HKBP Yogyakarta

ACARA IBADAH
Pukul 09:00 & 11:00 Bahasa Batak
MINGGU ADVENT I, 28 November 2021

00 TANGIANG NA HOHOM BE 811

01 BE 440:1-3

SAI PUJI MA TUHANTA

1
Sai puji ma Tuhanta Jesus Kristus.
Pasangap ma, lomona ma patulus,
Pinuji ma goarNa, da!
2
Na sahat ma endeta tu joloNa.
Na metmet manang angka na umbalga.
Pinuji ma goarNa, da!
...Jongjong di ayat 3...
3
Ndang pande au mamuji Ho, o Tuhan,
Alai dibege Ho au, ale Tuhan,
Pinuji ma goarNa, da!

02 Votum-Introitus-Martangiang:
03 BE 38:1+4

PARUAK MA HARBANGAN I
1
Paruak ma harbangan i, ai nunga ro Rajanta i.
Sigomgom raja sasude, sitobus hajolmaon pe,
siboan hatuaon i, pasuang hasonangan i.
I pe tapuji ma Tuhanta Debata.
 4
O Jesus ro ma Ho tuson, ai naung huungkap rohangkon.
Patongon asi ni rohaM, patolhas denggan ni basaM
tu au marhite TondiMi, togihon au tu surgo i;
ai naeng tongtong disi Hupuji goarMi.
04 PATIK: Mateus 24 : 42 – 51
24:42 Onpe, dungo ma hamu; ai ndang diboto hamu ari haroro ni Tuhanmuna!
24:43 Alai ingot hamu ma on: Aut na diboto na mora i tingki haroro ni panangko,
ndang tagamon so dungo ibana, asa unang disursari ugasanna na di bagasna i.
24:44 Dibahen i sai tagam ma hamu, ai na ro ma Anak ni jolma i di na so
pangkirimon ni rohamu!
24:45 Asa didia do naposo haposan jala na marroha, na pinabangkit ni indukna
mangalehon angka naposona mangan di tingkina?
24:46 Martua do naposo i, na mangulahon songon i didapot indukna di harorona i!
24:47 Situtu do na hudok on tu hamu: Pabangkitonna do ibana mangaramoti
saluhutna na di ibana.
24:48 Alai ia na jahat naposo i, dohononna ma di bagasan rohana: Leleng dope asa
ro indukhi!
24:49 Gabe tole ma ibana mangalinsingi angka donganna naposo; mangan minum
do anggo ibana, mangangkupi angka siparmabuk.
24:50 Dung i ro ma induk ni naposo ondeng di ari na so panagamanna jala di
sadihari na so pamotoanna.
24:51 Jadi agoonna ma ibana, laos lehononna ma tu ibana tohap ni angka
pangansi. Disi ma masa angguhangguk dohot na patungoripon!

05 BE 43:1-2
PADIRI ROHAMUNA
1
Padiri rohamuna, hamu parroha i
Naung ro do tuamu na pasaehon dosa i.
Ro sian ginjang do, maningkir sidangolon
ni nasa hajolmaon, naeng buatonNa do
...Jongjong di ayat 2...
2
Pauli di Ibana ma rohamuna be.
Alai na so lomoNa padao ma sasude.
DalanNa naeng ture lao bongot tu rohanta.
Ipe na tau sabatNa pabali ma sude.
06 MANOPOTI DOSA:

07 BE 574:1+3

PUJI MA DEBATA
1
Puji ma, puji ma Debata, na niainNa do umpuji Debata.
Nunga sesa dosami, malum dohot rohami.
Puji ma puji ma Debata, na niainNa do umpuji Debata.
3
Tagam ma, tagam ma Tuhan i, sai pagalak ma tongtong palitomi.
Lam jonok ari na i, salpu parungkilon i.
Tagam ma tagam ma Tuhan i, sai pagalak ma tongtong palitomi.

