah
tala ne insaano ko gumrah karne ki qudrat di hai, alawa azeen har
insaan ke saath ek shaitaan us ka saathi hota hai, jo us ko gumrah karta
rahta hai, chunanche hadees me aata hai ke jab Nabi ( )ne ye baat
farmayi to sahaba ne pucha ke Ya Rasool Allah! Kya woAap ke saath
bhi hai? Aap ( )ne farmaya haan! Mere saath bhi hai, lekin Allah
ne us par meri madad farmayi hai, aur womera matee ho gaya hai,
mujhe khair ke alawa kisi baat ka hukum nahi deta (Sahih Muslim). Isi
tarah hadees me aata hai ke Nabi ( )Itekaaf farma rahe the ke Aap
( )ki jauz Hazrat Safeeya (radi allahu anha) Aap ( )se milne ke
liye aayi. Raat ka waqt the, Aap ( )unhe chorne ke liye un ke saath
gaye. Raste me do ansari sahabi waha se guzare to Aap ( )ne unhe
bula kar farmaya ke ye meri ahliya, Safeeya Bint Hayi. Unhone arj kiya,
Ya Rasool Allah ( )ki babat,hume kya badgumani ho sakti thi? Aap
( )ne farmaya ye to thik hai, lekin shaitaan insaan ki rago me khauf
ki tarah daurta hai. Mujhe khatra mahsoos hua ke kahin wo tumhare
dilo me kuch shuba na daalde (Sahih Bukhari).

Dusre shaitaan insano me se hote hain jo mushfaq ke roop me insan ko

gumrahi ki targeebh dete hain. Baaz kehte hain ke shaitaan jin ko
gumrah karta hai, unki do kisme hain. Yani shaitaan insane ko bhi
gumrah karta hai aur jinnat ko bhi. Sirf insan ka zikr kar tagleeb taur par
hai. Warna jinnat bhi shaitaan ke was-waso se gumrah hone walo me
shamil hain, aur baaz kehte hai ke jinno ke liye bhi quraan me rijal ka
lafz aaya hai (jinn chap 72: 6), is liye wo bhi naas ka masdaaq hai.

42
And there were men from mankind who sought refuge in men from the
jinn, so they [only] increased them in burden.

39 Surah Az-Zumar (The Troops)

Is kitaab ka utarna Allah tala ghalib ba hikmat ki taraf se hai.

Yaqeenan humne is kitaab ko aap ki taraf haq ke saath nazil

farmaya hai, pas Allah hi ki ebaadat kare, usi ke liye deen ko khalis
karte hue.

Yani is me tawheed wa risalat, maad wa ahkaam aur faraiz ka jo isbaat

kiya gaya hai, wo sab haq hai aur inhi ke mannane aur ikhtiyar karne
me insaan ki nizat hai.

Deen ke mane yahaan ebaadat aur itaat ke hain. Aur ikhlaas ka matlab
hai sirf Allah ke raza ki neeyat se nek amal karna. Ye aayat neeyat ke
wajoob aur us ke ikhlaas par daleel hai. Hadees me bhi ikhlaas neeyat ki
ahmiyat ye kah kar wajah kar di gayi hai ke, innamal amal binniyaat,
amalon ka dar-o-madar neeyat par hai. Yani jo amal khair Allah ke raza
ke liye kiya jayega, (ba sharte wo sunnat ke mutabiq ho) wo maqbool

43
aur jis amal me kisi aur jazbe ki amajash (mixture) hogi, won a qabool
hoga.

Khabardaar! Allah tala hi ke liye khalis ebaadat karna hai aur jin
logon ne us ke siwa auliya bana rakhe hain (aur khete hain) ke hum
inki ebaadat sirf is liye kare hain ke ye (buzurg) Allah ki nazdeeki
ke martabe tak humari rasai (access) kara de. ye log jis bare me
Ikhtilaf kar rahe hain, us ka sachcha faisla Allah khud
karega.Jhoote aur nashukre (logon) ko Allah tala rah nahi dikhata.

Ye jhut hi hai ke in mabood baatil ke jariye se in ki rasai Allah tak

hojayegi ya ye in ki sifarish karange aur Allah ko chod kar be ikhtiyar
logon ko mabood samajhna bhi bohut badi nashukri hai aise jhuton
aur nashukron ko hidiyat kis tarah naseeb ho sakti hai.

Agar Allah tala ka irada aulaad hi ka hota to apni makhlooq me se

jise chahata chun leta (lekin) wo to pak hai, wo wahi Allah tala
hai Yaganah (unique) aur quwaat wala.

Yani phir us ki aulaad ladkiyaan hi kyon hoti? Jis tarah mushrikeen ka

aqeedah tha. Balke wo apni makhlooq me se jis ko pasand karta, wo

44
uski aulaad ho jati, na ke wo jin ko wo bawar (associate) karate hain.
Lekin wo to is naqs se hi paak hai. (ibn katheer)

Nihayat acchi tadbeer se us ne aasmaan aur zameen ko banaya, wo

raat ko din par aur din ko raat par lappet deta hai. Aur us ne suraj
chand ko kaam par laga rakha hai har ek mukkarara muddat tak
chal raha hai, yaqeen mano ke wahi zabardast aur gunaho ka
bakshne wala hai.

(from ibn Katheer)

Is aayat me Allah tala ne un logon ki nafi ki jo Allah ki aulaad therate

the. Maslan mushrikeen makkah kehte the ke farishte Allah ki ladkiyan
hai yahood kehte the Uzair Allah ke ladke hain Essai ghuman karte
the ke Esa Allah ke bte hain pas fermata ke jaise in ka khayal hai
agar yahi hota to us amar ke khilaf hota, pas yahaan shart na to waqai
hone ke liye hai na Imkaan ke liye, balke mahal (unlikely) ke liye hai.
Aur maqsad sirf un logo ki jahalat bayan karne ka hai jaise farmaya
surah ambiya aayat 21 me: agar hum in behuda bato ka iradah karte to
apne paas se hi bana lete, agar hum karne wale hi hue aur surah
zhukhruf aayat 43 me farmaya kah de ke agar rahmaan ki aulaad hoti
to main to sab se pehle us ka qail hota. Pas ye sab aayate shart to mahal
ke saath matlooq karne wali hai, matlab ye hai ken a ye ho sakta hai na
wo ho sakta hai. Allah in sab baato se pak hai wo fard ahad, samad, aur
waahid hai. Har cheez us ke matahat farmabardaar aazaz mohtaj faqeer
aur bebas hai. Wo har cheez se gani hai sabse be parwah sa par us ki

45
hukumat aur ghalba hai. Zalimo ke in aqeedo se aur jahilo ki in bato se
us ki zaat muazzaz hai.

Har cheez ka khaliq, sab ka malik, sab par hukmaraan aur sab ka qabiz
(dominator) Allah hi hai. Din raat ka ulat fer usi ke haath hai, usi ke
hukm se intezam ke saath din raat ek dusre ke peeche barabar musalsal
chale aarahe hain. Na wo aage badh sakte hain, na wo peeche reh sakte
hain. Sooraj chand ko us ne musakkhar kar rakha hai wo apne daure
ko poora kar rahe hain, qayamat tak us intazam me tum koi farq na
paoge. Wo izzat wa azmat wala kibriyai aur riffat wala hai gunahgaro
ka bakshne wala.

Us ne tum sab ko ek hi jaan se paida kiya hai (1), phir usi se us ka

jora paida kiya (2) aur tumhare liye chopayon me se (aath nar wa
mada) utare (3), wo tumhe tumhari maa ke pet me ek banawat ke
baadh doosri banawat par banata (4) hai, teen teen aandhero (5)
me. Yahi Allah tala tumhara rabb hai, us ke liye baadshahat hai, us
ke siwa koi mabood nahi, phir tum kahaan behak rahe ho.

1. Yani hazrat Aadam alayhisalaam se, jin ko Allah ne apne haanth se

banaya tha aur apni taraf se us me rooh phooki thi.

2. Yani hazrat Hawa ko hazrat Aadam alayhisalaam ki baye pasli se

paida farmaya aur ya bhi us ka kamal qudrat hai, kyonki hazrat Hawa
ke alawa kisi bhi aurat ki takhleek, kisi aadmi ki pasli se nahi hui.

