TEKS PALANG PINTU

ACARA KELULUSAN
Haidar CS :Lulus.....Lulus....Lulus

Habsy : Wooooy !!! Berenti !!!berenti,,,,,,bang berenti !! Budeg apa lu pada??

Ini ada apa ini teriak lulus lulus, emang luh pada kaga tau kalau sekolah gue lagi ada
acara?!!

Haidar : Emang kita mau pada kesitu bang...mau ngater temen aye acara kelulusan

Habsy : Eh bang...Naek mobil lewat kampung sawah....Nyayur labu parang bumbunya

terasi...

Kalo mau keacara kelulusan lewat sekolah orang kudu permisi..

Haidar : Oooh jadi liwat sini kudu permisi bang..???

Habsy : Lha iya.....emang luh kaga liat ada gua disini..??

Haidar : Lah kaga orang luh item kaga keliatan..

Habsy : Sue lo gua dikata item...

Haidar : Sebelonnye aye ucapin Assalamualaikum....

Bang ...kalo nyayur labu parang bumbunya terasi.....jangan dibungkus dalam

selampe...

Saya tau bang kalo mao liwat sekolah orang kudu permisi....yang aye kaga tau,

Emang abang ini sampeh....

Habsy : Bujug gue dikate sampeh...??

Haidar : Maaf Siape maksud aye.....

Habsy : Jiaaaah...die belom Tau siape kite.....

Genta : Kasih Tau dah bang....siape kite..

Habsy : Bang....beli tahu di pasar kote... makan gado-gado di cikini...

kalo emang lo pengen tau siape kite...kite ini jago sekolah sini...

Haidar : Oooh...jadi abang jago sekolah sini???

Habsy : Lah iya... Nora lo ah...

Haidar : Kalau gitu bang....nyok dah kita makan sekuteng di pasar jumat...

Pulang nye mampir dulu kepinang ranti....aye ama rombongan datang dengan

Segala hormat...mohon diterime dengan senang ati....

Habsy : Oh....rupanya luh dateng kemari udah ada niatan..??

Haidar : Dari bedug subuh ampe bedug robek bang.....

Habsy : Ehh buseeeh....tepoh amat bedug luh....begini bang ye....kalo belanja di pasar
kemiri..

Jangan lupe beli bumbu masaknye...kalo luh udah pada niat dateng kemari....coba

Gue pengen tau ape hajatnye...

Haidar : Bang ade siang ade malem...ade bulan ade matahari...kalo bukan lantaran ijazah

Yang didalem....kaga bakalan temen aye kemari....

Habsy : Ohhh...jadi luh dateng kemari lantaran ijazah nyang di dalem.... luh tau aje disini ade
ijazah

Haidar: bang yang namenye acara kelulusan pasti ade ijazehnye bang...

Habsy : Kalu itu anak TK juga tau...Maksud gue emang luh yakin name temen lu ade di
ijazah....

Haidar: Lah Pasti....masa temen aye kaga terdaftar dalem ijazeh...

Habsy : gue udeh sobek –sobek ijazahnye...

Haidar: aye minta bikinin lagi sama pak.Sutris

Habsy: gue kurung pak.Sutris di kantor...

Haidar: aye cetak sendiri di TOKO HABSY AZMI COMPUTER...

Habsy: gue suruh tutup TOKO nye...

Haidar: yakin bang....?? tar ga dapet uang jajan lo bang...??

Habsy: lah yakin....gue gitu loh...siapa yang berani sama gue....!!! eh.......emang itu TOKO
siape

Kaye ga asing ntuh Name Tokonye...????

Genta: Toko Baba lo bukannya bang...!!!

Habsy: bujug bisa rungkad ini mah...

Genta: nyanyi rungkad....

Habsy: Bang gua bilangin Ya ...mending lo pergi kecikini dari pada lo pergi ke senayan...eh

Mendingan lo angkat kaki dari sini dari pada hajat luh kaga kesampean....

Haidar: bang ibarat kata baju kepalang basah masak nasinye udeh jadi bubur....ehh biar kata

Mati bekalang tanah...pantang bang, kaga bakalan aye mundur..

Habsy: jadi lo kaga mau mundur...???

Haidar: pagi mane gue mau mundur (sesuaikan Lokasi)

Habsy: Ikan sapu-sapu mati di tusuk.....dalem kuali kudu masaknye....Nih palang pintu

Kaga ijinin luh masuk....kecuali lu penuhin dulu persyaratannye....