08 EPISTEL: Jeremia 33 : 14-16

33:14 Ida ma, na ro do angka ari sogot, ninna Jahowa, ahu ma pasintongkon disi hata na
denggan i naung huparbagabaga i taringot tu pinompar ni Israel dohot taringot tu
pinompar ni Juda.
33:15 Di angka ari i dohot di tingki i ahu ma patubuhon di si Daud sada tumbur
hatigoran, ibana ma mangkajongjongkon uhum dohot hatigoran di tano on.
33:16 Di angka ari i ma dapotan tua Juda jala marsonangsonang isi ni Jerusalem
maringanan, jala on do goarna dohonon ni halak: Jahowa parpintoranta.

09 BE 39:1-2

BEHA MA PANJALONGKU
1
Beha ma panjalongku di Ho, o Tuhanhi?
Beha ma panomungku di Ho, o Rajangki?
Sondangi ma rohangku na holom, na bodo.
Ai naeng patupaonhu las ni rohaM di Ho.
...Jongjong di ayat 2...
2
Pangisi ni SionMu do mangolophon Ho.
Lao songon i rohangku lao mandapothon Ho.
Na ringgas do rohangku mamuji goarMi.
Na daulat do sangkaphu patulus rohaMi.
10 MANGHATINDANGHON HAPORSEAON

11 KOOR/VG :

12 TINGTING:

13 BE 44:1+3

HAMUNA NA PORSEA I SAI TOMU TUHAN JESUS I

1
Hamuna na porsea i sai tomu Tuhan Jesus i, pahehe rohamuna.
Jonok do ari pesta ni saluhut huriaNa i, i ma hatutubuNa.
I pe, hehe ma hamuna, baen pantunna, lao manjangkon na manopot
hajolmaon.
3
Sigati rohamuna be, sai tanda dosamu sude, paringkot rohamuna;
manjangkon Sipalua i, na tuat sian surgo i manggarar utangmuna.
Tanda hata hangoluan na binoan ni Tuhanta, na pasae sude dosanta.

14 JAMITA: 1 Tessalonik 3 : 9-13

3:9 Ai hamauliateon dia ma tarlehon hami tu Debata, balos ni saluhut halalas ni

roha na huhilala hami di jolo ni Debatanami marningot hamu?
3:10 Borngin dohot arian lobi sumurung do tangiangnami, asa anggiat
idaonnami bohimuna laos patingkosonnami, ia adong dope hahurangan ni
haporseaonmuna.
3:11 Alai Debata Amanta sandiri dohot Tuhanta Jesus ma pabulushon
langkanami tu hamu!
3:12 Alai digohi jala lam ditambai Tuhan i ma haholongon ni rohamuna sama
hamu, nang tu saluhut, songon holong ni rohanami di hamu!
3:13 Laho patoguhon rohamuna, gabe so hasurahan marhabadiaon di jolo ni
Debata Amanta, di na ro i Tuhanta Jesus rap dohot saluhut angka na
badiana.
15 Ayat Pelean: II Korintus/Korin/Chorintians 9: 7 TEV
Ganup ma nionjar ni rohana: unang ma sian muruk manang sian na so
tarjua; ai dihaholongi Debata do na las roha mangalehon!
16 BE 591:1--- (Persembahan)
BORU SION
1
Boru Sion las roham, las roham Jerusalem.
Ai na ro do Raja mi padamehon ho tongtong.
Boru sion las roham, las roham Jerusalem.
2
Anak Daud ro ma Ho, pasupasu bangsoMon.
HarajaonMu hot tongtong, dame ma di tano on.
Hosianna, ro ma Ho; pasupasu bangsoMon.
3
Hosianna ro ma Ho, masuk Ho tu rohangkon.
Baen mardame tondingkon, lao manjangkon haroroM.
Anak Daud ro ma Ho, masuk Ho tu rohangkon.

17 PANUTUP: Tangiang dohot Pasupasu