46
3. Ya wahi chaar qism ke janwaro ka bayan hai bhed, bakri, gai, unt aur
mada mil kar aath ho jate hain jin ka zikr surat Anaam me aaya hai.

4. Yani raham madar me mukhtalif atwaar guzarta hai, pehle nutfa, fir
alaqa, fir mudhga, air haddiyon ka dhancha, jis ke upar gosth ka libas
in tamaam marahil se guzarne ke baadh insaan kamil tayyar ho jata hai.

5. Ek maan ke pet ka aandhera aur doosra raham madar ka aandhera aur

teesra us jhilli ya fir wo jis ke aandar baccha lapeta hota hai.

Ya kyon tum haq se baatil ki taraf aur hidayat se ghumrahi ki taraf fir
rahe ho?

Agar tum nashukri karo to (yaad rakho) ke Allah tala tum (sab se)
beniyaz hai (1) aur wo apne bando ki nashukri se khush nahi aur
agar tum shukr karo to wo use tumhare liye pasand karega aur
koi kisi ka bojh nahi uthata fir tum sab ka lautna tumkare rabb hi
ki tarah hai. Tumhe wo badla dega jo tim karte the yakeenan wo
dilo tak ki bato ka jannane wala hai.

1. us ki tashreeh ke liye dekheay (surah Ibrahim aayat 8)

Moosa (Alayhisalaam) na kaha ke agar tum sab aur rooe zameen ke

tamaam insaan Allah ki nashukri kare to bhi Allah be niyaz aur tareefon
wala hai.
47
Wo insane ko jab kabhi koi takleef pahunchti hai to wo khoob
rujoo ho kar apne rabb ko pukarta hai, fir jab Allah tala use apne
paas se nemat ata farma deta hai to wo us se pehle jo dua karta tha
use bilkul bhool jata hai (1) aur Allah tala ke shareek muqarar
karne lagta hai jis se (auro ko bhi) us ki raah se behkaye. Aap kah
dijeay! Ke apne kufr ka faidah kuch din aur utha lo, (aakhir) to
doozakho me hone wala hai.

1. ya us takleef ko bhul jata hai jis ko door karne ke liye wo doosro ko

chod kar Allah se dua karta tha, ya us rabb ko bhul jata hai jise wo
pukaarta tha aur fir shirk me mubtala ho jata hai.

(From Ibn Katheer)

Tum sab ko us ne ek hi shaksh yani hazrat Adam se paida kiya hai, fir
dekho ke tumhare aapas me kis qadar ikhtilaf hai rang, soorat, aawaz,
bol chaal, zaban, hare k alag alag hai. Hazrat Aadam se hi un ki biwi
hazrat hawa ko paida kiya. Jaise aur jagah hai ke logo Allah se daro jo
tumhara rabb hai jis ne tumhe ek hi nafs se paida kiya hai. Usi se us ki
biwi ko paida kiya fir bohut se mard wa aurat faila diye. Us ne tumhare
liye 8 nar wa mada chaupaye paida kiye jin ka bayan surat aanam ki
aayat 143 me hai. Yani bher, bakri, unt, gai wo tumhe tumhari maao
ke pet me paida karta hai, jahaan tumhari mukhtalif paidaish hoti rahti
hai, pehle nutfa, fir khoon basta, fir luthra, fir gosth pust, haddi, rag,
patthe, fir roj, gaur karo ke wo kitna accha khaliq hai. Teen teen
andhere marhalo me tumhari ye tarah tarah ki tabdeeliyon ki paidaish ka
her pher hota rehta hai. Raham ki Andheri, us ke upar ki jhilli ki
Andheri aur pet ka andhera ye jis ne aasman wa zameen ko aur khud
48
tum ko aur tumhare aglo, peechlo ko paida kiya hai. Wahi rabb hai,
wahi sab me mutsarf hai, wahi layaiq ebaadat hai. Us ki siwa koi aur
nahi afsoos najane tumhari aqle kahaan gayi ke tum us ke siwa doosro
ki ebaadat karne lage.

Farmata hai ke saari makhlooq Allah tala ki mohtaz hai aur Allah sab se
be niyaz hai Hazrat Moosa alayhisalaam ka farman Quraan me
manqool hai ke agar tum aur roye zameen ke sab jandaar Allah se kufr
kare to Allah ka koi nuqsaan nahi wo saari makhlooq se be parwah aur
poori tareefo wala hai. Sahih Muslim ki hadees me hai ke ai mere bando
tumhare sab awwal aur aakhir insaan wa jinn mil mila kar badtareen
shaksh ka saadil bana lo to meri baadshahat me koi kami nahi aayegi,
haan Allah tumhari nashukri se khush nahi na wo us ka tumhe hokum
deta hai, aur agar tum us ki shukrguzari karoge to wo us pa tum se
razamand ho jayega aur tumhe apni aur neamate ata farmayega har
shaksh wahi payega jo us ne kiya ho, ek ke badle doosra pakda na jayga
Allah par koi cheez poshida nahi.

Insaan ko dekho ke apni haazat ke waqt to bohut hi aazizi Inkasari se

Allah ko pukarta hai aur is se faryaad karta rahta hai, jaise aur aayat me
hai Surah Israh 17:67 yani jab darya aur samandar me hote hai aur
wahaan koi aafat aati dekhte hain to jin jin ko Allah ke siwa pukarte the
sab ko bhool jate hain aur khalis Allah ko pukarne lagte hain, lekin nijat
pate hi fir jate hain Insaan hai hi nashukra. Pas farmata hai ke jahaan
dukh dard tal gaya fir to aisa ho jata hai goya musibat ke waqt us ne
hume pukara hi na tha, us dua ko bilkul faramosh kar jata hai jaise aur
aayat me hai az-zumar 39:8 yani takleef ke waqt to insaan hume uthte
baithte let te har waqt badi hazoor qalbi se pukarta rahta hai, lekin us
takleef ke hata te hi wo bhi hum se hat jata hai, goya us ne dukh dard ke
waqt hume pukara hi na tha. Balke aafiyat ke waqt Allah ke saath shirk
karne lagta hai. Pas Allah farmata hai aise log apne kufr se kuch din aur
faida utha le. Is me daant hai aur sakth dhamki hai jaise farmaya
kahdijeay ke faida hasil kar lo aakhri jagah to tumhari jahannam hi hai
aur farmaan hai hum unhe kuch faida denge fir sakth azaabo ke taraf be
bas kar denge.

49
Bhala jo shaksh rato ke awqat sajde aur qayam ki halat me
(ebaadat me) guzarta ho, aakhirat se darta ho aur apne rabb ki
rahmat ki umeed rakhta ho (aur jo us ke bar aksh ho - barabar ho
sakte hain) batao to ilm wale aur be ilm kya barabar hain?
Yaqeenan naseehat wahi hasil karte hain jo aqalmand ho (apne
rabb ki tareef se).

Aur ye ahle emaan hi hain, na ke kafir goya wo apne aap ko saahab

Danish wa baseerat hi samajhte hoon lekin jab wo apni aql wa Danish
ko istamaal kar ke gaur-o-tadbeer nahi karte aur eebrat aur naseehat
hasil nahi karte to aise hain goya wo chopayo ki tarah aql wa Danish
se mahroom hain.

Keh do ke aye mere emaan wale bano! Apne rabb se darte raho (1)
- Jo is duniya me neki karte hain un ke liye nek badla hai (2) aur
Allah tala ki zameen bahut kushada hai sabr karne wale hi ko un
ka pura pura beshumaar azr diya jata hai.

1. Us ki etaat kar ke, maasi se iztinab kar ke aur ebaadat aur itaat
ko us ke liye khaas kar ke.

50
 2. Ye taqwa ke fawaid hain nek badle se muraad Jannat aur us ki
abadi neamat hain baaz is ka mafoom yak arte hain ke jo neki
karte hain un ke liye duniya me nek badla hai, baaz Allah unhe
duniya me seehat wa aafiyat, kaamiyabi aur ganeemat wa
ghairah ata fermata hai lekin pehla mafoom zadah sahi hai.

Aap keh dijeay! Ke muhe hukum diya gaya hai ke Allah tala ki is
tarah ebaadat karo ke usi ke liye ebaadat khalis kar lo.

Aur mujhe hokum diya gaya hai ke main sab se pehla

farmabardaar ban jaun.

