Kandayu

Buku Kandayu
Edisi 2020-11-11

Didesain agar mudah dibaca oleh orang tua.

Tidak untuk diperjualbelikan.

Sertakan halaman ini jika mencetak dan menggandakan.

Kredit lirik milik para pengarang.

Untuk mencantumkan nama-nama pengarang, mohon
menghubungi kami melalui email.

Kandayu disebarluaskan di bawah Lisensi Creative

Commons Atribusi-BerbagiSerupa 4.0 Internasional.
Kunjungi http://creativecommons.org/licenses/by-sa/4.0/
untuk melihat salinan lisensi ini.

Booklet A4 (8,27" x 11,69") 76 halaman.

Dapat dicetak secara mandiri.

Disediakan oleh Reno (reno@kaharingan.or.id)

Homepage : www.kaharingan.or.id
Email : media@kaharingan.or.id
Blog : blog.kaharingan.or.id

i
 Daftar Isi

Klik judul kandayu untuk melompat ke halaman.

Daftar Isi....................................................................................ii
Manyarah Sangku Tambak Raja..............................................1
Mantang Kayu Erang................................................................4
Parawei....................................................................................19
Mambuwur Behas Hambaruan..............................................22
Katika Nahunan......................................................................23
Akan Uluh Handak Misek.......................................................27
Akan Uluh Katika Hisek..........................................................28
Akan Uluh Haguet Kawin.......................................................29
Akan Panganten......................................................................31
Akan Uluh Pakaja Manantu...................................................33
Eka Uluh Haban......................................................................34
Eka Uluh Matei.......................................................................36
Metuh Mangubur....................................................................38
Limbah Mangubur..................................................................40
Handak Tiwah.........................................................................42
Limbah Tiwah.........................................................................43
Tulak Satiar Bausaha.............................................................45
Katika Satiar Bausaha............................................................47
Maluput Hajat.........................................................................49
Pendeng Huma.......................................................................51
Buli Huma Taheta...................................................................53
Akan Anak Sakula...................................................................55
Pampeteh Ranying Hatala.....................................................58
Mamparendeng Utus.............................................................64
Mambina Umat.......................................................................66
Nyelu Taheta..........................................................................70

ii
 Manyarah Sangku Tambak Raja

1 SANGKU TAMBAK HAI PAHALENDANG

BASUANG BEHAS PAREI MANYANGEN TINGANG
RUKUN TARAHAN GILING PINANG
INIHANG LUHING DANDANG TINGANG

2 SANGKU TAMBAK HAI BAGUNA

INYARAH BENTUK BALAI PASEBAN RAJA
TAHAREP ULUN BAKAS TABELA
MANUMUN PETEH RANYING HATALA

3 SANGKU JETUH BASUANG BEHAS

PAMBELUM INYARAH DIA BATIKAS
DENGAN HATALA ILAKU KAABAS
HAMBARUAN SALAMAT BERENG BARIGAS

4 HETUH ITAH URAS MANYAKSI

RANYING HATALA TE PUNA ATI
BITI BERENG DAHA DAN ISI
BAKAS TABELA HATUE BAWI

5 HETUH ITAH MANYARAH SANGKU

PANUNGKUP UTUS JE RAJA BUNU
TUTUH KAMELUH LIMUT BATU
PETEH HAJAMBAN RAJA UJU

6 HATALA NANGKILIK JATA NANGGERA

NARUI PETEH SANGGA TATAMBA
NYALUMPUK SANGKU TAMBAK RAJA
AKAN KALUNEN SAHAPUS DUNIA

7 SANGKU INYARAH TUMUN PETEH

UKA ITAH URAS MENTENG UREH
ALUH UTUS JE KUE-KUEH
BERENG BARIGAS KAHABAN KELEH

Halaman 1 – www.kaharingan.or.id
8 ITAH MANYARAH DIA MALAYAN
DENGAN HATALA JE KATAMPARAN
UKA MANENGA NYALUNG KAHARINGAN
INGKES INTU BEHAS HAMBARUAN

9 SANGKU INYARAH INTU BAUN

SANGKU IMPUNDUK MELAI HUNJUN
NARAI ILAKU INENGA DINUN
TUAH RAJAKI URAS ATUN

10 SANGKU INYARAH DENGAN BAGULUNG

BEHAS IMINTIH BANGKUSAN TIMPUNG
PANYALUMPUK ENTANG PENYANG HATAMPUNG
SAMA BELUM TATAU MANYAMBUNG

11 SANGKU INYARAH KALUTUH HELU

IMAPUI MANYAN SANGKU INGGARU
LAMPANG EWAU JE MANGAT TUTU
MUKEI KUASAN RAJA UJU

12 HETUH ITAH SAMA MITE

INTU BENTUK BITI ARE
BEHAS IMINTIH HARITEN PIRE
TANDA PANENGA PASTI TEGE

13 HETUH ITAH URAS MINGAT

PASIN HATALA BATANG SALAMAT
ALUH NARAI BEWEI KAHIMAT
GAWI MANJADI HAYAK IMBERKAT

14 PASIN HATALA JADI INARANG

CUBA IRIMA TUNTANG INGUMANG
BARA TAMPARA SAPANJA-PANJANG
INGANDUNG BEHAS PAREI NYANGEN TINGANG

15 HETUH ITAH URAS KATAWAN

BENTUK UNGKUP UTUS BABUHAN
JALAN HELU TEGE KALAMPANGAN
JANJIN HATALA TATAHIAN HURAN

Halaman 2 – www.kaharingan.or.id
16 MAJLIS KAHARINGAN JADI IMBERKAT
RANYING HATALA JE MAMPAINGAT
HETUH UTUS MAMPARAHAN KABULAT
BERENG BATUAH BELUM SALAMAT

17 HAJAMBAN JETUH BULAU MANDURUT

HARANTEAN RIWUT BAHING KARUNGUT
PETEH NYAI INAI MANGUT
PARIT BALANGA RUNJAN RIWUT

18 BALANGA BULAU RUNJAN RIWUT

TURUS PANATAU INAI MANGUT
MUHUN PAHAYAK AMBUN HADURUT
EWEH JE TAWA TATAU BASEWUT

19 SARAH SANGKU SAMPAI TUH BEWEI

BASARAH PENYANG HINJE SIMPEI
MAMPARAHAN AMPIN KABULAT ATEI
KAHARINGAN BELUM PENYANG KARUHEI

20 SANGKU INYARAH DENGAN HATALA

KAHIMAT ITAH BAKAS TABELA
TUAH RAJAKI ATUN BABALA
UMUR PANJANG BELUM BAGUNA

21 HETUH ITAH BASARAH BULAT

HINJE ATEI TIRUK PAMPAKAT
MANINTU HATALA UKA KAHIMAT
BERENG BARIGAS ITAH SALAMAT

Halaman 3 – www.kaharingan.or.id
 Mantang Kayu Erang

1 ATEI ITAH HALAJUR MANGGANANG

MANIRUK AUH TE SAPANJA-PANJANG
AUH LUNAS JALAN MALEMPANG
PANAMUEI RANDUNG BANAMA TINGANG

2 BANAMA MUAT PARAMUN GAWI

IJE MAHI DIA ATI BALIHI
TARANTANG GARU DUE PULUH IJE BITI
PUAT BANAMA JE SAMPANJADI

3 BANAMA TINGANG DIA TILING

ITAH SAMANDIAI URAS MAHINING
PALUS INULAK AUH BATALING
RAJA NGARAGAN JE BALAI MIHING

4 TULAK BANAMA KITAR GANTAU

NAHAREP MATAN ANDAU TUMBU
PANAMUEI BANAMA GULUNG PAHURU
DENGAN KAKARE TALUH INGGAU

5 AUH KANDAYU SASAR BASIKAP

BANAMA NAHALAU AMBUN TANTILAP
PANJUNGAN MANJUNG INUJU ANCAP
LAWANG HASELAN KALAWET BATATAP

6 MANJUNG IURIK DIA NARUSAN

TENDE BALAKU SAWANG KAHARINGAN
TIHANG BANAMA MURIK JALAYAN
NAMUEI DANUM TATAU NYAHUKAN

7 TAMUEI BANAMA PAHAM BAGULUNG

DIA NYARITA JE LUWUK TANJUNG
BANAMA TINGANG PAPARANTUNG
TENDE LEWU BUKIT AMBUN BAGANTUNG

Halaman 4 – www.kaharingan.or.id
8 BANAMA TINGANG PALUS TENDE
MANTIR MANTANG RAHAN DARE
PUTIR SANTANG EWEN HANYAHE
RAJA KAMELUH BAWI HATUE

9 MANTIR MANSANAN AMPIN JALANA

UNTUNG RAJAKI INENGA AKA
LILIS LAMIANG HAPAN MANDUA
BAKAM SUPU HAPA NYARANGA

10 GAWIN MANTIR TE URAS JADI

LIMBAH BALAKU EWEN NANJURI
LUMPAT BANAMA MENGKAK TALI
BANAMA HAGUET DIA BALIHI

11 TAMUEI BANAMA DIA BAMBILIT

NANTURUNG TUMBANG LAWANG LANGIT
RAJA TANTILAP UTUS RIHIT
ASUN BULAN MANJIJIT HUIT

12 LAWANG LANGIT HALUAN BANAMA

JAMBAN SANGIANG MANTIR BALUA
BUKIT MASULUH BINTAP TANTAWA
TENDE LEWU BUKIT TAMBAK RAJA

13 AMPIN TAMUEI BANAMA BAGULUNG

TENDE NYAWAU RAHAN TIMPUNG
ULUH URAS RATA HATAMPUNG
UNGKUP BABUHAN LAUT MANGANTUNG

14 HANDUE RAJA MANTIR NANJURI

RAHAN TIMPUNG NYAI SITI
UMUR PANJANG TUAH RAJAKI
BANAMA BATULAK RAHUI NGAMBURI

15 BANAMA NAMUEI HARARAHAN

MURIK TUMBANG KASABAHAN
BURUNG METU MACAM BAKUYAN
LAUK BILIS RANYING MANJUHAN

Halaman 5 – www.kaharingan.or.id
16 PANAMUEI BANAMA DIA PANJANG
MURIK PANTAI DANUM SANGIANG
RAJA TATAU LABIH SANANG
MINA BULAU TELU KARUNG KAJANG

17 TENDE BANAMA KANJANJULU

RAJA MANTIR MENDENG BALAKU
DENGAN RAJAN BURUNG METU
TAKAR GANTANG INENGA TELU

18 BANAMA NAMUEI HAI PAHALENDANG

MANTIR MANDULANG UNTUNG PANJANG
MURIK PANTAI DANUM SANGIANG
SAMPAI TUMBANG HULANG HAGANDANG

19 LABEHU EKA TAMBUN BAPUTI

TALAGAN TUAH TALAGAN RAJAKI
AKAN GAGENEP ULUH JE ATI
BAKAS TABELA HATUE BAWI

20 TAMUEI NYANDAR RANDUNG BANAMA

MAMUAT BALAI LAMBANG PALANGKA
ELEH HAKANDERANG JADI HAKAJA
DENGAN PANATAU TINGANG RANGGA

21 MANTIR MENDENG TARAGATANG

MAHINING AUH KANDERANG TINGANG
HARANDUE RAJA MAMBUKA LUMPANG
SARANGAN BULAU UNTUNG PANJANG

22 BANAMA MIAR JALA-JALAN

MURIK BATANG DANUM JALAYAN
PAHALENDANG LEWU PALUS GITAN
BAGARE KALEKA BATU NINDAN

23 BANAMA SAMPAI KALEKA LEWU

BUA ARE MACAM BARIBU
GENEP BATANG MASAK MANURU
TERAS SAWANG SALANJA SANSELU

Halaman 6 – www.kaharingan.or.id
24 MANTIR MARENTAH TARANTANG GARU
LUMPAT TAME HUMA UNGKU
SAPALA NAMUEI URAS ILAKU
BEHAS JITE JE PAHAM PERLU

25 BIHIS-BIHISA TARANTANG GARU

MIMBIT TINTU SAMA BARAMU
BABARAN GARING KARUNGAN METU
MANUK BAWUI LAKANG BUKU

26 BAGANTUNG BANAMA TENDE BATAHAN

MANUNGGU MASAK BARI PANGINAN
TERAS SAWANG ENTANG PAKANAN
GANAN LUYANG BAWIN BALIAN

27 RAJA MANTIR HAGUET MANYAMPAN

BAHATA TAMBAK TUNTANG PANGINAN
TUNTANG BALAI SARIN KAMBUNGAN
AKAN LIKUT KALEKA BATU NINDAN

28 RAJA DUMAH PUAT SADIA

ULUH LEWU KALEKA DUE UMBA
BABARAN GARING IMUAT KEA
AMPAR DULANG LANTAI PARADA

29 LASANG DUMAH HAI PAHALENDANG

MANTIR MANDUI SALUMPUK ENTANG
INTU TALAGAN UNTUNG PANJANG
RAJAKI TUAH TATAU SANANG

30 MANTIR DUMAH MENDENG NAJURI

LEWU TAMPARAN ULUN TUH ATI
RAJAN KAMELUH PUTIR NYAI
RAJA UJU BASAKATI

31 LIMBAH RAJA MENDENG MUJAN

SALUMPUK MANDUI NYALUNG KAHARINGAN
TERAS SAWANG UPAH NGARAGAN
JAMBAN INJIJIT IHALALIAN

Halaman 7 – www.kaharingan.or.id
32 BANAMA TULAK AMPIN JADI
BATU NINDAN JADI IILIHI
HAYAK AUH PAHAM KARAMI
TAPUK TASIK NGANTUNG SANTAGI

