ANGGARAN DASAR

PUNGUAN POMPARAN NI BORSAK JUNGJUNGAN SILABAN

ANAK, BORU, BERE, DOHOT IBEBERE
SEKTOR 29 MEDAN

BAB I
GOAR/ LELENG NA DOHOT INGANAN

Pasal 1
a. Punguan on margoar “Punguan Pomparan Borsak Jungjungan Silaban Anak,
Boru, Bere dohot Ibebere”
b. Punguan on ojak/ jongjong tanggal 31 Januari 2014
Pasal 2
Punguan on maringanan di Pasar II Desa Helvetia Medan
BAB II
OJAHAN/ ASAS
Pasal 3
a. Punguan on marojahan tu holong ni sian Tuhanta
b. Punguan on tong do marojahan tu Dalihan Natolu
BAB III
SANGKAP DOHOT TUJUAN
Pasal 4
a. Patoguhon holong na marhaha maranggi dohot marhula boru
b. Patupahon usaha-usaha laho mangeahi hamajuon ni Punguan
Pasal 5
Marsiurupan di angka ulaon las ni roha dohot arsak ni roha, ima marhite-hite gogo
dohot pingkiran
BAB IV
KEANGGOTAAN
Pasal 6

Anggota ni Punguan, ima pomporan ni Borsak Jungjungan Silaban Anak, Boru,

Bere dohot Ibebere naung hot ripe, jala naung terdaftar gabe anggota
Pasal 7
Maradian sian anggota molo :
a. Dipangido anggota i sendiri
b. Pindah sian Pasar II Desa Helvetia Medan
c. Tolu hali padodot dang ro partangiangan, ro ma pengurus mandapothon, jala molo
dang ro sahat tu paopat halihon dianggap ma naung haruar sian Punguan.
BAB V
TANGGUNGAN
Pasal 8
a. Tanggungan anggota Punguan ima : anggota Punguan dohot sude i anakhonna naso
marhasohotan dope
b. Natoras ni anggota Punguan
c. Natinggal di bagas ni anggota jala dilapor tu BPH, isarana – natoras

1
 BAB VI
HAK DOHOT KEWAJIBAN ANGGOTA
Pasal 9
a. Ganup anggota marhak do mamilit dohot dipilit gabe Pengurus
b. Ganup anggota marhak do mangalehon pendapat laho mangeahi hamajuon ni
Punguan
c. Pengurus dipilit oleh anggota melalui Rapat Anggota na ni uluhon Penasehat
d. Cara mamilit Pengurus boi do marhite musyawarah tu mufakat, formateur manang
voting
Pasal 10
Ganup anggota marhak do marsaulihon pangurupion sian Punguan, di angka ulaon las
ni roha nang arsak ni roha, ima di angka gogo dohot pingkiran
Pasal 11
a. Ganup anggota ingkon do menjaga nama baik ni Punguan, asa denggan
mangihuthon aturan di AD/ART manang haputusan ni Punguan
b. Mangkaritkothon nasa ulaon na masa di tonga-tonga ni Punguan, ima ulaon las ni
roha dohot arsak ni roha
c. Manggarar uang iuran siganup bulan, songon naung di aturhon di AD/ART
BAB VII
PARHEPENGON/ KAS PUNGUAN
Pasal 12
a. Uang Pangkal ni anggota
b. Uang iuran ganup bulan
c. Sumbangan-sumbangan sian anggota/ donatur
d. Pelean partangiangan si sahali sabulan
BAB VIII
HAPENGURUSAN
Pasal 13

Nanigoaran Pengurus in Punguan ima : Ketua, Wakil Ketua, Sekretaris, Bendahara,

Komisaris dohot Seksi-Seksi

BAB IX
RAPOT PENGURUS/ HAPUTUSAN RAPAT
Pasal 14

Rapot Pengurus boi do di patupa manang sadiahari pe, mamereng tu ringkotna ma

Pasal 15
Haputusan ni rapot ingkon do dibagasan sada ni roha/ sada ni tahi, manang
musyawarah untuk mufakat

Pasal 16
Pengaturan lebih lanjut ni anggaran dasar on di aturhon ma di Anggaran Rumah
Tangga

2
 ANGGARAN RUMAH TANGGA
PUNGUAN POMPARAN NI BORSAK JUNGJUNGAN SILABAN
ANAK, BORU, BERE DOHOT IBEBERE
SEKTOR 29 MEDAN

BAB I
KEANGGOTAAN
Pasal 1
Nanigoaran anggota ni Punguan ima : Pomparan Ni Borsak Jungjungan Silaban, Anak,
Boru, Bere, dohot Ibebere na adong di Pasar II Desa Helvetia, jala naung parsurathon
dirina gabe anggota ni Punguan.

Pasal 2
Molo tung adong anggota na naeng di haruarhon sian Punguan alani pangalaho na
mangalaosi adat dohot uhum ni Bangso Batak, lumobi mai ditona ni Ompunta Borsak
Jungjungan, ingkon tung mansai tangkas do i sungkunon ni Pengurus, alai molo so
tarpature be bahenon ni Pengurus ma rapot luar biasa, jala disetujui Penasehat

BAB II
HAK DOHOT KEWAJIBAN
Pasal 3
a. Namarsaulihon kewajiban ni Punguan, ima angka anggota naung tarsurat di
Punguan, jala angka naung manggarar iuran hombar tu AD/ ART
b. Ganup anggota markewajiban do manggarar uang pangkal dohot iuran ima :