Keh dijeay! Ke mujhe to apne rabb ki nafarmani karte hue bade

din ke aazab ka khuf lagta hai.

Keh dijeay! Ke main to khalis kar ke sirf apne rabb hi ke ebaadat

karta hoon.

(From Ibn Katheer)

Mushrik aur muwahid barabar nahi:

51
Matlab ye hai to jis ke haalat ye ho mushrik ke barabar nahi jaise
farmaan hai (surah Al imran 3:113) yani sab ke sab barabar ke nahi
ahle kitaab me wo jamaat bhi hai jo raato ke waqt qayam ki halat me
aayat al-hayyi ki tilawat karte hain aur sajdon me pade rehte hain
qanoot se muraad yahaan par namaaz ka khusoo khudhoo hai sirf
qayam muraad nahi. Ibn masood (radiallahu anhu) se qaanat ke mane
matee aur farmabardaar ke hai Ibn Abbas wa ghairah se marwi hai ke
ana al-layl se muraad aadhi raat se hai mansoor farmate hai muraad
maghrib Isha ke darmayan ka waqt hai Qatadah radiallau anhu wa
ghairah farmate hai awwal darmayana aur aakhiri shab muraad hai.
Ye aabid log ek taraf larza wa tarsa hain doosri janib umeedwar aur
tamaa (aspiration) hain.

Nek logon par zindagi me to khuf Allah umeed par ghalib rahta hai
maut ke waqt khuf par umeed ka ghalba ho jata hai. Rasool Allah ()
ek shaksh ke paas us ke inteqal ke waqt jate hain aur poochte hain ke tu
apne aap ko kis halat me pata hai? Us ne kaha khuf wa umeed ki halat
me Aap ( )ne farmaya jis shaksh ke dil me aise waqt ye dono
cheeze jama ho jaye us ki umeed Allah tala poori karta hai aur us ke
khuf se use nijaat aata farmata hai - Tirmizi, ibn Majah wa ghairah. Ibn
Umar radiallahu anhu ne is aayat ki tilawat kar ke farmaya ye wasf sirf
hazrat Uthmaan radiallahu anhu me tha. Nasai wa gairah me hadees hai
ke jis ne ek raat 100 aayate padh li us ke name aamal me saari raat ki
qanoot likhi jati hai (musnad wa gairah) pas aise log aur mushrik jo
Allah ke saath doosro ko sharik tehrate hai kisi tarah ek matabe ke nahi
ho sakte, aalim aur be ilm ka darza ek nahi ho sakte har aqlmand par
in ka farq zahir hai.

Har haalat me Allah ki etaat laazim hai:

Allah tala apne emaandaar bando ko apne rabb ki etaat par jame rehne
ka aur har umoor me us ki paak zaat ka khayal rakhne ka hokum deta
hai ke jis ne use duniya me neki ki us ko usi duniya me aur aane wali
aakhirat me neki ki neki milegi tum agar ek jagah Allah ki ebaadat
istqalal se na kar sako to doosri jagah chale jao Allah ki zameen bohut
52
waseeh hai mauseeyat se bhagte raho shirk ko manzoor na karo
saabiro ko naap tol aur hisaab ke baghair azar milta hai, zannat unhi ki
cheez hai mujhe Allah ki khalis ebaadar karne ka hokum hua hai aur
mujhse ya bhi farma diyagaya hai ke apni tamaam ummat se pehle khud
musalmaan ho jao apne aap ko rabb ke ahkaam ka aamil aur paband
karlo.

Hukum hota hai ke logon me aailaan kardo ke bawajood ye ke main

Allah ka rasool hoon lekin aazaab al-hayyi se be khuf nahi hoon agar
main apne sabb ki nafarmani karoon to qayamat ke din ke azaab se
main bhi bach nahi sakta to doosron ko to rabb ki nafarmani se bohut
zayadah izatinab karna chahieay tum apne deen ka bhi aailaan kar do
ke main pukhta wala muwahhid hoon tum jis ki chaho ebaadat karte
ho us me bhi daant dapat hai na ke izazat. Poore nuksaan me wo hain
jinhone khud apne aap ko aur apne walo ko nuksaan me fansa diya
qayamat ke din un me judai ho jayegi agar un ke ahal jannat me gaye
to ye dozakh jal rahe hain aur un se alag hain. Aur agar sab jahannam
me gaye to wahaan burai ke saath ek doosre se door rahe aur mahzoon
aur maghmoon hain. Yahi wajah nuksaan hai fir un ka haal jo
jahannam me hoga us ka bayan ho raha hai ke upar tale aag hi aag hogi
jaise farmaya (surah aaraf 4:41) yani un ka uthna baithna sab aatish
jahannam se hoga. Zalimoon ka yahi badla hai aur aayat me hau
qayamat wale din unhe neeche upar se aazaab horaha hoga aur upar se
kaha jayega apne aamaal ka maza chakho ya is liye zahir wa bahir kar
diya gaya aur khol khol kar is wajah se bayan kiya gaya ke is haqeeqi
azab se jo yaqeenan aane wali hai mere bande khabar daar ho jaye aur
gunaho aur nafarmano ko chod de mere bano meri pakad se mere
aazab wa ghazab se mere inteqaam aur badle se darte raho.

53
Tum us ke siwa jis ki chaho ebaadat karte raho - keh dijeay! Ke
haqeeqi zayaankar wo hain jo apne aap ko aur apne ahl jo qayamat
ke din nuqsaan me daal denge, yaad rakho ke khulam khulla
nuksaan yahi hai.

Unhe neeche upar aag ke shole misl saaeban ki dhaank rahe honge
(1) yahi (azaab) hai jin se Allah tala apne bando ko dara raha hai
(2) aye mere bando! Pas mujh se darte raho.

1. yani un ke upar neeche aag ke tabaq honge un par bhadak rahe

honge. (fath al qadeer)

2. yani mazkoora khasraan mubeen aur azaab hai, jis se allah tala apne
bando ko darata hai ta ke wo itaat al hayyi ka rasta ikhtiyar kar ke us
anjaam bad se bach jaye.

Aur jin logon ne taghoot ki ebaadat se parhez kiya aur Allah tala ki
taraf mutawajjah rahe wo khuskhabri ke mustahaq hain, mere
bando ko khuskhabri suna dijeay.

54
Jo baat ko kaan laga kar sunte hain phir jo behtareen baat ho (1)
us par amal karte hain yahi hain jinhe Allah tala ne hidiyat ki aur
yahi aqalmand bhi hain (2).

1. Ahsan se muraad mahkam aur pukhta baat, ya sab se acchi baat, ya

aqubiyat ke muqable me dargujhar ikhtiyar karte hain.

2. kyonki unhone apni aql se faidah uthaya hai, jab ke doosro ne apni
aqalo se faidah nahi uthaya.

Bhala jis shaksh par azaab ki baat sabit ho chuki hai wo kya aao
use jo dozakh me hai chuda sakte hain (1).

1. Nabi ( )chuke us baat ki shadid khawaish rakhte the ke aap ki

qaum ki sab log emaan le aaye is me Allah tala na Nabi ( )ko tasalli
di aur aap ko batlaya ke aap apni jagah bilkul sahih aur baja hai, lekin
jis bar us ki taqdeer ghalib aagayi aur Allah ka kalimah us ki haq me
sabit hogaya, use aap jahannam ki aag se bachane par qaid nahi hain.

Haan wo log to apne rabb se darte hain, un ke liye bala khane hain,
jin ke upar bhi bane banaye bala khane hain aur un ke neeche
nahre beh rahi hain, rabb ka wadah hai (1) aur wo wadah khalafi
nahi karta.

Jo us ne momin bando ke liye kiya hai, aur jo yaqeenan pura hoga, ke

Allah se wadah khalafi mumkin nahi.

55
Kya aap ne nahi dekha ke Allah tala aasman se pani utarta hai aur
use zameen ke sutoon me pahuchata hai (1) fir isi ke jarieay
mukhtalif qism ke kheetiyan ugata hai fir wo khushk ho jata hai
aur aap unhe zard (brown) rang me dekhte hain, fir unhe reza reza
kar deta hai (2) us me aqalmando ke liye bohut jadah naseehat hai.

1. Yani barish ke jarieay se pani aasmaan se utarta hai, fir wo zameen

me jazb ho jata hai, fir chasmo ke surat me nikalta hai, ya talabo aur
nahro me jama ho jata hai.