33 PANAMUEI BANAMA DIA KEJAU

MAHALAU TASIK RAMPANG MATAN ANDAU
ARE EKA IJE IHALAU
SAMPAI BANAMA IJE PULAU

34 HINING ITAH BARA BAHUT

KINJAP ULUH TAU MANYEWUT
BANAMA NAMUEI DIA BALIUT
JETE BAGARE PULAU KARUNGUT

35 MURIK DANUM BARIRAI PARANTUNG

MAHALAU LEWU BUKIT BATENGKUNG
BUNTUT NUSA KILAT LAMBAYUNG
TARUSAN KUMPANG TAME BAGULUNG

36 BANAMA TAPUK DANUM JALAYAN

BATANG DANUM MENTENG BAJAMAN
BUKIT SUA TINTUN HALUAN
TENDE BANAMA TIKAP MALAYAN

37 HANGKALIME MANTIR NAJURI MAGUN

DENGAN RAWING TEMPUN TELUN
TINAI KAMELUH TEMPUN TIAWUN
TALUH INGGAU URAS ATUN DINUN

38 JADI INANJURI HAGUET BANAMA

RAWING TEMPUN TELUN MAHIN UMBA
MURIK NALATAI LEWUN RAJA
TARUSAN PAHURU BARANTAI IHURU KEA

39 TAPUK BATANG DANUM SANGKALILA

DANUM TATAU BARANUHA
TENGAN AWI RANYING HATALA
TENDE LEWU KASINTA RAJA

Halaman 8 – www.kaharingan.or.id
40 SAMPAI BUKIT SINTA KASAMBUYAN
MANTIR LUMPAT RAHAN RUNJAN
PANAMUEI JALANA URAS INSANAN
SANGUMANG LENTAR RATA KATAWAN

41 BUKIT SINTA JADI GAWI

BANAMA INULAK MUJAN JADI
MURIK TARUSAN NYALUNG NANTIRI
MANYUNDAU TAMPARAN JE ITAH ATI

42 PANAMUEI BANAMA KEJAU INGGUANG

TAPUK TASIK RIAK MIHING SAMBANG
SAMPAI MANELAK BANER SANGKUANG
SIMPEI KARUHEI KALEKA HUANG

43 MURIK DANUM SIMPEI KARUHEI

DANUM HASAHEP PENYANG KARUHEI
LASANG TIMPUNG INJAM BEWEI
HAPAN MANTIR NANGKAJE RAWEI

44 DUMAH MANTIR NYAMPAN JALANA

SUPUN UNTUNG LAMIANG INDUA
ENTANG TINGANG TINTUN TUJUA
BAKAN BATU UKA NYARANGA

45 BANAMA HAGUET MURIK LAJU

ELEH TAPUK TASIK SANGKALEMU
PAHALENDANG BANAMA BAHALAP TUTU
RAJA NGARAGAN JE EWEN TELU

46 HALUAN BANAMA SANGUMANG BAHUT

IE MANELAK RASAU KAPUT
HAYAK TARUSAN AMBUN HADURUT
TATAU NYAHUKAN TASIK BASEWUT

47 AMPIN BANAMA JALANAE RANGKAH

BANAMA TAPUK TASIK MANUAH
SANGOMANG HALUAN JAPAN TATAH
LAMPANG IJE KABAWAK KANDARAH

Halaman 9 – www.kaharingan.or.id
48 PANTAR NYALUNG BUKIT BATU JADI GITAN
RAJA TELU URAS JADI KATAWAN
NUTUNG GARU MAPUI MANYAN
MURIK BATANG DANUM BAPANTIS RUNJAN

49 MAHALAU BUKIT ARE TUTU

HAKAYU PENYANG KARUHEI SANGKALEMU
UJU BUKIT IJE BATANTU
BANAMA TENDE LAUT LEWU

50 BUKIT UJU BARA TINGGANG

BANAMA TENDE HUANG LAUT BATANG
MANTIR BALUA JAMBAN INGANCANG
MENARUI JALANAE BANAMA TINGANG

51 PANJALANAN BANAMA MANAMUEI

IJE INGGAU TEGE BEWEI
BUNGAI LANGIT RAJAN MANYAMEI
TENDE BUKIT TAMPUNG KARUHEI

52 BARA HETE BANAMA BATULAK

LIMBAH DINUN KARE KAHANDAK
DENGAN BAPAE RAJA HAKUTAK
INDUE INYUNDAU TAMPARAN SULAK

53 BANAMA TULAK TAME TARUSAN

TAPUK DANUM LETAI RUNJAN
PANAMUEI HINDAI TAU MALAYAN
TAME BANAMA HASAMBAU RAHAN

54 RAHAN KAMELUH INDU HYAI INAI MANGUT

NYAI MAHAGA RUNJAN RIWUT
EWEH SUNDAU TATAU BASEWUT
SANDIK KARUHEI PENYANG SAMBALUT

55 BATULAK TINAI BANAMA MANUJU

TARUSAN BULAU SANGKALEMU
PANAMUEI BANAMA PAHAM LAJU
TAPUK TASIK MANDALAN RAJA TELU

Halaman 10 – www.kaharingan.or.id
56 BUKIT LINDA BULAU EKA TENDE
MANTIR LUMPAT RAHAN DARE
NYAI KAMELUH URAS TEGE
ULUH DANUM KARIMUI KAMPELENG HETE

57 RAJA MANTIR BALAKU UNTUNG

BANAMA PALUS HAGUET BAGULUNG
BULAU NAMBURAK TARUSAN NANTURUNG
TAPUK TASIK GANDANG NGARAMBANG GARANTUNG

58 BANAMA DIMPAH DIA BAMBILIT

NANTURUNG DANUM HINTAN NATIMBUNG LANGIT
GADUNG GASA BALAI MASIGIT
UPUN GARING TUNGKET LANGIT

59 PANAMUEI BANAMA JE JALA-JALAN

MURIK TUSAN GARING HABUSUNG RUNJAN
PALUS TAPUK TASIK HANDARAN
HAYAK TENDE INTU IJE RAHAN

60 TULAK BANAMA TINAI BAJALAN

LIMBAH JADI MAJA IJE RAHAN
TAME TINAI IJE TARUSAN
TAPUK TASIK KAHARINGAN

61 TELU RAJA TUNGGAL SANGOMANG

PALUS NATURUNG IJE PAHALENDANG
BATANG GARING TAU NGANDERANG
MANGKU AMAT JAYA NYANGIANG

62 URAS JADI TALUH ILAKU

BATULAK TINAI RAJA TELU
LIMBAH MANYUNDAU TINGANG TATU
MURIK DANUM NYALUNG MARAKUNJU

63 PANAMUEI BANAMA JE PAHAM PANJANG

MANYARAHAN PANTAI DANUM SANGIANG
MANDULANG BULAU UNTUNG PANJANG
TAPUK TASIK JALEANG TINGANG

Halaman 11 – www.kaharingan.or.id
64 BANAMA NAMUEI JAJALAN KEJAU
SUPUN UNTUNG ARE INYUNDAU
BENANG ENTANG KANDARAH BULAU
TAPUK TASIK PAWAH BULAN

65 PANAMUEI BANAMA JE PANJU-PANJUNG

TELU HARAMAUNG PANDULANG UNTUNG
AKAN ITAH TATAU MANYAMBUNG
PALUS TAPUK TASIK MALAMBUNG

66 DIMPAH TASIK MALAMBUNG BULAU

GITAN PAHALENDANG IJE PULAU
JAMPARAN BANAMA DIA IHALAU
TENDE MANDUAN KARE PANATAU

67 HAGUET BANAMA PAPARANTUNG

TAMUEI RAJA TELU PAHAM BAGULUNG
NYANDAR BATANG LUNUK BAGANTUNG
TAPUK DANUM NYALUNG BATENGKUNG

68 RAJA TELU EWEN HAKANDUANG

BANAMA NARUSAN SALAT SAWANG
DANUM MENDENG NANTIMBUNG LANGIT JE INGGUANG
TENDE BUKIT BULAU KAGANTUNG GANDANG

69 KAGANTUNG GANDANG SAMPAI JADI

RAJA TELU BATATAP BITI
MINGAT KASAKTIAN SAPIRE IJE ATI
EWEN TELU PALUS MANDAI

70 MENDENG RAJA TUNGGAL SANGOMANG

LUMPAT LEWU BUKIT KAGANTUNG GANDANG
PAKAIAN SUKUP BATUN PENYANG
DUHUNG HINTAN INTU KAHANG

71 PAKAIAN URAS IHAPAN JADI

RAJA TELU HAGUAET MANDAI
TISIN BULAU SINTAMANI
IE MAHAPAN ARAN RAJA PUTAR TIKI

Halaman 12 – www.kaharingan.or.id
72 MANGKEPAN TISIN SINTAMANI
KAYU ERANG PALUS INDAI
TAMPARAN SAMANDIAI URAS ATI
UKA KARE GAWI URAS TAU MANJADI

73 MENDENG HAYAK RAJA TELU

URAS MANUJU UPUN KAYU
ERANG TINGANG GAMBALANG NYAHU
TUNTANG KAYU PAMPANG SARIBU

74 AMPIN RAJA TUNGGAL SANGOMANG

SAMPAI UPUN KAYU ERANG
HETE RAJA MENDENG MANIMANG
TEMPUN GAWI JE TATAU SANANG

75 TIMANG ERANG SARABA JADI

JANJIN HATALA LALUS IAWI
PA-INTIH HATALA IJE MANDAI
TIKAS SANGOMANG IJE BITI

76 TUNGKING LANGIT PALUS MANDAI

KAYU ERANG SULAK ATI
BATANG ERANG KAYU SAKTI
EDAE BUNGKING JE SAPAN JADI

77 HETE SANGOMANG MELAI BAJANDA

DUHUNG INYILAK HAPAN MAMBUKA
BUNGKING RANGGANG GITAE HUMA
EKA KAMELUH ANAK HATALA

78 KAMELUH BULAN BAWIN JATA

KAMELUH ANAK RANYING HATALA
SUPUN UNTUNG ILAKU RAJA
NYALUNG KAHARINGAN INDUAE KIA

79 TALAGAN TUAH LAMPEKUNG RAJAKI

URAS IMEKAT TUNTANG INJAWI
KAHIMAT MANGAT TAU MANJADI
SAMANDIAI MAKSUD JE KURIK HAI

Halaman 13 – www.kaharingan.or.id
80 TALUH HANDIAI URAS DINUN
AMPIN RAJA HANDAK MUHUN
UTUS RIHIT TILAP MANURUN
TUKEP SAMPAI JE BANER UPUN

81 URAS MUHUN RAJA TELU

BARA KAYU GAMBALANG NYAHU
PUSAKA BAGUNA RATA DINU
KAHARINGAN BELUM PENYANG SANGKALEMU

82 RAJA TELU HAKANDUANG

LIMBAH MANDAI MANTAR PINANG
MANYUNDAU RAJA ANGKING PENYANG
TUNTANG KAMELUH PUTIR SELUNG TAMANANG

83 DENGAN ANGKING EWEN BALAKU

SAPIRE BEWEI IJE TAU
SUPUN UNTUNG BULAU SANGKALEMU
KARE TANGKALASAN JE BUNU HANTU

84 NGANTUNG GANDANG SUKUP GAWI

RAJA MANTIR MENDENG NANJURI
HAKALILING SAPIRE JE ATI
RAJAN KAMELUH PIRE-PIRE BITI

85 KAGANTUNG GANDANG SUKUP GAWI

ILALUS RAJA TELU BITI
MAMPANDUI SALUMPUK SAPIRE JE ATI
MANGAT BATUAH BELUM MARAJAKI

86 TULAK BANAMA BARA LEWU BUKIT

JARAT I-ENGKAK PALANTAR INJIJIT
SUPUN UNTUNG URAS IMBIT
DANUM MENDENG NANTIMBUNG LANGIT

87 PANAMUEI BANAMA DIA KEJAU

TAPUK BATANG DANUM BANYAHU BULAU
HETUH ARE TALUH INYUNDAU
KAYUN PENYANG KARUHEI TATAU

Halaman 14 – www.kaharingan.or.id
88 AYUN BALAI SARIN KAMBUNGAN
MANGAT TATAU URAS KATAWAN
PANAMUEI BANAMA MURIK JALAYAN
MIMBIT SALUMPUK ENTANG BAKAWAN

