Simon Jacobs Resident House Blessing & Gawai Celebration 2016

SIMAYANG BIRAKAT RAMIN

Blessing of Home
Lama kaum da pisaya karan ira mirut ramin ba-uh, paderi minan sagan awang situju dangan
pinyungka bala nu, ngin iti nyugon ndug nu pingrami da birati tinan ngumpul kaum da pisaya
masu pinyugon ramin ba-uh sien, bala nu ira udog sinindi duwah pinyenang lalu nyugon trima
kasih ndug Tampa da pu-an dengan utak obo-obo kayuh da paguh.

LAGU
PIMUKA

Joboh Samah Kita Rami

1. Joboh samah kita rami

Joboh samah kita rami
Rami muji Tuhan Tampa
Joboh samah kita rami

3. Mandug boh Kamang Kudus

Mandug boh Kamang Kudus
Mehun ami babar muji
Mandug boh Kamang Kudus

2. Muji Tampa mbuh ngkuwa

Muji Tampa mbuh ngkuwa
Joboh samah kita rami
Muji Tampa mbuh ngkuwa

4. Kamang, Amang dangan Anak

Kamang, Amang dangan Anak
Ami rami muji Akam
Kamang, Amang dangan Anak

TANDA SALIP
Paderi ato Deacon mijog, ngulu ratus ngundah tanda salip dengan nyabut sanda iti:

Paderi :

Duwah ganan Amang dangan Anak, dangan Roh Kudus.

Obo : AMEN
PINTABI
Paderi ato Deacon

Paderi :

Tampa bidengan kinde.

Obo : Mung sien lagi dengan roh akam.

Paderi :
Kaban biradi da sinuka aku, jo boh kita simayang minu-minu
ndug Kristus da milih tangkub mayan masu Maria Babar Bujang da
ira ngandai da anchah kita, mehun Nu milih tangkub merut ndug
mamba iti lalu birakat ramin iti minan pimandug Nu. Arap Kristus
da Tuhan pun mandug da anchah kinde, ngisi pinyuka kinde mung
biradi dayung, bibagi duwah pinyenang kinde dengan pirimpu
kinde wang masa susah. Jaji murid da ngajah pinganchak dengan
chunto Kristuss, sibungas patut piduli wang ngundah ramin ba-uh
jaji tampat pingandai nehun wangi pimaguh Kristus da sikuh sidi
mampar juho.
BACHA LITURGI SANDA

Simon Jacobs Resident House Blessing & Gawai Celebration 2016

Paderi :
Bacha masu Injil Kudus ngajah Sante Lukas, tetuk 19, baris
sanda 1 tok 10
Obo : Mulia ndug Akam, O Tampa.
Jesus mirut ndug Jericho lalu panu nyasug pasar nu. Wang sien indi
mamba da biganan Zachaeus mandug; adup nu si-en indi masu
pinuuh pak ngumpul chuke da kaya. Nu keran awang ira ntubuk
gayun Jesus pak ngin nu tilalu kiduk, kai nu dapat ntubuk Jesus
tegal ratus ihong. Sien rati nu birajung tayu da jawi ratus lalu
ngatuh tengun kayuh sikamor mehun nuh dapat ntubuk Jesus wang
Nu nyasug tampat sien. Wang Jesus tok ain, Nu ngara lalu
nyanda:
Zachaeus, muhun boh.
amu andu iti.

Pantas, ngin Aku ira ngandai da ramin

Lalu nu bisupaat muhun nyambut Nu minan awang da birangun.

Bala inya kai sanang asung ntubuk anih da bilaku, lalu nyanda,
Tubuk, Nu gain ngandai da ramin inya da bidusa.
Pak Zachaeus mijog lalu nyanda ndug Tuhan,
Tuan, aku ira nyugon sitangah rata aku ndug inya da sasi; kan
aku aduh nipu inya, aku ira mayar ndug nu mpat kali masu kiahi
kayuh sien.
Jesus nyanda ndug nu,
Andu iti pingkuwa mbuh mandug ndug ramin iti, ngin inya iti pun
anak Abraham; ngin Anak Misiya mandug ira ngagau lalu ngkuwa
anih da magan.
Sanda Tampa.
Obo : Ami muji Akam O Kristus.
HOMILI
SIMAYANG PINYUNGKA
Paderi :
Bidangan trima kaseh dengan pinyenang, jo boh kita ngaba
Anak Tampa, Tuhan siruga dengan tana, Sanda jaji isih lalu
ngandai da anchah kita, ndug Nu kita nyabut:

Ngandai bidangan ami, O Tuhan.

