BAHAN SIBASAON MINGGU TGL 08 Oktober 2023

TEKS : Lukas 11:37-42

TOPIK : Iharosuhkon Naibata do Hapintoron ampa Hasintongan
DODING : Haleluya No. 384:1-2
1. Adong judul lagu na idodingkon sada pandoding na margoran Lamser Girsang judulni “
Sandiwara “ isi syair laguni sebagian mangkatahon “ Manis dibibir do hape ganupan
in”.Pandoding on mangkatahon bani syairni lagu on sada halak mangkatahon holong hubani
na ihahalongi tapi ia lang mempraktekkon holong ai hubani. Songon bani perikop ni
ambilan on motivasi halak Parisei pakon sibotoh surat sering berlawanan pakon Jesus.
Iontang halak Parisei Ia hu rumahni mangan, tarsonggot atap longgang do halak Parisei on
mangidah Jesus paima mangan lang parlobei marburih. Bani ay.39 ihatahon Jesus, anggo
nasiam Parisei darat ni panginuman ampa pinggan do ipaborsih nasiam tapi uhur nasiam
parbagas ai gok uhur haut do ampa hajahaton. Jadi on do na ikritik Jesus. Halani Praktek
Agama na idalankon sidea ( halak Parisei pakon Sibotoh Surat ), kemunafikan na ija
bertentangan pakon harosuhni Tuhan. Bagian luar dassa na borsih tapi anggo parbagas lang.
Praktek kehidupan ni sidea ( Parisei ampa Sibotoh Surat ) taridah secara lahiriah tumang
dassa na borsih, penampilan jenges, pakean na mahal mahal, beribadah ase ibotoh halak,
marhiteihonni ai patubuhkon kesombongan, kecongkakan, keegoisan, papuligkon diri
hunbani na legan, pakon lang ra martoruh ni uhur. ( Bd. Lukas 20:45-47, Mrk 12:38-40 ).

2. Nini Tuhan Jesus bani ayat.40, Ee hanima na oto ! Sitompa pardarat ai lang Ia do homa
sitompa Parbagasni ? Nini Jesus, haotoon halak Parisei pakon Sibotoh surat ai ma aha na
isahapkon sidea legan do na ihorjahonni. Tuhan do namanompa angkula ni jolma in, fungsi
ni berbeda beda, tapi sabotulni dos do ganupan ilobei lobei ni Naibata ( bd.1 Korintus 12:
12, 27 ). Bani ay.41, Tuhan Jesus laho patangkashon uhur parbagas ai do na gabe central ni
haganup, isobut songon silayak layak ( Bhs Ind.= sebagai sedekah ) anggo mambere ibagas
uhur na borsih ma. Hape konsep ni halak Parisei pakon Sibotoh surat anggo marsibere bere
ase iidah halak, ase ipuji halak, anjaha motivasi na sonon ma iidah Tuhan Jesus na lepak.
Janah motivasi na dear anjaha sintong luar hunbani uhur na borsih mambere, anggo sonai
ihorjahon gabe borsih ma ganupan ( Bd. Matius 6:1-4 ).

3. Sipaingat ni Tuhan Jesus bani ay. 42 marsahap lobih koras use ( lebih tajam ).” Bursik ma
hanima Parisei “ igalar sidea pe parsapuluhan ni hosaya, longa, ampa lowoh simaratah tapi
anggo lang perduli bani uhum ampa holong na humbani Naibata lang adong gunani ai.
Sihorjahon do on, tapi ulang ma tading na legan. Artini sipaingat ni Tuhan Jesus on manobut
ase sadalan ma aha na ibagas uhur, na luar hunbani pamangan pakon aha na ihorjahon.

4. Hahonaonni :
 Goluhta on pe isobut do halak Kristen tapi lape boi torus mampraktekkon aha na
isobut hita ai do na ihorjahon hita. Tarlobih ma pasal mangkorjahon hata ni Tuhan.
Contoh ni pasal mangkorjahon holong, legan ihatahon hita legan ihorjahon hita
( Pergumulanta rup do ai ).
 Na berkaitan bani ayat 38, Adong bahasa kiasan atap konotasi cuci tangan mararti
lang ikut campur ia bani masalah na legan hansipe domma ibotoh masalah ai.
 Anggo secara Medis cuci tangan itu penting “ menjaga kebersihan dan
membersihkan kuman supaya tidak terkena penyakit “
 Tapi anggo na ihorjahon Tuhan Jesus legan do on ( ay 38 ), Ia lang mencuci tangani
artini ia sedo na lang turut campur/perduli bani persoalan na ialami atap na
ihorjahon halak parisei, tapi justru ia perduli bani persoalan ni sidea ai ma goluh ni
na isobut goranon marugama tapi pitah hata dassa ( pardarat hansa ) tapi anggo
praktekkni lang sonai ihorjahon sidea ( hal on ma na sihol ipaingat/ipadear Tuhan
Jesus hunbani sidea ) jadi Hata on sekaligus Sipaingat bani sidea sonai do homa age
hubanta.
 Bani zaman sonari on, boi do halak kristen terjebak gabe halak na munafik, halak na
sombong, mangkorjahon ketidak adilan , egois, lang perduli bani halak nalegan
halani keadaan ni marhaadongan atape sebalikni. Ingat hita Ipaingat Tuhan in do hita
bani bani ganup panorang ni goluhta.
 Nini topik ni Minggu ta Iharosuhkon Naibata do Hapintoron ampa hasintongan.
Pataridahkon hita ma Hapintoron ampa hasintongan ni Tuhan in marhitei parsahap,
pangabak pakon parlahouta.

-Jimmey B.S,Pdt.---