BALEN NA NING ARAYAT

Balen tuki ko kaku kening katlung distritu

Ning Pampanga ipasyal da kayu
Balen na ning Arayat, Balen a progresibu
Bubuuan ning atlung pulung baryu
Tuknangan daring biasa, bayani’t makamasa
Ortiranu’t manasan opisyu ra
Dakal lang propesyunal, ampo pang memag-aral
Migtagumpe’t mabibye marangal

CHORUS:
Balen arayat, balen arayat
Tuknangan da reng taung mangasipag
Balen arayat, balen arayat
Yang susulung yapa at mamangat

Ibat ilug tam una, nung bat ka Nueva Ecija

Ing Mapalad yang munang dasan ta
Sunud ya ing San Mateo, Tabuan tutuking baryu
Kaibat Camba itang ating barko
Suclayin kayling kanto yang munang dasan tamo
Bayu tete ating kadwang kanto
Dasan me ing Batasan
Candating sunud ne man
Den la barkadang walang iwanan

(Repeat Chorus)

Lele bunduk ta munta, San Juan Banyo akit ya

reng magswimming keni darayu la
Lacquios lele nang baryu, Ospital ken ya atiu
Pampubliku keti nang distritu
Barangay La Paz Turu ampo itang Palinlang
Ing Baliti ren malapit la ngan
Ing bunduk ning alaya, bunduk ning aslagan
Simbulu ning dayang Capampangan

(Repeat Chorus)

Palengki tana munta, nung ibat ka Santa Ana

San Nicolas yang munang dasan ta
Sunud ya ing Mesulo, kaibat Mangga Cacutud
Plazang Luma ya itang susunud
Poblacion ya keng palengki, bangku ampong Jollibee
Ing pisamban ampo reng grocery
Paralaya katuki, ken e tamu malili
Masala ya ing barangay aldo’t bengi

(Repeat Chorus)

Pangulu tana munta, nung ibat ka magalang

Buensuceso mumuna meng dasan
Sunud yaing Telapayung, kaibat na San Antonio
Ing Arenas katuki nang baryo
Baranggay na ning Bitas, deng resort ken dakal la
At Gatiawin baryung kasunud na
Ketang kantu nang wanan, Lacmit baryung awsan da
Ken May Fifteen ing karelang Piyesta

(Repeat Chorus)

Lele ilug ta munta, ken ya ing Santa Lucia

Baryu Cupang Mayor Bon baryu na
Kalele ne ing Matamo, Ampo pa ing Guemasan
Sementadu’t masanting ya ing dalan
Baranggay San Agustin Sur ampo pang Norte
Dane ilog malapit keng dike
O ren po reng barangay, ba ku no ngang asabi
Umunlad susulung sabe sabe

(Repeat Chorus)

Balen na ning Arayat, agpang keng makasulat

Penibatan deng bayaning hukbung Hukbalahap
Balen a mapayapa, tahimik at mumunlad
Deng memalen keng biye ra magsikap
Balen na ning Arayat, liguran deng lilingap
Manungkulan mangasipag dapat
Ing karelang pangarap, disan da’t matutupad
Matwid ya pa ing balen masampat

(Repeat Chorus)

Balen Arayat, balen Arayat

Tuknangan da reng taung mangasipag
Balen Arayat, balen Arayat
Progresibu payapat maunlad

King Arayat bawal ing matamad

(Balen Arayat)