Kato Pasambahan

Assalamualaikum.Wr.Wb

Sairiang balam jo barabah, Balam lalu barabah mandi

Sairiang salam nan jo sambah, Sambah lalu salam kumbali

Disusun jari nan sapulauh, Ditakuahkan kapalo di nan satu

Sambah tatompang ka nan rapek, Sambah Sujuik Ka Nan Banyak....

Di awa kato jo bismilah kato di mulai., Salam kaganti siriah jo pinang

Pandang nan jauh lah dilayangkan, Pandang nan dakek lah batukiakkan

Indak basibak jo Basisiah, Bukan bahinggo jo babateh.

Talatak putiang dihulu dibawah gumpalan tali

Asa mulo kato dahulu tigo limbago nan tajadi.

Partamo sambah manyabah, Kaduo Baso Jo Basi, Nan katigo siriah jo pinang

Buruang sinurak buruang sinuri, Manari-nari diateh pamatang

Siriah galak pinang manari, Mancaliak Rombongan nan lah datang

Siriah Carano

Tanam siriah tanamlah pinang, Tanam karakok di halaman

Cabiak siriah gatoklah pinang, Gielengkan rokok pamenan tangan

Nan samo sanang di dalam hati, Sajuak ka dalam kiro-kiro

Tarantang tali dibawah janjang, Elok diambiak pangabek sikek, dibaok anak dari Linggo

Jikok dirantang namuah panjang, Elok dipunta nak nyo singkek, dwk sikek sajo nan dipaguno..

Putiah kapeh dapek diliek, putiah hati dek bakaadaan. sakian sambah dari kami basamo, Kami sudahi
pasambahan