Rosaryo na Madivinon Panangasi

(Chaplet of the Divine Mercy - Pangasinan)

Diad ngaray Ama, tan Anak, tan Ispiritu Santo. Amen.

Pangilukas
“Inatey Kayo Jesus, balet say sobol na bilay so inmagos parad saray
kakamarerwa, tan say dayat na panangasi so linmukas ed lapag a
mundo. O Sobol na Bilay, ag natokor ya Madivinon Panangasi,
laknaban Yo pay lapag a talba tan ipadawes Yo pay Inkasikayo a dili
ed sikami.”

“O Dala tan Danum ya inmagos a nanlapud Puso nen Jesus a

sobol na panangasi a parad sikami, manmamatalek ak ed
Sikayo.” (3x)

Ama Mi
Ami mi, a walad tawen, nagalang so ngaran mo. Onsabiy panarian
mo. Onorey linawam diad dalin onung ed tawen. Itdan Mo kamid
agew aya na tinapay min inagew-agew. Tan paandien Mo ray utang
mi, onung met ed panamaandi mid saray akautang ed sikami. Tan ag
Mo kami iter ya onabuloy ed tukso. Ilaban Mo kami inged maoges.

Ave Maria
Ave Maria, napno kay grasya, say Katawan so walad sika. Bindita
kad biin amin, tan binditoy bungay eges mon si Jesus. Santa Maria,
Inay Dios, pikasi mo kamin managkasalanan, natan tan naani, no oras
na ipatey mi. Amen.

Manisia Ak

Manisia ak ed sakey a Dios, Aman makapanyarin amin, managgaway

tawen tan dalin. Tan amin a nanengneng tan ag nanengneng. Tan ed
sakey a Jesu Criston Katawan, bogtong ya Anak na Dios. Tan nianak
ed Ama kasakbaya’y ami’y kaandoan. Dios manlalapud Dios,
Liwawa manlalapud liwawa, tuan Dios a nanlapud tuan Dios, nianak,
ag ginawa, kasubstansia na Ama. Lapud Sikato, ami’y agawa. A
lapud sikatayon totoo tan lapud kilalaban tayo inmakseb nanlapud
katawenan. Tan agawan laman lapud Ispiritu Santo, nanlapo ed
Virgen Maria, tan nagmaliw a too. Nipasak met ed krus para’d
sikatayo diad pakayari nen Pontio Pilato; nanirap tan niponpon, Tan
inmolid bilay ed kumatlon agew, onung ed kasulatan, tan tinmokotok
ed tawen, manyodyorong ed nikawana’y Ama. Tan onsabi lamet a
magalang, ya mangokom ed saray mabilay tan inatey, a say panarian
to so ag mangangga. Tan ed Ispiritu Santo, Katawan tan mangiiter na
bilay; a manlalapud Ama tan Anak. A katekep na Ama tan Anak
bansag a dadakmomoan tan pigagalang: a nansalita diad panamegley
da ray propita. Tan say sakey, masanta, catolika tan apostolika ya
Iglesia. Aakoen ko’y sakey a binyag ya onkana’d panamaandi ray
kasalanan. Tan tatalaranan koy yoolid bilay na saray inaatey, tan say
bilay na andon onsabi. Amen.
 Maandon Ama
(Eternal Father)
“Maandon Ama, ibagat ko ed Sikayo so Laman tan Dala, Ispiritu tan
inka-Dios na inararo Yon Anak, ya Katawan min Jesukristo, ya
pangipolang mi ed saray kasalanan mi tan kasalanan na amin ed
intiron mundo.

Lapud say sankaermenan

(For the sake…)
“Lapud say Sankaermenan ya Inpanirap Da, kasian Yo kami tan say
intiron mundo. (10x)

(Uliten so Maandon Ama tan Lapud say sankaermenan na apatiran

beses (4x))

Pangikapot
“Dios ya Masanto, Dios ya Makapanyari, Masanton Maandon Dios,
kasian Yo kami tan say intiron mundo. (3x)

Pangisampot
V. Jesus Ari na Panangasi
R. Manmamatalek ak ed Sika.
V. Maria, Ina na Panangasi
 R. Pikasi mo kami.
V. Santa Faustina
R. Pikasi mo kami.

Diad ngaray Ama, tan Anak, tan Ispiritu Santo. Amen.