2. yani shadabi aur taro taazgi ke baadh wo kheetiyan sukh jati hai aur
jard ho jati hai, aur fir reza reza ho jati hai. Jis tarah lakdi ki tehniyan
khush ho kar tut fut ka shikar ho jati hain.

Kya wo shaksh jis ka seena Allah tala ne Islaam ke liye khol diya
hai pas wo apne parwardeegar ke taraf se ek noor hai (1) aur
halaaki hai un par jin ke dil yaad al-hayyi se (upar nahi lete) bilkul
shakth hogaye hai ya log saaf gumrahi me mubtala hai.

1. Yani jis ko qabool haqq aur khair ka raasta apanane ki taufeeq Allah
tala ki taraf se mil jaye pas wo us shar sadar ki wajah se rabb ke rooshni
par ho, kya ye us jaisa ho sakta hau jis ka dil islaam ke liye shakth aur
us ka seena tang ho, aur wo gumrahi ki tareeqiyon me bhatak raha ho.
56
Allah tala ne behtareen kalam nazil farmaya hai jo aisi kitaab hai
ke aapas me milti julti aur baar baar doharayi hui aayato ki hau (1)
jis se un logon ke rongte khade ho jate hain jo apne rabb ka khuf
rakhte hain (2) aakhir me un ke jism aur dil Allah tala ke zikr ki
taraf narm ho jate hain ye hai Allah tala ke hidiyat jis ke jarieay
jise chahe rahe rast par laga deta hau aur jise Allah tala hi rah
bhula de us ka haadi koi nahi.

1. Ahsanul Hadees se muraad Quraan majeed hai, milti julti ka matlab

us ke saare hisse husn kalaam, ezaaz wa balagat sahat maani waghairah
khoobiyon me ek doosr se milte hain ya ye bhi saabke kitaab aasmani
se milte hai, yani un ke mashaba hai mathani, jis me kisse wa waqiyat
aur mawaaz wa ahkaam ko baar baar dohraya gaya hai.

2. Kyonki wo un waeedo (threat) ko aur takhweef wa tahdeed ko

samajhte hain jo nafarmano ke liye us me hain.

Bhala jo saksh qayamat ke din un ke badtareen aazab ki (dhal)
apne muh ko banayega (aise) zalimon se kaha jayega apne kiye ka
(wabaal) chakho.

57
In se pehle walo ne bhi jhutlaya, phir wahaan se aazaab aapada
jahaan se un ko khayaal bhi na tha.

Aur Allah tala ne unhe zindagani duniya me ruswai ka maza
chakhaya aur abhi aakhirat ka to bada bhaari aazaab hai kaas ke
ye log samajh le.

(ibn katheer)

Ek wo jise us hungama khez din me aman wa aamaan hasil ho aur ek

wo jise apne muh par azaab ke thappad khane padte ho barabar ho sakte
hain? Jaise farmaya aundhe muh, muh ke bal chalne wala aur apne pairo
seedhe rah chalne wala barabar nahi un kuffar ko to qayamar ke din
undhe muh ghaseeta jayega aur kaha jayega ke aag ka maza chakho
ek aur aayat me hai, jahannam me dakhil kiya jane wala bad naseeb
accha ya aman wa amaan se qayamat ka din guzarne wala accha?
Yahaan is aayat ka matlab yahi hai lekin ek qism ka zikr kar ke doosri
kism ke bayan ko chod diya, kyonke isi se wo bhi samajh liya jata hai,
ya baar shara ke kalaam me barabar payi jati hai agle logo ne bhi
Allah ki baton ko na mana tha aur rasuloon ko jhoota kaha tha phir
dekho ke un par kis tarah un ke be khabari me maar padi? Aazaab Allah
ne unhe duniya me bhi jaleel wa khaar kiya aur aakhirat ke sakth azaab
bhi un ke liye baqi hain. Pas tumhe darte rahna chahieay ke ashraf
rasool ke satane aur na manane ki wajah se tum par kahin un se bhi
badtar azaab baras na pade. Tum agar ze ilm ho to un ke halaat aur
tazkeere tumhari naseehat ke liye kafi hain.

58
71 Surah Nuh

Yaqeenan hum ne Nuh (alayhis salaam) ko un ki qaum ki taraf (1)

bheja ke apne qaum ko dara do (aur khabardar kar do) is se pehle
ke un ke paas dardnaak aazab aajaye (2).

1. Hazrat Nuh jaleel qadeer paighambaro me se hain, sahih Muslim wa

ghairah ki hadees safaat me hai ke ye pehle rasool hain, aur kaha jata
hai ke unhi ki qaum se shirk ka aaghaz hua, chunanche Allah tala ne
unhe apne qaum ki hidiyat ke liye maboos farmaya.

2. Qayamat ke din aazaab ya duniya me aazaab aane se qabl, jaise us

qaum par toofaan aaya.

Nuh (alayhi salaam) ne kaha aye meri qaum! Main tumhe saaf
darane wala hoon.

Allah ke aazaab se agar tum emaan na laye, isi liye aazaab se nijaat ka
nushkha tumhe batlane aaya hoon, jo aage bayan hoga.

59
Tum Allah ki ebaadat karo (1) aur usi se daro (2) aur mera kahana
mano (3)

1. aur shirk chod do, sirf usi ki ebaadat karo.

2. Allah ki nafarmanio se ijhtinaab karo, jis se tum aazaab al-hayyi ke

mustahaq qarar pa sakte ho.

3. yani main tumhe jin bato ka hukm doon us me meri itaat karo, is liye
ke main tumhari taraf Allah ka rasool aur us ka numaiandah ban kar
aaya hoon.

Tu wo khud tumhare gunah baksh dega aur tumhe ek waqt

mukarrar tak chod dega, yaqeenan Allah ka wadah jab aajata hai
to muakkhar(der) nahi hota, kaash tumhe samajh hoti.

Is ke maane ye kiye gaye hain ke - emaan lane ki soorat me tumhare

maut ki ho muddat muqarrar hai us ko maukkhar kar ke tumhe majeed
mahulat um rata farmayange, aur wo aazaab tum se door kar denge, jo
adam emaan ki soorat me tumhare liye mukarrar tha balke la mahala
(unavoidable) waqiah ho kar rahna hai isi liye tumhari behtari isi me
hai ke emaan aur itaat ka rasta fauran apna lo takheer khatra hai ke
wadah aazaab al-hayyi ki lappet me na aajao.

60
(Nuh Alayhi salaam ne) kaha aye mere rabb! Main ne apni qaum
ko raat din teri taraf bulaya hai.

Yani tere hokum ki tameel me, baghair kisi kotahi ke raat din maine
tera paigham apni qaum ko pahuchaya hai.

Magar mere bulane se ye log aur jayadah bhagne lage.

Yani meri pukaar se ye emaan se aur jayadah door ho gaye hain jab
koi qaum gumrahi ke aakhri kinare par pahuch jaye to phir us ka yahi
haal hota hai, use jitna Allah ki taraf bulao, wo utna hi door bhagte
hain.

Maine jab kabhi unhe teri bakshish ke liye bulaya (1) unhone apni
ungliyan apni kano me daal li (2) aur apni kapdo ko utha liya aur
ard gaye (3) aur phir bada takkabur kiya (4).

1. yani emaan aur itaat ki taraf, jo sabab maghfirat hai.

2. take meri aawaz na sun sake take mera chahra na dekh sake, , ya
apne saro par kapde daal liye take mera kalam na sun sake.

3. yani kufr par musarar hain, is se baaz na aaye aur taubah nahi ki.

61
4. qabool haq aur imtisaal amr se inhone sakth takkabur kiya.

Phir maine unhe ba aawaz buland bulaya.

Beshak maine un se aailiniyah bhi kaha aur chupke chupke bhi.

Yani mukhtalif andaaz aur tareeqon se unhe dawat di baaz kehte hain,
ke ijhtimaat aur majilisoon me bhi unhe daawat di aur gharo me fardan
fardan bhi tera paigham pahuchaya.

Aur maine kaha ke apne rabb se apne ghunah bakhsao (1) aur
maafi mango wo yaqeenan bada bakhshne wala hai (2)

1. yani emaan aur itaat ka raasta apna lo, aur apne rabb se gujishta
gunaho ki maafi mang lo.

