PF:
Tuhan ada deng katong deng bilang “Tabea”
“Basudara jamaat samua ! ibdah yang katong biking ini, akang jadi deng nama Allah yang
biking langit deng dunya”
1
Puji TUHAN! Mari basudara e!
Mari katong puji Allah dalang Antua pung tampa tinggal yang kudus.
2
Mari katong puji Allah, tagal samua hal yang basar yang Antua su biking.
Mari katong puji Antua, tagal Antua pung kuasa yang hebat, yang manusia seng abis
pikir.
3
Mari basudara e! Mari katong puji Allah deng torompet.
4
Mari katong puji Allah, badendang, pake tifa deng totobuang.
5
Mari katong puji Allah, pukul gong palang-palang.
6
Mari samua yang hidop puji TUHAN! Puji TUHAN!
Manyanyi Ny GPM No 14
BACA ALKITAB
RIWAYAT
MARI KATONG MEMBRITAKAN FIRMAN TUHAN, DI DALAM KATONG PUNG HIDOP HARI-
HARI
KATONG BRITAKAN BUKAN HANYA DENGAN KATA, TETAPI JUGA DENGAN PERBUATAN
Beta parcaya par Allah Bapa, Yang pung kuasa par samua-samua yang ada, Antua yang
biking langit deng dunya ni
Beta parcaya par Yesus Kristus, Allah pung ana satu areng-areng, Yang jadi katong pung
Raja
Antua ada dalang Maria pung poro tagal Allah pung Roh, La lahir ka dunya biar kata
Maria ni masi parawang
Antua dapa siksa waktu Pontius Pilatu pegang parenta, Antua dapa salib, mati la dapa
kubur
Antua turung ka orang mati pung dunya, La hidop kombali pas akang pung lusa
Antua nai ka sorga, Dudu di Allah pung sabla kanan, la pegang parenta sama-sama deng
Antua yang punya kuasa par samua yang ada
Antua nanti datang dari sana, Par jadi hakim par samua orang Yang masi hidop deng su
mati
Beta parcaya kalo Allah su pilih katong Par jadi Yesus pung orang-orang Yang taika jadi
satu di antero dunya ni
Beta percaya kalo Antua kasi ampong dosa-dosa, Deng nanti kasi hidop katong pung
badang kombali
Amin
KUMPOL CENGKE
KUMPOL DENG NYANYIANG
SYUKUR COBA REKENG
SIO BANYA LAWANG E