TANAH SUNDA

Tanah Sunda (wibawa) gemah ripah (tur éndah)

nu ngumbara suka betah
Urang Sunda (Sawawa) sing Towéksa (percéka)
nyagga darma anu nyata

Seuweu Pajajaran
muga tong kas'maran
sing tulatén jeung rumaksa
miara pakaya
mémang sawajibna
getén titén rumawat Tanah Pusaka

Titén kana (pakaya), harta banda (pusaka)

mo' kaduhung waktu jaga
Anu lian (mo'wasa) moal bisa (rumaksa)
ngatur ngolah jeung ngariksa

Gembleng sauyunan
singkil babarengan
ngangkat darajat Ki Sunda
Sunda kukuh kuat
diraksa dirumat
pasti jembar wibawa Indonésia
 Mojang priangan

Angkatna ngagandeuang
Bangun taya karingrang
Nganggo sinjang dilamban
Mojang Priyangan

Umat imut lucu

Sura seuri nyari
Larak-lirik keupat
Mojang Priyangan

Diraksukan kabaya
Nambihan cahayana
Dangdosan sederhana
Mojang Priyangan

Mojang anu donto

Matak sono nu némpo
Mun tepung sono ka
Mojang Priyangan

Gareulis maranis
Disinjang lalenjang
Éstu surup nu némpo
Mojang Priyangan mojang priyangan
Mojang Priyangaaaann
Peuyeum Bandung

Dimana-mana
Di kampung di kota
Tos kakoncara
Ku nikmat rasana

Sampeu asalna
Teu direka-reka
Naon namina
Duh matak kabita

Peuyeum Bandung kamashur

Pangaosna teu luhur
Ku sadaya kagaleuh
Sepuh jeung murangkalih

Mangga cobian
Bilih panasaran
Peuyeum ti Bandung
Henteu sambarangan
 Es Lilin
Es lilin mah didorong-dorong
dibantun mah dibantun ka Sukajadi
abdi isin dunungan samar kaduga
sok inggis mah aduh henteu ngajadi

Es lilin mah ceuceu buatan Bandung

dicandak mah geuning ka Cipaganti
abdi isin jungjunan duh bararingung
sok inggis mah aduh henteu ngajadi

Itu saha dunungan nu nungtun munding

digantelan geuning ku saputangan
itu saha dunungan ku ginding teuing
sing horeng mah aduh geuning jungjunan

Es lilin mah ceuceu dikalapaan

raosna mah geuningan kabina-bina
abdi alim dunungan paduduaan
sok sieun mah dibantun kamana-mana

Kamana mah geuningan ngaitkeun kincir

ka kaler mah ka kaler katojo bulan
kamana mah dunungan ngaitkeun pikir
moal paler geuningan da ku sabulan