2. wo taubah karne walo ki liye bada raham wa gaffar hai.

Wo tum par aasmaan ko khoob barista hua chod dega.

62
Baaz ulema isi aayat ki wajah se namaaz istiska me surat Nuh ke
padhne ko mustahab samajhte hain marwi hai ke hazrat umar bhi ek
martaba namaaz isthiska ke liye mimbar par chade to sirf aayat istighfar
(jis me ye aayat bhi thi) padh kar mimbar se utar aaye aur farmaya ke
maine barish ko, barish ke un raasto se talab kiya hai ko aasmaano me
hai, jin se barish zameen par utarti hai (ibn Katheer)

Tumhe khoob pe dar pe maal aur aulaad me taraqqi dega aur

tumhe baghaat dega aur tumhare liye naharein nikaal dega.

Yani emaan aur itaat se tumhe ukhriwi neamatein milengi balke

duniyawi maal wa daulat aur beto ki kasrat se bhi nawaze jaoge.

Tumhe kya hogaya hai ke tum Allah ki bartari (supremacy) ka

aqeedah nahi rakhte.

Yani jis tarah uski azmat ka haq hai tum us se darte kyon nahi? Aur us
ko ek kyon nahi mante aur us ki itaat kyon nahi karte.

Halake us ne tumhe tarah tarah se paida kiya hai.

Pehle nutfa, fir alaqa, fir mudga, fir azaam aur laham aur fir khalaq
taam.

63
Kya tum nahi dekhte ke Allah tala ne upar tale kis tarah saat
aasmaan paida kar diye hain.

Jo us ki qudrat aur kamala sanaat par dalalat karte hain aur is baat ki
nisaan dehi karte hain ke ebaadat ke layak sirf wahi ek Allah hai.

Aur un me chaand ko khoob jagmagata banaya (1) aur suraaj ko

roshan chirag banaya hai.

1. jo roye zameen ko manor karne wala aur us ke mathe ka jhoomar hai

take us ki roshni me insaan mash ke liye jo insaano ki intehai
naguzaar zaroorat hai kasab wa mehnat kar sake.

Aur tum ko zameen se ek (khaas) ahtamaam se ugaya hai.

Yani tumhare baap Aadam (alayhisalaam) ko, jinhe mitti se banaya

gaya aur fir us me Allah se rooh phooki ya agar tum insaano ko
mukhatib samjha jaye to matlab hoga ke tum jis nutfe se paida hote ho
wo usi khuraaq se banta hai ko zameen se hasil hoti hai. Us aitbaar se
sab ki paidaish ki asal zameen hi qaraar payi hai.

64
Fir tumhe usi me lauta le jayega aur (ek khaas tareeqe) se fir
nikalega.

Yani mar kar fir usi miti me dafan hona hau aur fir qayamat wale din
usi zameen se tumhe jinda kar ke nikala jayega.

Aur tumhare liye zameen ko Allah tala ne farsh bana diya hai.

Yani use farsh ki tarah bicha diya hai tum us par usi tarah chalte firte ho
jaise apne ghar me biche hue farsh par chalte aur uthte baithte ho.

Take tum us ki kushada raho me chalo firo.

Yani is zameen par Allah tala ne bade bade kushada raste banaye hain
take insaan aasani ke saath ek doosri jagah, sahar se doosre sahar ya ek
mulk se doosre mulk me ja sake us liye ye raaste bhi insaan ki karobari
aur tamadni (social) zaroorat hai jis ka intezaam ka ke Allah ne insaano
par ehsaan azeem kiya hai.

Nuh (alayhi salaam) na kaha aye mere rabb! Un logon ne meri to

nafarmani ki aur aiso ki farmabardari ki jin ke maal wa aulaad ne
(yaqeenan) nuksaan hi me badhaya hai.
65
Log meri nafarmani per ade hue hain aur meri daawat par labaik nahi
keh rahe yani apne bado aur saahab parot hi ki pairwi ki jin ke maal
aur aulaad ne unhe duniya aur aakhirat ke khasare me hi badhaya hai.

Aur un logon ne bada sakth fareb kiya.

Ye maker ya fareb kya tha baaz kehte hain un ka baaz logon ko hazrat
Nuh (alayhi salaam) ke qatl par ubharna tha, baaz kehte hain ke maal
wa aulaad ki wajah se jis fareb nafs ka wo shikaar hue hatta ke baaz ne
kaha ke agar ya haq par na hote to un ko ye neymat meisar kyon aatein?
Baaz ke nazdeek un ka kufr hi bada makr tha.

Au kaha unhone ke hargiz apne maboodon ko na chodna aur na

ood aur sawaa aur yaguth aur yauooq aur nasar ko (chodna).

Ya qaum Nuh (alayhisalaam) ke log the jin ki ebaadat karte the aur in ki
itni souhrat hui ke arab me bhi in ki puja hoti rahi ya paancho qaum
Nuh (alayhisalaam) ke nek aadmiyon ke naam the. Jab ye mar gaye to
shaitaan ne un ke aqeedat mando ko kaha ke in ki tasweer bana kar tum
apne gharo aur dukano me rakh lo take in ki yaad taaza rahe aur in ke
tasweer se tum bhi in ki tarah nekiyaan karte raho. Jab ye tasweer
rakhne wali qaum faut ho gayi to shaitaan ne un ke naslo ko ye keh kar
ke shirk me maloos kar diye ke tumhare aabaa to in ki ebaadat karte the

66
jin ki tasweerein tumhare gharo me latak rahi hai, chunanche unhone un
ki puja shuru kardi (sahih Bukhari)

Aur unhone bohut se logon ko gumrah kiya, to un zalimoon ki

gumrahi aur badha.

Unhone bohut se logon ko gumrah kiya aur us ka marjih yahi mazkoora

paanch but hain is ka matla hoga ke un ke sabab bohut se log gumrahi
me mubtala hue jaise Ibrahim alayhisalaam ne bhi kaha tha.

Ya log ba sabab apne gunaho ke dubo diye gaye aur jahannam me

pahucha diye gaye aur Allah ke siwa apna koi madadgar unhone
nahi paya.

Aur Nuh (alayhisalaam) na kaha ke aye mere rabb! Tu rooe

zameen par kisi kafir ko rahne sahne wala na chod.

Ye Bad dua us waqt ki jab hazrat Nuh alayhisalaam un ke emaan lane

se bilkul na umeed hogaye aur Allah ne bhi iitlaah kar di ke ab un me se
koi emaan nahi layega. (Surah Hud 11:36), matlab hai kisi ko baki na
chod.
67
Nuh ki taraf wahi bheji gayi ke teri qaum ke se jo emaan la chuke un ke
siwa aur koi ab emaan laiga hi nahi, pad tu un ke kamo par ghamgeen
na ho.

Agar tu unhe chod dega to (yaqeenan) ye tere (aur) bando ko (bhi)

ghumrah kar denge aur ye Fazaaro aur kafiroon ko jahannam
dega.

Aye mere rabb! Tu mujhe aur mere maa baap aur job hi
emaandaar hokar mere ghar me aaye aur tamaam mumin mardon
aur emaandaar auratoon ko baksh de (1) aur kafiroon ko siway
barbadi ki aur kisi baar me na badha (2).

1. Kafiroon ke liye bad dua ki to muminoon ke liye dua e maghfirat

farmayi.

2. ya bad dua Qayamat tak aane wale zalimoon ke liye hai jis tarah
mazkoora dua tamaam mumin mard aur aurat ke liye hai.

68
11 Surah Hud

Aur qaum aad ki taraf se un ke bhai Hud ko hum (1) ne bheja, us

ne kaha meri qaum walo! Allah hi ki ebaadat karo, us ke siwa
tumhara koi mabood nahi, tum sirf buhtaan bandh rahe ho (2).

1. Bhai se muraad unhi ki qaum ka ek fard.

2. yani Allah ke saath doosro ko sharik tehra kart um Allah par jhut
bandh rahe ho.

Aye meri qaum! Main tum se us ki koi ujrat nahi mangta, mera
azar us ke jimme hai jis ne mujhe paida kiya to kya phir bhi tum
aql se kaam nahi lete.

