1

TATA KABAKTIANG HARI PEKABARAN INJIL

(Dalam Kemasan Melayu Ambon)
Rumahtiga, 31 Oktober 2021

SIAP-SIAP
 Kas kanal nyanyian par jamaat
 Sombahyang di Konsistori
 Baca jamaat pung barita

----(Instrumentalia keyboard palang-palang sa par nyanyiang “Api Injil”, sambil saorang pemuda
baca puisi deng akang pung judul : “Kabar Bae Biking Hidop Jadi Bae”)------

Lonceng 3x babunyi, Jamaat badiri lalu manyanyi NJ. GPM. No. 23 “Mari Kita menyembah Tuhan”
(dinyanyikan 2x)
Mari kita menyembah Tuhan besarkanlah nama-Nya
Sebab atas anug’rah Allah hidup kita diselamatkannya
Pujilah, pujilah Tuhan sembahlah, mari sembah Tuhan
Kidungkan lagu pujian nyatakan rasa syukur pada-Nya

SOMBA TUHAN YESUS DI HARI BAE

PF : Tuhan e, katong datang par Tuhan oras ini, la katong somba Tuhan jua, tagal Tuhan pung
kuasa sampe katong ada di kunci bulan Oktober 2021 deng bae-bae
J : Katong paling barsuka, karna Tuhan piara katong deng kasih, la katong pung tanuar makan
har-hari Tuhan isi dengan berkat pono-pono
PF : Tuhan e, hari ini katong ingat jasa orang-orang yang biking katong pung gareja ni barubah.
Lalu Tuhan pake guru injil, guru jamaat, para pandita, penatua dan syamas, deng pelayan
yang laeng par kasih kabar bae sampe oras ni.
J : Syukur banya par Tuhan jua, karna Tuhan pung kabar bae tu yang biking katong kuat, la
katong ator Tuhan pung karja ni iko Tuhan pung mau
PF : Tarima katong pung syukur jua Tuhan e, lalu kasih Tuhan pung Roh par katong, supaya katong
tetap pung semangat untuk tarus kasih tahu Tuhan pung kabar bae par samua orang
J : Ya, katong tetap sampaikan kabar bae, supaya Tuhan Yesus manis di katong pung hidop
----Spontan manyanyi “Yesus Manis e”----
Yesus manis ee, sioh sungguh manis lawang ee
Biar orang mau bilang apa lai ee, Yesus manis lawang ee

TAHBISAN KABAKTIANG
PF : Kabaktiang Minggu dalam rangka memperingati hari Pekabaran Injil di jamaat Rumahtiga,
katong biking akang dalam nama Bapa, Anak dan Roh Kudus. Amin
Dudu
Nyanyiang Jamaat : NJ. GPM. No. 40 “ Tiop Tahuri, Pukul Tifa”
Tiop tahuri pukul tifa totobuang, dendang badendang rame-rame puji Tuhan
Tiop tahuri pukul tifa totobuang, dendang badendang e manari puji Tuhan
Tiop tahuri pukul tifa totobuang, Mari manyanyi lagu baru bagi Tuhan
Ale tamang e sio bagus lawang e, Ale tamang e sio manis lawang e
Mari la manyanyi lagu baru par Tuhan, Mari la manyanyi lagu baru puji Tuhan
Ale tamang e sio manis lawang e

HATI RASA BALISAH TAGAL DOSA PONO DI BADANG

Pnt : Basudara ee, har-hari yang Tuhan kasih par katong adalah kesempatan untuk katong tarus
kasih tau Tuhan pung kabar bae lewat katong pung kata deng perbuatan. Sebab orang lia
Tuhan pung kuasa dari katong pung cara hidop
J : Tuhan ee, katong mau jujur par Tuhan, tagal katong ni seng bertanggungjawab deng Tuhan
pung anugerah keselamatan yang Tuhan su biking par katong. Katong seng jadi batu loncatan
par orang laeng, tapi lebe banya jadi batu sandungan
Pnt : Basudara ee, kalo ada biking salah, bilang tabuka-tabuka sa par Tuhan. Tuhan paling sanang
orang yang mangaku salah deng jujur par Tuhan
 2

J : Tuhan eee, kadang katong kas kaluar kata-kata seng pikir orang pung perasaan. Katong
bajalang iko katong pung suka, la katong biking orang banya susah deng katong pung
tindakan. Katong minta ampong banya-banya dari Tuhan jua
Pnt : Basudara e, katong seng biking salah tu dalam rumah, di tampa karja atau di masyarakat saja.
Tapi sampe dalam pelayanan gareja jua katong biking seng iko atorang deng Tuhan pung
firman
J : Tuhan ee, katong minta ampong jua dari Tuhan, tagal dalam pelayanan di gareja ni, kadang
katong bakumawalang, karna katong biking diri lebe tahu dari orang laeng. La pelayanan
gareja ni katong biking akang deng asal-asalan saja
Pnt : Katong samua su mengaku salah par Tuhan. Tuhan jua tahu apa yang katong rasa oras ini.
Mari katong renungkan katong pung kata-kata deng tindakan lalu katong cari Tuhan jua

