Sermon Parhalado HKBP Muara Padang

Evangelium Minggu, 11– 07 - 2021

Nats : Amos 7 : 10-17
Manongtong Pajongjong Hasintongan
(Tetaplah Menyuarakan Kebenaran)
a. Patujolo
Dibaritahon Bibel do tu angka horong na porsea songondia pardalanan ni Tuhan Jesus hatiha di
portibi on. Diula Ibana do holong na pangoluhon di bagasan hasintongan (Joh. 14 : 6), jala diula do na
marbarita, mangajari, pamalumhon na marsahit, pabali sibolis nang pangoluhon na monding. Alai tung pe
songoni pambahenanNa i, ndang gabe alasan mambahen ingkon dijangkon saluhut jolma Ibana, ai ditulak
do Ibana tarlumobi di huta hagodanganNa songon partording ni turpuk Epistel di minggu on ima na
disurat di Markus 6 : 1-6. Hape nunga masa i tu panurirang Amos di padan na robi, ai dijou jala dipillit
Debata do ibana gabe panurirang dohot marbarita di Israel, alai ditulak do ibana. Songoni ma tutu
ringkotna dohot maolna pajongjonghon hasintongan ni Debata I di portibi on. Dibahen i, turpukta Amos
7:10-17, sada hataridaan do, ingkon manontong do hita pajongjong hasintongan di portibion.
b. Hatorangan
Manghilala do sahalak parmahan jala partani, na dijou Debata laho manurirangi bangso Israel, di
angka uhum na naeng jaloon ni nasida ala ni angka pangalaho ni bangso i. Di ulahon si Amos do
pansuruan i, nang pe ditulak Ibana, ala pandohan ni si Amazia na marjehejehe do si Amos dompak bangso
i. Alai aha na pinatupa ni si Amos songon sahalak panurirang ni Debata (juru bicara Allah), laho
mangkritik ketidakadilan na masa di bangso i. Di horong ni partondion, tarida do na humurang nasida,
ima, angka malim na mansai jonok jala tunduk tu panggomgomi/pamarenta (akibatnya umat Israel
tunduk kepada agama yang didirikan oleh kerajaan bukan kepada Allah lagi). Hape di horong ni
kehidupan sosial, tarida do angka penindasan, pemerasan, pargabuson, dohot angka lan na asing.
(ay. 10-13) Amazia (Malim na marhuaso di Betel) mansuru sasahalak laho manjumpangi Raja
Jerobeam, na mandok tu raja i, ia haroro ni si Amos na “marjehejehe do dompak raja i di tonga-tonga ni
pinompar ni Israel.” Ala dipaboa si Amos do, na hehe ma Debata palaluhon rimasNa dompak bagas ni
Jerobeam marhitehite podang (ay. 9), jala ingkon tarboan tu habuangan ia Israel sian tanona. Ala na so
sintong be mangulahon uhum dohot hasintongan na sian Debata. Tung barani situtu do panurirang Amos
mandok songoni tu sahalak raja na marhuaso/ panggomgomi, na boi patubuhon mara do i tu panurirang
Amos. Boi do do gabe marmara jala bahaya parngoluonna songon sahalak rakyat na so margogo. Alani i
do dialualuhon si Amazia ma panurirang Amos tu raja Jerobeam di angka hatana tu raja Jerobeam i
songon sahalak parhuaso hatihai.
Sasintongna ugamo ingkon gabe hagogoon do na laho manjamothon moral ni angka jolma. Dang gabe
saurdot manolopi hajahaton ni parhuaso, satahi jala saoloan dohot angka parhuaso na mangula na so
sintong, songon si Amazia. Molo nunga sintua ni malim (imam besar) nunga mangulahon sisongoni, tung
so adong be na boi sihirimon. Si Amasia sasintongna ingkon mangalehon sipaingot do tu raja Jerobeam,
dang gabe dohot patupahon sada huaso hagogoon na rap mambuat na ringkot di nasida sambing. Gabe si
Amasia do na manghuhupi hasintongan na pinasahat ni si Amos.
Ragam do hamaolon na niadopan ni Si Amos. Pola do dipalao si Amasia ibana na mandok “ laho ma ho
ale paralatan! Maporus ma ho tu Juda, jala disi ma ho mangan sagusagu, jala disi ma ho manurirangi !”
Mansai posa do hata ni si Amasia tu si Amos, ai so dietong ibana si Amos sahalak panurirang. Didok
sahalak “paralatan” do ibana, ima sahalak datu bolon manang dubes (dukun besar). Dietong do ibana
holan na mambahen hagaoron di Israel Utara.
(ay. 14-17) Dialusi si Amos do si Amasia, didok ibana di bagasan halambohon, “Ndang nian
panurirang ahu, jala dang anak ni panurirang ahu, halak parmahan do au, jala na papungupungu parbue
ni hau antajau. Dungi dibuat Jahowa ma ahu sian na mangadu birubiru, jala didok Jahowa tu ahu: Laho ma
ho laho manurirangi dompak bangsoKu Israel.” Monang do hasintongan i. Di na pajongjonghon dohot
manghatahon hasintongan i panurirang Amos, gabe sada hagunturan do i tu ngolu ni Amasia. Aha na
pinasahat ni panurirang Amos i, mambahen pesan/lenyap ma harajaon Israel, ala ro musu nasida
mangaluntak tano nasida, jala tarbuang ma nasida, jala mate di tano na ramun ma si Amasia. Jala
marragean ma angka anak dohot boru ni si Amasia marhitehite Podang (ayat 17).
c. Sipahusorhusoron
 Ingkon do manontong hita panjongjong hasintongan, ndang tarbahensa manghukupi hasintongan i
salelengna marhite hata sipalensem manang hata na palengenlengen sipareon.
 Ingkon rajumanta ma, dang boi hita pasidinghon fakta na sasintongna, ala memang saluhutna
hajahaton i, ingkon do mullop jala patar alana jolma i ingkon manjalo tumpalna.
 Patar ma ta bahen hasintongan i, ai ido na hinalomohon ni Debata dibagasan ngolunta on. Amen