ANGGARAN DASAR DAN ANGGARAN RUMAH TANGGA

PUNGUAN PARSAHUTAON DOSNI ROHA

SE – GRAND CIKARANG CITY – 2

18 Juli 2020
 HATA HUHUASI / PENGANTAR

Dihita Saluhutna punguan parsadaan Dos Ni Roha Perumahan Grand Cikarang City 2.
Nahumaliangna

“Sai dame na sian Amanta Debata ma na mandongani, jala na mian dibagasan rohanta be.”

Jumolo ma mandok mauliate hita tu Debata pardenggan basai ala nungga tung mansai godang dipasahat
pasu-pasuNa tu hita tarlumobi ma holong nirohaNa, marhite on ma taronjar tu rohatta laho padenggan-
denggan punguan ta, ima naung dimulai sejak tahun 2020, na masihol do hita asa lam tu denggan na
punguan ta on, ido umbahen na tabahen Anggaran Dasar dohot Anggaran Rumah Tangga on songon
sada dalan manang ondolan ni punguanta laho mangulahon angka ulaonta tu ari na naeng ro.

Di bagasan dame dohot holong nasian Debata pardenggan basai ruas/anggota ni punguan on adong na ro
adong na lao, alani i, ta pagomos ma tangiangta tu Pardenggan basa i, mangido hita dibagasan haserepon
ni roha, asa lam tu majuna punguan ta on, lam tusadana roha di hita, lam ditambai akka rejeki di hita,
dipadao hita luhut sian angka parmaraan.

Marhite-hite punguan sada rohanta laho padenggan dengganhon ”Anggaran Dasar dohot Anggaran
Rumah Tangga”  ta on. Anggaran Dasar / Anggaran Rumah Tangga on ma songon sada ni rohanta,
songon ondolan ni punguanta on mangulahon angka ulaonta tu ari nanaeng ro.

Anggiat ma tong-tong hita saluhutna digomgom Tondi Parbadia, asa dibagasan holong, marsada niroha,
marsiurupan, marsipodaan, marsiajaran, marsipasangapan asa uli jala tung denggan punguan ta on. Sai
digomgom Debata ma tong-tong punguan on di lehon tu hita saluhutna roha holong, tiur ni pikiran dohot
pansamotan nalomak.

HORAS JALA GABE

PENGURUS

A. Limbong
( Ketua )
 ANGGARAN DASAR DAN ANGGARAN RUMAH TANGGA

Pasal I

Lapatan
Punguanni Halak Batak na maringanan di Perumahan GCC 2, Kedung Waringin dohot humaliangna, di ojakhon tu
akka ulaon nadenggan naso maralo tu patik ni Tuhan ta dohot naso maralo di aturan ni Pamaretta Indonesia

Pasal II

Goar

Punguan Parsahutaon Dos NI ROHA se – GRAND CIKARANG CITY – 2

Pasal III

Inganan
Maringanan di Perumahan Grand City Cikarang 2. Kecamatan Kedung Waringin – Kabupaten Bekasi

Pasal IV

Tikki Di Ojahon

Punguan Parsahutaon Dos NI ROHA SE – GRAND CIKARANG CITY – 2 di ojakahon tgl 18 juli 2020

Pasal V
Asas Dohot Ojahan

1. Punguanon ojak di batuna, ransang di rangsana, laho pasadahon dongan pangaratto khususna halak
batak diulaon las ni roha dohon arsak ni roha.
2. Asas ni Punguan on i ma “Hasadaom Niroha asa si sada roha marsiurupurupan disude ulaon namasa di
Perumahan GCC2 Kedung waringin. Punguan on dangadong hadomuan tu aliran politik manang dia pe.
3. Ojahan ni Punguan i ma Adat Paradaton ni Habatahon, Parugamoon Ni Kristen, na so maralo tu
Peraturan ni Pamarett Indonesia

