Ne Bonong

[10:52, 9/19/2022] Sitti Jawiah SD Negeri 1:

Pang Saman dunung ana telas sopo tau slaki de tengkela yam tau gedo tapi peno akal pikir na,saga nti
boat ampo,pokok ya kagampang srea bowat iwit ,telas mesa mesa,nda Sawai,nda keluarga,diri ta
basingin Bonong.

Dalam telas diri ta peno mo lakan dengan na, tapi no si ngamuk dengan nan,kadang dengan ne beri
benar diri ta,padahal ngere ya kelo srea na,ya manfaakan gedo na kenang melakan

Ne Bonong ta,loka mo,putih mo bulu otak na,tapi no roa ilang perangai de nka balong nan,dadi mo urat
isi dalam parana na.

Pang sopo ano,waya panas mengeklik,matano pas mbao semangat ,ne Bonong ta sate benar inum
ai,kemoan benar ke ai ,mang pang tengah ola ketemung ke” ne Kodong mole kales keban na rena Lemar
nyer Uda empat kodeng,”Aida ta nya rejeki nan” (rena mikir ne bonong cara ya lakan ne kodong)

Ne Kodong ta tau gedo,tapi jujur,Balong ate na,peno mo kali ya kelo leng ne Bonong,tapi nka merasa ya
kelo tetap besai ke ne Bonong

Rejeki datang diri ta,muntu ya gita nyer uda de lemar pang toak ne Kodong,terbayang nikmat inum ai
nyer uda pang pang waya panas ano.(ntek Turen iak ya kemata inum ai nyer Uda).

“Aih ne kodong.Me lako ya mu bawa nyer Uda nan?"(rena bakimis ne Bonong)

”tau mbale ku ngidam,sate inum ai nyer uda”,nyamung ne Kodong jujur.Ne Kodong ta le mo ka sate uma
tode,ema ada penerus na era,umer na sama rea ke ne Kodong,susah ate na ya tari ada ya beang rejeki
ada anak ta

Sopo waktu,sawai ne Kodong sarungan diri na muntu ngidam, mara tau peno si,tau ngidam ta peno lalo
de sate,nan si luk sawai ne Kodong ta sate mo inum ai nyer Uda,kemeri benar ne Kodong muntu ya bada
rungan ngidam ke sate sate inum ai nyer Uda,ne Kodong keras sate anak slaki.

Nka ete waktu len, berangkat bapak lalu alo ko keban Buya nyer Uda, tengah ola mole kales keban
ketemung ke ne Bonong,"ngidam mo sawaimu?bakatoan ne Bonong.”Syukur Alhamdulillah tu dapat
rungan balong ta,tapi, na ode ate mu amin ku tilik jenis kelamin anak dalam tian Sawai mu?”

Ya kena lakan ne Kodong ta, langsung ngantuk,kemeri benar na,"roa si" samung Leng ne Kodong.

(rena kemo lenge ne Bonong,gita kiri kanan,kembang kempis idung na),"

“Aih,gita rep kayu rea ana,kita lako ana mo,bau ku bersamedi pang ana,(ya telet puin kayu rea).Tanda
keras kemeri no mongka mikir Belo ne Kodong,teres turet bungkak ne Bonong,(kedebrak),seda senturen
Lemar ne kodong,(ne Bonong ice ice kemelas,menteling mata),"na sekebak nyer Uda nan,Nanta
sawaimu de ngidam ana e,
kemelas bapak lalu ta rena ngantuk,nyesal ka sekebak nyer.(rena ya tepuk toak ne Kodong),"nyer Uda
nan jatu yam anakmu,apa de sate ai nyer ne anakmu,iong sawaimu",sate nangis ne Kodong menong
nasehat kales ne Bonong.

Ta mo ku bersemedi sengara bau tu to Sawai atau slaki tode nan,pokok ne,na Pangka pangkeling
ku,turet Bae apa Leng ku mudi(rena tokal ne Bonong,sepedam mata na).kemeri ne Kodong,les ai
mata,tari perintah dalam Samedi ne Bonong,dua menit mulai mo kejap melong mata ne Bonong
"aih"keserak ne

Bonong,kemimpat ne Kodong

"Auh,aih"keserak benar ne Bonong

Koat ne Kodong,(Manang yam cora tau ya menca ne)

Aih,les mo parentah "sedia dua kode nyer na,pilih de paling uda,ete berang,sebongkang,"lucu tode Ode
dalam tian Ina na ta,rena ngiat ngengkal yam ada tau tageli,yam tau tama jin setan dalam Parana

na,Rena nyempung ke menyanyi nang ning nung

Kemelas ne Kodong ya gita ne Bonong to,kuda Bua nan luk,no si tengan bakatoan,telan elar,kenentek
ndi berang ya tebok nyer nan .

Aih,menari ke aku ta e,hibur anakmu,aih aih rena keserak ne Bonong,kemelas ne Kodong,nti ima ku rena
ya sanyonyong ima ko ne Kodong,nuret ne Kodong yam kebo kena Seno idung na

Ete pene,stop,ne Bonong beang parentah,aih Jake,dalam Samedi ne,ku gita anakmu,lucu (ne Kodong
kemeri) untuk tu to jenis kelamin na(Bonong tarik napas)aih,suruh kita inum ai nyer Uda nan (rena
bonga langit,rena tarik iak),amin ai nyer nka jina manis berarti anakmu slaki,to mo ke ne Kodong,na Ode
ate mu ini (nti toak ne Kodong),bau tu to jenis kelamin na,harus tu rasa ai nyer nan,(tarik iak ne
Kodong),yam robot de setel Leng remote control langsung rasa ai nyer nan setekuk

Manis ke?(Ne Bonong bakatoan),ngantuk ne kodong “sawai”,rena tahan iak.”Belum tentu” nyamung
bonong.rasa gina (rena sorong nyer) .tama lonong ne kodong.Ete nyer ne bonong teres ya inum ai na
jangka talis (keserak,nyempung,rena menyanyi nang ning nung.),”slaki”.masih ada kareng sopo nyer