PANALANGIN PARA KARING IMA

O Ginu inyang mikatawan yang tau ing Anak mung

pakamalan. Ya man mipangagli ya king upaya ning
Banal a Espiritu king atyan ning Indung Virgen Maria.
Ipanalangin mi la ring sablang Indu. Idayu mo sana
king sablang kasasagkulan o king mabayat a
kapanandaman. Pagkaluban mong mayap a
pamikakatawan at matibe kapilubluban. Dinan mong
kapibabatan king pamaglingap, pamanantabe, at
pamanuru da karing karelang anak. Maging la sanang
piyalimbawanan king amanu at dapat, king bie at
kasalpantayanan ban kapamilatan ning banal dang
kayausan, alang patugut meng apalabungan ing
kekang Santa Iglesya karing taung magdala king tanda
nang Kristo. King kapamilatan da lalu ya sang
milaganap ing Mayap a Balita ning kekang Anak,
I Jesus, a mabibie at mag-ari kambe mu at ing Banal a
Espiritu, Dios mangga man king alang angga.
Amen

Santa Maria, Indu ning Dios

Ipanalangin mu kami!
 PANALANGIN PARA KARING TATANG

Mayupaya at alang anggang Ibpa Kapilan man eka

tutuknang magkalub karing anggang manyawad keka.
Ipanalangin mila ring sablang tatang. Maging tanda no
sa ning kekang pangabayit keti king yatu. Kalupa nang
San Jose, a liningap king kekang Anak. Maging tapat
la sana king kekang kautusan. Idayu mo sana king
sablang panganib o king nanu mang kapanandaman.
Pagkaluban mong mayap a pamikakatawan at matibe
kapilubluban. Maging la sanang mayap a
piyalimbawanan karing anak king amanu at dapat, king
bie at kasalpantayanan.

Iti aduan mi king kapamilatan nang

Cristong Ginu mi.
Amen.
 PANALANGIN KANG NUESTRA SEÑORA
DE LAS FLORES

O Indung Maria, Reyna de las Flores, ika kabud ing

bulaklak ning meto yatu, atiu kami ngeni king kekang
arapan ban ipanalangin mu kami at iturung apalagu ing
kekaming bie. Mananu na sa pu mamukadkad la deng
sablang bulaklak ding masanting a dapat para maging
ka lugud-lugud kami king kami king Ibpang atyu banua.
Tayran mukami o kekaming Indu king masampat a
pami biebie. Tanggapan mu ing babie ming lugud
keka, o kekaming Reyna. Ingatan mukami lagi, lalung
laluna karing sablang ming daralan a kapag subukan
king bie, layun pasiknangan lub ding sablang mimina
kasalpantayanan ngening kasulukuyan.
Amen.

Nuestra Señora de las Flores bulaklak ning

meto yatu, Ipanalangin mukami!