ATORANG SOMBAYANG GMKI CABANG AMBON KOMISARIAT LINGKUP UKIM

DENG SOMBAYANG FOR MALUKU

Kamis, 31 Oktober 2019

 BASIAP PAR SOMBAHYANG:

 Pakeang : Cele Ambon
 MC buka kabaktiang

 AJAKAN PAR DATANG SOMBAYANG:

L: Salam Bae basudara samua, su lama katong seng bakudapa, tapi dihari ini GMKI
Komisariat Civeg UKIM kasi siap akang par katong samua par sombayang par Tete Manis.
Labe bae ale lati ale pung diri biar ale tarus iko Allah pung mau. Lati akang macang deng
orang yang rajing lari pagi biar dia pung badang kuat. Kalo katong rajing lati katong pung
badang, akang memang bagus par katong pung badang. Mar akang pung guna cuma waktu
katong ada di dunya ni sa. Mar kalo katong rajing lati katong pung diri biar tarus iko Allah
pung mau, akang pung guna banya par katong. Barang, Allah su janji kalo akang pung
guna bukang cuma di dunya ni sa, mar tarus-tarus sampe di sorga lai (1 Timotius 4:7-8).
Mari beta ajak basudara samua badiri lalu sama-sama katong Badonci par Puji Tete Manis
dari Lagu GPM nomor 34 deng 194 :
SAAT INI & BERJUMPA LAGI
Oras ini, Oras paleng bae Bakudapa Lai,
Katong datang sombayang par Tuhan Bakudapa Lai Di Tempat Ini
Katong rasakan Tanuar-Nya basar, Dendang Bersama,
Dalang hidop ini ada sukacita Dendang Bersama Bergembira Ria
Puji syukur, puji syukur, Oras Yang Indah,
puji syukur katong mau bilang par Tuhan La Rame-Rame Kumpul Gandong E
Puji syukur, puji syukur, Katong Bersatu Di Dalam Kasih Yesus E
puji syukur katong mau bilang par Tuhan Katong Bersatu Di Dalam Kasih Yesus E

 ALLAH ADA DENG KATONG BILANG TABEA

L: Kabaktiang GMKI Cabang Ambon Komisariat Lingkup UKIM deng Sombayang for Maluku
yang katong biking di oras ini, akang jadi dalang penyertaang deng kasih dari Allah Bapa yang
su biking samua-samua yang ada, Antua pung Ana Tete Manis yang su kasi salamat katong,
deng Antua pung Roh yang su kasi baru katong pung hidop.
J: (Badonci dari Jamaat pu Donci nomor 476a)
1 . / 1 . //
A - min.
L: Beta minta, biar Allah kasi dame par basudara dong samua.
J: Antua kasi dame par ale lae jua.

BADONCI PAR PUJI TETE MANIS dari Lagu GPM nomor 14

KU SELALU INGIN MEMUJIMU
Ku s’lalu ingin memuji-Mu, sebagai mana hidupku
Kar’na cinta kasih setia-Mu menuntun di setiap waktu
Bagai rusa rindu air-Mu begitu juga jiwaku
Dawai cinta mengalun syaduh, getarkan s’luruh hidupku
Kicau burung menyambut sang surya hangat cahya kemulian,
Kuncup bunga di taman lestari sebarkan aroma cinta-Mu
Ombak samud’ra riuh menderu, memuji keagungan-Mu
Ya Tuhan b’ri kekuatan, kumau bersaksi bagi-Mu
Madahku tahta-Mu kan abadi selama-lamanya
(Jamaat Dudu)

