ANGGARAN DASAR (AD) DOHOT ANGGARAN RUMAH TANGGA

(ART) PUNGUAN POMPARAN SIMATARAJA RAJA SIMARMATA

ANAK, BORU, BERE DOHOT IBEBERE
KECAMATAN TANJUNG MORAWA

SEKRETARIAT :
JALAN PERINTIS KEMERDEKAAN KOMPLEK PRIMA
SHOWROOM HONDA ROTELLA
TANJUNG MORAWA
081212113394
 ANGGARAN DASAR (AD)

BAB I
GOAR DOHOT INGANAN
Pasal 1

Punguan on ginoaran punguan Simataraja Raja Simarmata, Anak, Boru, Bere

Dohot Ibebere na berkedudukan di Kecamatan Tanjung Morawa sekitarnya.
Pinaojak mulai hari Sabtu, 15 April 2017 dibagas ni keluarga J. Simarmata/Br
Sinurat (+) (Op. Agustina) Jl. Batang Kuis Gg. Proyo.

BAB II
MAKSUD DOHOT TUJUAN
Pasal 2

1. Pasolhotton parsaoran ni pomparan Simataraja Raja Simarmata Anak, Boru,

Bere Dohot Ibebere.
2. Marsitungkol-tungkolan di arsak ni roha, dohot marsihara-haraon di las ni
roha.
3. Asa holong marsihaholongan.

BAB III
KEANGGOTAAN
Pasal 3

Na boi gabe anggota/ ruas ni punguan on ima :

1. Pomparan ni Simataraja Raja Simarmata, Anak, Boru, Bere Dohot Ibebere.
2. Naong hot ripe
 BAB IV
PENGURUS
Pasal 4

Pengurus ni punguan on ima :

Anggota manang ruas sian tonga-tonga ni Punguan Pomparan Simataraja Raja
Simarmata, Anak, Boru, Bere Dohot Ibebere na nanaung pinilit gabe Ketua,
Sekretaris, Bendahara, Komisaris dohot Penasehat.

BAB V
RAPOT
Pasal 5

1. Rapot bolon ni punguan dibahen pinomat sahali sataon.

2. Rapot ni pengurus dibahen sahali 6 bulan.

BAB VI
PERIODE KEPENGURUSAN
Pasal 6

Periode manang leleng ni kepengurusan selama tolu taon.

BAB VII
NA ASING-ASING
Pasal 7

Naso tarsurat di Anggaran Dasar (AD) on, diatur ma di Anggaran Rumah

Tangga (ART) ni Punguan on.
 ANGGARAN DASAR RUMAH TANGGA (ART)

BAB I
RUAS NI PUNGUAN
Pasal 1
Molo adong na naeng gabe anggota ni punguan, dipasahat ma pangidoanna marhite
surat manang hata tu pengurus harian rap dohot goar-goar nasida saripe.

Pasal 2
Hepeng pendaftaran gabe anggota godangna Rp100.000,00 dipasahat ma tu
bendahara ni punguan.

Pasal 3
Iuran ni anggota godangna Rp10.000,00 per bulan.

Pasal 4
Anggota na naeng pindah tu inganan na asing dipaboa ma tu pengurus marhite-hite
komisaris asa dipaborhat nasida. Molo dibahen partangiangan pasahatton ni
punguan ma kado manang cinderamata godangna Rp150.000,00.

Pasal 5
Anggota na pindah alai mulak muse, dijalo ma na nasida gabe anggota dang pola
mambayar uang pendaftaran.
 BAB II
PENGURUS
Pasal 6
1. Pengurus ni punguan dipilih sahali tolu (3) taon di tikki rapot bolon ni
punguan.
2. Pengurus na naeng sipilliton ima : Ketua, Sekretaris, Bendahara dohot
Komisaris-komisaris.
3. Badan Pengurus Harian (BPH) berhak mambahen akka keputusan naso
maralo tu anggaran dasar dohot tu anggaran rumah tangga ni punguan.
4. Pengurus na lowong (kosong) ulaon nasida boi ma diterushon tu pengurus
harian na adong paima dipillit gantina.

