INSTITUT PENDIDIKAN GURU

KAMPUS KENT TUARAN 2, 89207

TUARAN SABAH

BKDB3063
PANAHANGAN KABAALAN KOMI

Ngaran : MOHD HARIZ ARIP BIN JUHANIN

No. K/P : 000524-12-1939
Angka Giliran : 2019062340014
Program : PISMP
Ambilan : JUN 2019
Unit : BOROS KADAZANDUSUN (SK)
Ngaran lungkitas : GUNDOHING VICTOR
BIN BAGA
TadauWulan : 13 NOVEMBER 2020

PENGAKUAN PELAJAR
Saya mengaku bahawa tugasan kerja kursus ini adalah hasil kerja saya sendiri kecuali
nukilan dan ringkasan yang setiap satunya saya jelaskan sumbernya.

Tandatangan Pelajar:__________________________Tarikh : _____________________

PEMERIKSA MODERATOR
Markah Markah

Tandatangan Tandatangan

Cop Cop

Tarikh Tarikh

PENGESAHAN PELAJAR
Saya mengesahkan bahawa maklum balas yang diberikan oleh pensyarah telah saya
rujuki dan fahami.

Tandatangan Pelajar:__________________________Tarikh : _____________________

KOPOINTUTUNAN
Tumanud Kementerian Pendidikan Malaysia (2020), Panahangan Linimput
(PBD) nopo nga panahangan di poingompus id sesi pongiaan om pambalajaran
(PdP) montok monimung maklumat kokomoi koinabasan, kabaalan om kinolontoyon
tangaanak. PBD di pogulu nopo nga ointutunan sabaagi Panahangan Sikul (PS)
tuminimpuun di toun 2011 om mantad di toun 2016, PS nokosiliu kumaa PBD. PBD
nopo nga poindalanon poingompus proses PdP maya mogikakawo kaida miagal ko
ponoinuan, ponuatan, komi, projek, kuiz, pambantaan om susuai po aktiviti
pambalajaran tumanud Standard Prestasi om portimbangan professional mongingia.
Portimbangan professional nopo nga iso bontuk koputusan kokomoi pambalajaran
tangaanak di nowonsoi mongingia maya kietika momoguno toilaan, kabaalan om
pangalaman tumanud Standard Prestasi om data koinabasan tangaanak id
pambalajaran (Fatimah Idrid 2010). Oinsanan mato balajaran id KSSR om KSSM
nopo nga kohompit id kopoindalanan PBD diti om poingkaa nogi doid mato balajaran
Boros Kadazandusun. Mantad dii, ponuatan diti nopo nga momohuyad kokomoi
pomitanan kopoindalanan panahangan kabaalan komi (mokinongou om mimboros)
tangaanak. Panahangan diti poinfokus id PdP Toun 1.

WOYO PANAHANGAN DI KOSUDONG

Panahangan Standard Pambalajalan kawasa' do papanahon maya' duo kawo
panahangan ii no panahangan Woyo' Sumatif om panahangan Woyo' Formatif.
Taang koinabasan tangaanak momoguno boros milo tipongon maya’ koduo-duo
kawo panahangan diti.

Panahangan Woyo’ Sumatif

Papanahon o panahangan woyo' sumatif maya' poniisan toi ko' panaasan formal.
Maya' panahangan diti, kaanu o mongingia' do monimung profil di popokito koburuon
tangaanak do monginobos Boros Kadazandusun. Kawasa' do papanahon o
panahangan diti montok tosoosongulun tanak. Tudu nopo do panahangan woyo'
sumatif nga' monipong om monimung koilaan kokomoi taang koinabasan do
tangaanak minsingilo do Boros Kadazandusun.