IBADAH GMKI KOMISARIAT LINGKUP UKIM BULAN OKTOBER 2019 – “CIVEG UKIM” 1
  MANGAKU PAR TETE MANIS
L: Basudara, sakarang ni su genap satu bulang, lima hari. Tana Goyang yang terjadi
di Maluku khususnya di Nusa Apono, Nusa Ina deng Pulau-Pulau Lease yang biking
katong pung basudara dong lari takaruang lah sakarang ni ada tinggal di tampa-
tampa pengungsiang diatas-atas gunung di dalang-dalang tenda. Sio e ujang turung
tindis dong, sampe dong su dingin macang deng Ayam yang jato di dalang aer, baru
Tana Goyang ni akang tarus-tarus terjadi, biking dong deng katong takotang
paskali. Dalang katong pu parcaya, katong hanya bisa basandar sa par Tete Manis
supaya Antua jaga deng lindungi katong samua.
J: Hari Kamis pagi tanggal 26 September tu, katong samua bangung deng barsuka.
Orang-orang yang manyapu jalang su mulai baribot deng sapu-sapu di atas aspal.
Ana-ana skola sampe deng mahasiswa dong lari parsis sama deng kilat par nae di
ojek deng beca par pi ka skola deng kampus. Pegawe-pegawe dong bapake batik
deng cele Ambon mulai bajalang ka kantor deng gareja par bakarja. Tiba-tiba
goyangan anam koma lapang biking katong balari kiri kanang par cari salamat.
L: Pas akang bagoyang, mama-mama arika balari kastinggal barang-barang di dapor
lah lari kaluar rumah. Ada yang gendong anana mera-mera, ada yang tola orang-
orang yang timpang deng kursi roda. Rumah, kantor-kantor, kampus-kampus,
sampe gareja lae akang rubu, sampe ada yang mati tagal rumah tindis, bahkan ada
yang tatutup deng paser di tampa karja. Orang-orang saki di dalang rumah sakipun
dong bawa lari kaluar par tinggal di emper-emper ruma saki. Sio e katong rasa
susah paskali. Tapi katong parcaya kalo Allah tu seng parna lupa katong, Antua
selalu ada disaat katong mengalami kesulitang-kesulitang termasuk Tana Goyang
yang katong alami sampe oras ini.
J: Sio Tuhan e, dalang kadaang bagini ni, katong sadar kalo katong ni ada par biking
sala banya, jadi katong minta Tuhan tolong jua ampuni katong pung salah deng
dosa. Katong yang datang ni sebagai Pengurus Komisariat, katong sadar dalang
katong pu aktivitas katong salalu lupa par katong pung tanggong jawab untuk
bimbing deng jaga katong pung Komisariat ni akang bae-bae. Katong sebagai Potensi
Gerakan, katong tau kalo katong ni salah lae, katong salalu alasang deng kata
tugas-tugas banya sampe katong seng sibuk par sombayang lae par Komisariat ini.
Katong samua sadar sio Tuhan e. Mungkin katong sampe oras ini ni balom biking
batul katong pung tanggong jawab par lia katong pung tugas-tugas pelayanan di
Tiga Medan Gumul ni. Di gareja katong salalu pamalas deng seng mau tau apa-apa
par sombayang, apalae di kampus ni, katong laeng seng mau baku kanal deng
laeng, begitu jua deng di masyarakat, katong seng lia dong deng bae-bae, apalae
keadaang model bagini ni yang buat katong takotang paskali. Par samua-samua tu
sio Tuhan e, katong minta, ampong katong pung dosa-dosa jua la kas inga katong
par katong pung tugas-tugas ni jua supaya katong salalu satia par iko Tuhan pung
mau.

BADONCI PAR PUJI TETE MANIS dari Lagu GPM nomor 276 : 1, 2
“DI HATI RASA BALISA”
I. Di Hati Rasa Balisa Balandong Aer Mata II. Di Waktu Cobaang Datang Sio Rasa Asing Lawang
Saki Rasa Sampe Di Jantong Cobaang Hidop Ini Angka Hati Minta Tuhan Datang Mau Seka Aer Mata
Mangente Di Kiri Kanang Sapa Yang Bisa Tolong Hanya Satu Paleng Indah Penghibur Dalang Susah
Tahang Dalang Sangsara Kuat Iman Di Dada Bagai Intan Permata Allah Yang Maha Kuasa
Reef : Cuma Tuhan Yang Tau Apa Yang Beta Rasa Reef : Cuma Tuhan Yang Tau Apa Yang Beta Rasa
Cuma Tuhan Yang Tau Apa Yang Beta Minta Cuma Tuhan Yang Tau Apa Yang Beta Minta
Dengan Tuhan Gelap Jadi T’rang Derita Jadi Sukacita Dengan Tuhan Gelap Jadi T’rang Derita Jadi Sukacita

IBADAH GMKI KOMISARIAT LINGKUP UKIM BULAN OKTOBER 2019 – “CIVEG UKIM” 2
  SATIA PAR IKO TUHAN PUNG JALANG PASTI DAPA HIDOP BARU (Jamaat badiri)
L: Basudara e, yang dapa sayang dar Tete Manis, kalo katong mau iko Tete Manis pung Mau
to? Katong musti parcaya deng kasi hidop par Allah yang su kas baru katong deng yang su
kas kuat par katong par satia iko Antua pung parenta-parenta yang kas salamat katong. Allah
pung ajarang, “Tapi orang-orang yang suka tunggu-tunggu Tuhan tu dong dapa kekuatan
baru; dong sama deng burung Rajawali yang tarbang deng dia pung sayap yang basar;
dong tu kalo lari dong seng rasa cape, deng kalo dong bajalang jua dong seng rasa par
lala.” (Yesaya 40:31).

BADONCI PUJI TETE MANIS dari Lagu PKJ nomor 307 “TUHANLAH KEKUATANKU”
¹ Tuhanlah kekuatanku, Tuhanlah nyanyianku: ² Tuhan itu beta pu kuat, Tuhan itu beta pu lagu:
Dialah kes’lamatanku. Jikalau Dia dipihakku, Antua itu beta pu s’lamat. Kalo Antua dengan beta,
Terhadap siapakah ‘ku gentar? Par sapa nanti beta taku?

