LAMPIRAN LAGU

A. LAGU PEMBUKA : UFLA HAUK O DUANG

Ufla hauk O Duang, Ufla hauk O,
ning sus te ning senang, yau ukai na O.
Bail O Umdok Umham, bail O vak Musno am
Ufla hauk O Duang, Ufla hauk O,
Ler i unar fedan, ve Duang O
Ufen rak ning lavan, u turut wat O
Sus te matak senang, mam lai uba norang
Ufla hauk O Duang, Ufla hauk O,

B. ORDINARIUM : MIS FANGVUR

1. DUANG UM FANGNAN AM (Tuhan Kasihanilah Kami)
Duange-Duange Umfangnan am O
Duange Umfangnan am, Umfangnan, Umfangnan am
Kristus, Kristus Umfangnan, Kristus Umfangnan, Umfangnan am
Kristus Umfangnan am O
2. AM LILIK O (Madah Kemuliaan)
IMAM : Am lilik O, Duange naa wai sorngai ran
UMAT : Ne malinlinan, malinlinan o, ve lor enbe rdad ken ram fangnanan
Am majo O, am majo O, am lilik, am lilik o, amlilik sauk O e
Am mablet mablet mayun O, am fasak, am fasak O, amfasak O memam naa wai sorngai ran.
Duad Yanan O rat sorngai, Duad Yaman Mu kwas laai.
Duad Yanan Yesus Kristus, Duad Yanan mehe wain
Duad Yanan Yesus Kristus, Duad Yanan mtivtivut,
Duad Yanan mtivtivut lor dunyai kanimun Umfangnan am
Duad Yanan mtivtivut, sa skil lor dunyai Umfangnan am
Umdok-Umdok Duad ni kidin mel, Umfangnan Umfangnan am
Niran O mehe santli, O mehe vak bo Duad.
Bail O mehe vakbo kwas laai, Yesus Kristus
Enhov Roh Kudus, im bir wai tunan manan, naa sorngai raan
Amin..amin
3. KUDUS
Kudus, kudus, kudus, kudus sorngai dunyai o, Duange
Kudus, kudus, kudus sorngai Duange
Kudus sorngai dunyai o, Duange
Hormat entut, Hormat entut lanit o
Hormat entut lanit o Duange

4. DUAD NI KILKILUN (Anak Domba Allah)

Duad ni kilkilun o, ni kilkilun o
O mlafik lor dunyai o, Duad ni kilkilun.
Duad ni kilkilun o, ni kilkilun o
O mlafik lor dunyai o, Duad ni kilkilun.
Duad Yanan tivtivut lor dunyai kanimun
Umfangnan am, Umfangnan am o.

C. WAWAAT ( Aku Percaya)

Yaau waat fo tuntunan Duad ainmehe wat, ni oknum hirtel; Duad Yaman, Duad Yanan, Duad Rohulkudus.
Yaau waat oknum ainru Duad Yanan i, enval il rak fo umat, enhov enmat naa naftangwau nanlil it.
Yaau waat Duad enbaas afa bok, ensiksa afa sian. Tuhan Duad, Yaau waat barkar i. enhov barkar lian bisa,
gereja Sant enadir berkar i.
Umat te uvat te, u waat ak felak i. Amin .

D. PERSEMBAHAN : LOR SERAN

E. YAMAB UMDOK SORGA (Bapa Kami)
Yamab Umdok Sorga, marfasant memam
Ma mu yangyangun endat, ma mu hahauk ajad naa bum rattan
Waun naa sorga raan.
Am mam wear benau lerleran maver am ler i
Um ampung mam sa, waun vuk am ampung tomat er ot sa am
Umlauk afa enwer am fo dos
Nembatang afa sian ental am wahid.

F. KOMUNI

BUM O MIRIM LAIM

TURUN SIR
Rereek: Ning Yesus Tuhan bokbok O, yau u sob O farivun; u her O hamar dedan o, Umtam yau fo
kanimun.
1. Esmermer yau u batar o, yau u ot Ental Yaman; u subian Yamab Sorga o, enhov Utbe Maria.
2. Ler enfit te enkokar o, ler ensu te enhirit; ning fikir te ang rehi o; ning kerja bis O mu.

HORMAT VE YESUS KRISTUS

Rereek: Hormat ve Yesus Kristus endok na Hostia. Hormat ve Yesus Kristus nutun leran bisa.
1. Yesus Duad tomat, Umtam am mam hormat. Hormat ve Yesus Kristus, hormat fo amnanat.
2. O ma ver am mam nyau, rumum fo ni banau. Hormat ve Yesus Kristus, hormat fo amnanat.
3. Yesus O am seran, mam Rat enhov tenyaan. Hormat ve Yesus Kristus, hormat fo amnanat.
4. Ma Mu murid bisa, er yoat slamat sorga. Hormat ve Yesus Kristus, hormat fo amnanat.

ANGELUS VIUN
1. Fatel nutun leran o, vovo viun sitil; seran hir subhian o, Melaikat nba abrin
2. Smermer ler enfiit o, ler lai enviak lanit; hivan ler enhirit o, vovo dada resnit
3. Maria am renab o, am ot hormat ver O; batang tanat Evav o, ohoi serser roro.
Rereek : Utbe Maria. Utbe Maria, rahmat enrehe ram o, Duad renan Maria. Utbe Maria, Maria.

G. PERARAKAN KE ARCA BUNDA MARIA

ULEIK MARIA, O RENANG SORGA
Rereek : Uleik Maria, O Renang Sorga, bet O umbatang, yau udok senang
1. Bet setan enhauk, enyonat velyau; usubean uvoo, ve Maria O.
2. Bet nafsu enwer, yau fodos vel rak; usubean uvoo, ve Maria O.
3. Teok leran udok, sorga enhov O; usubean uvoo, ve Maria O.

H. LAGU PENUTUP : LOF TE SUBIAN LENAN

Yesus uwat O, yesus urawai O, ning Yesus ning suk O, uwab tobat neblo. (Fatel)