PARTORDING NI PARMINGGUON

DI MINGGU PESTA NATAL II

(MINGGU PARNINGOTAN DI ARI HATUTUBU NI JESUS KRISTUS)

Ev. Titus 2 : 11 - 15 Ep. Jesaya 63 : 7 - 14

TOPIK :

NUNGA PATAR ASI NI ROHA NI DEBATA

HURIA KRISTEN BATAK PROTESTAN

RUTH RESS. SIMALINGKAR B
SENIN, 26 DESEMBER 2022
01. Marende BE HKBP No. 605 : 1-2,4 “LAS MA ROHAM” Bl. 605

 Las ma roham Tuhanta ro, gumomgom sasude. Ungkap roham, jangkon

rajam, marende ma sude, marende ma sude, marende, marende ma
sude.
 Tano nang laut, harangan i, nang awang-awang i, hauma i, nang sunge
i, olophon Raja i, olophon Raja i, olophon, olophon Raja i.
---Musik---
 (Jongjong) Ibana do Rajanta i, Parasiroha i. Na tigor i, na bonar i,
parholong roha i, parholong roha i, parholong, parholong roha i

02. VOTUM – INTROITUS – TANGIANG :

U : Marhitehite Goar ni Debata Ama, dohot Goar ni AnakNa Tuhan Jesus Kristus,
dohot Goar ni Tondi Porbadia na tumompa langit dohot tano on. Amen.
Bangso na mardalani di bagasan haholomon marnida sada panondang na
bolon. Binsar do sada panondang di angka na mangingani tano na
nilinggoman ni hamatean. Marrongoman bangsoM ro sian lomona di ari
parporanganMu; marpahean habadiaon, songon nambur sian ampuan ni andos
torang ro do tu Ho paranganMu angka na umposo. Haleluya!
H : (Mangendehon): Haleluya, Haleluya, Haleluya!
U : Martangiang ma hita ! Ale Debata, Ama na di banua ginjang! Pujipujian,
hasangapon dohot hamauliateon husombahon hami tu Ho, marningot
silehonlehonMi na balga i tu hami jolma na di pardangolan on, i ma AnakMu,
Jesus Kristus, na sinuruM i sian banua ginjang ala ni hami. Gabe na dangol do
Ibana jala na pogos, pola tubu Ibana di bara ni Betlehem, asa mamora hami.
Sai rajai jala togutogu hami marhitehite TondiM, asa lam huida hami godang
ni holong ni rohaM na pinapatar ni AnakMi. Amen.
(Hundul)

03. Marende BE HKBP No. 61 : 1+6 “NA TAU LAS NI ROHA” Bl. 2
 Na tau las ni roha, hatutubu ni Jesus Sipalua, haholonganhi. Jesus
sipalua, haholonganhi.
 Sai mardongan Jesus hinadenggan nii. Nang tu au patulus halolomoMi.
Nang tu au patulus halolomoMi.

1
04. PATIK :
U : Patik ni Debata di Pesta Natal paduahon sadari on, ima na tarsurat di 2
Timoteus 1 : 13. Songon on ma didok: Ihuthon ma angka poda na tingkos i
tiruanmu, songon naung binegem sian ahu, di bagasan haporseaon dohot
holong ni roha na di Kristus Jesus i.
I do sahatna, Antong rap mangido gogo ma hita sianTuhan Debata!
H : Ale Tuhan Debata, sai pargogoi ma hami mangulahon na hombar tu
PatikMi. Amen.

05. Marende BE HKBP No. 58:4-5 “MARTUMBUR TUNGKOTUNGKO”

Bl.123
 Pinuji ma Jahowa na asi roha i. Dilehon do AnakNa hangoluanta i.
Girgir ma hita on mamuji Debatanta ala basaninon.
(Jongjong)
 O Jesus Tuhannami naung ro tu tano on. Tu pardangolannami di
hasiangan on. Asi ma rohaMi, sai togu tondinami tu hasangaponMi.

