Bapak Kepala Kelurahan Sembada Harja ingkang dhahat kinurmatan Bapak ketua RW 03, ingkang dhahat kinurmatan Bapak ketua RT 05, ingkang dhahat kinurmatan Lan para lenggah ingkang satuhu kinabekten sutresna
Merdika! Merdika! Merdika!
Ingkang sepisan sumngga kita ngunjukaken atur puji lan syukur dhumateng Gusti ingkang Maha Welas Asih, amargi paringipun rahmat kita taksih saged kempal manunggal ing enjing menika lan saged dherek mangayu bagya pengetan dinten sumpah pemuda lan ingkang salangkung awis ajinipun, inggih punika bagas waras, sarta maneka warnaning kabetahaning gesang kacekapan boga miwah sastra.
Wonten ing acara menikakula ngajak awak kula piyambak supados emut kaliyan labuh labetipun para pemuda Bangsa Indonesia nalika wonten ing jaman semanten, kedah remen nyaosaken menapa kemawon ingkang awujud tenaga, bandha saha nyawanipun kagem ngusir walandi lan ngrebut Negara ingkang kita tresnani menika. Boten kesupen ugi wonten ing jaman semanten ing tanggal 28 wulan Oktober tahun 1928 para pemudha sampun ngrikraraken janjinipun dhateng negeri kita. Awit saking menika mboten klentu bilih para bangsa kepingin dadosaken negeri kita negeri ingkang ngadahi maneka warna basa, budaya, agma, suku, kulit, lsp. Dados negeri ingkang manunggal ing raos lan jiwa, dados negari kang kiyat lan nyawiji sahengga boten malih negari ingkang saged njajah bangsa kita.
Para lenggah ingkang satuhu kinabekten, sumangga wonten ing tahun 2012 sakmenika nalika negeri kita Indonesia sampun ngadahi yuswa 67 tahun, sumangga kita tetep ngadahi semangat kados para pemudha kadosing tahun 1928 mawi cara kita kiyambak-kiyambak. Mawi ilmu ingkang kita gadhahi, sumangga kulo ngajak para lenggah sami supados ngisi kamardikaan menika kanthi semangat ln makarya ingkang sae sahengga bangs kita saged majeng lan boten kawon kaliyan bangsa sanesipun.
Para lenggah ingkang kula kurmati, wonten ing pungkasaning atur, minangka wonten galap gangsulir atur, kula nyuwun agunging pangaksami. Pungkasan sumngga kita contho sami semangat Bhineka Thunggal Ika para pemudha supados bangsa Indonesia tetep rumaket lan kiyat. Amin, Amin, yaa robbal alamin