Haidar: ohh....jadi kalu mau masuk kedalem ade sayarat nye bang...???

Habsy: Ade...Mau dapet BLT aje ade syaratnye....apa lagi mau masuk ke sekolah orang...!!!

Haidar: bang...ketanah abang membeli limo....jangan lupe sambel kecdapnye....kalo itu

Nyang abang mao...sebutin dah bang syarat-syaratnye....

Habsy: Lu pengen Tau syaratnye...??

Nih luh dengerin......Kuda lumping dari tanggrang,ngedipin mata nyari menantu..

Luh pada pasang kuping biar terang....nih luh jatoin gue punye palang pintu..

Haidar: Ya...udah abang diem-diem, biar gampang aye jatoin....

Habsy: jiaahh ilahh....bukan begitu maksudnye.....maksud gue, lo bekelai ama gue punya
jago....

Haidar: Ohhh...bekelai maksudnye bang...???

Bang...kalo kedipin mata mo nyari menantu...luh kudu cerite biar orang pada tau...

Eh bang jangan kata palang pintu....palang kerete gue bejek jadi tahu...

Habsy: Eh....busehh...sakti ini orang ya..palang kerete di jadiin tahu.....buka bang...

Kasih liat ke die, kite punya maenan..

Genta: Bang...beli gado-gado di bambu apus...naek sepede lurus jalannye....udah berape

banyak

Jago nyang udeh gue bikin mampus....ini die bang jurus pukulannye....
 Ini baru daonnye,blom buehnye...

Habsy: pagi mane bang..???kalo luh takut mendingan lo pulang....

Haidar: eeiiiittt...ntar dulu bang...kalo kude lumping nyari menantu....jangan lupe senyum
simpulnye

Kalo abang punye palang pintu...Nih kite udeh siapin tukang pukulnye...

Buka bang biar die pade liat....

Abay : bang...jalan-jalan ketanjung pasir....naek kude jalan nye pelan....ehh mendingan lo

pade

Minggir...sebelomkena gue punya pukulan...... tuh bang...kalo luh daon nye...ini gue

Kembangnye...

Habsy: bang daon pepaye rasenye basi....jangan dibuang kepinggir kali...maenan sodare
kaya

Kelinci....mendingan pulang minta kelonin ame banci...

Abay : Bang....Prahu layar jalannye lurus....sampe tenabang jalanye muter...waktu saye

ngeluarin

Jurus kenape badan abang badan nye gemeter...

Genta: Ehh...bang ...burung puter mati di lobang...dikuburnye di samping gudang...gue

gemeter

Bukan karna abang....gue gemeter lantaran banyak cewe nyang pade mandang....

Abay : clincing pagernye tembok.....emping ninjo kayak duit gobangan....ehh luh kencing
kaga cebok

Laler ijo mau pada kondangan..

Genta: celincin emang pagernye tembok.....orang gue baru kelarin...luh liat gue kencing kaga
cebok

Lantaran baba luh yang ngajarin...

Abay : Luh jangan bawa-bawa baba gue....kite bekelai aje dah...

Genta dan Abay INFROV

Habsy: ah payah luh ah...ama die aje bisa kalah...kapan semalem badan luh udah diisi...

Genta: Ama Jimat Bang...???

Habsy: lha itu nasi sebakul...semalem siape yang ngabisin...???

Genta: Diem-diem ajah ngapa bang...jangan disebut-sebut, jadi malu gue....

Haidar: Masih ade jagoan luh bang..???

Habsy: Masih banyak bang.....ntar kalo abis gue pake palang kereta...

Haidar: eh buseh....palang kereta....

Habsy: Nih die bang jago aye atu lagi....Asal luh tau aje bang,,,jurus die jurus cikuya...pagi
makan

Sorenye kaga...ehh abang boleh percaya boleh kaga...die matiin orang sehari tiga...

Zelda: Bang kalo jalan ke senayan....ati-ati jalannye licin....dari pada hajat luh kaga
kesampean

Lu pilih mati apa luh batalin...??

Idar : Enak aja maen dibatalin....gue udah jauh-jauh ari besiap-siap maen dibatalin aja...

Bang...Atasnye pisang bawahnye jantung...mentah-mentah aye kelapain...biar kata

Nih pala kena kemplang kena pentung...urusan die gue belain...

Zelda: Bang.. Tung-tung alang-alang....alang-alang empanan kude....gue kata mendingan luh

Pulang bang....dari pade gue injek-injek kaye ikan pede...

