PURA LUHUR BATUKAU
MECARU
1. MUNCAR MANTRA YUDA
PURWE GUMI NAWA RATNA
PUJA DEE YASTA PUNGKU
PEMENTASAN SANJIWANI
MANUNTUN BHATARA SAMI
TIRTA MANUSA MUANG KARANG
NADI TANEM TUWUH
NUASTA SEGER SARWA NADI
KIDUNG PANGUNDANG RING BUTHA
2.
BASA LUMRAH PUPUH JERUM
BUTA ASIH WIDHI ASUNG
CARU PESAJINE REKO
GENEP SAHA UPAKARA
MANUT WARNA LAWAN UNGGUH
SEKUL IWAK PADA BINA
OLAH-OLAHAN SADULUR
3. PANGIDERAN PANGURIPAN
KANGIN PANCA PUTIH MULUS
KELOD SIA BARAK MUNGGUH
KAUH KUNING PITU ENGGON
KAJA SELEM URIP PATPAT
MANGE WARNA TENGAH BRUMBUN
AKUTUS PANGURIPANYA
BABUTANE MANUT UNGGUH
4. KANGIN RING ANGIN MAGENAH
KELOD RING API AMUNGGUH
RING TANAHE SANE KAUH
KAJA RING TOYA MANONGOS
RING EMBANGE BUTA TENGAH
MALIH SANE BILANG BUCU
ANUT URIP LAWAN WARNA
TONGOS BABUTANE KEREDUNG
5. KAJA KANGIN URIP NEMNEM
YAN RING WARNA RUPA KELAU
KELOD KANGIN URIP KUTUS
NASAK GEDANGWARNA KAWOT
KELOD KAUH WARNA KUWANTA
PANGURIPANIA TETELU
KAJA KAUH WARNA GADANG
JATI TUNGGAL URIP IPUN
BABUTANE KINUCAP
6.
PERETE PISACE ARAN IPUN
BUTA KALA DENGEN RUSUH
RING DURGAMANA MENONGOS
RING ALAS TUKAD SEGARA
RINGPANGKUNG PANGKUNGB KEREDUNG
GENEP SAMI SIA WARNA
KANG INUNDANG SIDA RAWUH
MEKELEMIGI
7. UPAKARA SAMPUN CUKUP
MAGELARAN RING KAHYANGAN
DE MANGKU NGAREPIN KUKUS
MASEHA YA MAKELEMIGI
KASIRATIN TIRTA SAMI
TIRTA PANGELUKATAN BANTEN
SAMI SAMPUN PUPUT
NGASTAWA KAHYANGNE MANGKIN
PABERSIHAN SARENGTURUN
8.
YEH NUNE MUANG JAMBE WARSA
PANCA TIRTA MUANG SERAYU
CAMPUR TOYA SURANADI
PEKARDIN BHATARA SAMI
NGARDIN RhYUNING JAGAT
DESE SUTRI MANGKU
PADA NUNAS TIRTA SAMI
NYANJAN
9.
RING PADMASANA MALUNGGUH
NODIA MANGKU PENYANJANE
IDEPE NIRMALA MULUS
BHATARA LEDANG NGALINGGIHIN
MERASA KEBUS MANGKU SAMI
MERASA DINGIN YA PEGEJER
PEGIAK PEGETOR
GELISANG MESEGEH MANGKIN
ASEO MENYAN MAJEGAU
10.
CENANA ANGGE DASARNE
PANUNTUN BAN MENYAN MADU
MANGUNDANG BHATARA SAMI
IDA KANTUNE RING PURI
MENYANTOS RAMBUT SEDANA
MALINGGA KA LUMBUNG
MASELEH KE BALI
BHATARA TEDUN
11.
RING BALE EMASE PARUM
LINGGIH IDA BHATARANE
BALE EMAS NGERANYAB MURUB
UPAKARA SARWA LUWIH
LELUWURE SUTRA PUTIH
IDA BHATARA MABAOS
BAWOSE DI LUHUR PACANG TURUN GELIS
NGANTEB
12.
