PALANG PINTU

Pihak laki-laki: Hans, Rico

Pihak perempuan: Marwa, Giselle

Rombongan Penganten Laki-laki berjalan menuju lokasi akad nikah sambil diiringin musik dan lagu
kicir-kicir dari tim gendang.
Tim musik : kicir-kicir . . . .

Marwa : Wooyy !!! Berenti !!! berenti bang berenti !!! Budeg apa luh pada ??
Ini ada apa ini gumbrang gambreng berisik aja luh disini... Apa luh pada kaga tau kalo majikan gua lagi
punya hajat ?!!!

Rico : (sambil berenti) Emang kita pada mao kesitu bang... Mao nengokin calon mantu...

Marwa : Ehh bang... Naek mobil lewat kampung Setu... Nyayur labu parang bumbunya terasi.. Kalo mao
ambil calon mantu... Liwat kampungan orang kudu permisi..

Hans : Oh jadi liwat sini kudu misi bang..???

Giselle : Lha iya.. emang luh kaga liat ada gua disini ??

Rico : Sebelonnya saya ucapin assalamualaikum bang..

Giselle dan Marwa : Waalaikum salam gua sautin...

Hans : Nyang saya kaga tau, emang abang ini siape ??

Marwa : Jiaahhh.. dia belon tau siapa kita ?? (ngomong sama temennya)...

Giselle : Kasih tau dah bang... siapa kite..

Marwa : Bang... Beli tahu di pasar kote... makan gado-gado di Cikini...

kalo emang luh pengen tau siapa kite.. Kite ini jagoan kampung sini...

Rico : Ohh... abang jago kampung sini ?? kalo gitu bang... Nyok dah kita makan sekuteng di pasar jumat...
Pulangnye mampir dulu ke Pinang Ranti... Saye ama rombongan dateng dengan segala hormat... Mohon
diterime dengan senang ati...
Giselle : Oh.. rupanya lu dateng kemari udah ada niatan ??

Hans : Dari bedug subuh ampe bedug robek bang....

Marwa : Begini bang ye... Kalo belanja di pasar Kemiri.. jangan lupa beli bumbu masaknye.. Kalo luh
udah pada niat dateng kemari.. Coba, lu jawab pertanyaan aye . . ..
Rico : Buseeet dah, terserah lu dah gw jabani.

Marwa : Ape Bahasa inggrisnya 1 ikan?

Hans : itu mah kecil, ye fish.

Marwa : pintar juge elu yah, ya udeee kalau 2 ikan?

Rico : yah ampun, itu mah pipis . . .

Marwa : gmane sihhhh elu, 2 ikan pipis

Hans : yakan bener gw, 1 ikan fish, 2 ikan yah pipis. Gmna sih.

Marwa : ya udehhh, kalau gitu kita adu kekuatan aje.

rico : bolehhhh, lu kemari dah. Canggggg, lu beri dah.

(Pihak laki-laki dan besan saling adu kekuatan)

Marwa : Yah malih Cuma begtu doing kekuatan lo.

Hans : biasa gw, aye blm makan.
Giselle: alesan aje lu... Jadi luh kaga mao mundur ??

Rico : Pegimana mao mundur di belakang gua rombongan besan...

Marwa : Ikan sapu-sapu mati ditusuk.. Dalem kuali kudu masaknye... Nih palang pintu kaga ijinin lu
masuk.. Kecuali lu penuhin dulu persyaratannye..

Hans: Ohh, jadi kalo dapet perawan sini ada syaratnye bang..

Marwa : Ada.. mao jadi pelayan aja ada syaratnye... apelagi mao ambil anak perawan orang...

Rico : Bang.. ke Tenabang membeli limo.. jangan lupe sambel kecapnye... Kalo itu nyang abang mao..
sebutin dah bang syarat-syaratnye...

Giselle : Bang.. .Tukang sekuteng dagangnya malem.. Jalannye muter ke pasar Kranji... Saye minte abang
kaga cuman jago berantem.. tapi saya pengen denger abang rajin ibadeh...

Hans: Cuman itu bang syaratnye ?

Giselle : Kalo itu bisa.. silakan dah masup bang...

Rico : Bang.. Tumbuk ketan jadiin uli.. Ulinye juga kudu ditapein... Betaun-taun anak Betawi ibadahnye
itu pasti... Nih Sikehnye tulung dengerin...

 Sikeh pun dilantunkan dengan merdu dan jelas...

Hans : Pegimane bang ?? Apa ada lagi syaratnya bang ?

Marwa : Udah bang... Silakan dah abang ama rombongan pada masup bang...

Rico: Bang... Siang ari di Gondasari.. kalu malem ada di Munjul.. Ini Walter dia mukanye beseri.. Lantaran
besok malem dia mao kumpul..

 Dan... Lagu Sholawat pun dinyanyikan oleh Tim Marawis/ Hadroh mengiringi masuknya penganten
Lelaki ke rumah Penganten Perempuan... Dan Drama Palang Pintu pun usai...