Idar : Tang-tang gulintang....awan diatas bulan berkawan bintang...abang kalo punya mulut

Jangan suka menantang...ntar aye tendang jatoh celentang,,aye masukin kekurung

batang..

Zelda: ehh...bang,,mana kulon mane wetan rumah panggung biliknye papan..orang-orang

pada keringetan.....lantaran mayat geletakan gue punya kekuatan..

Idar : Di atas gonggo...di bawah gonggo....ada gonggo item jangan dimatiin....disitu jago....

Nih ketemu jago....nyok kite berantem buat buktiin...

Habsy: Luh tetep bekeras pengen masuk bang...???

Haidar: Iye Bang....Pantang mundur....bang...daon kelor enak di makan...apa lagi dicampur

ikan peda

Ama pelor aja die udeh kaga mempan...kecuali digoda janda pirang....

Habsy : ilok jagoan kala nya ama janda pirang...???

Haidar: Maju bang lo adepin tuh palang pintu....(Azril,Haidar Invrof)

Haidar : Bang uler sawah uler beludak ....nyusurin jalan di tanah licin....kalo gue udah
bertindak

Ntar nasi prasmanan bisa gue abisin...

Habsy : jagoan kemaruk

Azril : Lo bikin malu aja masa lo mau abisin sendiri...ajak-ajak gue..

Nanda: Bang...Blarak kayu jati.aknya dai ciapus....bergerak lu mati...kaga bergerak lu

mampus..

Haidar: kancil berlari di pingir setu...ambil gala terus tancepin....sendiri jatoin palang pintu...

Nih orang yang belom pernah kala bakal ngadeppin..

Nanda: bang kali baru banyak cinenye....rawa belong banyak betawinye...ehh baju biru celan
biru

Gue ga kenal siape namanye...bergerak dikit bolong luh pipinye...

Haidar: bang...nih lo kenalin...name gue AL-GHOZALI...orangnye gede matenye jeli...ini ari

musuh

kaga cari...kalo udah berantem ,,,pantangan buat lari...

Habsy : luh kaga mau lari juge...

Haidar: pagimana mau lari...gue bangun dikit di injek....bangun dikit di injek..

Nanda: bang...tung-tung alang-alang...alang-alang makanan sapi...kalo emang lo kaga mau

Pulang....berati luh dahsiap bakalan mati

Haidar: Bang...roti buaye kembang kelape...di betawi buat arak-arakan...eh biar kate ilmu
gue

Belom seberape....kalo udah kena bekelai..ucus luh gue keja berantakan...

Nanda: bang...kalo kata orang sini ya....maaf-maafan bukan cuman lebaran...kalo perlu

Tiap ari asl penuh kesadan...kalah menang kaga jadi ukuran...nyang penting

Kita jalin persaudaraan..

Haidar: Oh Jadi lo ngajakin gue dame.....???

Dari tadi lo ngomong ga ampe mulut gue kering...

Nanda: kaga pake bekelai kite...

Haidar: wah...jagoan tukang boong...jempol gue di bejek...baru sembuh cantengan..

Haidar: Bang...ke gelodok beli manjangan jangan lupe bawain gue ikan tongkol...dari

Pada tuh golok buat pajangan...mendingan lo kasih si udi buat nyiangin jengkol.

Nanda: asal luh tau aja bang....ini golok gue satu-satunye dari cibatu...dibikinnye bulan

Maulud tangal satu....luh didepan gue janjgan suka belagu...tar gue tenggel pala luh

Buat ganjelan pintu...lah elu sendiri itu golok ngapa luh ga kuiarin bang...??

Haidar: bang...Tadi ada orang jawa minta anterin kegelodok....minta beliin keran yang rade

Panjangan...kalo gue udah ngeluarin nih golok...tujuh kelurahan bakal kemalingan..

Haidar: gimane bang jago loh dah pada kaoit...apa udah boleh aye sama temen- temen
masuk

Habsy: entar dulu bang.....manisan cereme jangan di abisin...makan nasi di atas bale...syarat

Pertame abang udeh penuhin...tapi masih ade syarat yang kedue....

Haidar: masih ade lagi bang syaratnye...sebutin deh bang...

Habsy: bang..tukang sekuteng dagangnye malem...jalannye muter kepasar kranji....

Aye pengen abang bukan Cuma jago berantem... tapi gue pengen denger lo pade
ngaji...

Haidar: tumbuk ketan jadiin uli....ulinye juga kudu ditapein...betaon-taon anak betawi
belajar

Ngaji....nih syikenye tolong dengerin...