06. MANOPOTI DOSA:

U : Tatopoti ma dosanta, martangiang ma hita! Ale Tuhan Debata, Pargogo
na so hatudosan jala Ama Parasiroha! Ndang lomo rohaM mida hamatean ni
pardosa; mulak ma nian parjahat i tumadingkon dalanna, asa mangolu ibana,
I do dipangido rohaM. Ala ni i umabahen hupangido hami; sai sundati ma
torutoruM asa unang mangonai be tu hami.Sai sesa sude dosanami, asa
mangolu hami di bagasan asi ni rohaM. Sai pargogoi ma hami, asa
margogo hami, marhitehite Tuhan Jesus Kristus, Tuhannami. Amen.
U : Tabege ma bagabaga ni Debata taringot tu hasesaan ni dosa! Songon on do
Hata ni Jahowa: Unang ho mabiar, ai Ahu do Siluluhon ho; nunga pola
Hujou goarmu, Ahu nampuna ho. Hasangapon ma di Debata na di
ginjang!

H : Amen.
(Hundul)

08. Marende BE HKBP No.435:1-2 “MAROLOPOLOP TONDINGKI” Bl.294

2
  Marolopolop tondingki ai naung di tobus Jesus i. Hamu sude bege ma i,
sai las rohangku mandok i. Sonang ni tingki i, dung jumpang Jesus
Tuhanki! Tondi na mangajari au tarbaen marlas ni ro ha au. Sonang ni
tingki i dung jumpang Jesus Tuhanki.
 Dihaol holongNa rohangki, tung na so boi be mago i. MataNa do
manatap au, pinggolNa tumangihon au. Sonang ni tingki i, dung
jumpang Jesus Tuhanki. Tondi na mangajari au, tarbaen marlas ni ro
ha au. Sonang ni tingki i dung jumpang Jesus Tuhanki.
09. E P I S T E L :
U : Hata ni Debata Epistel di Pesta Natal na paduahon sadari on, ima na tarsurat
di JESAYA 63 : 7 - 14. Sai baritahononhu do angka denggan basa ni
Jahowa, angka pujipujian ni Jahowa, ai ido na tama marningot sude na
binahen ni Jahowa tu hita, dohot ala ni godang ni denggan basaNa tu
pinompar ni Israel, na binahenNa tu nasida hombar tu angka asi ni rohaNa
dohot tu godang ni denggan ni basaNa.
H : Ai ninna do: Tongon do, bangsongKu do nasida, anak angka na so olo
paotootohon. Jadi dung songon i Ibana ma sipalua nasida.
U : Di nasa hagogotannasida, dohot Ibana targogot, jala suruan ni bohiNa i
paluahon nasida; sian holong ni rohaNa dohot sian pangolaniNa Ibana
paluahon nasida, jala dihindat nasida, jala diompa ganup ari, sian na robi
dope.
H : Alai manggunturi do anggo nasida, jala diarsahi TondiNa na badia i;
dibahen i marbalik Ibana gabe musunasida, jala Ibana sandiri
marporang dompak nasida.
U : Alai sai tongtong do anggo ibana marningot di bangsoNa uju di ngolu ni si
Musa di angka ari na robi, alai anggo naung didok nasida: Di dia do Ibana
naung mamboan nasida, nangkok sian laut rap dohot parmahan ni parduaan
ni birubiruNa? Di dia Ibana na marsagihon TondiNa na badia i tu
tongatonganasida?
H : Ise Ibana na manogu si Musa marhite sian tangan hamuliaonNa naung
patolak aek di jolonasida laho mambahen baritaNa salelenglelengna.
U : Ibana na manogu nasida mamolus angka pusat, songon hoda di adaran, ndang
dung tartuktuk?
H : Songon pinahan na tuat tu rura, ditogihon Tondi ni Jahowa nasida tu
hasonangan; songon i pe ditogihon ho bangsoM asa mambahen goarMu
marmulia.
3
 U : Ido sahatna. Martua do angka na tumangihon Hata ni Debata jala na
umpeopsa.
H : Amen.
10. Marende BE. HKBP No. 515 : 3 - 4 “RINGGAS MA TA PABOA” BL 192
 Tung tano bato Goar ni Jesus Tuhan i. Tu Goar i maporus sude na gale
i. Nang mangalantap udan i, nang pur alogo i. Tung tano bato Goar ni
Jesus, Tuhan i.
(Jongjong)
 Taboan ma goarNa tu angka jolma i. Torop na so mananda Jesus
Tuhanta i. Sibolis nioloan nii, ai dililuhon i. Taboan ma GoarNa tu
angka jolma i.

