BISMILLAH

HUKOM TA BACA BISMILLAHIRAHMANIRRAHIM PADUM PEUKARA ?

NA 6 PERKARA

MEU YANG POEH WAJEB BEU TEUNGKU YAKIN

TEUMAN SUNAT- SUNAT IET YANG KEDUA
TEUMAN YANG KEU LHE SUNAT KIFAYAH
YANG KEU PEUT MUBAH WAHAI SAUDARA

KEULIMONG HARAM YANG KEUNAM MEUKROH

HABEH TEUNGKU BEH BAN NAM PERKARA
MEISEU YANG WAJEB LA WA HAI TAULAN
DALAM SEMBAHYANG WAJEB TABACA

MISEU SUNAT- SUNAT ITU BAK MANOE WAJEB

DALAM TEU SABEUT BAK UDZU GATA
TEU MAN MISEU SUNAT KIFAYAH
DALAM JAMAAH TA MAKEUN GATA

MISEU YANG MUBAH JINOE LON PEUGAH

MISEU TA PINAH BAK MATA BENDA
MISEU YANG HAREUM NI BAK BUET LEWAT
ATAWA MEUHAT NIBAK BUET ZINA

KARENA ZINA BUET HAREM THAT

DISINAN MEUHAT HAREUM TA BATA
MISEU YANG MEUKRUH NIBAK BUET KUTO
ATA WA HAI POE DALAM WEU KUDA

DALAM WEU LEUMOE TEUMPAT SAMPOH BROEH

DISINAN MEUKRUH BISMILLAH TA BACA
MEU KA KEUH HABEH LA WA HAI TAULAN
JANJI LON TUAN NA NAM PEUKARA

TAMAT
 PU KEU LEUBEHAN TA BACA BISMILLAH
SOE YANG KHEUN DISINAN?......

BAK THON YANG KEUNAM HIJRAH NABI

NEUPRANG KHUBUTI SAIDIL AMBIA
BEUDOH BEURANGKAT LEGAT PEUREGI
SEUREUTA LAGI SAHABAT DUMNA

OH BAN SARE TROEK U BAK NAGGROENYAN

LAJU NEU MEUPRANG ALI MURTAZA
HANA PADUM TREP ALI NEUMEU PRANG
BINASA BADAN ALI MURTAZA

NABI MUHAMMAD TEUNGOH BERJALAN

NEU ARONG PADANG SAHABAT NEUMITA
OH BAN SARE TROK NABI MUHAMMAD
NEUKALON UMAT HABEH BINASA

NABI MEULAKE KA NIBAK TUHAN

AKAN UMAT LOEN PULEH SEMUA
OH LHEUH MEULAKE NABI BAK TUHAN
MEU DEUH NEUPANDANG BAK KAYE RAYA

NEUPERAP LAJU DI RASULULLAH

NEUJAAK SIE GEUTAH BAK KAYE RAYA
WATE NEU PEUU PHON NABI SIE GEUTAH
DENGON BISMILLAH NABI NEU BACA

SAIDINA ALI KAPULEH BADAN

NEUTAMONG LAM PRANG LAGE BIASA
SAIDINA ALI NYOEH NYAN NEU MEUPRANG
TALOE LE RIJANG KAFE CELAKA

DUM KEU LEUBEH TAKHEUN BISMILLAH

DI RASULULLAH MEUNAN NEU SABDA
MEUNAN MEUTEUMENG LAM KITAB FIQAH
MEUNAN PEUNEUGAH ALI MURTAZA

TAMAT
 PAJAN KEU MASA LOM NEUYU BACA BISMILLAHIRRAHMANIRRAHIM
LE NABI MUHAMMAD TOEH DALI HADIS JANJONGAN?

UZILLUHUM FIZILALIL ARSYI YAUMAL KIAMATI

MAN ZAKARANI BIHAZIHIL ASMA BIN
MUHAMMADIN SALAIWALLAHI WA SALAM

NEU NIT HABA NYOE GANTOE MALAKAT

LON COK LAM KITAB ZAIKON AKBAR
PERCUMA DI LON SAMBONG SEUNURAT
HABA LAM KITAB PEUGOT KEURUKON

LEMBOI HALAMAN HAN LON PEUGAH PAT

JEUT GURE LIHAT NNEULOP SI OEN- OEN
BAK BAH KIAMAT SINAT TERDAPAT
SABOH RIWAYAT RASUL ILAHOEN

KEU TIKA WATE DONYA KIAMAT

MANDUM LAT BATAT TUHA PEU HIMPON
LAM PADANG MASYA TUHAN PEU SAPAT
DALAM ANOE ROUP TA KHIK MEU OUNG- OUNG

TA MEUHEI NABI RASUL HAZARAT

OYA MUHAMMAD NEU BANTU ULOEN
NYOEH NYAN NE WAJEB ALLAH YANG AHAT
BAROE SEUKEJAP WAHE HAMBA LOEN

MASA LAM DONYA HANA KA INGAT

KA PUBUET LAKNAN YANG BENCI ULOEN
PAKON UROENYOE BAROE TEU INGAT
TA HEI MUHAMMAD YANG GEUNASEH LOEN

YANG LADOM TEU SUET LIDAH PANYANG THAT

YANG LADOEM UMAT JI SUET NGE PUNGGU
NYOEH NYAN FIRMAN BAK MALAIKAT
UBAK MUHAMMAD YU BAWA LANGSOENG

OH LHEN FIRMAN BAK MALAIKAT

BEUDEUH MUHAMMAD WATE NYAN YANG SOENG
NE BEUDOH NABI RASUL HAZARAT
JAK PIMPIN UMAT YANG UUROE TUTONG
UMAT MUSLIMIN KAWOEM MUSHABAT
NAMA HAZARAT NEU UCAP LANGSOENG
OH LHEUH TABACA TA BACA NAMA HAZARAT
LEUPAH BAK AZEUB YANG SIRIBEE THOEN