89 LABEHU HANDALEM RIAM HATUNTUNG

BANAMA TAPUK TASIK SARI GADUNG UNTUNG
TENDE MANJALA LAUK UNTUNG
EWEH JE KUMAE TATAU MANYAMBUNG

90 HAGUET BANAMA MURIK HARANTEAN

UNGKUP SAWANG SAPIRE JE GITAN
RAJA TELU NAMUEI KABAJURAN
BUKIT TANJUNG EKA TUJUAN

91 BUKIT TANJUNG SAMPAI JADI

TENDE UNGKUP SAWANG GAWI
ULUH ARE PANGGIL BARAMI
BANAMA BAJARAT IMETENG TALI

92 HETUH BANAMA BAUNGKAR PUAT

LAKANG BUKU IMPALUMPAT
INDANG SALANGKING APANG SALAMAT
BAGAWI KARAS ATEI BAHIMAT

93 RATA JADI GAWI-GAWIAN

MASAK URAS BARI PANGINAN
PANGGIL ARE BITI BAKUYAN
URAS INYURUNG TUNTANG NYARUNGAN

94 LIMBAH NGANTIHAN HAPANTAR PINANG

SAMA NGANTUNG TULANG BATEKANG
TELU RAJA HAKANDUANG
EWEN MIMBUL BATANG SAWANG

95 EWEN MAMPENDENG BATANG SAWANG

BAWIN SANDAH JE NANGKASIANG
KAYUN KARUHEI AKAN KARAMBANG
SIRAT BULAU JE HAKALINGKANG

Halaman 15 – www.kaharingan.or.id
96 SADIA JADI GAWIN KARAMBANG
TELU RAJA MENDENG MANGKANG
BATANG SAWANG PALUS INIMANG
TEMPUN GAWI JE TATAU SANANG

97 GAWI URAS JADI SADIA

UPUN SAWANG JADI INATA
BAKAM NYALUNG KAHARINGAN IMPALUA
TENGAN AWI RANYING HATALA

98 LIMBAH JITE PANGGIL BAKARAK

BULI EKAE TINTUN KAHANDAK
KILAU AMPIN AMPAH BAKARAK
BANAMA TINGANG HANDAK BATULAK

99 BANAMA MASUH DANUM BANYAHU

MANYARURUI JALAE IJE HELU
SUPUN UNTUNG ARE ILAKU
INANJURI KAREH JE SAMPAI LEWU

100 PAMBULIN BANAMA PAHAM BAGULUNG

TAPUK TUMBANG PANJUNGAN MANJUNG
PALUS MASUH PAPARANTUNG
TILAP AMBUN LEPAH NANJUNG

101 PANAMUEI RANDAH BANAMA BULI

SAMPAI EKA TEMPUN GAWI
PALATAR I-ULUH INJARAT TALI
TATAMBAT HILA LAWIN KAMBURI

102 BANAMA TINGANG JADI DUMAH

MIMBIT UNTUNG RAJAKI TUAH
KARUHEI TATAU PENYANG PANYAMPAH
TAMPALAWEI ANDAU JE DURUT SAWAH

103 ANDAU SAWAH TARANG BALAWA

KARE GAWI TINAI NAMPARA
RANGKAN PANGINAN URAS IMPALUA
BARA BALAI LAMBANG PALANGKA

Halaman 16 – www.kaharingan.or.id
104 MATAN ANDAU JADI GANTUNG
RAJA NANJURI SUPUN UNTUNG
KAYUN KARUHEI PENYANG HATAMPUNG
BARA NGAMBU TASIK MALAMBUNG

105 PANGINAN URAS JADI SADIA

PIRING SALING AKAN IMPALUA
BANGKUSAN TIMPUNG URAS IRIKSA
BUNGKAR PUAT RANDUNG BANAMA

106 BAUNGKAR PUAT BANAMA TINGANG

BEHAS TIMBUK MALABIEN GANTANG
BULAU SINGAH MALABIEN TIMBANG
DEPEN UEI HANJUJU GAWANG

107 RAJA TELU HAKANDUANG

MAMETENG MANAS NELUN LAMIANG
JAMBAN KARUHEI UNTUNG PANJANG
PANYALEMBANG UNTEK TUNTANG PANARANG

108 BUWUR BEHAS HAMBARUAN RATA JADI

IHANTUK IMALAS HAYAK INYAKI
HAMPATUNG TUAH DENGAN RAJAKI
KAHAPUS HAKEKAT NIAT GAWI

109 PALEMPANG JALAN TIKAS TUH HELU

HAJAMBAN RIWUT BAHING KANDAYU
INSANAN AWI JE RAJA UJU
AKAN PANUNGKUPRAJA BUNU

110 KALUTUH AUH JALAN MALEMPANG

NYARITA TAMUEI BANAMA TINGANG
IJE NGARAGAE RAJA TUNGGAL SANGOMANG
MANALIH BATANG KAYU ERANG TINGANG

111 MANGAT ITAH RATA KATAWAN

TAMUEI BANAMA MURIK JALAYAN
JALANAE BALAKU NYALUNG KAHARINGAN
KAYUN PENYANG PANATAU PANUHAN

Halaman 17 – www.kaharingan.or.id
112 URAS SUKUP TALUH INDINU
AWI RAJA EWEN TELU
LEPAH INANJURI KALUTUH HELU
KAYUN PENYANG JE SANGKALEMU

113 AUH MALEMPANG KALUTUH BEWEI

JAMBAN IKEI NARUI PARAWEI
KAKARE AUH KELEH INYIMPEI
IHAGA IRIMA JE HUANG ATEI

114 JALAN MALEMPANG TENDE HELU

TENDE KIA RIWUT KANDAYU
MAHAPAN KANDAYU RAWEI BALEMU
BASARAH AKAN HATALA NGAMBU

Halaman 18 – www.kaharingan.or.id
 Parawei

1 NYAHU HAI PAHAM BATALING

MARAWEI UTUS ULUH KALILING
KILAU PAHIAU SULING GARIDING
NASA KAHARINGAN BALAI MIHING

2 KILAT PANJANG NYAHU BATENGKUNG

NYAHU MARAWEI UTUS BAGULUNG
TEGAH IUAP JE GADUNG UNTUNG
DIMPAH RAHUSAN TASIK MALAMBUNG

3 BATENGKUNG HIAU NYAHU HAI

MARAWEI UTUS DIA SUALI
MURIK TARUSAN NYALUNG NANTIRI
MANYUNDAU TAMPARA ITAH ATI

4 METUH KAPUT DIA GITAN

HATALA MANYEWUT AUH TAMPARAN
HAMAUH MANYEWUT INTAN KAHARINGAN
KAPUT HAPISAH PALUS SABAHAN

5 LANGIT PETAK JADI BALAWA

ULUN KALUNEN JADI INAMPA
TALUH HANDIAI SARABA INJAPA
KALUTE SULAK GAWIN HATALA

6 PETEH MANDEHEN RANYING HATALA

DENGAN KALUNEN JE INAMPA
NYUANG PETAK NGUNTEP DUNIA
ELA MANGGAWI TALUH JE PAPA

7 NYAHU HAI AYUN HAKUMBANG

HAYAK KILAT JE PAHAM PANJANG
BARA BUKIT KANGANTUNG GANDANG
BALUA TAHANJUNGAN KAYU ERANG

Halaman 19 – www.kaharingan.or.id
8 NYAHU HAI KILAT BALAWA
AUH PETEH RANYING HATALA
KAHARINGAN TETEP DEHEN IHAGA
SAMPAI PETAK LANGIT INAHETA

9 AUH NYAHU KILAT BATANTU

MANYARURUI TAMPARAN TALUH HELU
INYAKSI INDEHEN RAJA UJU
KAHARINGAN MARAWEI DIA BALEMU

10 NYAHU HAI KILAT BALAWA

JAMBAN PETEH RANYING HATALA
MAMPARENDENG ITAH ELA LAYA
KAHARINGAN JETE JALAN BALAWA

11 KILAT PANJANG NYAHU HAKUMBANG

BALUA BUKIT NGANDERANG TINGANG
RAJA UJU EWEN HAKANDUANG
KAHARINGAN NYARURUI ELA LAYANG

12 UJAN LABAT KILAT HANYAHU

KAHARINGAN JALAN TANDUHAN HELU
PETEH HATALA DIA BALEMU
MARAWEI UTUS RAJA BUNU

13 KILAT PANJANG NYAHU NGARUNTUNG

RIWUT MARAWEI PENYANG HATAMPUNG
SAMA MANANGGAR GANTANG UNTUNG
ULUN URAS TATAU MANYAMBUNG

14 KALUTE KAPAHAM AUH PARAWEI

BALAKU PENYANG HINJE SIMPEI
INYIMPEI INDEHEN HUANG ATEI
MURIK TARUSAN BALAWANG KARUHEI

15 AUH PALEMPANG BAGUNA TUTU

AKAN UTUS RAJA BUNU
TUTUH KAMELUH BALIMUT BATU
PETEH MUHUN BARA NGAMBU

Halaman 20 – www.kaharingan.or.id
16 AUH PARAWEI TIKAS TUH HELU
HAJAMBAN RIWUT RAWEI KANDAYU
MANYARURUI PETEH HATALA NGAMBU
PAJANJURI PASEBAN HULU BANYAHU

17 AMPIN PASIN RANYING HATALA

AKAN ITAH SAHAPUS DUNIA
BALAI KAHARINGAN TEGE INAMPA
JAMBAN MANYIMPEI PETEH HATALA

Halaman 21 – www.kaharingan.or.id
 Mambuwur Behas Hambaruan

1 UJA-UJAN ASENG PANJANG

SAMBALUT SIMPEI BAMBANG PENYANG
MANDEHEN BULAU UNTUNG PANJANG
NAMBURAK RABIA NYAMAN TUYANG

2 NASAKI DAHAN MANUK DARUNG TINGANG

BATAMBANG UNTUNG ASENG PANJANG
BERENG BARIGAS BELUM TATAU SANANG
BATARUNG PULU LAMPANG HAGATANG

3 MAMANTIS NYALUNG KAHARINGAN

AKAN ENTANG TINGANG MANGAWAN
UTUS RAJA BUNU TE HURAN
MANYELEM BEHAS HAMBARUAN

4 NANJURIKU BANGKANG HASELAN TINGANG

BATU JUNJUN KARE PURUN ENTANG
MALISEN BARA PERES PANGANDUANG
SAMA RATA BAUMUR PANJANG

5 KURUK BULAU HAMBARUAN

SAMBALUT NYALUNG KAHARINGAN
BALASANG KANDAYU IE NYAWANAN
TUMUN PETEH TINGANG TATU HURAN

6 SAMA KANUAH ANAK JATA LAMPANG

MANASA PANDUNG JE BALAU PANJANG
HAJAMBAN KANDAYU KAYU ERANG
NANJAKKU BUKIT UJU HANYA JENJANG

7 NUTUH BULAU PUNGKAL RAJA

HAJAMBAN ASIN RANYING HATALA
BAWI HATUE BAKAS TABELA
KURIK HAI DIA IMBEDA

Halaman 22 – www.kaharingan.or.id
 Katika Nahunan

1 ITAH NIRING RAWEI KANDAYU

BALAKU BERKAT HATALA NGAMBU
NAHUNAN UTUS RAJA BUNU
NYARURUI PELEK ULUH TINGANG TATU

2 BIDAN PALUS MANGGATANG MENTANG

BALUA PARUNG MARANTAU RUANG
MASUH HEJAN MANYINGKAP PAKANG
SANGKUM KAYUN BAMBANG PENYANG

3 KANGKARUNGUT BURUNG LINGU

MELAI TAHANJUNGAN PINANG LEWU
KABAJURAN BITIM TUH TINGANG ESU
KAPANDUIAN DANUM KALANG LABEHU

4 PALUS NGASUHAN HEJAN RANGKANG

NEKAP URAS KAYUN PENYANG
BIDAN PALUS SAMPAI KAN BATANG
NYALUHUT PALUA GARING TARANTANG

5 BIDAN NANTILANG NYALUNG JATA

NANTILANG URAS NYALUNG JE PAPA
AWANG BASIAL DIA BAGUNA
NARUSAN KALANG LABEHU PENDA

6 PALUA TARANTANG PANDUI PASEWU

MANDUI PANDUIAN HATALA NGAMBU
UEI SAWANG RANYING BUNU
MANTIS PENYANG SANGKALEMU

7 MANDUI NYALUNG PANDUIAN JATA

NAPUPUK GUHUNG RANYING HATALA
SANGKUM PANTIS PANYANGKA TATAMBA
MANGAT TARANTANG BELUM BAGUNA

Halaman 23 – www.kaharingan.or.id
8 SAMBIL MANDUI PANDUIAN JATA
BIDAN HAMAUH HAYAK BAJAPA
UMUR PANJANG HUANG DUNIA
TARANTANG MANDINUN BERKAT HATALA

