LAKON KATA SIBADIA

PERPULUNGEN ST. LAURENSIUS

Persikapen :
Senina ras turang, erkiteken waktu ta pe enggo seh, sibenaken saja perpulungenta ibas
berngi si sendah, temanta si lenga reh, ndapetti kari ia.
Guna pesikap ukurta ras nggejapken kerehen Tuhan, mari rende kita lebe.

1. Ende-enden Persikapen

2. Persintabin/Pemenan
Mari dage sibenaken perpulungenta alu erbahan tanda kemenangen Kristus, ninta:
Ibas gelar Bapa ras Anak ras Kesah Sibadia.
Amin

Senina ras turang, bujur sikataken man Tuhan Jesus Kristus sebab ibas perkuah atena
enggo banci kita pulung i rumah turang dingen seninanta enda alu mejuah-juah.

Bujur ka sikataken man turang dingen seninanta enda si enggo pesikap ingan
perpulungenta ibas berngi si sendah.

Ijenda kita pulung guna muji ras pehagaken Tuhan Dibata, janah sibegiken ka kari
kerna Kata Sibadia emekap ……………………………………………………………………………………….

3. Lakon Pepayo Pusuh Peraten

Senina ras turang, ope lenga terdauhen sigar-gari kerna Kata Dibata, guna pepayo
pusuh peratenta mari dage sinik kita kentisik, siinget-inget kerina perbahanenta,
perukurenta bage ka pe ras perkatanta man anggota keluarganta, man teman-temanta
si la sesuai ras pengajaren ntah pe perentah Tuhan.
Siinget janah siukuri, ntah mbue denga nge kekurangen ras kelalenta, selaku umat
Kristus.

Mari dage siakui maka kita enggo erdosa gelah alu tutus ras metunggung kita
ngerayaken lakon kata si badia si mereken kejuahjuahen man banta.

Mari dage siakui dosa-dosanta alu ngataken:

Ngaku me aku man Dibata si la ersibar kuasa-Na,

janah man bandu kerina,
maka aku enggo erdosa alu perukuren ras perkatan,
alu perbahanen ras kelalen.
Aku enggo erdosa, aku tuhu-tuhu enggo erdosa.
E me sebabna aku mindo man Maria si badia si sokeliamen,
man kerina malekat, ras man kerina kalak si badia,
janah man bandu kerina, gelah notoken aku man Dibata Tuhanta.

Mbera-mbera Dibata si la ersibar kuasana, ngkelengi kita, ngalemi dosa-dosanta, janah

naruhken kita ku kegeluhen si rasa lalap. Amin

4. Rende
5. Toto Pemenan
Mari sipesikap ukurta, ertoto kita:

Tuhan Dibata Bapa kami,

bujur ikataken kami man baNdu o Bapa,
sebab igejapken kami perkuah ateNdu man kami umatNdu i bas perpulungen St.
Laurensius enda,
ija enggo i pepulungNdu kami i rumah turang dingen senina kami enda alu meriah ukur
janah la lit kai pe alang abatna.

Kentisik nari o Bapa, ate kami megiken sebagin pengajaren ras perentahNdu,
emaka mindo kami gelah reh lah Kam o Tuhan,
pesusurlah Kesah Sibadia man kami sada persada,
pesikaplah ukur kami, kam lah mereken terang man perukuren kami,
gelah kami ngasup nuriken ras nggejapken kataNdu e.

Man teman-teman kami si lenga sempat reh ku perpulungen enda o Bapa,

mindo kami gelah Kam masu-masu ia kerina,
Kam si pesusur Kesah Sibadia, gelah minggu si reh pe, er teremna kami pulung.