Pasal VI
 SANGKAP NI PUNGUAN
 
1. Asa sude Halak Batak di Perumahan GCC2 kedaung waringin dohot humaliangna “Sisada lulu, si sada
hata Tarlumobima tongtong si sada dos ni roha”.
2. Mananomhon roha holong na marsihaholongan, marsiurupan di las ni roha, tarlumobi di arsak ni roha.
3. Manghobasi dohot patupahon angka adat paradaton hombar tu adat ni halak Batak tu sude Ruas ni
Punguan.
4. Manogunogu angka naumposo (Naposobulung) asa tubu roha laho mangaradoti Ruhut/ Uhum dohot Adat
Batak, lumobi marparange nadenggan marnatua-tua.

Pasal VI

Anggota

A. Anggota
Sude halak Batak na adong di Perumahan Grand Cikarang City 2 Kedung Waringin Kabupaten Bekasi,
Nungnga tardaftar di Punguan

B. Hak ni angka Anggota

1. Mangalehon pandapot manang pamikkiron dohot gogo laho pasautton dohot patimbulhon sakkap ni
visi, misi dohot tujuan ni Punguan.
2. Mamilit dohot dipilit na gabe pengurus ni Punguan.
3. Manjalo Tangiang Sian Punguan molo di pangidohon
4. Mandapot pangurupion / bantuan moril dohot materil sesuai dohot aturan ni ADRT Punguan

C. Kewajiban Sude Anggota

1. Parsidohot di pargulmiton / kegiatan ni Punguan songon naung di tontuhon ni aturan-peraturan di
(ADRT) ima dohot akka haputusan ni rapat na pinatupa ni Pangurus laho pasangaphon dohot
patimbulhon goar ni punguan.
2. Mangoloi mangihutton tu aturan ni Punguan songon ni tottuhon di Anggaran Dasar / Anggaran Dasar
Rumah Tangga ni Punguan Dosniroha.
3. Manggarar uang pangkal, uang iuran tekkenles naditolopan ni Punguan Dosniroha.
4. Sipardohot Di sude ulaon ni punguan
5. Manjaga hadengganon goar ni punguan dohot hadenggaonon ni goar ni anggota punguan

D. Maradian Gabe Anggota

1. Anggota na monding, manang pindah sian Inganan ni Punguan Perumahan GCC 2 Kedung Waringin
2. Pangidoan ni Anggota sandiri Naso pasidohot be di punguan
3. Anggota na so mangihuthon / tunduk tu Anggaran Dasar dohot Anggaran Rumah Tangga ni Punguan.

Pasal VII

Parhepengon
Sumber Dana:
1. Uang Pangkal/Pendaftaran Rp.50.000,-
2. Iuran Bulanan selama menjadi anggota

Dana kas Rp.10.000,-

Konsumsi Rp.10.000,-

3. Uang Masuk Sian Donatur / Sumbangan sukarela yang tidak mengikat

Pangaluaran:

A. Operasional Punguan

B. Di Arsak Ni Roha

1. Anggota Marsahit ( Opname Lobi Sian Dua Ari )

Lao do punguan tu bagas Nasida di patuma ma kunjungan, jala mamboan buah-buahan sian kas
godangna Rp.50.000,- dohot pasahathon pangurupion sian kas godang na Rp.200.000,-

2. Habot Ni Roha
Dihabot ni roha,Natua tua punguan monding, laho do punguan patupahon pangapulion huhut
mamboan Indahan Sipaet-paet anggaran sian kas godangna Rp.250.000,-. pasahathon pangurupion
sian kas Rp 150.000 dohot tekken less sian anggota saotik otikna Rp.30.000,- par rumah tangga.
3. Dihabot ni roha, di na marujung Ina, ama manang dak - danak ni punguan, laho do punguan
patupahon pangapulion huhut mamboan Indahan Sipaet-paet anggaran sian kas godangna
Rp.250.000,-. pasahathon pangurupion sian kas Rp 300.000 dohot tekken sian less anggota saotik
otikna Rp.50.000,- par rumah tangga