9 JADI MANDUI TE BIDAN MENTANG

IMBIT NANJUNG TANGGUI MALINGGANG
PALUS MANDAI HEJAN RANGKANG
MAUT PAKANG KAYUN PENYANG

10 BIDAN SAMPAI TIWING PANJANG

PETAK SINTEL PALUS IMAMBANG
TAPAJAKAN KAMELUH NYAI TAMANANG
PETAK SAMBUYAN TUNGGAL SANGUMANG

11 BIDAN MIAR HAMAUH KEA

BALAKU BERKAT RANYING HATALA
KABAJURAN URAS DAHIANG BAYA
IMBIT NYELEM LABEHUN HUMA

12 TARANTANG NYAWAU LABEHUN HUMA

GAWIN BIDAN HUANG KUASA
HAJAJAKAN BEHAS TAMBAK RAJA
NEKAP SAWANG NANGKILIK HATALA

13 TARANTANG NAHUNAN JADI INARANG

NABASAN RAJA UJU HAKANDUANG
MENDENG NUKI ULUH TINGANG APANG
NYINGKAP BAPAHAN KAYUN PENYANG

14 INDANG TINAI TALINJAM MIMBING

TARANTANG BABALAI BINDANG TALAMPING
LUMPANG TUSU MAUT MANYULING
ANAK NANGKENYA AUH BATALING

15 HUANG HETE KALUNEN RATA

BAWI HATUE BAKAS TABELA
MALALUS PAMPETEH RANYING HATALA
MANYAKI TARANTANG MAHAPAN DAHA

Halaman 24 – www.kaharingan.or.id
16 TARANTANG INYAKI MAHAPAN DAHA
HAYAK IMETEH AUH BAGUNA
TARANTANG BELUM HUANG DUNIA
MINGAT PETEH RANYING HATALA

17 PETEH RANYING HATALA HURAN

AKAN KALUNEN JADI INSANAN
ATUN HUANG BUKU PANATURAN
JETE JADI PANUNJUK JALAN

18 BABALAI GARING TUKANG TUYANG

MENYANG KARUNGUT ULUH TINGANG APANG
NGARUNGUT NGANDAYU AUH MANIMANG
MAMETEH ANAK GARING TARANTANG

19 GARING TARANTANG JADI NAHUNAN

INDANG APANG MANAMPA ARAN
MANUMUN PELEK TATU HIANG HURAN
JETE JADI PADOMAN ANDAU HARIAN

20 TIKAS TUH HELU RAWEI KANDAYU

NAHUNAN PANAKAN RAJA BUNU
MANUMUN PELEK ULUH TINGANG TATU
MAMENYANG PETEH HATALA NGAMBU

21 AUH KANDAYU PAHAM BAGUNA

JETE INYIMPEI TUNTANG IRIMA
AMUN TARANTANG BAKAS JEHA
PALI NALINGAU PETEH HATALA

22 PETEH HATALA JADI INSANAN

HUANG KANDAYU HUANG PANATURAN
HAI PALI MALIHI KAHARINGAN
JETE JE INETEI ANDAU HARIAN

23 ULUN KALUNEN JE JADI NAHUNAN

NYARURUI PELEK TANDUHAN HURAN
PALI HAI MALIHI KAHARINGAN
JETE IHAGA SAUMUR ZAMAN

Halaman 25 – www.kaharingan.or.id
24 EWEH KALUNEN HUANG DUNIA
JE IMBERKAT IMUHUS DAHA
SAUMUR BELUM LANGIT NYAPENDA
PALI NALINGAU PETE HATALA

Halaman 26 – www.kaharingan.or.id
 Akan Uluh Handak Misek

1 AYU ITAH SAMA NGANDERANG

RANYING HATALA JE INGGUANG
BALAKU SIMPEI BAMBANG PENYANG
UKA MANJADI ITUNG HUANG

2 BALAKU KAHANDAK URAS MANJADI

SARURUI URAS HISEK SARUHI
SAHUR PARAPAH NYARURUI BITI
RANYING HATALA HADURUT MASI

3 KALUTE ANGAT KANAHUANG

BALAKU BERKAT KARUHEI PENYANG
TAU MANJADI KANAHUANG
SARURUI HISEK TUNTANG HAKUMBANG

4 TUNTANG TINAI JE MAMBATANG

PETEH RANYING HATALA USANG
KALUNEN HISEK TUNTANG HAKUMBANG
NGGAU KAHINJE SIMPEI PENYANG

5 BAWI HATUE KAWAN PAMBUJANG

HAKAJA PATING ELA SAMBARANG
NGGAU HINJE SIMPEI PENYANG
TUNTANG MAHAGA TANDUHAN USANG

6 NGGAU JE RAJIN BASARAH NGANDAYU

RAJIN MANARA HATALA NGAMBU
HADAT DASAR BAHALAP TUTU
KALUTE BAWI HATUE JE NGGAU

Halaman 27 – www.kaharingan.or.id
 Akan Uluh Katika Hisek

1 HETUH ITAH SAMA MANIMANG

RANYING HATALA JE INGGUANG
TASIK MALAMBUNG KANGANTUNG GANDANG
NYEMBANG PANATAU TATU HIANG

2 ITAH BASARAH BALAKU BERKAT

HAJAMBAN RAJA UNTUNG BARAKAT
HISEK SARUHI SUKUP SARAT
DUHUNG JUMBAN HAPETENG BULAT

3 KALUTE GAWIN JADI KAJADIAN

BENTUK UTUS UNGKUP BABUHAN
TUMUN PELEK JAMAN HURAN
AJAR HATALA JE KATAMPARAN

4 TUNGGAL GARING LUMUT BATU

ENDAS BULAU GARING HATUNGKU
HISEK GAWIN RAJA UJU
TUMUN PETEH HATALA NGAMBU

5 KAWIN BAHALAP TUMUN PANGAHUM

HAPINTIH LANGIT PETAK DANUM
RAJA UJU MANSANAN PANGAHUM
KARUHEI TATAU SAPAUNGUT BELUM

6 HAJANJI BULAT RIWUT RAWEI

HAJAMBAN PUMPUNG BASARAH IKEI
BASARAH PAMBELUM BULAT ATEI
BALAKU HATALA PAHAYAK IKEI

Halaman 28 – www.kaharingan.or.id
 Akan Uluh Haguet Kawin

1 AYU ITAH SAMA NGANDERANG

BALAKU SIMPEI KARUHEI PENYANG
AKAN HATUEN GARING TARANTANG
JE BATULAK MATUH BATANG PANJANG

2 BALAKU KAHANDAK URAS MANJADI

SAHUR PARAPAH NYARURUI BITI
BALAKU DAHIANG BAHALAP MANGGAPI
JATA NANGGERA HATALA MASI

3 KALUTE ANGAT KANAHUANG

BALAKU BERKAT KARUHEI PENYANG
TAU MANJADI ITUNG HUANG
SARURUI PANGAWIN GARING TARANTANG

4 TARANTANG KAWIN DIA SAMBARANG

HINJE DENGAN SIMPEI PENYANG
SAMA MAHAGA TANDUHAN USANG
NYARURUI PELEK TATU HIANG

5 PANGAWIN KALUTUH BAHALAP TUTU

NYARURUI PETEH HATALA NGAMBU
PANGAWIN TARANTANG PATUT INYUNTU
AWI SAHAPUS KAMPUNGAN BUNU

6 BAWI IMUHUS MAHAPAN DAHA

MANGAT SADINGEN ASENG NYAMA
MANGAT MANDINU BERKAT HATALA
BATARUNG BELUM HUANG DUNIA

7 KALUTE AUH BAWI INAMBANG

MAHAPAN SINTA JE DIA GAMPANG
AWI BABUHAN GARING TARANTANG
JE JADI HINJE SIMPEI PENYANG

Halaman 29 – www.kaharingan.or.id
8 SINTA KALUNEN KELEH INGGUNA
AWI BAWI JE DUMAH MAJA
EMPU BANGKASAN URAS INYINTA
SAMA KILAU INDU BAPA

9 TUNTANG BAWI JE RAJIN UMBA

BASARAH NGANDAYU MANARA HATALA
KITAB PANATURAN RAJIN IMBASA
AUH KANDAYU URAS IRIMA

Halaman 30 – www.kaharingan.or.id
 Akan Panganten

1 ITAH MANIRING RAWEI KANDAYU

BALAKU BARKAT HATALA NGAMBU
NGANDAYU MANDURUT RAJA UJU
MANGAWIN UTUS RAJA BUNU

2 KANDAYU JETUH RAWEI MANIMANG

MANIMANG MANDURUT PUTIR SANTANG
HADURUT MIMBING BATANG SAWANG
PANGANTEN MATUH BETANG PANJANG

3 RAJA UJU MENDENG MANYAKI

KETUN DUE JADI BAJANJI
HAJEAN NDUE PAHINJE BITI
JATA NANGGERA HATALA MASI

4 KETUN DUE JADI HAPAKAT

INYAKI INGAWIN SUKUP SYARAT
RAJA UJU JADI BANIAT
RANYING HATALA KEA MAMBERKAT

5 NYAKI MANDURUT UNTUNG PANJANG

KAHUM PANYAMPAH GARING NARANTANG
KETUN DUE INGAWIN JADI INARANG
TUMUN PELEK INDANG SANGUMANG

6 MBUWUR BEHAS METENG LAMIANG

SANGKUM BULAU UNTUNG PANJANG
BARKAT HATALA JADI INIMANG
KETUN DUE NYARURUI ELA LAYANG

7 PETEH HATALA ELA KALAPEAN

JANJIN KANGKERET TANTAHIAN HURAN
MAAMAL SINTA JETE PEDOMAN
MANGAT SAMPAI EKA TUJUAN

Halaman 31 – www.kaharingan.or.id
8 HORMAT UMBA INDANG APANG
MANGAT BELUM BAUMUR PANJANG
TUNDAH KULA URAS INIMANG
MANGAT BELUM BATUAH TATAU SANANG

9 KABEHU KASINGI ELA MAHAPAN

KABISIT KAKUHU URAS INGANAN
KELEH BELUM JE KABAJURAN
KALUTE PETEH HATALA HURAN

10 BASARAH NGANDAYU RAJIN UMBA

MANARA ARAN RANYING HATALA
KAKARE AUH JE BAGUNA
AKAN AJAR ANAK ESU DAPIT JEHA

11 BASARAH NGANDAYU PAHAM BAGUNA

AMAL BELUM HUANG DUNIA
PANATURAN HALAJUR JETE IMBASA
KUTAK KANDAYU JETE IRIMA

12 PAMPETEH HATALA JADI INARANG

KETUN DUE BELUM SAPANJA-PANJANG
BELUM NYAMAH HENTANG TULANG
SAMPAI HINJE SANDUNG MANTANG

13 SAMPAI TUH HELU RAWEI KANDAYU

NGANDAYU MANDURUT RAJA UJU
MANGAWIN UTUS RAJA BUNU
MAMENYANG PETEH HATALA NGAMBU

Halaman 32 – www.kaharingan.or.id
 Akan Uluh Pakaja Manantu

1 AYU ITAH JE SAMA-SAMA

BAWI HATUE BAKAS TABELA
BASARAH NGANDAYU MANYAMPAI HATALA
MANAMBANG BAWI HARUE MAJA

2 BAWI JE DUMAH PATUT INYAYANG

PATUT INYINTA SAPANJA-PANJANG
AWI BABUHAN GARING TARANTANG
JE JADI HINJE SIMPEI PENYANG

3 AKAN BAWI JE DUMAH MAJA

PANATURAN KANDAYU JE BAGUNA
MANGAT ATEI RANTEP HATALA
BELE BELUM HAYANG MANANYA

4 AWI KITAB PANATURAN

GALANG PAMBELUM UNGKUP KAHARINGAN
KITAB KANDAYU BARA HURAN
TURUS PAMBELUM KALUNEN BAJAMAN

5 NAMBANG BAWI JE DUMAH MAJA

PATEI METU INDUAN DAHA
DAHA JETE JE INGGUNA
HAPA NYADINGEN BAWI JE MAJA

Halaman 33 – www.kaharingan.or.id
 Eka Uluh Haban

1 HETUH ITAH SAMA MANIMANG

MANDURUT RAJA UJU HAKANDUANG
RANYING HATALA JE INGENANG
BALAKU PANYANGKA BAMBANG PENYANG

2 NIMANG MANDURUT SANGGA TATAMBA

BALAKU UMBA RANYING HATALA
NYALUNG KAHARINGAN TAU INENGA
HAMBARUAN BULI JATA NANGGERA

3 RAJA UJU EWEN HAKANDUANG

RAWEI MANDURUT PUTIR SANTANG
RAJA UNTUNG JETE INGGUANG
SAMBANG MAUT UMBA MANIMANG

4 MANIMANG URAS RAJA UJU

MANDURUT PENYANG SANGKALEMU
MANGAT MANDURUT TAHASENG BATU
PAMPETEH HATALA JUNJUN HELU

5 MALAMBUNG BULAU KANGANTUNG GANDANG

HULU BANYAHU URAS INGGUANG
KAYUN TATAMBA BAMBANG PENYANG
MAHIAN TINGANG IJE KADANDANG

6 NYAHU HAI KILAT BASIRING

MARAWEI RAJA KAMELUH KALILING
BULAU HAMBARUAN NAMBANG ININTING
BASAKATI BULAU DUE KAPATING

7 HETUH ITAH MUNDUK MARAWEI

HAPUNGKAL PENYANG ITAH HINJE SIMPEI
NGANDAYU MANDURUT PENYANG KARUHEI
BALAKU HATALA PAHAYAK IKEI

Halaman 34 – www.kaharingan.or.id
8 HETUH ITAH URAS MANYAKSI
BULAU HAMBARUAN BALAKU BULI
BEHAS HARITEN PIRE JE JADI
TANDA PANENGA TE TUTU ATI