LAEN NIBAKNYAN NABI NEUPEUGAH

JITEUKA RAHMAT LEUPI LAM JANTONG

TAMAT
 BISMILLAHIRAHMANIRRAHIM YANG MEUTULEH
DI TEUNGOH-TEUNGOH SURAT AL-QUR’AN
BUKOEN AYAT POEH ATAWA HABEH
PU KEULEUBEHAN DI BISMILLAH NYAN
TEUH DALI FIRMAN TUHAN
DISINAN RIWAYAT SYEH KONA

(FIRMAN)

INNAHU MIN SULAIMANA WA INNAHU

BISMILLAHIRAHMANIRRAHIM ALLA TA’LU ‘ALIYA
WAKTUNIM MUSLIMIN

DEUNGON TULONG POE SIDROE ILAHI

PIKIRAN NEUBI KEU LOEN BEU SEHAT
NA SABOEH HUKOM LOEN NEUK RAWIE
KALAM ILAHI LON COK TARIKAT

SURAT AN-NASLI DALI DI SINAN

YANG KALHEUH LOEN HAFAI JINOE LOEN PEUEEH
YAKNI RIWAYAT SURAT SULAIMAN
DEUNGON SULUTAN PUTROE BULUQEH

NA SABOH CICEM PEUGAH KHABARAN

UBAK SULAIMAN MEUNOE JI RINTEH
DI NANGGROE SABA SIDROE SULUTAN
NAMA RAJA NYAN PUTROE BULUQEH

MEU PLOEH – PLOEH NANGGROE JIMAT JAJAHAN

ATEUH RAJA NYAN HANA SOE LANGGEH
POLISI TENTRA JAGA LINGARAN
TARI – TARIAN MENOE NGON NGEN MEUDEH

TAPI HAI RAJA DAULI SULUTAN

AGAMA JITAN MEU UBE PUREH
DI SEMBAH UROE PUTRO ANNALAN
BUKON BAK TUHAN DI SEMBAH KEUDEH

YANG PEUJET LAOT DENGON DARATAN

SERTA GELOMBANG SEMUA HABEH
YOEH NYAN NEU UCAP NABI SULAIMAN
PAKON KEU TUHAN HANA JI PATEH
NEU PEUGOT SURAT LEUGAT MASANYAN
UNTUK SULUTAN PUTROE BULUQEH
NAMA SULAIMAN NGON NAMA TUHAN
GEUMULA KALAM BAK PHON GEUTULEH

OH LHEUH GUTULEH GE CAP NGON TANGAN

GEUYU BAWAKAN BAK CICEM AREH
OH BAN TROEK SURAT LEUGAT MASANYAN
DI SAMBOT RIJANG NGON HATE KHALEQ

HABA LAM SURAT MMEUNOE BAN MACAM

DEUNGOEN LOEN PEUTRANG HAI SAHABAT WAREH
GATA HAI PUTROE BEUTA ISEULAM
NGEN RIDHA TUHAN LAGI GEUNASEH

ULOEN NYE NABI UTUSAN TUHAN

LON BI AJARAN HITAM NGON PUTEH
OH BAN JIDUENGOE HABA SURATNYAN
KEPADA TUHAN HATE MEU GUREH

KEMUDIAN DUDOE PUTROE ISEULAM

DEUNGON SULAIMAN MEUKASEH – KASEH
MAKA TERSEBUT DALAM AL- QUR’AN
BUKOEN AYAT ATAWA HADEH

NYAN KEU MEUKEUSUD DI BISMILLAHNYAN

SURAT SULAIMAN MASA UROE JEH

TAMAT
 PUE KEULEUBUHAN LOM TAKHEUN BISMILLAH
PAJAN MASA TAKHEUN BISMILLAHNYAN ?
SOE YANG KHEUN DI SINAN ?

SI BEURANGKASOE BACA BISMILLAH

RAYA FAEDAH TUHAN KU NEU BI
WATE NEU BANGKET ULEH POTALLAH
GEUTANYOE LEUPAH TAJAK BAK TITI

HAJAT LAM HATE TAMOENG LAM KUBAH

TAPI HAN LEUPAH JINOE PEREGI
NYOE NYAN FIRMAN NIBAK POTALLAH
NEU YU KHEUN BAGAH NAMA ILAHI

NYOEH TABACA NAMA BISMILLAH

TIMOH LE BAGAH BULE TUHAN BI
TIMOH NGON SAYEUP LAJU DUA BLAH
U DALAM KUBAH LAJU PEREGI

OH BAN SARE TROEK U DALAM KUBAH

AINOL MARZIAH JIDOENG MEURITI
JAK MUMAT JAROE NGON HAMBA ALLAH
JI SUJUD BAGAH KEUDEH U GAKI

UDALAM KAMBA PEUTAMONG BAGAH

AINOL MARZIAH ATOE KURUSI
JIDUK KEUNAN TO CUT PUTROE INDAH
JI POT NGEN KIPAH ULEH SINYAK TI

SOE NA MEUKEUSUD AINOL MARZIAH

BACA BISMILLAH MALAM NGON HARI
MEUNAN MEUTEUMENG LAM KITAB FIQAH
MEUNAN PEUNEUGAH PANG ULEE NABI