Aur ye nahi samajhte ke jo baghair ujrat ke aur lalach ke tumhe Allah

ki taraf bula raha hai wo tumhara khair khuah hai, aayat me ya
Qaumi se dawat ek tareeqekar maloom hota hai, yani bajay ye kahe
ke aye kafiroon, aye mushrikoon, aye meri qaum se mukhatib kiya
gaya hai.

69
Aye meri qaum ke logon! Tum apne palne walo se apne gunaho ki
maafi talab karo aur us ki janab me taubah karo, ta kae wo
barasne wale badal tum par bhej de aur tumhari taqat par aur
taqat quwaat badha de (1) tum jurm karte hue rogardani na karo
(2).

1. Hazrat Hud (alayhi salaam) ne taubah aur istagfaar ki talqeen apni

ummat yani apni qaum ko ki aur us ke do faidae bayan farmaye jo
taubah aur istagfar karne wali qaum ko hasil hote hain. Jis tarah quraan
kareem aur bhi baaz maqamaat par ye faidah bayan kiye gaye hain
(surah nuh 11) aur nabi ka bhi farmaan hai, (abu dawood me) jo
pabandi se istagfar karta hai, Allah tala us ke liye har fikr se kushadgi,
aur har tangi se raasta bana deta hai aur us ko aisi jagah se rozi deta hai
jo us ke wahm wa ghumaan me bhi nahi hoti.

2. yani mein tumhe jo dawaat de raha hoon, us se ayeraaz aur apne kufr
par israar mat karo aisa karoge to Allah ki baargah me mujrim aur
gunahgaar ban kar pesh hoge.

Unhone kaha aye Hud! Tu humare paas koi daleel to laya nahi aur
hum sirf tere kahne se apne maboodon ko chodne wale nahi aur na
hum tujh par emaan lane walo hain.

Ek nabi dalael wa barheen ki puri quwaat apne saath rakhta hai, lekin
saprah chasmo ko wo nazar aate. Qaume-hud (alayhisalaam) ne bhi usi
dhathai ka mujhira kate hue kaha ke hum baghair daleel ke mahaj tere
kehne se apne mabaado ko kis tarah choden.

70
Balke hum to yahi kehte hain ke humare kisi mabood ke bade
jhapte me aagaya hai (1) us ne jawab diya ke main Allah ko gawah
karta hoon aur tum bhi gawah raho ke main Allah ke siwa un sab
se bezaar hoon, jinhe tum sharik bana rahe ho. (2)

1. yani tu jo humare maboodon ki tawheen aur ghustakhi karta hai ke ye

kuch nahi kar sakte. Maloom hota hai ke humare maboodon ne teri us
ghustakhi par tujhe keh diya hai aur tera dimagh maauf ho gaya hai
jaisa aaj kal ke naam nihaad muslamaan bhi us kism ke tuhmaat ka
sikaar hai jab unhe kaha jata hai ke ye faut shuda ashkhaas aur buzurg
kuch nhai kar sakte, to kehte hain ke un ki shaan me gustakhi hai aur
khatra hai ke us tarah ki ghustakhi karne walon ki wo beragarkh kar de.

2. Yani us tamaam buto aur maboodon se bezaar hoon aur tumhara ye

aqeedah ke unhone mujhe kuch kar diya hai, bilkul galat hai, un ki
andar ye qudrat hi nahi ke kisi ka mafooq al asbaad tareeqe se nafah ya
nuqsaan pahucha sake.

Accha tum sab milkar mere khilaaf chale chal lo mujhe bilkul
mauhlat bhi na do.

Aur agar tumhe meri baat par yaqeen nahi hai balke tum apne us dawe
me sacche ho ke ye but kuch kar sakte hain tu lo main hazir hoon, tum
aur tumhare mabood milkar mere khilaaf kuch kar ke dikhao. Majeed us
se nabi ke andaz ka pata chalta hai ke wo is qadr baser par hota hai ke
use apne haq par hone ka yaqeen hota hai.
71
Mera bharosa sirf Allah tala par hai jo mera aur tum sab ka
parwardeegaar hai, koi chalne wala (jaandaar) nahi magar us ki
peshani wahi thaame hue hai (1) yaqeenan mera rabb bilkul sahih
raah par hai (2)

1. yani jis zaat ke haanth me kar cheez ka qabza wa tassaruf hai, wahi
zaat hai jo mera aur tumhara rabb hai, mera tawaqqual usi par hai
maqsad in lafz se hazrat Hud (alayhi salaam) ka ye hai ke jin ko tum ne
Allah ka sharik tehrah rakha hai, un par bhi Allah hi ka qabza wa
tassaruf hai Allah tala un ke saath jo chahata hai kar sakta hai, wo kisi
ka kuch nahi kar sakte.

2. yani wo jo tawheed ki daawat de raha hai yaqeenan ya daawat hi

siraat-e-mustaqeem hai, is par chal kar nijaat aur kamayabi se
humkinaar ho sakte hain aur is sirat-e-mustaqeem se iaaraaz tabahi, wa
barbadi ka baath hai.

Pas agar tum rogardani karo to karo main tumhe wo paigham

pahucha chuka jo de kar mujhe tumhari taraf bheja gaya tha(1),
mera rabb tumhare qayam makaam aur logon ko kar dega aur tum
us ka kuch bhi bigaad nahi sakoge (2), yaqeenan mera
parwardeegar har cheez par nigahbaan hai (3).
72
1. yani us ke baadh mere zimmedari khatam aur tum par hujjat tamaam
hogi.

2. yani tumhe tabah kar ke tumhari zameeno aur amlaak ka wo doosro

ko malik bana de, to wo aisa karne par qadir hai aur tum us ka kuch bhi
nahi bigaar sakte balke wo apni masheehat aur hikmat ke mutabiq aisa
karta raha hai.

3. yaqeenan wo mujhe tumhare maker wa fareb aur sajisho se bhi

mahfooz rakhega aur shaitaani chalo se bhi bachayega, alawa wo azeen
har ek bad ko un ke amal ke mutabiq acchi aur buri badla dega.

Aur jab humara hukam aa pahucha to hum ne Hud ko aur us ke

musalmaan saathiyon ko apni khaas rahmat se nijaat aata farmayi
aur hum ne un sab ko sakth aazaab se bacha liya.

Sakth aazaab se muraad wahi ar reeh al aqeem teez aandhi ka aazaab

hai jis ke jariye se hazrat Hud (alayhi salaam) ki qaum aad ko halak
kiya gaya jis se hazrat Hud aur un par emaan lane walo ko bacha liya
gaya.

Ye thi qaum aad, jinhone apne rabb ko aayaton ka inkaar kiya aur
us ke rasulon ki (1) nafarmani ki aur har ek sharkash nafarmaan
ke hukm ki taabedari ki (2)

73
1. Aad ki taraf sirf ek nahi Hazrat Hud (alayhi salaam) hi bheje gaye
the, yahaan Allah tala ne farmaya ke unhone Allah ke rasoolon ki
nafarmani ki Is se ye wajah karna maqsood hai ke ek rasool ki
takzeeb, ye goya tamaam rasoolon ki takzeeb hai kyonke tamaam
rasoolon par emaan rakhna jaroori hai ya matlab ye hai ke ye qaum
apne kufr aur inkaar me itni aage badh jati thi ke hazrat Hud (alayhi
salaam) ke baadh agar hum us qaum me mutadad rasool bhi bhejte, to
ye qaum un sab ki takzeeb hi karti aur us se qataan ye umeed na thi ke
wo kisi bhi rasool par emaan le aati ya ho sakta hai ke aur bhi ambiya
bheje gaye ho aur us qaum ne har ek ki takzeeb ki.

2. yani Allah ke paighambaron ki takzeeb ke lekin jo log Allah ke

hukumon se sharkashi karne wale aur nafarmaan the, un ki us qaum ne
pairwi ki.

Duniya me bhi un ke peeche laanat laga di gayi aur qayamat ke din

bhi (1) dekh lo qaum aad ne apne rabb se kufr kiya, Hud ki qaum
aad par doori hua (2)

1. laanat ka matlab Allah ki rahmat se doori, amoor khair se mahroomi

aur logon ki taraf se malamat wa beezari duniya me ye laanat is tarah
ke ahle emaan me un ka zikr hamesha malamat aur beezari ke andaaz
me hoga aur qayamat me is tarah ke wahaan ala raoos-shahad jillat aur
ruswai se do char aur aazaab al hayyi me mubtala honge.

