SEMBIANG JADI

MELAKI BINI

MR FESMUELA ANAK KAGONG

&

MISS JANE SEBESTIAN TAKA

30TH DECEMBER 2021

 KANGAU SEMBIANG
Nyanyi gaga ka Tuhan, samua dunya! Sembah Tuhan enggau ati gaga, lalu
datai Ngaga iya enggau lagu pengandal! Anang enda ingat ka Tuhan ti
endang Allah Taala! Iya ngaga kitai lalu kitai enggi iya, kitai anembiak iya, kitai
raban domba iya.

Awakka jaku nyawa kami enggau runding ati kami dikerindu ka Nuan, Tuhan ti
pengering kami, ti Pengelepas kami. Amin.
PANTUN : SELAMAT BELAKI BINI
S’lamat belaki bini,Tuhan meh ngintu kita;

Alam seduai jadi,Tuhan ka nulung kita.

O,Tuhan,b’ri meh berkat, B’ri nyamai jalai seduai;

B’la ngenat lebuh tusah, lindong meh ari penyai.

PANTUN : SELAMAT BELAKI BINI
Tuhan meh ngulu seduai, Ke nyadi laki bini;

Idup kerja sajalai, Nyadi satu seduai.

O,Tuhan,b’ri meh berkat, B’ri nyamai jalai seduai;

B’la ngenat lebuh tusah, lindong meh ari penyai.

PANTUN : SELAMAT BELAKI BINI
Minta Jesus Kristus, Berari ngulu seduai;

Lebuh tusah ka datai, Tuhan ke m’ri nyamai grai.

O,Tuhan,b’ri meh berkat, B’ri nyamai jalai seduai;

B’la ngenat lebuh tusah, lindong meh ari penyai.

PANTUN : SELAMAT BELAKI BINI
Dinga kami O Tuhan, Dinga sampi kami tu;

Tulung Tuhan meruan, saup menyadi kami tu.

O,Tuhan,b’ri meh berkat, B’ri nyamai jalai seduai;

B’la ngenat lebuh tusah, lindong meh ari penyai.

PADERI:

Menyadi, kitai udah begempuru kitu di mua Allah Taala, di mua orang mayuh tu,
ka nampil orang lelaki enggau indu tu alam sembiang ke kudus.

Nyadi atur tu endang atur ke badas ke di letak Allah Taala Iya empu. Tambah
mega, iya sigi chunto penyaum Jesus Kristus enggau Gereja Iya alam Roh.

Nya alai, enda patut mensia belaki bebini enggau nadai betuku, enggau nadai
berunding,nitih ka ingin tubuh aja, Tang enggau runding badas, enggau ati lurus,
enggau basa ka Allah Taala.
Baka tu meh seduai tu udah datai ka di tampil alam atur sembiang ti kudus.
Nyadi seduai bediri di mua Allah Taala. Lalu aku ngasuh seduai ingat ka pasal
tu :

Pengerindu ati enggau pengelurus ati aja ke tau ngasuh seduai diau senang
lantang. Enti semaia kawin tu dipegai kita enggau ati lurus, enti kita endang
meruan nunda ka peneka Allah Taala, enda tau enda kita diau selama idup
enggau ati lantang, lalu selamat ka diau alam bilik seduai.
PADERI:

FESMUELA ANAK KAGONG, Kati nuan ngambi indu tu ka bini nuan, lalu segulai
enggau iya nunda kaletak Allah Taala? Ka nuan rindu ka iya, nelap enggau iya,
bebasa ka iya, lalu ngintu iya nemu ka sakit, nemu ka gerai? Ka nuan ningal ka
semua indu bukai, lalu begulai enggau iya siku aja selama umur seduai?

PENGANTIN LELAKI:

KA AKU.
PADERI:

JANE SEBESTIAN TAKA, Kati ka nuan ngambi orang tu ka laki nuan, lalu diau
segulai enggau iya nunda ka letak Allah Taala? Ka nuan rindu ka iya, nelap
enggau iya, bebasa ka iya,lalu ngintu iya, nemu ka sakit,nemu ka gerai? Ka nuan
ningal samua orang lelaki bukai lalu begulai enggau iya siku aja selama umur
seduai?

PENGANTIN INDU:

KA AKU.
PADERI:

Sapa ke meri indu tu kawin enggau lelaki tu ?

