Bang, rumah gedongan rumah belande, pagarnya kawat tiangnya besi, aye
kaga mao tau nih abang ama rombongan datengnye dari mane mau kemane,
tapi lewat kampungan sini kudu permisi.
VINO : maafin aye bang, kalo kedatangan aye ama rombongan kage berkenan
di ati abang. Sebelomnye aye ucapin dulu nih Bang…Assalamu, alaikum.
VINO :Oh… jadi Abang pengen tahu ape tujuannye… Bang, ade siang ade
malam, ade bulan ade matahari, kalo bukan lantaran perayaan bulan bahasa
yang di dalam, kaga bakalan nih aye ame rombongan dating kemari.
ZABY : Oh… jadi lantaran perayaan bulan bahasa Abang kemari?…Eh… Bang,
kage salah Abang beli lemari, tapi sayang kage ade kuncinye, kage salah
abang datang kemari, tapi sayang kalo masuk kesini ada pesyaratanye.
FATAN: Bang crukcuk kuburan cine, kuburan Islam aye nyang ngajiin, biar
kate masuk sinih ada persyaratannye, tetep aje aye bakal jadiin.
ABQORY : …Jadi eente kaga ngerti pengen jadiin, eh … bang kalo jalan lewat
kemayoran, ati-ati jalannye licin, dari pada niat ente kage kesampaian, ente
pilih mati ape ente batalin.
VINO : Oh… jadi abang tetep ngelarang aye masuk…eh …Bang ibarat baju
udah kepalang basah, masak nasi udah jadi bubur, biar kate aye mati
berkalang tanah, setapak kage nantinye aye bakal mundur.
FATAN : Oh… jadi kalo mao masuk acaara ini saratnye bekelai Bang…
BUKA JURUS
TUKANG PUKUL : bang, ente tau dalemnye rawe, pasti ente tau kali
semanan, kalo mau tau namenye jaware, nih ente liat aye punye maenan
(jalanin jurusnye). (SETELAH SELESAI JURUS) Nih ….baru kembangnye ….
Bang…ntar buahnye…
TUKANG PUKUL : Kelape ijo ditusuk belati, naek perahu enterus jalannye,
udeh banyak jagoan yang mati, nih jurus pukulannye (jalanin jurusnye)
Adu Jurus
Adu Ngaji
ape aye ame rombongan udah boleh masuk?…ape masih ade saratnye lagi
Bang?…
(baca sikeh)
FATAN Gimane Bang… soal berantem aye udah ladenin, soal ngaji abang
udah dengerin
ape aye ame rombongan udah boleh masuk, ape masih ade saratnye lagi,
Bang?…
ABQORY soal silat Abang jago…soal ngaji Abang bise…aye Cuma bisa
bilang…
Assalamu, alaikum…