9 ITAH BALAKU RAJAKI TUAH

SANGGA TATAMBA PENYANG PANYAMPAH
HATALA MASI HAMBARUAN DUMAH
KAHABAN KELEH LIMBAH BASARAH

10 ITAH BALAKU HATALA MASI

MANDURUT GARU SANTI BAHARI
NYALEM NARUSAN DAHA ISI
BERENG BARIGAS DIA BAHALI

11 TIKAS TUH HELU RAWEI KANDAYU

BALAKU ASIN HATALA NGAMBU
RAJA KAMELUH HULU BANYAHU
HETUH IKEI HALAJUR BALAKU

Halaman 35 – www.kaharingan.or.id
 Eka Uluh Matei

1 HETUH ITAH SAMA MANARANG

JANJIN RANYING HATALA USANG
ELA MIKEH ELA KEA BIMBANG
JALANAN ITAH JADI LAYANG

2 AMPIN KALUNEN TUH SIA-SIA

BITI BERENG HAYANG MANANYA
SIAL HAI JADI MANYUPA
AKAN ITAH HUANG DUNIA

3 ITAH BELUM MELAI DUNIA

KILAU MIJEN RANDUNG BANAMA
DIMPAH TASIK GALUMBANG BAHAYA
BERENG KIAMAT NIHAU ISI DAHA

4 KALUNEN BAPIKIR TUH ELA SALA

JANJIN ITAH SAMPAI KATIKA
KALUNEN DUMAH AWI KUASA
HALULI TINAI BULI HATALA

5 ITAH ELA GEGER MANAHAN

PAMPATEI JETE NAH KILAU JAMBAN
RANYING HATALA JADI MANDUAN
LEWU TATAU JETE EKA TUJUAN

6 HETUH TINAI ITAH MANARANG

JANJIN RANYING HATALA USANG
IE KAREH TEGE MANAMBANG
HUANG LEWU TATAU EKA KASANANG

7 LEWU TATAU TE LEWU HAI

EKA HATALA PUNA INJANJI
EKA HAKUMPUL BARAMI-RAMI
LEWUN PAMBELUM JE KATATAHI

Halaman 36 – www.kaharingan.or.id
8 ITAH URAS JADI KATAWAN
ASIN HATALA KATIKA HURAN
HUANG GAGENEP IE MANSANAN
AKAN KALUNEN ANDAU HARIAN

9 ITAH MANYARAH ELA BIMBANG

RANYING HATALA JETE INGGUANG
ITAH JE SUSAH BALAKU SANANG
TARANTANG NULE TARUNG HAGATANG

10 TIKAS TUH HELU RIWUT RAWEI

BASARAH PENYANG HINJE SIMPEI
INYIMPEI INDEHEN HUANG ATEI
JANJIN HATALA PENYANG KARUHEI

11 KALUTE AUH RAWEI KANDAYU

MANSANAN JANJIN HATALA NGAMBU
HATALA MAMETEH KATIKA HELU
TARANTANG NULE ELA MANYALU

12 AWI HUANG HARIAN JEHA

URAS KALUNEN MANGKEME RATA
LEWU TATAU HETE HASUPA
TAMPARA KAHAPUS GAWIN HATALA

Halaman 37 – www.kaharingan.or.id
 Metuh Mangubur

1 AYU ITAH SAMA MANARANG

JANJIN RANYING HATALA USANG
LIAU KAHARINGAN KENESEK LAYANG
RAJA ENTAI NYAHU TEGE MANAMBANG

2 PASAHAN RAUNG JADI INGGUANG

EKA TARUNG TE TAU LAMPANG
MENTAI RAJA DUHUNG MAMA TANDANG
IMBIT TALAWANG JAMBU BAHANDANG

3 AMUN TARUNG TE JADI LAMPANG

MISIK BITIM BARA TIRUH TINGANG
NALIAN LANTING EKA INGGUANG
INGGADUH AWI BALU INDU RANGKANG

4 BALU INDU RANGKANG TE BAKAS LEWU

JAMBAN LIAU NALIUNG LIU
NAPATAH BULAU SANGKALEMU
NYENGUK LIAU JE KAJANJULU

5 LEWU TATAU LEWU HAI

HAI PAHALENDANG TE HAYAK RAMI
TUKI LAHAP KUEH PUJI SUNI
KANJAN TARI BAGANTI-GANTI

6 KALUTE KARAMI LEWUN HATALA

AKAN KALUNEN JADI SADIA
ALUH JIPEN ATAWA RAJA
BULI HATALA TE SAMA RATA

7 KALUTE AUH JADI INSUMAN

RANYING HATALA JADI MANSANAN
LEWUN HATALA TATAU NYAHUKAN
NYARING PANYARAYA DIA KATAWAN

Halaman 38 – www.kaharingan.or.id
8 INTU HETE URAS LIAU HANJAK
PAMBELUM TAHETA EKA KAHANDAK
LEWU TATAU JADI IANDAK
PETEH HATALA DIA BALEKAK

9 AWANG SUSAH INTU HETE SANANG

LEWU TATAU AKAN INGGUANG
HETE TARUNG KALUNEN LAMPANG
LEWUN KUASA EKA KASANANG

10 TIKAS HETUH RAWEI MANARANG

MANARANG JANJIN HATALA USANG
BALAKU TARUNG NULE TE LAMPANG
BATUAH BELUM TATAU SANANG

11 TARANTANG NULE BALAKU ASI

TERAI BAKANDUNG RUTAS KAPALI
KALUNEN HANDIAI HATUE BAWI
BALAKU INENGA TUAH RAJAKI

12 IKEI BALAKU TUAH RAJAKI

JATA NANGGERA HATALA MASI
BAKAS TABELA HATUE BAWI
BERENG BARIGAS HAMBARUAN BULI

Halaman 39 – www.kaharingan.or.id
 Limbah Mangubur

1 ITAH BALAKU UMBA HATALA

GANAN TANDAK PALUS BALUA
NYARURUI LINGUN PENYANG RAJA
TANDAK NYAWAU LABEHUN HUMA

2 GANAN TANDAK PALUS BAGAWI

DANDANG TINGANG INYALUH JADI
TAMPUNG PAPAS BAGANA HAI
HAPA MENGKAK KARE RUTAS PALI

3 MAPAS GANAN AMBUN RUTAS

ENUN BAPILU GAGAR URAS
KALINGU RUTAS BAKARAK KUHAS
KARENDEM RUBU URAS TALAMPAS

4 URAS BAKUPAK JE BALU-BALUN

LANGISAN TANGIS TATUMAN ULUN
TERAI NGANDUANG TARANTANG MUHUN
TANDAK MALAMBUNG AKAN HUNJUN

5 BARASIH JADI GARING NARANTANG

BASEMPELAU BULUS BATANG SAWANG
BUANG RAHUSAN PARUNG MANGENTANG
PANGANDUANG BULI TASIK LAYANG

6 AMBUN BARUTAS KARE PANGANDUANG

BULI NYELEM TASIK LAYANG
LUDAN MANYAMBAR KUEH JE LAMPANG
LENYUH BULI ANTANG SANGIANG

7 TARANTANG NULE TINAI BALAKU

UNTUK PANJANG BULAU SANGKALEMU
HADURUT BALUA HULU BANYAHU
PANATAU RANYING HATALA NGAMBU

Halaman 40 – www.kaharingan.or.id
8 ITAH BALAKU GAGENEP ANDAU
HADURUT PENYANG KARUHEI TATAU
UNGKUP BABUHAN DIA LAYAU
ASIN HATALA HALAJUR INYUNDAU

9 TARANTANG NULE HANJAK RANTANG

PAHAYAK ASIN RAJA HAKANDUANG
MANGAT TARUNG TAU LAMPANG
BERENG BARIGAS PAMBELUM SANANG

Halaman 41 – www.kaharingan.or.id
 Handak Tiwah

1 AYU ITAH SAMA NGANDERANG

NYAMPAI HATALA JE PATUT INGGANANG
HAJAMBAN BASARAH TUNTANG NGANDERANG
ITAH MANSANAN HANDAK TIWAH TINGANG

2 HAJAMBAN BASARAH TUNTANG NGANDAYU

ITAH MANSANAN SALABIH HELU
INTU LEWU KAMPUNG BUNU
ITAH HANDAK NGENTANG TIWAH NYAHU

3 ITAH BALAKU SAHUR PARAPAH

URAS HADURUT PAHAYAK ITAH
UKA MAHAGA KATIKA TIWAH
TUNTANG HATALA TAU MASI ITAH

4 BALAKU DENGAN JATA SANGIANG

IJIN PAMPAHILEP PATAHU ANTANG
SALURUH PARAPAH URAS INGGANANG
UKA MAHAGA METUH TIWAH TINGANG

5 GAWIN TIWAH PAHAM BAGUNA

BERKAT HATALA GITAN BABALA
ULIH MANTEHAU KALUNEN MAJA
PALAMPANG TARUNG SEWUT SARITA

6 KATIKA TIWAH KALUNEN MAMALI

ELA KABEHU ELA KALAHI
PAKAT BULAT HATUE BAWI
MANGAT RANYING HATALA MASI

Halaman 42 – www.kaharingan.or.id
 Limbah Tiwah

1 ITAH NIRING BULAU MANDURUT

JAMBAN KANDAYU BAHING KARUNGUT
PETEH NYAI INAI MANGUT
PARIT BALANGA RUNJAN RIWUT

2 ITAH PALUA BAHING TIMANG

NAMUEI BUKIT KANGANTUNG GANDANG
RAJA NGAMBU JE INGGUANG
MAHAGA PANATAU KAYU ERANG

3 HETE EKA KALUNEN BALAKU

RAJA KAMELUH INTU NGAMBU
BASARAH LIMBAH NGENTANG NYAHU
MANGAT BASUANG GANTANG UJU

4 GAWI HAI PAHAM BAGUNA

NAMPUNG TINGANG NGAJU NGAWA
KALUNEN PANGGIL TAMBUN HASUPA
NANGKENYA NALATAI LUNUK MAMUA

5 GAWI HAI JADI GITAN

AKAN KAKARE UNGKUP BABUHAN
LAMPANG TARUNG KAHARINGAN
KILAT MANCAR KILAU BULAU HINTAN

6 GAWI HAI DIA IHITUNG

AWI KAHARINGAN LAMPANG TARUNG
LEWU TATAU JE NANTURUNG
RAJA NGAMBU MANYAMBUNG UNTUNG

7 AWI PASIN RANYING HATALA

HALALIAN ITAH BARA DUNIA
BELE KALUNEN HAYANG MANANYA
TIWAH TINGANG TATAP IHAGA

Halaman 43 – www.kaharingan.or.id
8 TINAI KARUGI ELA INGENANG
KAHARINGAN BELUM TARUNG LAMPANG
LEWU TATAU JE INGGUANG
EKA PAMBELUM SAPANJA-PANJANG