C. Di las ni roha
1. Pangolihon anak Baoa ( Pamasu - masuon di Gereja manang di paradaton)
Punguan mangalehon/pasahathon tumpak godang na Rp.150.000,- sian kas , jala manumpaki do
anggota punguan
2. Pamulihon Boru ( Pamasu Masuon Manang Di paradatan )
Punguan mangalehon/pasahathon sad aulos herbang senilai rp 150.000
3. Dinasorang Dak danak
Punguan pasahathon kado amplop godangna Rp.150.000,-. ( Lahir Normal )
Punguan pasahathon kado amplop godangna Rp.250.000,-. ( lahir Operasi Sectio )
4. Pinda Inganan sian Perumahan GCC 2 Punguan pasahatton kenang kenagan Rp 100.000 ( tidak ada
tunggakan)
5. Gongkon sian anggota tu punguan
Molo adong sian anggota pasahathon gongkon tu punguan di ulaon las ni roha , songon Tardidi, Naik
Sidi, tamat Sikkola, Malua, punguan mangalehon Kado Amplop godang na Rp.100.000,-
6. Gongkon sian anggota tu punguan
Molo adong sian anggota pasahathon gongkon tu punguan di ulaon las ni roha, Mangoppoi jabu Kado
Amplop godang na Rp.150.000,-
 Pasal VIII

Hapanguruson
A. Susunan Pengurus

1. Penasehat ( Sahalak )

2. Ketua ( Sahalak )

3. Sekretaris ( sahalak )

4. Bendahara ( Sahalak )

5. Paradaton ( Sahalak )

6. Parugamoon ( Sahalak )

B. Pamilliton Pengurus

1. Pangurus Dipillit Jala Disahkan Anggota

2. Pengurus dipillit anggota punguan ima marhite Parrapoton ni sude pungan dohot
haroroan/kehadiran ni anggoto 50 %+1
3. Hapanguruson naung tarpillit lelengna 5 Taon ( sa periode ),dung 5 taon dipatupa
ma muse pamilliton pangurus nabaru
4. Pangurus naung hea tarpillit boi d o dipillit muse gabe pangurus na baru
5. Pangurus naso boi manorushon ulaon na songon pengurus punguan ( alasan di pasahat tu
punguan) dipillit ma panggantina songon pangurus sementara

C. Ulaon Ni Akka Pangurus

Panasehat
Mangalehon poda dohon paniroion tu sude pangurus dohot anggota punguan.

Katua
Ima nagabe uluan di Punguan Dos Ni Roha Perumahan Grand Cikarang City 2

Sekretaris
Ima na mangurupi Katua dohot wakil katua di ulaon administrasi dohot operasional
Punguan Dos Ni Roha Perumahan Grand Cikarang City 2.
 Bendahara
Ima na mangurupi ketua dohot wakil ketua mangurus parhepengon ni punguan Dos Ni Roha
Perumahan Grand Cikarang City 2.

Seksi Adat
Mangurupi katua dohot wakil katua paradehon acara ,mandohoti dohot mandalathon
acara adat baik acara suka dan duka di punguan Dos Ni Roha Perumahan Grand Cikarang
City 2.

Seksi Rohani
Mangurupi ketua dan wakil ketua paradehon acara dohot mangulahon acara
kerohanian di punguan Dos Ni Roha Perumahan Grand Cikarang City 2.

Pasal IX

Panutup
Akka nahurang gasip dope di anggaran dasar on boi do muse dipadenggan hombar kondisi
partikkian dohot haporluanna.Anggaran dasar on mulai mardalan tanggal 18 juli 2020

Pengesahan ADRT
Perumahan GCC 2 Kedung Waringin, 18 Juli 2020

Penasehat

Ketua Bendahara Sekretaris

A. Limbong M. Br Manurung Ny. V Hutauruk