Panahangan Woyo' Formatif

Papanahon o panahangan woyo' formatif do poingompus toun montok mongilo nunu
o taang koinabasan do tangaanak. Koindalan o panahangan diti maya' pongintangan
mooi do kaanu nodii mongingia' do monipong kogisaman do tangaanak monginobos
boros id poingampayatan aktiviti pambalajalan boros. panahangan woyo' diti
kapanahak kounalan kumaa mongingia' om tangaanak nogi'. Kaanu o mongingia' do
mongintong do koilaan di tangaanak nung kodimpot toi ko' au' kaampayat id aktiviti di
papanahon id kalas (Yoppy Wahyu Purnomo 2013). Soira' okito do mongingia' o
kobolingkangan diti, oponsol nodi papanahon o aktiviti suai di kosudongi kaanu
mongunsub do tangaanak dii do monginobos boros. Kosudong nogi' o panahangan
woyo' formatif montok mongintong kogisaman do tangaanak id kabaalan
mokinongou om moboros. Ponginsamakan di kawasa' do gunoon montok
panahangan woyo' formatif nopo nga' maya' folio, kalaja' id tinimungan, pongimatan
maya aktiviti monginobos boros miagal ko' mambasa' om kuiz (Tuan Jah Yusof &
Faridah Nazir 2011).

PANAHANGAN TUMANUD STANDARD PONUANGAN OM STANDARD

PAMBALAJARAN KABAALAN MOKINONGOU OM MIMBOROS

STANDARD PONUANGAN STANDARD PAMBALAJALAN

1.1 Mongintutun tuni boros. 1.1.1 Kaanu o tangaanak mongintutun pimato.

1.1.2 Kaanu o tangaanak monoinu' pomoroitan

boros kokomoi numbul, warana', biodata, boogian
tinan, paganakan, kakamot id kalas om tayam.

1.1.3 Kaanu o tangaanak mongilo pomoroitan

montok boros di kituni /b/, /d/ om /'/.

Montok panahangan kabaalan komi mongintutun tuni boros, mongingia pogulu

po papadalan aktiviti PdP di kaanu mamagampot toinsanan standard pambalajaran
id sawat. Aktiviti di milo do padalanon mongingia nopo nga maya papatayang slaid di
popokito pimato-pimato om boros di kohompit kumaa tangaanak damot popotuduk
kumaa diolo ralan kopomolombusan toi ko’ milo nogi momoguno audio. Kalapas di,
montok mogintong taang koinabasan tangaanak, manahak o mongingia pinludaan
miagal doid gambar id siriba.
 Popisudongo hogot om gambal id siriba.

Manuk

Dokutul

Iso’

Gambar 1: Poomitan Pinludaan Kumaa Tangaanak

Ngaranai kakamot id siriba.

Gambar 2: Poomitan Pinludaan Kumaa Tangaanak

Mantad pinludaan diti, sisimbar mantad tangaanak milo do onuon mongingia sabaagi
pangadangan montok mongilo taang koinabasan tangaanak montok Standard
Ponuangan om Pambalajaran mongintutun tuni boros.

STANDARD PONUANGAN STANDARD PAMBALAJALAN

1.2 Mamarait boros
momoguno pomoroitan om
loyuk di kotunud.
1.2.1 Kaanu o tangaanak mamarait tuni pimato.
1.2.2 Kaanu o tangaanak popolombus boros
kokomoi numbul, warana', biodata, boogian tinan,
paganakan, kakamot id kalas om tayam.

1.2.3 Kaanu o tangaanak popolombus boros di

kituni /b/, /d/ om /'/.

Montok panahangan kabaalan komi mamarait boros momoguno pomoroitan om

loyuk di kotunud, panahangan milo padalanon do mongingia maya panaasan komi.
Lohowon do mongingia tikid tangaanak montok tahangon soroiso’-iso’. Poposodia o
mongingia do gambar toi ko’ nuludan hogot om suhuon i tangaanak momonsoi om
popolombus panandatan tumanud kakamot dii maya spontan. Mantad diti, kaanu
mongingia manahang ralan kopomoroitan tanganak maya lobi spesifik. Kiwa
poomitanan gambar di milo gunoon do mongingia id siriba.

Gambar 3: Poomitan Gambal Montok Panahangan

STANDARD PONUANGAN STANDARD PAMBALAJALAN

1.3 Manahang om manahak 1.3.1 Kaanu o tangaanak mongintutun koilaan di
tisuli' kumaa koilaan di orongou mantad audio ii no panandatan toomod
norongou. om pongudio nogi mogikakawo teks miagal ko’
mesej, rancana, pibarasan om susuyan.

1.3.2 Kaanu o tangaanak mokinongou montok

 mongintutun koilaan, manahak sisimbar om
momonsoi toina'on.