Nyanyiang Jamaat : NJ. GPM. No. 276 bait 1 “ Di Hati Rasa Balisah”
Di hati rasa balisa balandong aer mata
Saki rasa sampe di jantong cobaan hidop ini
Mangente di kiri kanan, sapa yang bisa tolong
Tahang dalam sangsara, kuat iman di dada
Reff : Cuma Tuhan yang tahu apa yang beta rasa
Cuma Tuhan yang tahu apa yang beta minta
Dengan Tuhan gelap jadi t’rang, derita jadi suka cita

TUHAN KASIH AMPONG SETIAP ORANG YANG MANGAKU SALAH

Pnt : Basudara e, tagal katong samua su mangaku salah, maka dengar Antua bilang dalam Yesaya 1 :
18 (sapuluh dalapang) : “Biar kata ale dong pung dosa tu mera macang deng darah lai, Beta
nanti kasih barsih akang sampe putih macang deng santang pukat. Biar kata ale dong pung
dosa mera macang deng kasumba lai, Beta nanti kasih barsih akang sampe putih macang
deng kapas”
J : Manyanyi NJ. GPM. No. 266 “Kasih Tuhan”
Kasih Tuhan sungguh besar, Kumiliki dalam hidupku
Kasih Tuhan sungguh besar, Kumiliki selama-lamanya
Kumiliki selama-lamanya

IKO TUHAN PUNG PARENTA SUPAYA SALAMAT (Badiri)

PF : Basudara e, mari dengar Tuhan pung parenta par katong, supaya katong pung hidop jadi baru :
“Beta parenta ale musti tarus kasi tau Allah pung Kabar Bae par orang-orang. Ale musti siap
tarus par kasi tau akang, seng usa pikir dong mau dengar ka seng. Kalo ada yang biking ka
parcaya apapa yang sala, ale musti kasi unju dong pung sala tu biar dong tau akang. Tagor
dong jang biking bagitu deng kasi nasehat dong biar dong tarus biking apapa yang bae. Ale
musti kasi balajar dong bae-bae deng musti sabar waktu biking samua tu” (2 Timotius 4 : 2)

Nyanyiang Jamaat : NJ. GPM. No. 243 bait 1, 2 “Ikut Yesus”

1. Ikut Yesus ada kedamaian, ikut Yesus ada 2. Dengan Yesus janganlah kau bimbang
sukacita. Ikut Yesus ada penghiburan Dengan Yesus janganlah kau gentar
Ikut Yesus, ikut slamanya Dengan Yesus kau hidup bahagia
Reff…Dialah pokok anggur yang benar Dengan Yesus slama-lamanya
Kitalah ranting-ranting-Nya Reff …..Dialah pokok anggur yang benar
Suburlah dan berbuahlah Kitalah ranting-ranting-Nya
Di taman indah bahagia Suburlah dan berbuahlah
Di taman indah bahagia
(dudu)
FIRMAN KAHIDOPANG PAR KATONG SAMUA
 Sombahyang minta Roh Kudus : Penatua bertugas
Tuhan, katong su siap par baca Tuhan pung firman. Jujur sa Tuhan, katong seng bisa mangarti
akang bae-bae kalo Tuhan seng kasih Roh Kudus par katong. Tagal itu, katong buka hati, la katong
minta Roh Kudus pimpin katong jua, supaya firman ini akang jadi trang par katong pung jalang
hidop. Deng Tuhan Yesus pung nama saja, katong berdoa. Amin.
 Baca Alkitab : Penatua bertugas
 Riwayat Pandita : Pandita………
 Nyanyiang Jamaat : NJ. GPM. No. 290 bait 1 “Percaya Pada Yesus”
 3

Percaya pada Yesus, dengan segenap hatimu

Hidupmu kau taruhkan, ke dalam tangan kasih-Nya
Yesus meluruskan jalanmu, Yesus setia menuntun langkahmu
Tak dibiarkan-Nya kau di jalan yang sesat, hidup bahagia bersama-Nya

MANGAKU IMAN PAR TUHAN : (Jamaat badiri, la bilang Pengakuan Iman Rasuli Versi Malayu Ambon)
Beta parcaya par Allah Bapa yang pung kuasa par samua-samua yang ada.
Antua yang biking langit deng dunya ni.
Beta parcaya par Yesus Kristus, Allah pung Ana satu areng-areng,
yang jadi katong pung Raja.
Antua ada dalang Maria pung poro tagal Allah pung Roh,
la lahir ka dunya biar kata Maria ni masi parawang.
Antua dapa siksa waktu Pontius Pilatus pegang parenta.
Antua dapa salib, mati, la dapa kubur. Antua turung ka orang mati pung dunya, la hidop kombali pas
akang pung lusa.
Antua nai ka sorga, dudu di Allah pung sabala kanang,
la pegang parenta sama-sama deng Antua
yang pung kuasa par samua yang ada.
Antua nanti datang dari sana par jadi hakim par samua orang
yang masi hidop deng yang su mati.
Beta parcaya par Allah pung Roh.
Beta parcaya kalo Allah su pili katong par jadi Yesus pung orang-orang
yang taika jadi satu di antero dunya ni,
deng sama-sama tarima apa yang bae dari Antua.
Beta parcaya kalo Antua kasi ampong katong pung dosa-dosa
deng nanti kasi hidop katong pung badang kombali,
la katong hidop tarus-tarus deng Antua.
Amin.
Dudu
YANG ISI PUJIAN : VG/PS/Solo : ………………………….

