PERSIAPAN

Sekelompok gembala masuk ka tampa kebaktian sambil bicara-bicara

Anak 1 : Tamang-tamang, dong liat malaikat Tuhan datang seng?

Anak 2 : Iyo, dong cahaya paleng tarang. Beta baru pernah lia cahaya
kaya bagitu e

Anak 3 : Beta taku lia lai. Beta seng mangarti dong bilang apa

Anak 4 : Dong bilang : Hari ini Juruselamat su lahir, Dia itu Kristus
Tuhan di kota Daud. Akang pung tanda, katong nanti bakudapa bayi yang
dapa bungkus deng lampin deng dapa taro dalam palungan

Anak 1 : Kalo bagitu, mari katong basiap la pi.

Gembala-gembala kaluar sambil diiringi instrument lagu “Hai Mari

Berhimpun”

PERENUNGAN DAN PENGAKUAN

Seorang gembala masuk lebih dulu lalu duduk di depan tempat

persembahan sambil berakting tidur. Tamang-tamang laeng maso sambil
bicara-bicara

Anak 1 : Mari tamang-tamang, katong su musti pi sakarang

Anak 2 : Katong seng bawa apapa par Ontua ka?

Anak 1 : Katong seng pung barang berharga, mar kalo katong datang
saja pasti lebe berharga dari apapun

Anak 4 : io batul. Katong pung keinginan, semangat deng sukacita par

bakudapa Ontua itu labe penting. Mar katong tamang yang laeng mana nih?

Anak 2 : He, liat tuh. Katong tamang masih tidor!

Anak 1 : (menepuk bahu teman supaya bangun) Tamang, bangong-

bangong, katong mo pi !

Anak 3 : (deng mata sadiki tatutup, llu mo tidor ulang) Ah... sadiki lai,
beta masih manganto ee

Anak 4 : Mari tamang-tamang , katong seng bisa tunggu dia lai. Katong
musti pi sakarang jang sampe matahari terbit.

Anak 1&2 : Mari katong pi..

Ketiga gembala keluar

Anak 3 tiba-tiba bangong la kaget dia tamang-tamang su pi,
lalu dia kaluar
 BERITA KESELAMATAN DIKABARKAN

Gembala maso deng bersukaria, manyanyi KJ No. 99 “Gita Sorga

Bergema”

Anak 1 : Beta pung hati paleng sanang su bakudapa deng Dia, Sang
Juruselamat !

Anak 2 : itu sudah. Beban dihati jua mar ilang pas lia Ontua

Anak 4 : Dia batul-batul Mesias yang katong tunggu-tunggu

Anak 3 : beta beruntung masih dapa kesempatan bakudapa Ontua

Anak 1 : mulai sakarang katong pung hidop musti barubah

Anak 2 : iyo. Mari katong pi deng biking katong pung tugas sesuai Ontua
pung Firman.

Para Gembala Keluar