11. MANGHATINDANGHON HAPORSEAON :

U : Tahatindangkon ma haporseaonta i, songon na hinatindanghon ni donganta
sahaporseaon di sandok portibi on. Rap ma hita mandok!
H : Ahu porsea di Debata Jahowa…..
(Hundul)
12. Sunggul-sunggul.
13. Marende BE HKBP No.598 : 1 ---“BEGE ENDE NI SURUAN” BL 598
(Pelean Ia, Ib)
 Bege ende ni suruan, sangap ma di Tuhan i. Nunga tubu Sipalua, Raja
Sipardame i. Dipadame Debatanta do diriNa tu pardosa. Nunga tubu
Kristus i di huta Betlehem i. Ende ni suruan i, sangap ma di Tuhan i.
 Kristus Raja sian surgo tuat tu portibi on. Tubu sian si Maria lao
manobus hita on. Debata na so tarida gabe daging songon hita. Nunga
raphon hita be Jesus i, Immanuel. Ende ni Suruan i, sangap ma di
Tuhan i.
---Musik---
 Jesus Raja Hadameon sondang hatigoran i. Panondang ni hangoluan
di saluhut jolma i. Dirumari do diriNa lao manobus manisia asa unang
mate be ala ni dosana be. Ende ni Suruan i, sangap ma di Tuhan i.

14. JAMITA: TITUS 2 : 11 - 15

4
15. Marende BE HKBP No. 50 : 1… “MARENDE MA HAMU” BL. 119. (Pelean
Namarboho tu Radio Bonapasgit HKBP)

 Marende ma hamu. On ma dohononMu holong ni rohanta do Posoposo

on. Na mareakhon hita tu atas tano on. Tuhanki do Ho, Tuhanki do Ho.

 Malungun au di Ho, O Jesuski naung ro. Apul ma rohangku Saleleng

au dison. Asi rohaM di ahu Marnida dangolhon. Taiti au tu Ho, taiti au
tu Ho.
---Musik---
 Basa do Ama i disuru Anak i asa gararonNa sude utangta i. Huhut
padirionNa hasonanganta i. Aut na sahat au, Aut na sahat au.
 Tongtong di surgo i hasonanganta i. Sai mariaia disi suruan i. Nang
angka na badia, naung tolhas ro disi. Na masihol au, naeng tusi ma au.
---Musik---

16. TARDIDI

17. TANGIANG PELEAN : (Jongjong)

U : Tatangianghon ma peleanta. Ale Debata, Amanami na di banua ginjang,!
Ho do haroroan ni saluhut silehonlehon na denggan dohot nasa ulibasa na
mauliutus. Hupasahat hami ma sian na nilehonMi tu hami, peleannami tu
Ho. Sai jalo ma i gabe uap na hushus di joloM. Pasupasu ma i jala ramoti asa
huparhaseang hami pelean on, patimbulhon harajaonMu di tongatonga ni
HuriaM dohot di portibi on. Buhai ma roha nami marhitehite TondiM, asa
lam hutanda hami godang ni silehonlehonMi tu hami, asa lam girgir hami
mandok mauliate tu Ho, marhitehite Jesus Kristus Tuhannami. Amen.
H : (Mangendehon) BE HKBP No. 204 : 2 “Ndang Tadingkononhu Ho”BL.
73
 Nasa na nilehonMi, tondi ro di pamatanghu, hosa dohot gogongki, ro di
saluhut artanghu. Hupasahat i tu Ho, na so unsatonhu do.
U : Ale Amanami na di banuaginjang! Sai pinarbadia ma GoarMu! Sai ro ma
harajaonMu! Sai saut ma lomo ni rohaM di banua tonga on songon na di
banua ginjang! Lehon ma tu hami sadari on hangoluan siapari! Sesa ma

5
 dosanami songon panesanami di dosa ni dongan na mardosa tu hami! Unang
hami togihon tu pangunjunan! Palua ma hami sian pangago!

H : (Mangendehon):
 Ai Ho do nampuna harajaon, dohot hagogoon, ro di hasangapon,
saleleng ni leleng na. Amen.
U : Pasupasu
H : (Mangendehon) Amen, Amen, Amen.

========

SELAMAT ARI NATAL