KASIH PAR TUHAN PUNG KARJA

 Nasihat par Jamaat : diaken yang pung tugas
Basudara ee, Tuhan su kasih berkat pono-pono dalam katong pung rumahtangga. Mari katong
baku bantu par lia Tuhan pung karja jua lewat tanda minta danke yang katong kasih oras ni.
 Nyanyian tanda minta dangke : NJ. GPM. No. 166 bait 1 dst “ Ayo Bawa Persembahan”, sambil
tanda minta danke dipungut oleh Kolektan
1. Ayo bawa persembahanmu kepada Tuhan 2. Ayo bawa korban syukurmu ke Altar Tuhan
Bawalah dengar rasa senang Bawalah dengan tembang syukur
Ayo bawa persembahanmu kepada Tuhan Ayo bawa korban syukurmu ke Altar Tuhan
Bawalah, bawalah, Tuhan sambut Bawalah, bawalah, Tuhan sambut korban
persembahanmu syukurmu

3. Ayo angkatlah suaramu sambut kasih Tuhan 4. Ayo bunyikan tepuk tanganmu puji Tuhan
Angkatlah dengan suara merdu Bunyikan dengan sukaria. Ayo bunyikan tepuk
Ayo angkatlah suaramu sambut kasih Tuhan tanganmu puji Tuhan. Bunyikan, bunyikan
Angkatlah, angkatlah, Tuhan sambut suara Tuhan sambut bunyi tanganmu
hatimmu
5. Ayo harumkan tarianmu kepada Tuhan
Harumkan dengan senyum kasih
Ayo harumkan tarianmu kepada Tuhan
Harumkan, harumkan Tuhan sambut tari syukurmu
 Sombahyang par tanda minta dangke : Diaken yang pung tugas
Tuhan Yesus, dangke banya par berkat yang Tuhan kasih pono-pono di katong pung rumah tangga,
tampa karja deng usaha, la katong su pake akang par katong pung tanuar hidop har-hari. Skarang
ni katong datang di gareja par bawa katong pung tanda minta dangke par Tuhan. Katong minta,
Tuhan tarima akang jua, la katong pake akang par Tuhan pung karja di dunya neh. Amin
 4

YANG ISI PUJIAN : VG/PS/Solo : ………………………….

SOMBAHYANG SYAFAAT : (laste Doa Bapa Kami sama-sama)

PUTAR FILM DOKUMENTER TENTANG KEGIATAN WALANG PI PAR KATONG SAMA-SAMA LIA

MASO DALAM DUNIA PAR JADI TRANG (Badiri)

PF : Basudara e, Tuhan suruh katong maso dalam dunya supaya katong jadi trang par banya orang.
Dunya su pono deng banya parkara. Katong seng bisa tinggal diam deng kondisi macang bagini.
Mari katong baku gandeng, lalu katong biking sesuatu deng katong pung talenta yang Tuhan su
kasih ni.
J : Katong su siap Tuhan. Tagal itu jang kasih tinggal katong sandiri. Katong minta Roh dari Tuhan
jua supaya katong salalu kasih tahu Allah pung kabar bae par samua orang.
PF + J : Manyanyi NJ. GPM. No. 218 bait 1, 2 “Ale deng Beta” dan refrein “Api Injil” (secara medley)
1. Ale dengan beta Tuhan suru maso ka 2. Toma maju e, lawan aros dunia yang su ancor e
dalam dunia jadi trang e. Ator langka bae- Jang undur e. Mari minta Tuhan Yesus kasih
bae jang sampe cilaka e kuat par katong
Reff : Jang tinggal diam, mari katong baku gandeng
Satu hati, satu jantong, gandong dalam Tuhan e
Refrein Api Injil : La biar api Injil tarus manyala, sioh manyala di katong pung hati
La biar akang pung cahaya sioh tapancar trus sioh dari Ambon
La dari dolo, sampe Tuhan Yesus bale kombali

PF : Jamaat pi deng sukacita ka dalam dunia, la ator langka bae-bae. Kasih tarus manyala api injil tu di
katong pung hidop deng karja, supaya Tuhan pung nama tarus dimuliakan. Par itu samua
t’rimalah Tuhan pung janji penyertaan : “Tuhan kasi berkat deng jaga katong. Tuhan kasih
caya dari antua pung muka par tarang katong pung hidop. Tuhan taru kira katong pung hidop
deng kasi dame sejahtera”.
J : Manyanyi NJ. GPM No. 342 “Helo, Helo, Kokuanya”