Prinsip pomilian om adaptasi kakamot kabaalan mokinongou om moboros Kriteria pomilian

kakamot

I. Posoguo' poingkuro pomilian kakamot montok kabaalan mokinongou om moboros

(Komi)

Pomilian kakamot montok kabaalan mokinongou

a. Kakamot di kosudong
b. Kakamot autentik (rodiu dan televisyen, borita’ om susuai po)
c. Kakamot di kosudong montok taang toilaan tanganak
d. Kakamot di kohiok

Pomilian kakamot montok kabaalan moboros

- milo mongingia’ do momili kakamot pongia’an om pambalajalan tumanud kreteria id siriba;

a. Kakamot i haro mantad

b. Kosokodungan objektif pongia’an
c. Kobisa’an (keberkesanan)
II. Ralan adaptasi kakamoot kabaalan komi.

Kumoiso’ nopo nga ababayan pinludaan montok mokinongou om moboros. Ababayan

pinludaan diti kitudu do mongunsub tanganak mokinongou om moboros miampai osonong
maya pomogunoon pita rakaman, gambal-gambal bersiri, carta, kad-kad imbasan, filem om
slaid. Oinsanan kakamot diti posodiaon do mongingia’ tumanud do kabaalan om taang
toilaan tanganak mooi do oinsanan tanganak katanud proses PdP om agampot o’ objektif
pambalajalan tumanud Dokumen Standard Kurikulum Pentaksiran i pinili (Kamaruddin Hj.
Husin., 1998). Poomitanan nopo nga maya dialog, seni kata sinding om potikan ponutan.

Kumoduo nopo nga kokomoi ababayan kabaalan komunikatif. Kakamot nopo i

kosudong montok ababayan komunikatif nga momoguno pita rakaman video sabab maya
kakamot diti kaanu o tanganak mokinongou poomitanan-poomitanan rolou, tuni, loyuk om
woyo boboroson momooboros (penutur) id suang iso pilumaagan boros. Suai ko ilo kokito
nogi o tanganak woyo pomogunoon unsur-unsur okon linguistik miagal ko gura longon, tulu,
om kadat (mimik muka). Poomitanan, pokitonon o’ tanganak video tuunion om sayau
koubasanan tulun Kadazan Dusun. Pointutunon do mongingia’ nunu id suang video om
suhuon o’ tanganak momit sayau i nokito om norongou diolo.

Tumilombus, pengadaptasian do kakamot-kakamot i authentic toi ko kakamot

kakamot i naanu mantad id nontodon (sumber asal), Poomitanan nopo nga ruputan tawan
kopoilan, wawancara, forum, om sudawil. Pomogunoon kakamot sandad toi ko kakamot i
relevan id suang PdP oponsol sabab iti no i omiton om pinsingilaan do tanganak. Nung au
koontok toi ko’ aiso pionitan tudu pinsingilaan, tanganak nga’ arahung om au agampot o’
objektif pambalajalan di.

Mantad dilo, pomogunoon kakamot ponguhup pambalajalan i nokosuat nopo diti nga
milo do simbanan tumanud do kinantakan om pokionuon taang pambalajalan tanganak.
Oponsol nopo kopio nga’, poingkuro o’ tanganak katanud miampai aktif id suang ababayan
pinsingilaan i pinaharo. Kinalantaian kakamot ponguhup pongiaan nopo nga’ tumanud
songkuro kampayatan deria sosongulun tanganak di. Maya dilo, ponginsamakan i
papahampai mogikakawo deria maya kakamot, media toi ko’ kakamot ponguhup mongia’
oponsol montok poposilu pambalajalan i lobih kibagas (berkesan) om kitudu (Mok Soon
Sung. 2011).