9 GAWI HAI JADI GITAN

PALAMPANG TARUNG KAHARINGAN
MALALUS PETEH HATALA HURAN
AKAN SUNTU ANDAU HARIAN

10 HETUH ITAH JADI MANYAKSI

RANYING HATALA KUASA HAI
PESTA TIWAH TE AMPI RAMI
PATUT IRIMA GAGENEP BITI

11 ARE PESTA HUANG DUNIA

PESTA TIWAH JATUN MANYAMA
AMPI RAMI DIA LANGENA
TAU MANTEHAU KALUNEN MAJA

12 GENEP JADI ITAH KATAWAN

ASIN RANYING HATALA GITAN
MASI KALUNEN BARA HURAN
BARA TUNGGUL GARING JANJAHUNAN

Halaman 44 – www.kaharingan.or.id
 Tulak Satiar Bausaha

1 HETUH ITAH MANYARAH SANGKU

PANUNGKUP UTUS RAJA BUNU
NYEMBANG PASEBAN HULU BANYAHU
MANYAMPAI RANYING HATALA NGAMBU

2 ITAH NGANDAYU KILAU MARAWEI

MUNGKAL PENYANG HINJE SIMPEI
PARAHAN AMPIN KAHANJAK ATEI
ANTANG HANDAK GILA NAMUEI

3 IKEI HANDAK NAMPA JALANAN

TUKEP KEJAU EKA TUJUAN
NYUNDAU KARE UNGKUP BABUHAN
DAHIANG BAYA LAKU KABAJURAN

4 AMUN IKEI JADI BATULAK

LAKU ASI HATALA PAHAYAK
UMBA BABUHAN HASUNDAU HANJAK
SATIAR DINUN TUMUN KAHANDAK

5 KATIKA IKEI BENTENG JALANAN

IKEI BASARAH DIA MALAYAN
DENGAN HATALA JE KATAMPARAN
MANGAT MALALUS ITUNG PIKIRAN

6 JALANAN IKEI TUH BAUSAHA

UNGKUP BABUHAN TAMBUN HASUPA
KAHANDAK DINUN ASI INENGA
PAHAYAK BERKAT RANYING HATALA

7 BALAKU ASIN HATALA MUHUN

AKAN ITAH TILAP MANURUN
JALANAN BAHALAP KILAU INYUSUN
BERENG BARIGAS RAJAKI DINUN

Halaman 45 – www.kaharingan.or.id
8 KALUTE NIAT KANAHUANG
METUH KATIKA IKEI HALISANG
IKEI BATUAH BAUMUR PANJANG
INGAPUNG AWI PATAHU ANTANG

9 AMUN KAREH IKEI HALISANG

RAJAKI ATUN BAUMUR PANJANG
IKEI GARANTUNG KAMALESAN MULANG
BULI HATAMPUNG KILAU BUA SANGGALANG

10 GANDANG LALIAN BULI EKA

GARING TARANTANG TAMBUN HASUPA
BALASANG BULAU PUNGKAL RAJA
PAHAYAK ASIN RANYING HATALA

11 BALAKU PENYANG IKEI HATAMPUNG

KARUHEI TATAU PALAMPANG TARUNG
KANGANTUNG GANDANG TASIK MALAMBUNG
JATA HATALA MANYAMBUNG ITUNG

12 TIKAS TUH HELU RAWEI KANDAYU

BASARAH UMBA HATALA NGAMBU
RAJAKI TUAH JETE ILAKU
BERENG SALAMAT IKEI BULI LEWU

Halaman 46 – www.kaharingan.or.id
 Katika Satiar Bausaha

1 AYU ITAH SAMA NGANDERANG

RANYING HATALA NARA INGGANANG
DUKUH DANGAU URAS INGGUANG
ASI HATALA ITAH MANARANG

2 AMPIN ASIN RANYING HATALA

ALUH ITAH KEJAU EKA
HETE ITAH TAMBUN HASUPA
MANSUMAN PETEH JE BAGUNA

3 AUH PETEH HATALA HURAN

AKAN ITAH JADI INSANAN
ALUH HUANG BENTENG JALAN
BASARAH BALAKU ELA MALAYAN

4 KALUTE KEA BAWI HATUE

AWANG NAMUEI KANIH KATE
AYU ITAH HIMBING LENGE
MANGGANANG HATALA ELA TENDE

5 ITAH BALAKU HATALA MASI

MASI ITAH GAGENEP BITI
HAJAMBAN BASARAH ITAH NANJURI
BALAKU DINUN TUAH RAJAKI

6 ARE MACAM TALUH JE LAKU

MANDURUT PENYANG SANGKALEMU
DENGAN HATALA ITAH BALAKU
UKA KAHARINGAN TARUNG BATANTU

7 TUNTANG RAWEI TUNDAH KULA

NGANDAYU BASARAH UKA EWEN UMBA
ANAK JARIAN IMIMBIT RATA
MANGAT EWEN KASENE HATALA

Halaman 47 – www.kaharingan.or.id
8 AMUN ITAH JADI RATA
KASENE UMBA RANYING HATALA
LAPAS BARA TALUH JE PAPA
BABUHAN ANGUI DIA NYALAYA

9 MANGAT ITAH RATA KATAWA

GAWIN ANGUI KILEN AMPI TANDA
ARE HALIAU PANDER SARITA
BEKEN JE MANDER BEKEN JE NGUA

Halaman 48 – www.kaharingan.or.id
 Maluput Hajat

1 AYU ITAH BAKAS TABELA

BASARAH NGANDAYU SAMA-SAMA
BASARAH MANARA RANYING HATALA
AWI BERKAT JADI INENGA

2 ITAH BASARAH MALUPUT HAJAT

DENGAN PARAPAH SAHUR SAMBAT
RANYING HATALA DUMAH MAMBERKAT
MANENGA SAMPAI KARE HAJAT NIAT

3 TABE SALAMAT LINGU NALATAI

AYU BASARAH ITAH HANDIAI
UMBA KAHARINGAN ELA BARANGAI
HAJAT NIAT TUH JADI SAMPAI

4 KELEH HALAJUR HANJAK RANTANG

TARUNG ITAH RATA HAGATANG
ASIN HATALA JADI INARANG
JETE IRIMA PALUS IMENYANG

5 AWI TE AKAN BAKAS TABELA

UNGKUP KAHARINGAN TUH ELA LAYA
BERKAT DINUN JETE IHAGA
MANGAT LAMPANG HALAJUR SEWUT SARITA

6 TUNTANG TINAI ELA KALAPEAN

PALAMPANG TARUNG KAHARINGAN
MANGKAR MANYIWUH PENYANG PASIHAN
BASARAH MARAWEI KULA JALAHAN

7 BELUM BAHALAP BAATEI BUJUR

MANGEJAU TALUH JE MANDAUR
ANGUI MALENGAI ELA HAKUMPUR
JETE AKAN PINGAT SAHAPUS UMUR

Halaman 49 – www.kaharingan.or.id
8 TUNTANG TINAI ELA LAYA
KELEH UMBA PETEH RANYING HATALA
AWI TIKAS IE JE PALING KUASA
EWEH JE LAYA IE HAYANG MANANYA

9 AWI KALUNEN HUANG DUNIA

ALUH IE MENTENG HAYAK BALINGA
JATUN ATI JE KUASA
JE NYALAMAT KALUNEN TIKAS HATALA

10 AWI TAGAL TE AKAN ULUN KALUNEN

ALUH KALINGA TE KILE-KILEN
KAKUAT BERENG DIA TARA REKEN
URAS NIHAU MALIHI KALUNEN

11 TUH ITAH JADI KATAWAN RATA

PAMBELUM KALUNEN HUANG DUNIA
URAS UKA MINJAM TUH SAMANTARA
AKAN JE LAYAU IE HAYANG MANANYA

12 BELE LAYA BARA AUH HATALA

PANATURAN KANDAYU JETE IHAGA
PANATURAN KANDAYU PAHAM BAREGA
JATUN SUNTU JATUN JE MANYAMA

13 TIKAS TUH HELU AUH KANDAYU

KANDAYU MANARA HATALA NGAMBU
BERKAT HATALA TUH JADI DINU
KATIKA BASARAH TARANG BATANTU

Halaman 50 – www.kaharingan.or.id
 Pendeng Huma

1 NYAHU HAI AYUN HAKUMBANG

MANDURUT RAJA UJU HAKANDUANG
RANYING HATALA JE INGGUANG
NUNTUNG ITUNG NYAMBUNG KANAHUANG

2 HETUH ITAH RATA MANIMANG

MANDURUT PANATAU LAKU KASANANG
NAMPA MAMPENDENG PARUNG MAHAWANG
SAMBALUT PENYANG TINGANG SANGIANG

3 MAMPENDENG PARUNG MAHAWANG

PARUNG TABASAN TINGANG SANGIANG
MANGAT HAI PAHALENDANG
EKA TARUNG LAMPANG HAGATANG

4 RANYING HATALA TANTAHIAN HURAN

MASI TUNGGUL GARING JANJAHUNAN
BISAK BENDANG JADI INJEKAN
PARUNG HAI AMPI TE KAJADIAN

5 LIMUT BATU TE HANJAK RANTANG

PARUNG HAI JADI INAMBANG
HATALA NYALUPU KAYUN PENYANG
SANGKUM PANYAMPAH GARING NARANTANG

6 LIMBAH TE TINAI ITAH BALAKU

UMBA RANYING HATALA NGAMBU
MASI UTUS RAJA BUNU
TUTUH KAMELUH BALIMUT BATU

7 ITAH MAMPENDENG PARUNG MAHAWANG

NYALUPU KARUHEI BAMBANG PENYANG
EKA TARUNG LAMPANG HAGATANG
SANGKUM PANYAMPAH GARING NARANTANG

Halaman 51 – www.kaharingan.or.id
8 KALUTE ITAH JADI BAJAPA
BALAKU BERKAT RANYING HATALA
HETUH ITAH MAMPENDENG HUMA
UKA SALAMAT BELUM BAGUNA

9 HATALA NANGKILIK JATA NANGGERA

KARUHEI SAMBALUT INTU HUANG HUMA
NYALUMPUK KAYU SANGGA TATAMBA
PENYANG SANGKALEMU NGAMBU NGIWA

10 ITAH BASARAH TUH ELA PEDA

BALAKU BERKAT RANYING HATALA
HUANG PANATURAN RAJIN IMBASA
HAYAK NGANDAYU SAMBIL BARIMA

11 HAGUET BASARAH ELA MAHAMEN

BALAKU PATUNJUK ELA LANGKAMEN
BADOA PAHAYAK KULA JE BEKEN
BERKAT MUHUN BEHAS HARITEN

12 SAHUR PARAPAH NARINJET KEA

BALAKU BERKAT TUH EWEN UMBA
BANGKUSAN TIMPUNG INENGA TANDA
JAMBAN MANDINU BERKAT HATALA

13 TIKAS TUH HELU RAWEI KANDAYU

BASARAH UMBA HATALA NGAMBU
MANGAT IE MASI ELA BAGETU
KAHARINGAN BELUM TARUNG BATANTU

14 KALUTE AUH KANDAYU IMANTANG

KANDAYU MAMPENDENG PARUNG MAHAWANG
HAJAMBAN KANDAYU TINGANG NGANDERANG
TEMPUN PARUNG JE TATAU SANANG

Halaman 52 – www.kaharingan.or.id
 Buli Huma Taheta

1 HETUH TINAI ITAH MANIMANG

RANYING HATALA JE INGENANG
ITAH RATA HANJAK RANTANG
TAHETA NARIMA PARUNG MAHAWANG

2 ITAH NARIMA PARUNG MAHAWANG

PARUNG TABASAN TUH JARIN TINGANG
BAHALAP HAYAK HAI PAHALENDANG
KILAU PARUNG JATA SANGIANG

3 ITAH SAMANDIAI HANJAK RATA

HUMA HAI HAYAK BAGUNA
IMPAHAYAK BERKAT RANYING HATALA
MASI ITAH MANDINU HUMA

4 HETUH ITAH URAS MITE

PASIN HATALA TUTU TEGE
INTU BENTUK KALUNEN ARE
BEHAS IMINTIH HARITEN PIRE

5 SYARAT ITAH BULI HUMA

MANGAT RAJAKI HALAJUR MANYUPA
ELA MAWI KALAHI KAJAMA
KUTAK PANDER KELEH BAJENTA

6 ARE SYARAT ITAH MAHAPAN

MAAMAL SINTA JETE PADOMAN
PETEH HATALA ATUN INSANAN
INYURAT HUANG BUKU PANATURAN

7 ARE SYARAT PAHAM BAGUNA

ITAH MELAI HUMA TAHETA
KUMI TATAWE PARAHAN KAJENTA
RAJIN NYARUNGAN TAMUEI MAJA

Halaman 53 – www.kaharingan.or.id
8 KALUTE HUMA KABAJURAN
SUKUP TIPENG BAHALAP UKURAN
PUTIR BAKURANG JETE IHAPAN
BAHAN TARAJU URAS INSANAN