PANGASTAWANE KE LUHUR
BHATARA SAD KAHYANGNE
GUNUNG AGUNG, GUNUNG BATU, BATUKAU,
RAMBUT SIWI, BRATAN SRIJONG, ULUN SUWI
SAMPUNPUPUT UPAKARA NE KATUR KE LUHUR
SARWA SUCI TOYA ENING
 DEMANGKU NGAREOIN KUKUS
13.
MASEHA YA NABUH GENTA
UPAKARA SAMPUN CUKUP
KEBAYAN SUTRI MANGABIH
MADULURAN WARGA SARI
NABUH GONG LELEGONGAN
IDERAN MANABUH
NGAYABANG KA LUHUR SAMI
IDA RATU SAKING LUHUR
14.
KAULA NUNAS LUGRANE
MANGDA SAMPUN TITIANG TANDRUH
MANGAYAT BHATARA MANGKIN
TITIANG NGATURANG PEJATI
BANTEN SUCI LAN DAKSINA
SAMI SAMPUN PUPUT
PRATINGKAHE SAJI
ASEP MENYAN MAJEGAU
15
CENANA LUHUR DEWANE
. MANGDE IDA GELIS TURUN
MIJIL SAKING LUHURE LANGIT
SAMPUN MADABDABAN SAMI
MARING GIRI MERU REKO
ANCANGAN SADULUR
SAMI PADA NGIRING
GUNUNG LEBAH GUNUNG AGUNG
16.
LEMPUYANG ANDA KASANE
GUWA LAWAH ULUWATU
GUNUNG BATUKAU MALIH
GUNUNG MANGU PURA BUKIT
BESAKIH MERAGA PUSER
SEGARA ULUN DANU
KAHYANGAN HYNAG WIDHI
KE BEJI
17.
YANG KAKUNG LUNGA KE SENDU
JANGE WARI KE KAMPUHE
E SUMPANG ETUNUJUNG TUTUR
ERIKIE SUWENG PEPELIK
KANG CI CETI MANGIRING
PRAPTI KEKAYUNING DARMA
YA WARGA SEKAR
ANE PANCORAN SUCI
KE BEJI/ KA SEGARA
MEDAL SAKING KORI AGUNG 24.
18. BHATARA LAN BHATARINE
DAHAT KABINAWA TUHU
PANJAKE PADA MANGIRING
MANGIRING MAKIDUNG
KIDUNG WARGASARI
SOPEKARA SAMPUN PUPUT
19.
MADABDABAN PEMARGINE
TEBU MIWAHUMBUL-UMBUL
KOBER MEGAMBAR BHATARI
BANDRANGAN LAWAN PENGAWIN
MADULURAN TEDUNG PETAK
MIWAH TEDUNG PETAK
MIWAH TEDUNG AGUNG
SOPEKARA NGERAWIT
PEMARGAN BHATARA NGELANTUR
20.
TAN LAMPETAN RING MARGINE
TAN DUMADE SAGET RAWUH
RING TENGAH PEMPATAN MARGI
KRAMA DESANE MENDAKIN
PEMARGINE MAJANGGELAN
PANJAKE SUMUYUG
NGATURANG BHAKTI
BARIS BEDILE PEMUCUK
21.
MENDAK IDA BHATARANE
BARIS TUMBAK BARIS TULUP
GAMBUH PURWA WAYANG BALI
PRESIJOJOR LEGONG RANGIN
LUWIH SANGHYANG JARAN REKO
SAMI PADA RAUH
IDA HYANG NYELEHIN
BHATARA MASIRAM
22.
BHATARA MASUCI DUMUN
RARIS NGERANSUK BUSANANE
BUSANANE SARWA MURUB
SINELAGENG MIRAH ADI
LAWAN KECANE MAS MANIK
BHATARA PACANG NGELAWANG
PAREKAN MANYUNGSUNG
SAMI PEDEK TANGKIL
RAUH RING BEJI
23.