APAI PENGANTIN INDU:

AKU MERI.
PADERI (jaku ditunda pengantin lelaki):

Aku tu FESMUELA ANAK KAGONG ngambi nuan JANE SEBESTIAN TAKA,

ka bini aku awak ka begulai enggau nuan kenyau ari tu; nemu ka lantang
nemu ka tusah, nemu ka raja, nemu ka seranta, nemu ka sakit, nemu ka gerai,
ka rindu ka nuan, ka ngintu nuan, datai ka apus nyawa, nunda ka letak Allah
Taala. Tu semaya aku enggau nuan.
PADERI (jaku ditunda pengantin indu):

Aku tu JANE SEBESTIAN TAKA, ngambi nuan FESMUELA ANAK KAGONG

ka laki aku, awakka begulai enggau nuan kenyau ari tu, nemu ka lantang,
nemu ka tusah, nemu ka raja, nemu ka seranta, nemu ka sakit, nemu ka gerai,
ka rindu ka nuan, ka ngintu nuan, datai ka apus nyawa, nunda ka letak Allah
Taala. Tu semaya aku enggau nuan.
PADERI:

Tinchin tu, iya nya kelai ayan pasal penampil ati ke enda di peda, ke nampil ati
seduai ulih pengerindu ke meruan.

PENGANTIN LELAKI:

Enggau tinchin tu, ke kelai semaya aku tu, aku kawin enggau nuan alam nama
Apai, enggau Anak, enggau Roh Kudus. Amin.
PADERI:

Tinchin tu, iya nya kelai ayan pasal penampil ati ke enda di peda, ke nampil ati
seduai ulih pengerindu ke meruan.

PENGANTIN LELAKI ENGGAU INDU:

Enggau tinchin tu, ke kelai semaya aku tu, aku kawin enggau nuan alam nama
Apai, enggau Anak, enggau Roh Kudus. Amin.
SAMPI PADERI:

Allah Taala ke endang meruan, ke ngaga lalu ngintu samua mensia, ke meri
samua pengasih enggau pengidup ke meruan, beri meh berekat Nuan ba
seduai tu ke anembiak Tuhan, ke di berekat ka kami alam nama Tuhan;
ngambika seduai iya tau begulai badas, lalu ngamat ka semaia ti amat deka
begulai sejalai.
SAMPI PADERI:

Tuhan Apai kami, kasih ka seduai tu. Asuh seduai iya rindu ka, enggau ngintu
diri sama diri. Asuh seduai iya diau segulai enggau ati lurus, ati ke nat, nunda
ka penemu badas, nunda ka pesau Tuhan. Awakka bilik seduai iya tau nyadi
endur berekat enggau endur selama, ulih Jesus Kristus,Tuhan kami. Amin.
PADERI:

Laban FESMUELA ANAK KAGONG seduai JANE SEBESTIAN TAKA udah

madah ka diri kawin lalu udah besemaya enggau diri sama diri di mua Allah
Taala, di mua kita mega, lalu udah nemtu ka semaya nya ulih megai jari diri
sama diri, ulih meri enggau nyambut tinchin tadi, nya alai aku madah, seduai
tu udah nyadi laki bini: alam nama Apai, enggau Anak, enggau Roh Kudus.
Orang ke udah JADI di tampil Allah Taala, anang mensia nyarak.
PANTUN : BESAUM MANAH IDUP SEJALAI

Besaum manah, idup sejalai, mina manggai ka jari Tuhan;

Pemaik, Penyamai, di b’ri Ka kitai, mina manggai ka jari Tuhan.

Panggai,Panggai,S’lamat samua dalam Jesus;

Panggai,Panggai, mina manggai ka jari Jesus.

PANTUN : BESAUM MANAH IDUP SEJALAI

Nyamai bejalai, enggau Tuhan nya, mina manggai ka jari Jesus;

Makin nyamai meh, nadai penusah, mina manggai ka jari Jesus.

Panggai,Panggai,S’lamat samua dalam Jesus;

Panggai,Panggai, mina manggai ka jari Jesus.

PANTUN : BESAUM MANAH IDUP SEJALAI

Nadai ka rawan, nadai penusah, mina manggai ka jari Tuhan;

Damping Jesus nya, lalu meh gaga, mina manggai ka jari Tuhan.

Panggai,Panggai,S’lamat samua dalam Jesus;

Panggai,Panggai, mina manggai ka jari Jesus.

SAMPI TUHAN JESUS (BALA MAYUH):

Apai kami ke di serga, Kudus meh Nama Nuan, Datai meh perintah Nuan,
nyadi meh peneka Nuan, di menua tu baka alam serga. Beri ka kami sahari tu,
umbas pemakai kami. Ampun penyalah kami,baka kami ngampun orang ke
salah enggau kami. Anang mai kami ngagai penguji,utang lepas ka kami ari
penyai. Laban Nuan empu perintah, enggau kuasa enggau mulia, datai ka
belama lama iya. Amin.
BACHA BUP KUDUS
 JAKU BEREKAT
PADERI:

Awakka Allah Taala ke Apai, ke Anak,ke Roh Kudus merekat ka seduai, ngidup lalu ngibun
seduai. Awakka Tuhan ngintu seduai ulih penyinu Iya,lalu nyaup seduai ulih pengasih Iya,
ngambi ka seduai tau begulai badas di dunya lalu bulih idup meruan alam menua serga ke ka
datai. Amin.

BALA MAYUH:

AMIN… AMIN… AMIN…

TERIMA
KASIH