1.3.3 Kaanu o tangaanak momoguno peta

pomusarahan montok monimung koilaan.

Montok panahangan kabaalan manahang om manahak tisuli' kumaa koilaan di

norongou, sosongulun mongingia minog do okreatif id kopoindaanan aktiviti. Sabaagi
poomitanan, aktiviti di milo padalnon nopo nga minsingkono. Boogion di mongingia i
tangaanak kumaa tinimungan om onuan uhu pinsingkanaan tikid tinimungan dii. Milo
nogi do manganu i mongingia do poomitanan tangon mantad buuk teks montok
konoon kawagu di tangaanak. Damot minsingkono i tanganak, oponsol do toinuon
kopio di mongingia i tangaanak montok papadalan panahangan. Aspek di intangan
nopo nga kohompit no paranan, ponglibatan, kopomolombusan boros, tisuli di
patahakon om susuai po mantad tanganak di mamaso aktiviti minsingkono. Id siriba
nopo nga kiwa poomitanan tangon di milo onuon mongingia montok dodion uhu
pinsingkanaan tanganak.

Gambar 4: Poomitan Tangon Montok Pinsingkanaan Tangaanak

STANDARD PONUANGAN STANDARD PAMBALAJALAN

1.4 Popolombus kawagu 1.4.1 Kaanu o tangaanak mongulud boros montok
koilaan di norongou toi ko' popoboros kawagu ponuhuan di norongou toi ko' i
nokito. nointutunan mantad bahan pongunsub.

1.4.2 Kaanu o tangaanak manahak sisimbar kumaa

ponguhatan di norongou maya’ ponguhupan do
mongingia'.

1.4.3 Kaanu o tangaanak poposunud do koilaan di

norongou toi ko' i notimung mantad bahan
pongunsub maya’ ponguhupan do mongingia'.

Montok panahangan kabaalan popolombus kawagu koilaan di norongou toi ko'

nokito, milo o mongingia papadalan aktiviti pogiutigan toi ko’ forum. Mongingia milo
dumadi do pongurusi om tanganak sabagi panel montok monginsonong
kopoindalanan forum toi ko’ pogiutigan dii. Id bontuk tinimungan nogi, tanganak
poinrikau id woyo di posorili om kopikito tiso om iso. Potimpuunon di mongingia
pogiutigan di maya popolombus iso-iso isu sabaagi pongunsub. Milo nogi o
mongingia monguhot tikid tangaanak montok manahak pomusarahan diolo kokomoi
isu di pogiutigan. Kaanu songulun tanganak di mamagampot standard sokiro
kapanganu pomusarahan di kaanit kumaa pongunsub di pinatahak mongingia.
Damot aktiviti padalanon, kaanu i mongingia manahang tikid tangaanak.

Gambar 5: Poomitan Aktiviti Pogiutigan

STANDARD PONUANGAN STANDARD PAMBALAJALAN
1.5 Mikomunikasi 1.5.1 Kaanu o tangaanak mongilo kopolombusan di
momoguno boros di kotunud om olinuud mantad audio montok
kotunud, ayat di agramatis panandatan toomod maya popointutun om popoilo,
om kobooboroso di olinuud. panandatan pongudio maya mintutun om
monguhot nogi panandatan ponuhuan maya
popointalang.

1.5.2 Kaanu o tangaanak minsingumbal

popolombus panandatan miampai momoguno
kopolombusan di kotunud om olinuud maya
popointutun om mintutun nogi miuhot om misimbar.

1.5.3 Kaanu o tangaanak popolombus mesej,

pibarasan, susuyan, ponuhuan.

Montok panahangan kabaalan mikomunikasi momoguno boros di kotunud, ayat

di agramatis om kobooboroso di olinuud, aktiviti di kosudong nopo nga
pogibabarasan. Id timpuunon, boogion tangaanak kumaa tinimungan duo tulun. Tikid
tinimungan papadalan aktiviti mogiboboros migal ko popointutun om muhot ngaran,
tionon, paganakan om susuai po maya spontan om tumanud pomusarahan diolo
sondii. Mantad aktiviti diti, osonong o mongingia manahang koinoboson tangaanak
maya monoinu diolo papadalan pogibabarasan.