2. Ka ye lafz rahmat se doori aur laanat aur halakar ke mane ke liye

hai, jaisa ke is se qabl bhi wajahat ki ja chuki hai.

74
Aur Qaume thamud ki taraf in ke bhai Saaleh ko bheja gaya (1) us
ne kaha aye meri qaum tum Allah ki ebaadat karo us ke siwa
tumhara koi maabood nahi (2) us ne tumhe zameen se paida kiya
(3) aur usi ne us zameen me tumhe basaya hai (4) pas tum us se
maafi talab karo aur us ki taraf ruzoo karo. Beshak mera rabb
qareeb aur duwaon ka qabool karne wala hai.

1. wa ila thamud ataf(conjunction) hai ma qabl par yani wa arsalna

ila thamud hum ne thamud ki taraf bheja- ye qaum tabook aur madinah
ke darmayan madain (hajr) me rahaish pazeer thi aur ye qaum aad ke
baadh hui Hazrat Saaleh (alayhi salaam) ko yahaan bhi thamud ka
bhai kaha jis se muraad unhi ke khaandaan aur qabile ka ek fardh hai.

2. Hazrat Saaleh (alayhi salaam) ne bhi sab se pehle apni qaum ko

tawheed ki daawat di, jis tarah ke ambiyaa ka tareeka raha hai.

3. Yani ibtida me tumhe zameen se paida kiya is tarah ke tumhare baap

Adam (alayhi salaam) ki takhliq mitti se hui aur tamaam insaan Adam
(alayhi salaam) se paida hue, goya tamaam insaan ki paidaish zameen
se hui ya ye matlab hai ke tum jo kuch khate ho, sab zameen hi se
paidh hota hai aur usi khoorak se wo nutfa banta hai, jo raham maadar
me jaakar wajood insane ka baas hota hai.

4. yani tumhare andar zameen ko basane aur aabaad karne ki quwaat aur
salahiyat paida ki, jis se tum rahish ke liye makaan tamer karte, khuraak

75
ke liye kaasthkari karte aur deegar zarooriyaat zindagi muhaiyya karne
ke liye Sanaat aur Harfat (Industry and commerce) se kaam lete ho.

Unhone kaha aye Saaleh! Is se pehle to hum tujhse bohut kuch

umeede lagaye hue the, kyat u hume un ki ebaadat se rok raha hai
jis ki ebaadat humare baap dada kate chale aaye, hume to us deen
me hairaan kun shak hai (surprising) jis ki taraf tu hume bula raha
hai.

Yani paighambar apni qaum me chunke Ikhlaq wa Kirdaar aur

Ammanat wa Diyanaat me mumtaaz (outstanding) hota hai, is liye
qaum ki us se acchi umeedein wabasta hoti hai isi aitbaar se Hazrat
Saaleh (alayhi salaam) ki qaum ne bhi un se ye kaha lekin dawaat
tawheed dete ho un ki umeedon ka ye markaz, un ki aankho ka kaanta
ban gaya aur us deen me shak ka Izhaar kiye jis taraf Hazrat Saaleh
(alayhi salaam) unhe bula rahe the, yani deen tawheed.

Us ne jawab diya ke aye meri qaum ke logon! zara batao to agar

main apne rabb ki taraf se kisi mazboot (1) daleel par hue aur us ne
mukhe apne paas ki rahmat ata ki ho fir ahar mein ne us ki

76
nafarmani kardi (2) to kaun hai jo us ke muqable me meri madad
kar? Tum to meri nuksaan hi badha rahe ho (3)

1. Bayyanaatse muraad emaan wa yaqeen hai, jo Allah tala

paighambar ko ata fermata hai, aur rahmat se nabuwat, jaise ke pehle
wajahat guzar chuki hai.

2. Nafarmani se muraad hau ke agar mein tumhe haq ke taraf aur Allah
waahid ki ebaadar ki taraf bulna chod du, jaisa ke tum chahate ho.

3. Yani agar mein aisa karu to mujhe koi faidah to nahi pahucha sakte,
albatta is tarah tum meri nuksaan wa khasaare me hi ezaafa karoge.

Aur aye meri qaumwalo! Allah ki bheji hui untni hai jo tumhare
liye ek maujazja hai ab tum use Allah ke zameen me khati hui chod
so aur use kisi tarah ki eeza na pahuchao warna fauri aazaab
tumhe pakad legi.

Ye wahi untni jo Allah tala ne un ke kehne par un ke aankho ke samne

ek pahar ya ek chattan se baramad farmayi is liye use (Allah ki untni)
kaha gaya hai, kyonki ye khaas Allah ke hukm se maujazazana taur par
mazkoora khalaf aadat tareeqe se zahir hui thi. Uski babar unhe taqeed
kardi gayi thi ke use eeza na pahuchaye warna tum aazaab alhayyi ki
giraft me aajaoge.

77
Fir bhi logon ne us untni ke pao kaat dale, us par Saaleh ne kaha ke
accha tum apne gharo me teen teen din to ro lo, ye wadah jhuta
nahi.

Lekin un zalimoon ne is zabardast mauzazah ke bawjood na sirf emaan

lane se gurez kiye balke hukum Alhayyi se nafarmani karte hu use maar
dala, jis ke baad teen din ki mauhlat de di gayi ke teen din ke baad
tumhe aazaab ke jarieay se halak kar diya jayega.

Fir jab humara farmaan aa pahucha, (1) hum ne Saaleh ko aur un

par emaan lane walo ko apni rehmat se use bhi bachaya aur us din
ki ruswai se bhi, yaqeenan tera rabb nihayat quwwat wala aur
ghalib hai.

1. is se muraad wahi aazaab hai jo wade ke mutabiq chauthe din aaya

aur hazrat Saaleh (alahyi salaam) aur un par emaan lane walo ke siwa,
sab ko halaq kar diya gaya.

Aur zalimoon ko bade jor ki changhat (blast) ne aa dabocha (1) fir

wo apne gharo me aundhe pade hue rah gaye (2)
78
1. ye aazaab sahiyaat (cheekh jor ki kadak) ki soorat me aaya, baaz ke
nazdeek ye hazrat Jibreel (Alahyi salaam) ki cheekh thi aur baaz ke
nazdeek aasmaan se aayi thi jis se un ke dil para para ho gaye aur un
ki maut waqayah wo gayi. Us ke baad ya us ke saath hi zalzala bhi aaya,
jis ne sab kuch tabah kar diya jaise ke surat aaraaf aayat 78 me fa
aakhaza tham arrjfake alfaz hai.

2. jis tarah parinda marne ke badh zameen par miti ke saath pada hota
hai usi tarah ue maut se hum kinaar ho ka muh ke par zameen par
pade rahe.

Aaise ke goya wo wahaan kabhi aabaad hi na the (1) aagah raho ke

qaum tahmud ne apne rabb se kufr kiya sun lo un tahmudon par
fatkaar hai.

1. un ki basti ya khud ye log ya dono hi, is tarah harf e- galat ki tarah

mita diye gaye, goya wo kabhi wahaan aabaad hi na the.

79
7 Surah Al Araf

Aur humne Lut (Alayhi salaam) ko bheja (1) jabke unhone apni
qaum se farmaya ke tum aisa fahash kaam karte ho jis ka tum se
pehle kisi ne duniya jahaan walo me se nahi kiya.