Tuhan Jesus Kristus,

Simon Jacobs Resident House Blessing & Gawai Celebration 2016

Akam mbuh ngudus tampat pingandai Maria dangan Joseph, - arap

Akam milih tangkub ngandai bidangan ami duwah ramin ti, mehun
ami ira ngilala Akam jaji inya da taba lalu nyambah Akam jaji baak
mamba ti.
Obo : Ngandai bidangan ami, O Tuhan.
Paderi :
Duwah Akam, tiap tampat pingandai da tundah tagap mpijog
indi ramin Tampa, - nanchak inya da ngandai duwah ramin ti jaji
ramin Tampa duwah Roh Kudus.
Obo : Ngandai bidangan ami, O Tuhan.
Paderi :
Akam ngajar anak buah Akam mpijog ramin da tunduh batuh,
- jugon ndug mamba ti pimudip tetap biraguh ndug sanda Akam
lalu pijuho simua pingasin mehun dapat pidaran Akam minan
asung da murah dangan pikir da ira.
Obo : Ngandai bidangan ami, O Tuhan.
Paderi :
Wang adup Akam anyap ngampu tampat pingandai, Akam
trima inya da sasi bidangan pinyanang pinyambut kaban dingan
Akam, - nanchak asih-asih da mandug ndug tampat pingandai iti
ira napud ramin ti tangkub odog taba tampat pingandai bidangan
sukong dangan pinulung kita.
Obo : Ngandai bidangan ami, O Tuhan.
SIMAYANG BIRAKAT
Lalu paderi naup tangan, simayang:

Paderi :
Mandug, O Tuhan da anchah ulun Akam
da muka rasmi ramin ti (andu ti),
simayang nyungka birakat masu Akam
muhun bala nu ira ngirasa silamat
da Akam jaji pilindung lama bala nu ngandai ati,
bala nu ira birangun da Akam jaji pingayo lama bala nuh luah,
bala nu ripu-rami nyambut Akam
lama bala sien balik maring
tok bala nu birangun puno napud ramin bahas
da udog sidia dadag bala nu
duwah ramin Amang Akam
nuhun Akam mudip dengan bikuasa
samah dangan Roh Kudus adu-adu anyap pangan.
Obo : Amen

Simon Jacobs Resident House Blessing & Gawai Celebration 2016

Mbuh simayang birakat, paderi nyapik ratus dangan ramin minan umon kudus.
pingkira nu, sabut sanda ti:

Kan

Paderi :
Arap umon ti jaji pintiyan Baptismo kita duwah Kristus, bada
pingabus dangan pimakat Nu mbuh ngkuwa kita.
Obo : Amen
Wang Paderi ato Deacon mpanu nyapik umon kudus udog nulu bada Baak Mamba, ratus
simayang Amang Ami, Tabi Maria dangan Mulia.

NYUNGKA BIRAKAT TAMPA

Paderi :

Tampa bidangan kinde

Obo : Mung sien lagi dangan roh akam

Paderi :
Arap damai Kristus nguasa asung kita,
Arap sanda Kristus ngandai duwah kita muhun anih-anih da tundah
ami duwah sanda dangan kiraja paguh kita ira ngkarui-pijaji nu
duwah ganan Tuhan iti seh dangan adu-adu.
Tampa da Pala Kuasa birakat kinde,
Duwah ganan Amang dangan Anak, dangan Roh Kudus.
Obo : Amen
PISUHON
Paderi :

Panu boh duwah damai Kristus

Obo : Trima kaseh Tampa

LAGU
PIMANGAN

Akam Bujang Maria

1. Akam Bujang Maria

Anyap naran inya
Kan nu inya ngarap Akam
Kan nu nyuka Akam
Si-en rati, Maria
Aku nyungka Akam
Tulung aku adu-adu
Dira nyuka Akam

3. Najar aku Maria

Nyuka Anak Akam
Aku minu susah awang
Brajung ndug Akam
Aku nyungka Maria
Jaga ihang aku
Dengan timpuh aku kabus
Taban ndug Tampa

2. Tiyan Bujang Maria

Akam andu aku
Nanchak aku mudip minu
4

Simon Jacobs Resident House Blessing & Gawai Celebration 2016

Mung anak Akam paguh

Jugon obo Maria
Daku nyungka Akam
Aba nyigan sanda aku
Masi dangan aku