Sumedang Kota Kamelang

Sungkan miang paturay kudu paanggang

Kota sumedang muntangan kadedeh melang
Sureum tetep kaharep ku cipanon ngeumbeung
Naha enung sumoreang
Pan miang mungkas hareupan

Duh... tampomas ulah waswas

Piraku rek udar janji kakonci ku palasari

Ker sumedang...
Urang tandang...

Ka ibu pertiwi urang ngabakti

Sungkan miang paturay kudu paanggan

Kota sumedang muntangan kadedeh melang
Sureum tetep kaharep ku cipanon ngeumbeung
Naha enung sumoreang
Pan neang mungkas hareupan

Duh... tampomas ulah waswas

Piraku rek udar janji kakonci ku palasari

Ker sumedang...
Urang tandang..

Ka ibu pertiwi urang ngabakti

 Bandung Lembang

Bandung lembang puser kaendahan

diriung ku gunung-gunung
gunung sasakala sunda, sunda jaya nubaheula
panjujugan, paniisan 
pangbeubeurah, nu keur susah 
panyinglar suk kawa manah
musnah ku hawana gunung

Bubuy Bulan
Bubuy bulan-bubuy bulan sangrai bentang
panon poe-panon poe disasate
unggal bulan-unggal bulan abdi teang
unggal poe-unggal poe oge hade

situ ciburuy laukna hese dipancing

nyeredet hate ningali ngeplak caina
tuh, itu saha nu ngalangkung unggal enjing
nyeredet hate ningali sorot socana

unggal bulan-unggal bulan abdi teang

unggal poe-unggal poe oge hade

Tanah Sunda

Tanah sunda, wibawa, gemah ripah, tur endah

Nungumbara suka betah
Orang sunda, sawawa, sing toweksa, perceka
Nyangga darma anu nyata

Seweh pajajaran, mungga tong kasmaran

Sing tuladen jeung rumasa
Miara pakaya, memang sawajibna
Geten titen rumawat tanah pusaka
 Lirik Lagu Manuk Dadali

Mesat ngapung luhur jauh di awang-awang

Mébérkeun jangjangna bangun taya karingrang
Sukuna ranggoas reujeung pamatukna ngeluk
Ngepak mega bari hiberna tarik nyuruwuk

Saha anu bisa nyusul kana tandangna

Gandang jeung perténtang taya bandingannana
Dipikagimir dipikasérab ku sasama
Taya karempan kasieun lébér wawanénna

Manuk dadali manuk panggagahna

Perlambang sakti Indonesia Jaya
Manuk dadali pangkakoncarana
Resep ngahiji rukun sakabéhna

Hirup sauyunan tara pahiri-hiri

Silih pikanyaah teu inggis béla pati
Manuk dadali ngandung siloka sinatria
Keur sakumna Bangsa di Nagara Indonesia

Teu Honcewang
Teu honcewang, sumoreang,
Tekadna pahlawan bangsa
Cadu mundur,pantang mulang,
Mun maksud tacan laksana

Berjuang keur lemah cai,

Tali bakti tur tenggang pati
Taya basa menta pamulang tarima
Ikhlas Rido keur korban merdeka