PAMBANTAAN PONGKLASIFAKASIAN

KOOTURAN KONSTITUEN PANANDATAN

BOROS KADAZANDUSUN

NAMA TINIMUNGAN:MOHD HARIZ ARIP

ROSNITA ZESTA
BONNY VENTURE
UNIT :PPISMP BKD SEMESTER 2
 1. KOULUDAN FRASA

2. KAWO PANANDATAN
Kouludan Frasa
• Frasa nopo nga unit i noulud mantad iso toi ko' duo boros
di kiwaa potensi do kowonsoi duo toi ko' lobi boros.
• Haro 4 pola kouludan do frasa
Pola 1 : FN + FN (Frasa Ngaran + Frasa Ngaran)
Pola 2 : FM + FN (Frasa Maan + Frasa Ngaran)
Pola 3 : FU + FN (Frasa Ula + Frasa Ngaran)
Pola 4 : FPN + FN(Frasa Popiromut Ngaran + Frasa Ngaran)
Poomitanan montok potitikid Pola dilo :

Pola 1 : FN + FN
- Mongingia i Dora.
Pola 2 : FM + FN
- Maamaso momupu i takaku.
Pola 3 : FU + FN
- Olumis o sumandak dilo.
Pola 4 : FPN + FN
-Hilo id Tuaran oku sumikul.
 Kawo Panandatan
• Nabaagi do 4 kawo panandatan id Boros
Kadazandusun tumanud do kolooloyuko om
tudu pointantu:
a) Panandatan Toomod
b) Panandatan Pongudio
c) Panandatan Ponuhuan
d) Panandatan Kotigagan
 Panandatan Toomod
• Panandatan i poboroson montok manahak
katalangan. Kitudu o panandatan toomod
popolombus toi ko' manahak katalangan kokomoi
iso-iso ahal.
• Poomitanan :
Nakaakan no i Linda.
 Panandatan Pongudio
• Gunoon montok mongudio isoiso ahal. Ontok poposurat do panandatan
pongudio, onua do tanda pongudio (?).
• Abaagi do duo kawo tumanud kolooloyuko om pomogunaan do piipiro boros
pointantu:
1) Panandatan pongudio miampai boros pongudio
-Momoguno boros miagal do :
Nunu, Isai, Piro, Ingkuro, Nonggo, Poingkuro, Soira, Impiro, Songkuro, Okuukuro
om Nokuro
2) Panandatan pongudio do aiso boros pongudio
-Aiso boros pongudio nga polombuson miampai minsawat o loyuk id dohuri do
panandatan. Id ponuatan, onuan do tanda pongudio (?) id kolimpupuson do
panandatan.
Panandatan pongudio miampai boros pongudio
Poomitanan Panandatan:
Nunu mangan nu?
Isai ngaran nu?
Piro umur nu?
Ingkuro do momonsoi diti?
Nonggo ko pongiyon?
Poingkuro wotik rasuk korohian nu?
Soira ko muli kampung?
Impiro ko makan sangadau?
Songkuro gatang diti kinotuan?
Okuukuro no kabar nu hino?
Nokuro tu olunggui ko?
Panandatan pongudio do aiso boros pongudio
Poomitanan:
Nakaakan ko no?
Muli ko do suab?
 Panandatan Ponuhuan
• Popointalang toi ko' popoimbulai di isoiso koimaan. Panandatan ponuhuan
nopo nga poboroson kumaa tulun koduo. Kiwaa o tolu kawo panandatan
ponuhuan:
1) Panandatan Monuhu
- Poboroson miampai tudu manahak iso ponuhuan toi ko' kapasarahan
2) Panandatan Pogoduhan
- Momoguno boros pogodu miagal do kada, au tagal, au minog
- Posuaton pogulu do boros maan i kitudu montok monuhu sosongulun do
momonsoi isoiso ahal.
3) Panandatan Pokionuon
- Oguno soira monuhu tokou toi ko' mokianu. Milo nogi adadi do boros
pogoduhan miampai momoguno do boros alansan .
 Panandatan Kotigagan
• Gunoon montok popolombus topurimanan miagal
do orohian, kotigog, otogod, osuayan, ponigiran,
orualan om susuai po.
• Posuaton o tanda kotigog (!) id ponuatan do
panandatan kotigagan.
• Boros kotigagan i asaru do gunoon miagal do Odoi!,
tuukoi! , adada , toi! .
 Poomitanan panandatan Kotigagan
• Odoi!
Odoi, oruol gakod ku!
• tuukoi!
Tuukoi, alawa no ti sumandak!
• adada
Adada, apagon pama gatang diti rasuk nu, oi aman!
• toi! .
Toi, kada pomudut!