Gendek sembah toto kami enda o Bapa,

i peseh kami ku Kam erkelang-kelangken Kristus Tuhan kami. Amin

6. Ogen Sipemena

7. Masmur Pengalo-ngalo

8. Berita Simeriah

9. Nuri-nuri

10. Ngaloi Kata Dibata / Ngakuken Kiniteken

Senina ras turang, enggo ndai sibegiken Kata Dibata, janah enggo ndai ngerana turang
ntah pe seninanta nuriken pengejapen bage ka pe ras renungen si enggo ibereken
pengurusta.

Jadi marilah kita kerina ngusahaken erbahan perobahan ibas perbahanenta bage pe
bas perukurenta gelah sesuai ras pengajaren ntah pe perentah Tuhan ibas berngi si
sendah.

Guna ngaloi Kata Dibata, mari dage siakui kinitekenta, ninta:

Aku tek man Dibata, Bapa si la ersibar kuasa-Na, si nepa langit ras doni.
Janah man Jesus Kristus, Anak-Na Sitonggal, Tuhanta,
si jadi jelma arah Kesah Sibadia,
janah ipupus singuda-nguda si sokeliamen Maria;
si enggo ngenanami kiniseran, sangana pemerintah Ponsius Pilatus,
si enggo ipersilangken, mate janah ikuburken; si enggo nusur ku ingan nimai,
ibas wari si peteluken, enggo keke idur si mate nari;
si enggo nangkih ku surga, kundul arah kemuhen Dibata Bapa, si la ersibar kuasa-Na;
Ijenari me Ia pagin reh, ngeranaken si nggeluh ras si enggo mate.
Aku tek man Kesah Sibadia, man Perpulungen Katolik Sibadia,
man persadan kalak sibadia, man pengalemi dosa, kekeken kula,
janah man kegeluhen si rasa lalap. Amin
11. Toto Perpulungen
Gundari kita enggo seh ibas toto perpulungen, nungkun kami man bandu simada jabu
enda, toto kai si perlu i pindoken ibas berngi si sendah.

Mari ras kita ertoto:

Tuhan Dibata Bapa kami,
bujur ikataken kami man baNdu o Bapa,
sebab itemaniNdu denga kami seh ngasa gundari ibas perpulungen kami enda.
Kentisik nari o Bapa, ate kami nehken pemindon kami si nipeseh kami arah si pemena
nari ….

Mari dage si peseh pemindonta man Tuhanta sekalak-sekalak ibas ukurta ….

(ertoto me kita)

Enggo erbage-bage pemindon i peseh kami man baNdu o Bapa, mindo kami gelah Kam
lah si mbereken si pantas ialoken kami.

Erkiteken pedah juruselamatta, ras bagi si niajarken Tuhan,

maka alu la mbiar kita ertoto:

Bapa kami si ni surga, ipebadiakenlah gelar-Ndu,

rehlah kinirajan-Ndu, sehlah peraten-Ndu i doni bagi i surga.
Berekenlah man kami sada wari enda, nakan kami si tep-tep wari;
janah alemilah min salah kami, bagi kami ngalemi salah kalak kempak kami;
janah ola min babai kami kubas percuban, tapi pulahilah kami idur si bene nari.

Sintabi Maria, si nidemi perkuah ate, itemani Tuhan nge kam,

kam nge si nipasu-pasu arah kerina diberu,
janah ipasu-pasu nge buah bertindu Jesus.
O Maria si badia, nande Dibata,
Totoken min kami si perdosa enda, genduari ras ibas paksa kami mate.

Kemulian man Bapa, ras Anak, ras Kesah Sibadia,

bagi lit ibas mulana janah genduari, janah gel-gel seh asa lalap. Amin

12. Rende Ras Pedalin Kolekte

13. Momo

14. Rende (pujin man Maria)

15. Toto Pendungi

Mbera-mbera kita kerina, ipasu-pasu Dibata si la ersibar kuasa-Na
Bapa ras Anak ras Kesah Sibadia. Amin

Alu bage perpulungenta enggo dung (bujur man Dibata)

Marilah dage mulih mbaba dame Tuhan (Amin)