1. Uang Pangkal : Rp 100.000

2. Uang iuran/ bulan : Rp 10.000
3. Uang Pangkal Anak Manjae : Rp 50.000

c. Sitontuhon ni Pengurus do perobahan ni iuran siganup bulan, hombar tu

perkembangan ni angka tikki
Pasal 4
Ganup anggota marhak do mandapot angka gokhon dohot jou-jou ni angka si las ni
roha nang arsak ni roha pe na masa di tonga-tonga ni Punguan
Pasal 5
Ganup anggota markewajiban do paboahon tu Komisaris dohot Pengurus angka na
masa di dirina
Pasal 6
a. Di tingki ulaon pangolihon anak anggota, pasahaton ni Punguan do tumpak
godangna Rp 200.000
b. Di tingki ulaon pamuli boru anggota, pasahaton Rp 200.000, jala na pamuli boru ma
manuhor sada ulos herbang si pasahaton ni Punguan
c. Di tingki mangadati/ sulang-sulang ni pahompu, pasahaton ni Punguan do tumpak
godangna Rp 200.000
Pasal 7
Molo masa arsakhi roha hamatean dohot parsahiton napola opname di tonga-tonga ni
anggota, pasahathon ni Punguan do pangurupion tu na bersangkutan ima :
a. Molo Ama/ Ina na monding godangna Rp 500.000
b. Molo ianakhon ni anggota do na monding godangna Rp 350.000

3
c. Molo natoras ni anggota monding di bagas anggota/tanggungan, punguan
pasahathon Rp 250.000
d. Molo natoras ni anggota na monding di luar daerah, Punguan pasahathon Rp
200.000
e. Molo adong anggota dohot ianakhon ni anggota na opname di rumah sakit sampe 3
ari manang lobi, Punguan pasahathon Rp 100.000
f. Napasahathon AD/ ART on jolo di pareso ma kewajiban-kewajiban na tu Punguan tu
Bendahara
Pasal 8
Molo adong anggota Punguan na pindah sian Pasar II Desa Helvetia, jala marboa-boa
tu Pengurus dung jolo dipareso utang piutang tu Bendahara, pasahathon ma di tingki
partangiangan godangna Rp 100.000

BAB III
TUGAS DAN FUNGSI
Pasal 9
Penasehat :
a. Maniroi Pengurus dohot anggota Punguan asa lam tu dengganna Punguan i
b. Manguluhon Periode ni Kepengurusan/ Melantik Pengurus Baru
Pasal 10
Ketua :
a. Mandalanhon angka na tarsurat di AD/ART ni Punguan, jala bertanggung jawab tu
ngolu ni pardalanan ni Punguan
b. Manguluhon nasa rapat pengurus, alai molo berhalangan, acara otomatis tu Wakil
Ketua manang Sekretaris laho manguluhon
c. Manjalo saran/ petunjuk sian Penasehat taringot tu hamajuan ni Punguan
Pasal 11
Wakil Ketua :
a. Mandalanhon tugas na pinasahat ni Ketua
b. Manguluhon Punguan molo berhalangan Ketua
Pasal 12
Sekretaris I :
a. Mangulahon panuration (catatan rapat/ notulen) dohot angka surat edaran manang
surat undangan
b. Manimpan angka arsip ni Punguan
c. Mendelegasihon tugas-tugas hasekretarisan tu Sekretaris II dohot Komisaris
d. Mambaen rencana, laho mengeahi hamajuan ni Punguan
Pasal 13
Sekretaris II :
a. Mandalanhon tugas na pinasahat ni Seretaris I
b. Mangalaporhon tugas na pinasahat tu Sekretaris I
Pasal 14
Bendahara :
a. Manimpan hepeng namasuk tu Punguan

4
b. Mangaruarkon hepeng tu haporluan ni Punguan hombar tu AD/ART ni Punguan, jala
ditolopi Ketua dohot Sekretaris
c. Mangalehon saran tu Ketua taringot parhepengon
Pasal 15
Komisaris :
a. Mangkarikothon tu tamba ni anggota baru
b. Manjalo dohot mandaftarhon anggota baru
c. Pasahathon surat edaran/ undangan boa-boa na mardomu tusi tu angka anggota.
Pasal 16
Seksi Kerohanian :
a. Mambahen tata ibadah ni Punguan laho sipangkeon di tingki partangiangan Punguan
b. Manguluhon Punguan di setiap adong acara rohani
Pasal 17
Seksi Adat :
a. Maniroi dohot mandimpingi anggota Punguan na marulaon
b. Manguluhon Punguan di setiap adong acara panortoran na nidokotan ni Punguan
Pasal 18
a. Pergantian ni Pengurus dilaksanakan sekali dalam dua taon, kecuali ada hal-hal
khusus, manang keadaan sangat penting
b. Pergantian Pengurus di uluhon Penasehat
c. Cara-cara memilih Pengurus :
1. Musyawarah/ Mufakat
2. Formateur
3. Suara Terbanyak (Voting)
Pasal 19
a. Partangiangan sisahali sabulan mulai jam 14.00 WIB, manang jam 2 siang, minggu
ke -4
b. BPH mengabsen kehadiran ni anggota Punguan
Pasal 20
Molo adong dope na hurang tangkas dohot naso diaturhon dope AD/ ART on, sihataan
ni Pengurus mai, di angka Rapat Pengurus, molo porlu dibahen muse AD/ART
tambahan.
Medan, 31 Januari 2020
KETUA SEKRETARIS

M. SILABAN H. NAINGGOLAN
WAKIL KETUA SEKRETARIS II

P. SILABAN NY. MANULLANG BR. SILABAN

BENDAHARA

NY. PASARIBU BR. SIMAMORA

PENASEHAT

5
BM. SILABAN