9 TINAI ANGAT KANAHUANG

ITAH MELAI PARUNG MAHAWANG
BALAKU BELUM TATAU SANANG
HATALA MANENGA UMUR PANJANG

10 SYARAT AIN ITAH BULI HUMA

NYAKI JIHI BAKAS JIHI TABELA
MANDAI KAN NGAMBU TE BARA NGIWA
NAGA HAI EPAT TE HAPANYILA

11 SALATIN PARUNG NYAKI INGGUANG

NYAKI TINGANG EPAT HATALUMBANG
LEPAH PARAMUN PARUNG MAHAWANG
TENDE SINDE PAMARAWUNG ANTANG

12 TIKAS TUH HELU RAWEI KANDAYU

BALAKU ASIN HATALA NGAMBU
MASI UTUS RAJA BUNU
SAHAPUS KALUNEN KAMPUNGAN BUNU

13 SAMPAI HETUH RIWUT RAWEI

HAJAMBAN PUMPUNG BASARAH BEWEI
BASARAH PENYANG HINJE SIMPEI
BALAKU HATALA PAHAYAK IKEI

Halaman 54 – www.kaharingan.or.id
 Akan Anak Sakula

1 AYU ITAH SAMA-SAMA BAHAJAT

MANDURUT KAYU SAPAINGAT
MANGAT TARANTANG SAKULA TAMAT
BALAKU HATALA UMBA MAMBERKAT

2 KALUTE ANGAT KANAHUANG

HAJAMBAN RAJA UJU HAKANDUANG
SAPAINGAT TANDAK PANYALEMBANG
BALAKU AKAN GARING TARANTANG

3 TARANTANG SAKULA JE KABAJURAN

ELA NANGKENYA JE SUMPING BULAN
PALIN SAPAINGAT JE IHAPAN
BELE SAKULA BATAL DIA KARUAN

4 TINAI AMUN JADI SAKULA

AJAR GURU JETE INGGUNA
BALAKU IMISIT ONGKOS BALANJA
AKAN KETUN HANDIAI AWANG SAKULA

5 BAWI HATUE UMBA GURU

ELA MAHAPAN KUTAK TANJARU
ELA KETUN MIKEH BALAKU
TINGAK AJAR KAKARE ILMU

6 TARANTANG SAKULA GIAT BALAJAR

MANGAT TARANTANG HARATI PINTAR
MANDURUT URAS PIKIR AKAL
HUANG SAKULA ELA NAKAL

7 KANDAYU JETUH AUH MAMETEH

MANGAT TARANTANG TUTU MANYENEH
ALUH NARUSAN SAKULA JE KUEH
BALAJAR TE ELA JE BAKA UREH

Halaman 55 – www.kaharingan.or.id
8 BAHAJAT BANIAT ELA KURANG
NAMBURAN BEHAS MANYANGEN TINGANG
MANYAMPAI RAJA UJU HAKANDUANG
MIJEN LEWU KANGANTUNG GANDANG

9 RAJIN BASARAH TUNTANG NGANDAYU

HAJAMBAN BASARAH ITAH BALAKU
UMBA RANYING HATALA NGAMBU
MANGAT MASI UTUS RAJA BUNU

10 GANAN TANDAK HALAJUR MAJA

MALINGGAR LANGIT RAJA KUASA
MANYAMPAI BALAI RANYING HATALA
NAPATAH BULAU PASEBAN RAJA

11 BALAKU KETUN ELA NGALAPEAN

RANYING HATALA TE KATAMPARAN
IE NANTISEN NYALUNG KAHARINGAN
HAYAK MANDEHEN BULAU HAMBARUAN

12 AMUN TARANTANG TAMAT SAKULA

INGAT PETEH RANYING HATALA
KAHARINGAN TETEP DEHEN IHAGA
NYAMAH PETAK LANGIT NAHETA

13 BALAKU KETUN ELA MAMBUKA

JALAN ANGUI TAME NYARANTA
KELEH RAJIN NGANDAYU MANSANA
MANDEHEN PETEH RANYING HATALA

14 NGANDAYU MANSANA ELA HALISANG

MANSANAN KAHALAP PANTAI SANGIANG
PETEH MANDEHEN JETE MAMBATANG
MANGAT PAMBELUM TATAU SANANG

15 KALUTE KEA UMBA PANDER SARITA

DENGAN JALAHAN IE TUNDAH KULA
KUTAK PANDER IATUR RATA
INGAT HALAJUR RANYING HATALA

Halaman 56 – www.kaharingan.or.id
16 AKAN UNGKUP ITAH KAHARINGAN
AUH GAWI JADI INSANAN
MANGAT KALUNEN RATA KATAWAN
AMPIN KABUJUR TANDUHAN HURAN

17 ATUN TINAI JE MAMBATANG

ALUH MANANJUNG PAHEWAN ANTANG
ELA SAMPAI HAMBARUAN LAYANG
MANGAT TARUNG LAMPANG HAGATANG

18 ALUH NYELEM KALANG LABEHU

DIA BAKA TAU GIRING BULU
ELA MIKEH ITAH BALAKU
ITAH MANETEI TANDUHAN HELU

19 ALUH KAN KUEH NAMUEI HALISANG

ELA MARUSAK ITUNG HUANG
ELA MIKEH ITAH MANARANG
PETEH HATALA JETE MAMBATANG

20 ALUH MENDA NYAHU BATENGKUNG

ELA GAER BITIM MANANJUNG
MANGAT TAU HAGATANG TARUNG
PETEH HATALA HETE INYAMBUNG

21 TIKAS TUH HELU HAJAT MIAT

MANDURUT KAYU SAPAINGAT
BAHAJAT TARANTANG SAKULA TAMAT
RANYING HATALA DUMAH MAMBARKAT

Halaman 57 – www.kaharingan.or.id
 Pampeteh Ranying Hatala

1 HETUH ITAH SAMA MANARA

MINGAT PASIN RANYING HATALA
BARA HURAN JADI SADIA
AKAN KALUNEN SAHAPUS DUNIA

2 AYU ITAH MANIMANG

RANYING HATALA PATUT INGENANG
PETEH HATALA JETE MAMBATANG
HAJAMBAN RAJA UJU HAKANDUANG

3 AUH PETEH RANYING HATALA

HEMBEN HURAN JADI INENGA
AKAN ITAH HUANG DUNIA
PETEH MUHUN HAJAMBAN KUASA

4 KELEH ITAH SAMA BINGAT

ANDAU KAHANYA JADI IMBERKAT
RANYING HATALA TE MAMPAINGAT
JETE IHAPAN KATIKA SASAT

5 ANDAU KAHANYA TUMUN PANSANAN

ATUN TASURAT HUANG PANATURAN
HETE LIMBAH KAKARE KAJADIAN
RANYING HATALA MANJAPA MALAYAN

6 ANDAU KAHANYA IMBERKAT JADI

AKAN PANGINGAT GAGENEP BITI
ELA NATUMBA KAKARE GAWI
PAKANAN BATU NGAHAU RAJAKI

7 ITAH MAHAGA ANDAU KAHANYA

BINGAT PASIN RANYING HATALA
KALUTE HANDIAI TALUH INJAPA
PETAK DANUM LANGIT BALAWA

Halaman 58 – www.kaharingan.or.id
8 METUH KAPUT DIA GITAN
HATALA MANYEWUT AUH KATAMPARAN
HAMAUH MANYEWUT INTAN KAHARINGAN
KAPUT HAPISAH ANDAU SABAHAN

9 LANGIT PETAK JADI BALAWA

ULUN KALUNEN JADI INAMPA
METU BURUNG JADI INJAPA
SUKUP GENEP HUANG DUNIA

10 NYAHU HAI KILAT BALAWA

JAMBAN PASIN RANYING HATALA
JALAN HELU DEHEN IHAGA
SAMPAI PETAK LANGIT INAHETA

11 PETAK SINTEL JE GALANG PAI

NANGGERA NGAMBU PASEBAN HAI
MANYEWUT ARA AUH MANJADI
BALAKU DOHOP HATALA MASI

12 HUANG ARAN RANYING HATALA

ELA MANGGAWI TALUH JE SALA
AMUN PETEH DIA INGGUNA
ULUH TE BELUM TAU BAHAYA

13 AKAN ULUH JE RANDAH ATEI

PANATAU KALUNEN KILAU IRAWEI
HETE IE TAU KANUAH KARUHEI
RANYING HATALA PALUS MANYIMPEI

14 AKAN ULUH BALEMU LAMAH

IE KAREH AKAN KANUAH
AKA INENGA PENYANG PANYAMPAH
RANYING HATALA PAHAYAK ITAH

15 ULUN KALUNEN SINTA IMETENG

KILAU SINTA UMBA BITI BERENG
KELEH ITAH BELUM BARENDENG
MANGAT TARUNG DIA TAU LETENG

Halaman 59 – www.kaharingan.or.id
16 HORMAT UMBA ULUH INDANG APANG
MANGAT BELUM BAUMUR PANJANG
SINTA KALUNEN JETE MAMBATANG
PAMBELUM MANGAT TATAU SANANG

17 KALUNEN BELUM MELAI DUNIA

BINGAT PETEH RANYING HATALA
SAPANJANG UMUR MAAMAL SINTA
AUH KANDAYU JETE IRIMA

18 RAJIN MAMBASA BUKU PANATURAN

MANGAT URAS RATA KATAWAN
AUH PAMPETEH HATALA HURAN
HETE TARANG TEGE INSANAN

19 PANATURAN ELA IMBASA BEWEI

ISI INGUMANG HAYAK INYIMPEI
AJAR HATALA ELA NIHAU BEWEI
JETE DUAN AKAN PENYANG KARUHEI

20 AMUN RAJIN MBASA PANATURAN

MARIMA AJAR HATALA HURAN
RAWEI URAS UNGKUP BABUHAN
INGAT PETEH TINGANG TATU HURAN

21 AMUN PANATURAN HALAJUR IMBASA

JADI INGUMANG HAYAK IRIMA
SANAN IH AUH JE BAGUNA
MARAWEI KALUNEN SAHAPUS DUNIA

22 PETEH HATALA JETE INSANAN

AKAN KAKARE UNGKUP BABUHAN
AWI JETE MANJADI PADOMAN
AMUN MATEI LEWU TATAU TINTUN TUJUAN

23 KATAHIN BELUM HUANG DUNIA

BASARAH NGANDAYU RAJIN UMBA
PELEK TATU HIANG SEGAH IHAGA
JAMBAN MANDINU BERKAT HATALA

Halaman 60 – www.kaharingan.or.id
24 UMBA KAHARINGAN TE ELA TUSANG
ELA KILAU DAWEN PISANG
INGAT UTUS TATU HIANG
PETEH BADEHEN HATALA USANG

25 ULUN KALUNEN KELEH MAHAPAN

PETEH RANYING HATALA HURAN
JANJIN HATALA ATUN INSANAN
SAMPAI JANJI ITAH INDUAN

26 KIPEN BELUM TE ELA LALAU

AUH HATALA KELEH INYUNDAU
AWI HATALA GAGENEP ANDAU
PAHAYAK ITAH TE DIA LAYAU

27 AKAN JE TATAU ELA KAMAHA

JE DINUN BULAU INTAN PERMATA
KAHANJAK MINJAM DIA BAGUNA
URAS ILIHI MATEI MELAI DUNIA

28 ITAH HANJAK TE DIA SALA

AMUN NYARURUI PETEH HATALA
TINGAK AJAR PETEH INGGUNA
INGAT UTUS USANG NAHA

29 KANDAYU JETUH AUH PANSANAN

NGEJAU NANGKENYA SUMPING BULAN
INGAT PETEH HATALA HURAN
JALAN HELU INETEI HAPAN

30 KILAT PANJANG NYAHU HAKUMBANG

BALUA BUKIT KANGANTUNG GANDANG
KAHARINGAN NYARURUI ELA LAYANG
MANUMUN PELEK TATU HIANG

31 UJAN LABAT KILAT BANYAHU

MANSANAN JALAN TANDUHAN HELU
MARAWEI UTUS RAJA BUNU
KELEH PALAMPANG TARUNG BUE TATU

Halaman 61 – www.kaharingan.or.id
32 NYAHU HAI KILAT BALAWA
AUH PETEH RANYING HATALA
ARE KALUNEN IE MANJAPA
UTUS ITAH JE INYINTA

33 KALUTE KAPAHAM AUH PARAWEI

BALAKU PENYANG HINJE SIMPEI
INYIMPEI INDEHEN HUANG ATEI
GAGENEP ULUN ITAH MARAWEI

34 KAKARE KALUNEN JE INYUPA

SANAN AUH PETEH HATALA
MANGAT KALUNEN KATAWA RATA
KAKARE AUH JE BAGUNA

35 JALAN TESEK JALAN BULI

JAMBAN HATALA MANENGA ASI
AKAN ITAH GAGENEP BITI
AWANG PARCAYA MANDINU ASI

36 KALUTE AUH RAWEI KANDAYU

RAWEI MANARA HATALA NGAMBU
KELEH PARCAYA TE TUTU-TUTU
LEWU TATAU PASTI INDINU

37 AUH PETEH RANYING HATALA

NGUMBANG KALUNEN HAPUS DUNIA
MAHAGA PAMPETEH ELA LAYA
MANGAT MANDINU BERKAT HATALA

38 KAKARE GAWI AWANG NAMBURAN

BEHAS PAREI RANGKAN PANGINAN
JETE HATALA MAHALALIAN
INGGETEM ITAH ANDAU HARIAN

39 ALUH PETAK LANGIT TUH NIHAU

AUH HATALA TE DIA LAYAU
KAHARINGAN BADEHEN DIA KAN BUHAU
AUH HATALA TETEP HAMALEM HANDAU

Halaman 62 – www.kaharingan.or.id
40 TIKAS TUH HELU RAWEI KANDAYU
KANDAYU PETEH HATALA NGAMBU
HADURUT PAHAYAK RAJA UJU
MAMPARENDENG UTUS RAJA BUNU