SUKUON MONTOK PAPADALAN PANAHANGAN

Montok papadalan panahangan kabaalan komi, sumuku o mongingia do

Standard Prestasi montok mongilo aspek-aspek di tahangon mantad tangaanak.
Kiwa taang koinabasan 1 gisom 6 miampai kointalangan montok pogintangan
mongingia manahang tangaanak id tikid aktiviti di padalanon. Poinhanggum nopo id
Standard Pambalajalan Toun 1 diti nga' kabaalan mongintutun om mamarait tuni
pimato, monorou om popolombus mogikaakawo boros, mogilo om popolombus boros
di kituni /b/, /d/ om /’/. Pointutunon noogi' id Toun 1 o kabaalan mongintutun om
popolombus ayat di oguno id mesej, pibarasan, susuyan om ponuhuan. Suai ko'
mantad dilo' kabaalan magarati' om manahak tisuli kumaa koilaan di norongou nga'
poia'on noogi’ id Toun 1. Id siriba nopo nga kiwa Standard Prestasi kabaalan
mokinongou om mimboros Toun 1.
STANDARD PRESTASI
TAANG KOINABASAN KOINTALANGAN
1  Kaanu momuhondom kawagu koilaan di norongou toi ko'
nokito.
  Koilaan di polombuson toi ko' patahakon au' poingonop.
2  Kaanu momuhondom om mangarati' koilaan di norongou
toi ko' nokito.
 Koilaan di polombuson toi ko' patahakon kosudong om
olinuud.
3  Kaanu mangarati' om momoguno koilaan di norongou toi
ko' nokito.
 Koilaan di polombuson toi ko' patahakon kotunud om
olinuud.
4  Kaanu mongompuri om momoguno koilaan di noompuri
mantad nunu i norongou toi ko' nokito.
 Koilaan di polombuson toi ko' patahakon kotunud, oulud
om olinuud.
5  Kaanu momoguno koilaan di noompuri om natahang
mantad nunu i norongou toi ko' nokito.
 Koilaan di polombuson toi ko' patahakon opinto, kirati',
oulud, olinuud om popokito woyo' pomusarahan di
takawas.
6  Kaanu mongompuri, manahang om mongulud koilaan
mantad nunu i norongou toi ko' nokito.
 Koilaan di polombuson toi ko' patahakon opinto, kirati',
oulud, olinuud, popokito woyo' pomusarahan di
takawas om momoguno idea sondii'.

POMOLINGKUMAN
Id kolimpupuson, panahangan diti oponsol montok monoinu koinabasan
tangaanak, mongilo kagarasan om koluhayan tangaanak id pambalajaran, mongilo
bagas pongiaan om manganu laang tumolimbus di kosudong kumaa tangaanak.
Taang koinabasan tangaanak id panahangan minog do poriputon id fail Excel di
gunoon id taang sikul om poriputon kumaa molohing tangaanak. Mantad dii, oponsol
kopio kumaa mongingia do papanau panahangan di oulud om kosudong poingompus
id PdP.

SINUKU
Kementerian Pendidikan Malaysia. (2015). Dokumen Standard Kurikulum dan
Pentaksiran Bahasa Kadazandusun Tahun 1. Terbitan Terhad Bahagian
Pembangunan Kurikulum Kementerian Pendidikan Malaysia.

Kementerian Pendidikan Malaysia. (2020). Pentaksiran Bilik Darjah (PBD). Noihum

mantad, https://www.moe.gov.my/en/soalan-lazim-menu/kurikulum/kurikulum

Yoppy Wahyu Purnomo. (2013). Keberkesanan Penilaian Formatif terhadap hasil

belajar Mahasiswa ditinjau dari motivasi belajar. Kertas Seminar Nasional
Pendidikan. Universiti Muhamadiyah Jakrta, 9 November.

Tuan Jah Yusof & Faridah Nazir. (2011). Pengajaran Kemahiran Bahasa Melayu.
Selangor. Penerbit Multimedia Sdn. Bhd.

Fatimah Idrid. (2010). Pedagogo Kemahiran Bahasa Melayu Pendekatan

Komunikatif dalam Pengajaran dan Pembelajaran Kemahiran Lisan Bahasa Melayu
Sekolah Rendah. Institut Pendidikan Guru Kampus Bahasa Melayu.