TENGERAN BHATARA RAUH
LETUG LINUH MANGGALANE
KILAT TATIT KUWUNG-KUWUNG
DUMILAH NGADEG RING LANGIT
MADULURAN UJAN ANGIN
REMPAH TARU RUBUH
KATIBENIN ANGIN
ASEP PEJATI WUS KATUR
MENDAK IDA BHATARANE
PENEGTEG LAN CANANG HARUM
CANG GANTAL CANANG SARI
PAREKAN PADA MENANGKIL
PEDEK SAMI NUNAS ICA
NGADPADE MANYUNGSUNG
MANGATURANG LINGGIH

PAMENDAK
25
RAWUH MARING PURI AGUNG
. SEGEH AGUNG PAMENDAKE
CANANG SARI BURAT WANGI
TURU KIDUNG MESANDING
BHATARA KATURAN LINGGIH
MUNGGH MARING PANGASTRIAN
RING SAMUAN AGUNG
LUWUH SUCI NGERAWIT
KATURAN SODA RAYUNAN
26.
PASUCIAN SAMPUN PUPUT
RARIS KATURAN SAJINE
DAKSINA MAKA PAMUCUK
PERAS AJUMAN NULURIN
CANANG LENGA BURAT WANGI
PENASTAN LAWAN CECEPAN
MUANG KUKUS HARUM
GANDA MIIK SUMIRIT
MUNGGAH
27.
MALUNGGUH RING GEDONG SAMPUN
MUNGGUING PUNIKA GEDONGE
GEDONG MENYAN GEDONG MADU
UPAKARA SARWA NGERAWIT
DUMILAH RING PERAS SUCI
SINALIBAN PATENG ROBROB
TUEK PAYUNG PAGUT
LELONTEK PENGAWIN
28. SAHA CIHNA SEKAR RUMPUH
PAKE GONDOK KEMBANG SEMPOL
ANGGREK BULAN NAGA SARI
MANGGIHIN BALE TAJUK
BALE TIMBANG KATON IPUN
GEGENTENGAN CILI ASIH
PEPETEKAN INGONG DUKUH
ANDONG BANG LAN ANDONG IJO
KAYU MAS LAN KAYU PURING
SARWA NINGLA TINGA-TINGA
TAN KANTUN DEMENDANDAYA
29. NGELUHUR
BAHATARA KATURAN NGALUHUR
MANILARIN DASARANE
RARAPAN EPEMEDAK CUKUP
RONTEK CENDEK TEDUNG KUNING
JOLI MAS MUNCAR MANIK
TILAT TATIT RING AREP
GENTANE GUMURUH
GENDAH SUWARA RING LANGIT
METIRTA
30.
TURUN TIRTA SAKING TURUN
DANE MANGKU MANYIRATANG
MANGELENCOK MUNCRAT MUMBUL
MAPAN TIRTA MERTA JATI
PAICAN BHATARA SAMI
PANYUPATAN DASA MALA
SAMI PADA LEBUR
MALANE RING BUMI
MAKETIS PING TIGA SAMPUN
31.
PABAHAN SIWA DUAWANE
WANGSUHANE RARIS MINUM
PING TIGA RARIS MASUGI
RING WATRA MAGENTOS GENTI
TOYA AMERTA HYANG BHATARA
SAMI SAMPUN PUPUT
MENGALANGIN HATI
PUPUT ODALAN
32.
PANGAKSAMA KARYA PUPUT
MANUNAS WARA NUGRAHA
MENAWI KIRANG NE KATUR
AGUNG SINAMPURA UGI
CANANGE ASEBIT SARI
NAWEG IWANG AMPURAYANG
NODIA SAKING LUHUR
MAMUPUTANGSAMI
PEDATENGANE SAMPUN PUPUT
33.
MAGELARAN RING KARYANE
DAKSINA LAN CANANG HARUM
PASUCIAN LAN TOYA ENING
NASI BAWANGE CUMAWIS
KATUR RING BUTAKALA
APANG DE NGELIMUR
PARA SUTRI MANGKU SAMI
PARAKANG DATENG NE MANGKU
34.
LEBAR KARYA MUANG IRINGAN
PUNIKA BEKELANG MANTUK
KALA BUTA BONGOL TUNDIK
ULI KANGIN MULIH KANGIN
ULI KAJA MULIH KAJA
ADA MULIH KAUH
MULIH KELOD PUPUT SAMI