41 AUH HATALA ITAH MANYIMPEI

URAS INGKES KAMPUNGAN ATEI
BARA BELUM TUH SAMPAI MATEI
PETEH HATALA TE PENYANG KARUHEI

Halaman 63 – www.kaharingan.or.id
 Mamparendeng Utus

1 AYU ITAH SAMA NGANDAYU

MAMPARENDENG UTUS RAJA BUNU
NYEMBANG PANATAU HULU BANYAHU
NYARURUI PELEK KATIKA HELU

2 ITAH BELUM KELEH BARENDENG

BINGAT SAHUR SANDEHEN BERENG
SAHUR PARAPAH TAMPUNG TAHASENG
BELE TARUNG LILAP LETENG

3 KALUNEN BELUM HUANG DUNIA

BAWI HATUE BAKAS TABELA
MAMPARENDENG UTUS TE ELA LAYA
BASARAH NGANDAYU RAJIN UMBA

4 HAJAMBAN BASARAH TUNTANG NGANDAYU

UMBA HATALA ITAH BALAKU
HADURUT TATURAN HULU BANYAHU
MASI HAMPUTAN RAJA BUNU

5 HAJAMBAN BASARAH ITAH MANSANAN

MAMPARENDENG KARE KULA JALANAN
PETEH BAGUNA JETE IHAPAN
AKAN PENYANG ANDAU HARIAN

6 KATIKA BASARAH TUNTANG NGANDAYU

KELEH ITAH TE TUTU-TUTU
ELA KILAU BURUNG METU
BELUM MELAI HUANG HIMBA BAHU

7 ARE AUH JE BAGUNA

JETE INGKES TUNTANG IHAGA
MANSANAN AKAN KAKARE KULA
RAWEI KALUNEN SAHAPUS DUNIA

Halaman 64 – www.kaharingan.or.id
8 KAKARE PETEH HATALA HURAN
JADI INYURAT HUANG PANATURAN
JETE INSANAN UNGKUP HAMPUTAN
JETE PADOMAN PANUNJUK JALAN

9 JALAN TESEK JALAN BULI

HATALA MANENGA TE HAYAK MASI
MASI KALUNEN GAGENEP BITI
DIA MINTIH HATUE BAWI

10 KALUTE AMPIN PASIN HATALA

AKAN ITAH BAKAS TABELA
JALAN BAHALAP JADI SADIA
NARAI ILAKU URAS INENGA

11 PASIN HATALA JADI INARANG

CUBA IRIMA HAYAK INGUMANG
BARA TAMPARA SAPANJA-PANJANG
JALAN BAHALAP JETE IMENYANG

12 ITAH URAS RATA KATAWAN

BENTUK UNGKUP UTUS BABUHAN
JALAN HELU JADI KALAMPANGAN
JANJIN HATALA TANTAHIAN HURAN

13 UNGKUP KAHARINGAN JADI IMBERKAT

RANYING HATALA TE MAMPAINGAT
HETUH UTUS MAMPARAHAN KABULAT
MANGAT BATUAH BELUM SALAMAT

14 TIKAS TUH HELU RAWEI KANDAYU

MAMPARENDENG UTUS RAJA BUNU
MANDURUT PANATAU HULU BANYAHU
NYARURUI PELEK KATIKA HELU

Halaman 65 – www.kaharingan.or.id
 Mambina Umat

1 AYU ITAH SAMA NGANDAYU

MARAWEI UNGKUP RAJA BUNU
MANSANAN PETEH MAMBATANG TUTU
PETEH HATALA KATIKA HELU

2 AUH PETEH HATALA HURAN

MANGAT INGAT RATA KATAWAN
ATUN INSANAN HUANG PANATURAN
NYAMAH JEHA JADI PADOMAN

3 ARE PETEH RANYING HATALA

AKAN PAMBELUM HUANG DUNIA
UKA ITAH NGATAWA RATA
METUH BASARAH AUH TE INYARITA

4 PETEH HATALA JE MAMBATANG

NYUHU NYARURUI TANDUHAN USANG
HUANG PANANJUNG TE ELA LAYANG
MANDEHEN PANSANAN BARA TATU HIANG

5 BELUM MAMENYANG AUH HATALA

PANATURAN KANDAYU HAGA IMBASA
KAKARE AUH JE BAGUNA
MANSANAN AKAN SAHAPUS DUNIA

6 BALAKU TINAI ITAH ELA LAYA

BALAI PATAHU KARAMAT IHAGA
SANDUNG PANTAR IRASIH RATA
SAPUNDU ELA HAYANG MANANYA

7 KALUTE KEA ELA SAMPAI LAYAU

AWI AUH AMPIT BALAWAU
BELE TARUNG TE LAYAU NIHAU
JELENG INDARI AKA BABUHAU

Halaman 66 – www.kaharingan.or.id
8 ELA MAHAMEN ITAH MANSANAN
MANDER KABUJUR TANDUHAN HURAN
MANGKAR MANYIWUH PENYANG JE HAPAN
LAMPANG HAGATANG TARUNG KAHARINGAN

9 KABUJUR KATETEK JETE IHAPAN

SAMA EHAT SAMA UKURAN
JE JULUK-JUNGKAU ELA IHAPAN
PANDER HALIAU JETE INGANAN

10 AUH JE BAGUNA ELA KALAPEAN

BALAI ANTANG IE PASEBAN
SANGKAI MASIGIT AWANG JE HAPAN
JETE IRASIH ELA INGANAN

11 KARE PATERAN AWANG BAREGA

JETE IRASIH HAYAK IHAGA
AKA BAHALAP TAMPAYAH MATA
KARUHEI MARAWEI BABUHAN MAJA

12 AMUN KALUNEN RAJIN MAJA

TUAH RAJAKI LAMPANG BABALA
LAMPANG TARUNG SEWUT SARITA
DINUN HALAJUR BARKAT HATALA

13 KALUTUH TINAI JE MAMBATANG

UKA TARUNG LAMPANG HAGATANG
ALUH MANANJUNG PAHEWA ANTANG
KUEH TAU HAMBARUAN LAYANG

14 JAKA NYELEM KALANG LABEHU

KUEH TAU GIRING BULU
ELA MIKEH ITAH MANGAKU
ITAH MANETEI TANDUHAN HELU

15 ALUH NYAPENDA NYAHU BATENGKUNG

KUEH TAU RUSAK TIRUK ITUNG
AMUN HANDAK PALAMPANG TARUNG
PETEH PARAWEI ITAH MANYAMBUNG

Halaman 67 – www.kaharingan.or.id
16 KALUTE KEA ITAH ELA KALAPEAN
KATIKA BASARAH HETE INSANAN
NYARURUI AUH ULUH BALIAN
AKAN ITAH URAS KATAWAN

17 BENTUK KALUNEN HUANG DUNIA

UJU BUKIT PURUK INENGA
JETE PUNA PINTIH HATALA
NANGGARE ARA TE TIKAP RAYA

18 EKA BATAMBANG SALUMPUK ENTANG

AMUN MANGGAU HAMBARUAN LAYANG
NIKAP KARUHEI BELUM TATAU SANANG
UJU BUKIT TE NALIH INGGUANG

19 ARAN BUKIT TE MANUMUN SARITA

BUKIT KAMINTING BUKIT RAYA
PASAK PINGGAN TE TAME KEA
BUKIT BONDANG TE MAHIN KANA

20 NAMBAH TINAI BUKIT TELU

SAMATUAN TE PURUK HULU
BUKIT MANYAWANG HILA BARITU
SUKUP GENEP TE KARE UJU

21 ARE BUKIT PETAK INAMPA

BUKIT PAINTIH RANYING HATALA
DIA ULIH INSANAN RATA
TANGKUNG LISUNG TE MAHIN KANA

22 ARE BUKIT KUTUH KAGANTUNG

BUKIT TUNJUK BUKIT MANYARUNG
TANTAME KEA LAPING TIUNG
BUKIT PAINTIH DIA TAPAHITUNG

23 ITAH JADI KATAWAN RATA

KARE BUKIT PAINTIH RANYING HATALA
KELEH ITAH SAMA MAHAGA
ELA SAMPAI IRUSAK TUNTANG IMAPA

Halaman 68 – www.kaharingan.or.id
24 KALUTE SARITA JADI INSANAN
AKAN ANAK ESU ANDAU HARIAN
MANGAT EWEN RATA KATAWAN
MAHAGA BUKIT SAPANJANG JAMAN

25 KALUTUH HELU RAWEI KANDAYU

MARAWEI HAMPUTAN RAJA BUNU
MANSANAN PETEH JE BATANTU
PETEH HATALA KATIKA HELU

Halaman 69 – www.kaharingan.or.id
 Nyelu Taheta

1 AYU ITAH SAMA MANARA

MANARA ARAN RANYING HATALA
HAJAT NIAT TINAI NAMPARA
ITAH LUMPAT NYELU TAHETA

2 BAJARUMAT INTAN TUH JADI DUMAH

DINU URAS PENYANG PANYAMPAH
UNTUNG PANJANG HAMBIT TUAH
PANYANGKA TATAMBA HADURUT LEPAH

3 ITAH MANUMUN AUH TATURAN

SANAMAN BATU JE IHAPAN
JETE PUSAKA ELA INGALAPEAN
PETEH HATALA HUANG KATAMPARAN

4 JATA HATALA URAS INGENANG

KARE KAMELUH INDANG SANGUMANG
SAHUR PARAPAH PATAHU ANTANG
MANYAMEI IJIN URAS INIMANG

5 HAJAMBAN BASARAH ITAH BALAKU

UMBA RAJA NGIWA NGAMBU
MANDURUT PENYANG SANGKALEMU
MASI UNGKUP RAJA BUNU

6 ITAH BASARAH ELA MALAYAN

DENGAN HATALA JE KATAMPARAN
HAJAMBAN BASARAH ITAH MANSANAN
AUH PAMPETEH HATALA HURAN

7 AUH PAMPETEH HATALA HURAN

MANGAT ITAH RATA KATAWAN
PETEH HATALA ATUN MANSUMAN
INTU KANDAYU TUNTANG PANATURAN

Halaman 70 – www.kaharingan.or.id
8 MANGAT ITAH KATAWAN RATA
KAKARE AUH PETEH BAREGA
AKAN ITAH BAKAS TABELA
PANATURAN KANDAYU DEHEN IHAGA

9 PANATURAN KANDAYU ELA IHAGA BEWEI

TAPI IMBASA HANJEWU HALEMEI
AUH BAGUNA JETE INYIMPEI
BABUHAN JE LAYAU JETE IRAWEI

10 RAWEI URAS TUNDAH KULA

UNGKUP KAHARINGAN AWANG JE LAYA
SANAN AUH PETEH HATALA
PANATURAN KANDAYU IMBIT IMBASA

11 UNGKUP KAHARINGAN AWANG JE LAYA

PAHAM NGALAPEAN RANYING HATALA
AMUN HASUNDAU TALUH JE PAPA
HARUN MINGAT SANGIANG DEWA

12 ULUN KALUNEN ELA LAYANG

PALI MAMAPA TATU HIANG
ELA PANDER PURUNG PARANG
MANGAT TARUNG JELENG HAGATANG

13 UNGKUP KAHARINGAN ELA LAYAU

ELA MAHAPAN PANDER HALIAU
MAANCAK NYADIRI ELA MANAKAU
BELE UTUS HAYANG NIHAU

14 KANDAYU JETUH KILAU PANSANAN

AKAN UNGKUP HARING KAHARINGAN
BELE MARISANG BARA TANDUHAN
TANDUHAN AUH HATALA HURAN

15 AUH PETEH HATALA HURAN

UMBA UNGKUP HARING KAHARINGAN
NATUMBA KARAMI MANYASAT JALAN
HAKEKAT ATEI TE BUTUP INTAN

Halaman 71 – www.kaharingan.or.id
16 AWI TAGAL ITAH RATA
BALAKU ASIN RANYING HATALA
BABUHAN JE LAYAU TAU HASUPA
HADURUT PAHAYAK NYELU TAHETA

17 NYELU JETUH ITAH TINAI BAHAJAT

MUDAHAN ITAH HALAJUR PAKAT
KILAU LUNUK HAPETENG BULAT
HAMBARUAN BADEHEN BERENG SALAMAT

18 KALUTE ANGAT KANAHUANG

RANYING HATALA HALAJUR INGENANG
MANGAT MANENGA BAMBANG PENYANG
NENGA PANATAU MANDURUT KASANANG

19 TIKAS TUH HELU RIWUT KANDAYU

MANARANG ARAN HATALA NGAMBU
PAHAYAK ITAH MAHAPUS NYELU
HALULI TINAI ITAH HARAGU

Halaman 72 – www.kaharingan.or.id