BAB III
KEWAJIBAN NI PUNGUAN
Pasal 7
1. Molo adong anggota manang anak ni anggota punguan na marsahit/opname
di ruma sakit, punguan wajib mamereng tu rumah sakit jala dipasahat ma
songon ganti ni oleh-oleh manang buah tangan sebesar Rp100.000,00.
2. Molo adong anak mangoli sian anak ni punguan (pangolihon anak) lehonon
ni punguan ma tumpak Rp200.000,00 sian kas.
3. Molo adong pamuli boru sian anak ni punguan, lehonon ni punguan ma sada
ulos senilai Rp200.000,00. Laos dipasahat ma tu punguan sian paranak ima
parsuhian tu punguan godangna Rp150.000,00 (Parsuhian dipasahat ma tu
anggota na hadir di pesta i).
4. Molo adong na monding sian tonga-tonga ni punguan lehonon ni punguan
ima songon pangurupion tu keluarga namarsitaonon ima :
a. Molo ama manaeng ina anggota langsung monding lehonon ni
punguan ima Rp500.000,00 sian kas.
b. Molo ianakkon ni punguan na monding lehonon ni punguan ima
Rp300.000,00 sian kas.
c. Molo orangtua manang simatua monding di jabuni anggota manang di
bona pasogit lehonon ni punguan ma Rp200.000,00.
 d. Molo adong anak ni anggota ni punguan lobi sian sahalak dibagasan
punguan I, sehubungan dengan poin 4a di atas, lehonon ni punguan
ma masing-masing Rp200.000,00.
e. Molo adong anggota ni punguan mengalami bencana alam songon
kebakaran, banjir, angin putting beliung, lehonon ni punguan ma
Rp200.000,00 sian kas + taken list/ pandurungan.
f. Molo adong keluarga datang berkunjung jala monding di rumah
anggota ni punguan anggaran tidak berjalan alai diwajibhon anggota
ni punguan i ro.
g. Dipadalan ma hak ni anggota sian punguan dung terdaftar sebagai
anggota dung 6 bulan.

BAB IV
KEWAJIBAN NI PENGURUS/ANGGOTA
Pasal 8
1. Molo adong ulaon adat di hasuhuthon ni anggota ima tarsongon pangolihon
anak manang pamuli boru, sudema anggota mangalehon tikkina dohot
gogona laho mangurupi hasuhuthon (si sada hasuhuthon).
2. Molo adong na monding sian tonga-tonga ni punguan i, sudema anggota ni
punguan mandongani keluarga namarsitaonon i dohot mangkobasi na porlu
tu ulaon i.

BAB V
KEGIATAN NI PUNGUAN
1. Dipatupa ma partangiangan setiap bulan (Januari-November).
Masuk pukul 16.00 WIB.
2. Dipatupa perayaan natal setiap bulan Desember.
3. Dipatupa perayaan ulang tahun ni punguan setiap 3 tahun sekali.
 BAB VI
KEHADIRAN

Molo adong anggota ni punguan selama 3 bulan berturut-turut tidak hadir

tanpa pemberitahuan, maka pengurus lao ma mandapothon anggota i.

BAB VII
PENUTUP
Pasal 9

1. Anggaran Dasa (AD) dohot Anggaran Rumah Tangga (ART) pinatupa

dang maralo tu aturan ni punguan.
2. Angka ruhut-ruhut na so niatur di Anggaran Dasar (AD) dohot Anggaran
Rumah Tangga (ART) on sipadalanon mai hombar tu adat ni oppungta.
3. Perubahan Anggaran Dasar (AD) dohot Anggaran Rumah Tangga (ART)
on dibahen sian dos ni roha jala dihadiri 2/3 sian godangni anggota jalan
disetujui satonga ditamba sada (1/2+1) sian godangni anggota na ro.
4. Anggaran Dasar (AD) dohot Anggaran Rumah Tangga (ART) on disahon
ni rapot ni sude anggota-anggota punguan pomparan SIMATARAJA
RAJA SIMARMATA ANAK, BORU, BERE DOHOT IBEBERE
seKecamatan Tanjung Morawa, Sabtu, 15 April 2017 dibagasan ni
Amanta : J. Simarmata/Br Sinurat (+) (Op. Agustina) Jl. Batang Kuis Gg.
Proyo.