(Jamaat Dudu)
 BACA DENG DENGAR ALLAH PUNG AJARANG
-Sombayang Minta Tuhan Pung Roh Pimpin :Komisariat Teologi
-Baca Allah Pung Ajarang :
-Inmemoriam : Dipimpin oleh Litorgos
-Riwayat :

 JAMAAT PUNG TANDA DANGKE FOR ALLAH

(Persembahan berupa hasil alam/laut dari kekhasan daera masing-masing di Maluku)
Suara 1 Dari keelokan pesisir pante… (represetasi daerah pesisir) katong persembahkan segala hasil
Kom laut: Ikang, Lola, Taripang, Bia, Udang, Mutiara, Rumut Laut, Puri, deng Laor. Katong
Kesehatan kagum deng keindahan buah karya Tuhan Allah di katong pu jasirah ini.
(1 orang masuk membawa hasil laut untuk di persembahan)
Suara 2 Dari benih kehidupan bumi… (representasi daerah hasil kebun/hutan/gunung) katong bawa
Kom Jagung, Sagu Tumang, Kacang, Embal, Kombili, Kasbi, Cengke, Pala, dll. Katong pu tanah
Ekonomi tumpa dara ni akng pono deng minya embun sorgawi. Biarlah katong pu hidop tetap
berbuah kebaikan. (1 orang masuk dengan membawa hasil kebun/hutan untuk di persembahan)

(Jamaat kasi natzar deng Badonci dari Lagu GPM nomor 212 “KUMPOL CENGKE”)

¹ Kumpol Cengke, Kumpol Deng Nyanyiang Syukur
Coba Rekeng Sio Banya Lawang E
Reef : Syukur Akang Par Yesus
Syukur Jang Putus-Putus,
Bilang Saja Dangke Banya Yesus E
² Ikang Kawang Su Pono Di Dalam Jaring
Arom Bae Su Amper Tabale
Reef : Syukur Akang Par Yesus
Syukur Jang Putus-Putus,
Bilang Saja Dangke Banya Yesus E

³ Bunga Pala Di Pohong Barangke-Rangke 4 Dari Dolo Su Ada Persekutuan

Sagu Lempeng Su Pono Di Dulang Yang Badiri Atas Firman Tuhan
Reef : Syukur Akang Par Yesus Reef : Syukur Akang Par Yesus
Syukur Jang Putus-Putus, Syukur Jang Putus-Putus,
Bilang Saja Dangke Banya Yesus E Bilang Saja Dangke Banya Yesus E

 GMKI YANG SOMBAYANG (Par Gareja, Kampus deng Dunya)

 ALLAH UTUS
BADONCI PAR PUJI TETE MANIS dari Lagu DSL nomor 216:1,2 “UTUS’LAH AKU”
¹ Dengar Maha Tuhan Panggil ² Meski Tidak Boleh Sampai,
“Marilah Ke Bendam-Ku, Ke Halaik Dalam K’lam
Gandum Sudah Jadi Putih, Cari Juga Dekat-Dekat,
Baik Ketamlah Gandum-Ku’’ Yang Sesatlah Dari T’rang
Tuhan Panggil Dengan Sangat Dan Besarlah Upahmu Kalau Engkau Tidak Kaya, Sama Janda Baik Kau B’ri
Biar Dengar Dan Menyahut, U T U S A K U Tuhanku Yang B’ri Air Dingin Jua, Dapat Berkat Al-Masih

IBADAH GMKI KOMISARIAT LINGKUP UKIM BULAN OKTOBER 2019 – “CIVEG UKIM” 3
  ALLAH KAS TANUAR BASAR

Basudara kekasih mari katong pulang deng sukacita tarus katong karja demi Antua Basar pu Nama.
Untuk itu, siap jamaat pung hati, jiwa, deng hidop for Tuhan lalu tarima Antua pung Janji Penyertaan

“Tuhan Allah di dalang Tete Manis, lewat Antua pung Roh Suci yang pung kasi sayang basar tu kasi
dame basudara dong pung hati, jiwa deng hidop, Antua kasi apa sa yang bae par basudara for biking
Antua pung mau. Antua kas kuat basudara supaya basudara biking bae par gareja, kampus dengn
dunya ni. Mari katong puji-puji Tete Manis tarus-tarus.” Amin

J : (Badonci dari Jamaat pu Donci nomor KJ.478a) AMIN, AMIN, AMIN.

-------------- Saat Teduh ----------- (Sambil dudu)

BADONCI PAR PUJI TETE MANIS ”DALAM TUHAN KITA BERSAUDARA”

(sambil berjabat tangan)
Dalam Tuhan, Katong Ade Kaka,
Dalam Tuhan, Katong Ade Kaka,
Dalam Tuhan, Katong Ade Kaka,
Sakarang Deng Salamanya
Dalam Tuhan, Katong Ade Kaka.

SALAMAT SOMBAYANG KATONG TABAOS PAR BASUDARA SAMUA

dar
GMKI KOMISARIAT CIVEG UKIM

IBADAH GMKI KOMISARIAT LINGKUP UKIM BULAN OKTOBER 2019 – “CIVEG UKIM” 4