Aek Sipitu Dai

Adong do sada dolok na langgat di samosir na margoar pusuk buhit.Apala dibonana i

dompak dangsina ruar ma sada mual na tarbarita di sandok luat batak.Ninna natua tua ,adong do
turiturian taringot tu hahajadi ni mual sipitu dai on. Asa adong ma ninna najolo sahalak boru boru
nauli,boru sagala di sianjurmula.Dipaksa natorasna do ibana muli tu baoa na so lomo ni rohana.Alai
ala paksa ni amana dang tarjuasa so ingkon saut tu baoa i ala naung tarihot adat naung
mardala.Hansit jala bernit do nian roha nang parniahapanni siboru dipaksa ni amana,Alani sai
dilului ma dalan haluaan sian arsak niroha nai.Manompu ma siboru lao marhutasada tubona ni
dolok pusuk buhit.Disi ma ibana sai tumatangis marsuap suap iluna ganup ari huhut sai
papantikhon rautna tu tano.sai martektehen ma iluna tu lubang ni tano pinatihannai.Lam lonong
ma tombuk tano i disi pola gabe sada tala.Ima najadi mual sipitu dai sonari.Sai disi ma boru sagala
na pinaksa i martapian.Songoni ma pandok parturiturian. Molo diinum halak mual i adong
pandaian na ansim,na asom,taoar,saput,tabo,nang bau barerang.Dipudianna i dibahen halak ma i
marpansur.Asa ima dalanna asa digoari halak pansur i sipitu paaur nang sipitu dai.Alai adong halak
mandok dang dia pola imbarna dai ni mual on dohot mual na asing i.N deba adong mandok adong
do tutu asing na ai sapot do pandaian molo niinum aek on.Adong muse dope mandok do do aek on
dhot mual tangkasan,holan adong otik uap barerang.Boi do masuk tu roha taringot tudai nai.Apala
dingkan doloknai di garda ni pusuk buhit,adong do sada mual na margoar aek baringin.Ditoru ni
tano di inganan i sai tarbege do soarana na marhasak.Ra aek na mamolus doi ro na sian dolok pusuk
buhit,ala hira ni atas ni dolok i adong do aek rangat na marjullak jullak dohot aek malum manang
aek parsuangan.Niida tutoruanna so adong aek na mardalan.Antong tudia aek nai laho?On ma
disura rohana mardalan sian toru ni tano i sahat tu aek baringin rodi mual sipitu dai nangkin.Ndang
holan i,adong muse diatas ni dolok i tala tala. Di pudian ni ari ditanda halak do mual sipitu dai on
margoar aek parhutuan.Dilambungnai dompak habinsaran adong do sada mual na margoar aek
sigargar.Jadi tung bahat do mual na ruar sian garda ni dolok pusuk buhit.Hira sude do aek i sapot
jala bau barerang.Molo manghorhon hahipason pe aek on di halak na manginum nang maridi
disi,aek barerang i do na mambaen.Manang di dia pe jolma na mian dilambungni dolok na marhirta
sai maol do dapot sahit sahit.Suang songoni do nang dorbia na rarak disi dohot suan-suanan
pe,luhut tahe idaon jengkar-jengkar,lombak imbuluna

1. Aha do goar ni dolok na langgat di Samosir?

a. Pusuk Buhit c. Doloksanggul
b. Sipitu Dai d. Bakkara
2. Ise do na dipaksa natorasna muli?
a. Natorasna c. Natua-tua
b. Boru Sagala d. Ompungna
3. Tudia siboru sagala i marhuta sada?
a. Bakkara c. Pusuk buhit
b. Doloksanggul d. Balige
4. Tudia martektehen iluna i?
a. Tao c. Tano
b. Aek d. Lubang
5. Gabe aha tektehen iluna i?
a. Tao c. Tala
b. Aek d. Lubang
6. Molo di inum halak mual i, adong pandaian na
a. Manis c. Paet
b. Ansim d. Dang adong
7. Aha di bahen halak dipudianna?
a. Marpansur c. Sampuran
b. Tao d. Tala
8. Ditoru ni tano di inganan i sai tarbege do soarana na?
a. Marende c. Jangkrik
b. Marhasak d. Maridi
9. Apala dingkan doloknai di garda ni pusuk buhit,adong do sada mual na margoar?
a. Aek Sipitu Dai c. Aek Baringin
b. Aek parhutuan d. Aek Parsuangan
10. Dilambungnai dompak habinsaran adong do sada mual na margoar
a. Aek Parsuangan c. Aek Parhutuan
b. Aek Baringin d. Aek Sigargar
11. Hata gonti parnampunaon hadirion 1 sahalak ima
a. Uloshu c. Ulosna
b. Ulosmu d. Ulos muna
12. Hata gonti parnampunaon hadirion 2 sahalak ima
a. Uloshu c. Ulosmu
b. Ulosna d. Ulos nami
13. Hata gonti parnampunaon hadirion 3 sahalak ima
a. Uloshu c. Ulosmu
b. Ulosna d. Ulos nami
14. Hata gonti parnampunaon hadirion 1 lobi sahalak ima
a. Uloshu c. Ulos muna
b. Ulos nami d. Ulosmu
15. Hata gonti parnampunaon hadirion 2 lobi sahalak ima
a. Uloshu c. Ulos muna
b. Ulos nami d. Ulosmu
16. Hata andung ni ulu ima
a. Simanjujung c. Simalolong
b. Sitarupon d. Simangkudap
17. Hata andung ni obuk ima
a. Simanjujung c. Simalolong
b. Sitarupon d. Simangkudap
18. Hata andung ni mata ima
a. Simanjujung c. Simalolong
b. Sitarupon d. Simangkudap
19. Hata andung ni mulut ima
a. Simanjujung c. Simalolong
b. Sitarupon d. Simangkudap
20. Ari batak na parjolo ima
a. Suma c. Muda
b. Anggara d. Artia
21. Ari batak na parduahon ima
a. Suma c. Muda
b. Anggara d. Artia
22. Ari batak na partoluhon ima
a. Suma c. Muda
b. Anggara d. Artia
23. Ari batak na paropathon ima
a. Suma c. Muda
b. Anggara d. Artia
24. Piga do ina ni surat batak?
a. 17 c. 19
b. 18 d. 20
25. Piga do anak ni surat batak?
a. 3 c. 5
b. 4 d. 6