ABQORY : Eh … bang-bang berenti, bang budeg ape enteh…Eh… bang nih ape

maksudnye nih … lewat di kampung orang, rameh- rameh kaga permisi,

Emangnye ente kagak tahu kalo nih kampung lagi ada acare?…

Bang, rumah gedongan rumah belande, pagarnya kawat tiangnya besi, aye
kaga mao tau nih abang ama rombongan datengnye dari mane mau kemane,
tapi lewat kampungan sini kudu permisi.

FATAN : Oh… jadi lewat kampung sini kudu permisi, bang.

ZABY : Iye emangnye ente kate nih tegalan.

VINO : maafin aye bang, kalo kedatangan aye ama rombongan kage berkenan
di ati abang. Sebelomnye aye ucapin dulu nih Bang…Assalamu, alaikum.

ABQORY DAN ZABY : Walaikum salam…

FATAN : Begini bang…makan sekuteng di Pasar Jum,at, mampir dulu ke

Kramat Jati, aye dateng ama rombongan dengan segala hormat, mohon
diterime dengan senang hati.

ABQORY : Oh … jadi ente udah niat dateng kemari…eh…Bang, kalo makan

buah kenari…, jangan ditelen biji-bijinye…kalo emang udeh niat dateng
kemari…aye pengen tahu ape tujuannye?…

VINO :Oh… jadi Abang pengen tahu ape tujuannye… Bang, ade siang ade
malam, ade bulan ade matahari, kalo bukan lantaran perayaan bulan bahasa
yang di dalam, kaga bakalan nih aye ame rombongan dating kemari.

ZABY : Oh… jadi lantaran perayaan bulan bahasa Abang kemari?…Eh… Bang,
kage salah Abang beli lemari, tapi sayang kage ade kuncinye, kage salah
abang datang kemari, tapi sayang kalo masuk kesini ada pesyaratanye.

FATAN: Oh…jadi aada pesyaratanye bang?

ABQORY : oh jelas ade, daftar sejolah aje ada syaratnye

FATAN: Bang crukcuk kuburan cine, kuburan Islam aye nyang ngajiin, biar
kate masuk sinih ada persyaratannye, tetep aje aye bakal jadiin.

ABQORY : …Jadi eente kaga ngerti pengen jadiin, eh … bang kalo jalan lewat
kemayoran, ati-ati jalannye licin, dari pada niat ente kage kesampaian, ente
pilih mati ape ente batalin.

VINO : Oh… jadi abang tetep ngelarang aye masuk…eh …Bang ibarat baju
udah kepalang basah, masak nasi udah jadi bubur, biar kate aye mati
berkalang tanah, setapak kage nantinye aye bakal mundur.

FATAN: ya gimane mau mundur bang belakang rameh rombongan. (ketawa)

FATAN : udeh bang ssebutin aje persyaratannye apaan..

ZABY : Ente pengen tau ape saratnye… bang kude lumping dari tangerang,
kedipin mate cari menantu, pasang kuping ente terang-terang, nih rubuhin
palang pintu aye satu-persatu

FATAN : Oh… jadi kalo mao masuk acaara ini saratnye bekelai Bang…

ABQORY : Iye … kalo ente takut, ente pulang…

BUKA JURUS

TUKANG PUKUL : bang, ente tau dalemnye rawe, pasti ente tau kali
semanan, kalo mau tau namenye jaware, nih ente liat aye punye maenan
(jalanin jurusnye). (SETELAH SELESAI JURUS) Nih ….baru kembangnye ….
Bang…ntar buahnye…

FATAN : Mana jagoan ente bang?

ZABY : nihh bang jagoan aye

TUKANG PUKUL : Kelape ijo ditusuk belati, naek perahu enterus jalannye,
udeh banyak jagoan yang mati, nih jurus pukulannye (jalanin jurusnye)

Adu Jurus

Adu Ngaji

FATAN : Gimane Bang…rase-rasenye jagoan Abang udeh pade rontok semua

nih…

ape aye ame rombongan udah boleh masuk?…ape masih ade saratnye lagi
Bang?…

ABQORY : Ntar duente Bang, enak aje… pan ente tau…

buah cereme jangan diasinin

makan nasinye di kandang kude

sarat pertame emang ente ude penuin…

tapi masih ade sarat yang kedue…

VINO : Sebutin udah bang jangan lame-lame

ZABY : Tukang lakse dagangnye malam

jalannya muter ke pasar kranji

aye minta eente jangan cume bise berantem

tapi aye pengen denger ente bise ngaji

FATAN : Tumbuk ketan jadinye uli

ulinye juge kudui ditapeni

betaun-taun anak kampung aye bisa ngaji

lagu yang Abang minta aye bawain

(baca sikeh)

FATAN Gimane Bang… soal berantem aye udah ladenin, soal ngaji abang
udah dengerin

ape aye ame rombongan udah boleh masuk, ape masih ade saratnye lagi,

Bang?…

ZABY : Cukup-cukup dah Bang…rase-rasenye kage sie-sie aye nerima tamu

acara yang kaya begini

ABQORY soal silat Abang jago…soal ngaji Abang bise…aye Cuma bisa
bilang…

buah mangga bukan sembarang mangga

buahnye satu tuenteng petikin

aye bangga bukan sembarang bangga

tamu yang begini yang aye arep-arepin

ahlan wasahlan buat Abang ame rombongan…

Assalamu, alaikum…