Ye hazrat Lut alayhisalaam hazrat Ibrahim Alayhi salaam ke bhatije the

aur Hazrat Ibrahim alayhi salaam par emaan lane walo me se the, phir
un ko bhi Allah tala ne ek ilake me nabi bana kar bheja ye ilaka
irdoon aur bait al muqqadas ke darmiyan tha jise sadoom kahaa jata hai,
ye zameen sar sabz aur shadaab thi aur yahaan har tarah ke galle aur
phool ki kasrat thi Quraan ne us jagah ko mutfiqatke alfaz se zikr kiya
hai Hazrat Lut alayhi salaam ne ghaliban sab se pehle ya daawat
tawheed ke saath hi, (jo har nahi ki buniyadi daawat thi aur sab se pehle
wo Is ki daawat apni qaum ko dete the jaise ke pichle nabiyo ke
hawale me, jin ka zikr abhi guzra hai, dekha ja sakta hai) doosri badi
kharabi mardo ke saath bad fali, qaum Lut me thi, us ki shinakth wa
qabahat bayan farmayi us ki wajah ye maloom hoti hai ke ye ek aisa
gunah hai jise duniya me sab se pehle isi qaum lut ne kiya, is gunah ka
naam hi luawatat pad gaya is liye munasib samjha gaya ke pehle
qaum ko is zarm ki khatarnaaki se aagah kiya jaye, alawa azeen Hazrat
Ibrahim alayhi salaam ke zarieay dawaat tawheed bhi yahaan pahunch
chuki thi, luatat ki saza me aimma ke darmiyaan Ikhtilaaf hai, baaz
aimma ke najdeek is ki wahi saza hai jo zina ki hai, yani muzrim agar
shadi shuda ho to rajam, ghair shadi shuda ho to sau kode. Baaz ke
nazdeek us ki saza rajam hai chahe muzrim kaisa bhi ho aur baaz ke
nazdeek fail aur mafool dono ko qatl kardena chahieay albatta imam
abu hanifa sirf taazeeri (criminal) saza ke qail hain, hadd ke nahi.

80
Tum mardo ke saath shahwat rani karte ho (1) aurto ko chod kar
(2) balke tum tawheed ko se guzar gaye ho (3)

1. Yani mard ke paas tum us be hayahi ke kaam ke liye mahaj shahwat

rani ki garz se aate ho, us ke alawa wo tumhari aur koi garz aisi nahi
hoti jo mawafaq aql ho is lehaj se zahilon ki tarah the ya mahaz
shahwat rani ke liye doosre par chadte hain.

2. jo qadaye shahwat ka asal mahal aur husool lazzat ki asal jagah hai
ye un ki fitrat ki maskh hone ki taraf isharah hai, yani Allah ne mard ki
jinsi lazzat ki taskeen ke liye aurat ki sharamgah ko us ka mahal aur
mauza banaya hai aur un zalimoo ne us se tazaawaz kar ke mard ki
dabur ko us ke liye istimaal karna shuru kar diya.

3. lekin ab ye fitrat sahih se inkaar aur hudood Al-hayyi se tazawaz ko

maghrib ke muhzab qaumo ne ikhtiyaar kar liye hai, to ye unsaan ka
buniyadi haq karaar pa gaya hai. Jis se rokne ka kisi ko haq hasil nahi
haii chunanche ab wahaan lawatat ko qanooni tahaffuz hasil ho gaya
hai aur ye sare se jurm hi nahi raha.

Aur unki qaum se koi jawab na ban pada bazaz is ke aapas me

kehne lay eke un logon ko apni basti se nikal do ye log bade paak
saaf bante hain.

Ye Hazrat Lut alayhisalaam ko basti se nikalne ki illat hai. Baki un ki

pakeezgi ka izhaar ya to haqeeqat ke taur par hai aur maqsad un ka ye
hua key a log us burayi se bachna chahate hain, is liye behtar hai ke ye
humare saath humare basti me hi na rahe aur mazaak ke taur par unhone
aisa kiya.

81
So hum ne Lut (alayhisalaam) ko aur un ke ghar walo ko bacha liya
siway un ki biwi ke, ke wo in hi logon me rahi jo aazaab me rah
gaye the.

Yani wo un logon me baki rah gayi jis par Allah ka aazaab aaya
kyonki wo bhi musalmaan bahi thi aur us ki humdardyaan bhi us ke
saath the baaz ne is ka tarjuma halaak hone walo me sekiya hai
lekin ye lazimi maane hai, asal maane wahi hai.

Aur hum ne un par khaas tarah ka maina (1) bar saaya par dekho
to sahi un mujrimoo ka anzaam kaisa hua. (2)

1. ya khaas tarah ka maina kyat ha? Pattharo ka maina jis tarah doosre
maqam par faramaya, hum ne un par teh ba teh pattharo ki barish
barsayi us se pehle farmaya hum ne us basti ko ulat kar neeche upar kar
diya.

2. yani aye Muhammad (salallahu alayhi wasalaam) dekheay to sahi jo

log ailiniyah Allah ki maasi ka irtikaab aur paighambaro ki takzeeb
karte hain, un ka anzaam kya hota hai.

82
83
19 Surah Maryam

Us kitaab mein Ibrahim (alayhisalaam) ka qissa bayan kar, beshak

wo badi sacchai wale paighambar the.

Siddique sadiq, (sacchai se mubalage ka sega hai, bohut raastbaaz, yani

jis ke qaul wa amal mein mutabiqat aur raastbaazi us ka shayar ho
siddiqiyat ka ye maqam, nabuwat ke baad sab se aala hai, har nahi aur
rasool bhi apne waqt ka sab se bada raastbaa ar sadaqat shuaar hota hai,
is liye wo Siddique bhi hota hai ta hum har Siddique, hai hota. Quraan
kareem me hazrat Maryam ko siddiqa kaha gaya hai jis ka matlab ya hai
ke wo taqwa wa taharat aur raastbazi me bohut uunche maqam par faiz
thi, ta hum nabiya nahi thi. Ummat Muhammadiya me bhi siddiqeen
hai, aur un me sar fahrast hazrat abu bakr Siddique radiallah hain, jo
ambiya ke badh ummat me khair ul bashar tasleem kiye gaye hain, radi
allahu anhu.

Jab ke unhone apne baap se kaha ke aba jaan! Aap un ki puja path
kyon kar rahe hain jo na sun sakta hai aur na dekh sakta hai. Na
ap ko kuch bhi faidah pahucha sakta hai.

84
Mere meharbaan baap! Aap dekhe mere paas wo ilm aaya hai jo
aap ke paas aaya hi nahi, (1) to aap meri hi mane main bilkul
seedhi raaste ki taraf aap ki rahbari karunga. (2)

1. Jis se mujhe Allah ki maarifat aur us ka yaqeen hasil hua, baas

badh al maut aur ghair Allah ke pujariyon ke liye daiyami
aazaab kai lm hua.
2. Jo aap ki saadat ko abadi aur nijaat se humkinar kar degi.

Mere aba jaan aap shaitaan ki parastash se baaz aajayein,

shaitaan to raham wa karam wale Allah tala ka bada hi
nafarmaan hai.

Yani shaitaan ke waswase aur us ke bahkawae se aap jo aise buto ki

parastish karte hain jo na sunne aur dekhne ki taqat rakhte hain na
nafa nuksaan pahuchane ki qudrat. To ye dar asal shaitaan hi ki
parastish hai jo Allah ka nafarmaan hai aur doosro ko bhi Allah ka
nafarmaan bana kar us ko apne jaisa banane par tula rahata hai.

Aba jaan! Mujhe khauf laga hua hai ke kahin aap par koi
aazaab al-hayyi na aapade ke aap shaitaan ke saathi ban jaye.

Agar aap apne shirk wa kufr par baqi rahe aur isi haal me aap ko
maut aagayi, to aazaab al hayyi se aap ko koi nahi bacha sakega

85
ya duniya me hi aap aazaab ka shikaar na ho jaye aur shaitaan ke
saathi ban jaye. Hazrat Ibrahim alayhisalaam ne apne baap ke adab
wa ahtaraam ke taqazo ko puri tarah nibhate hue, nihayat shafqat
aur pyar ke lahje me baap ko tawheed ka waaz sunaya, lekin
tawheed ka sabaq kitne hi aasaan aur naram lahje me bayan kiya
jaye, mushrik ke liye naqabil bardasth hi hota hai. Chunanche
mushrik baap ne us narmi aur pyar ke jawab me nihayat sakthi aur
talkhi ke saath muwahid bete ko kaha agar tu mere mabudon se
rogardani karne se baaz na aaya to main tujhe sangsaar kar dunga.

86
Kitabatat:

1. Tafseer Ahsanul Bayan, musannif Hafiz Salah-ud-deen

Yusuf, Shah Fahad Quraan Kareem Printing Complex.
2. Tafseer Ibn Kathir, musannif Ismail Ibn Umar Ibn Kathir
ad-Dimashqi, Darussalaam publications.
3. Talkhees ul-Quran, musannif Maulana Mohammad Maroof
Salafi, Idarah Dawatul Hadees.

For any correction and clarification contact e-mail:

waterquartz@gmail.com

87