PIDATO BAHASA LAMPUNG TEMA KEBERSIHAN

Assalamualaikum warahmatuhllahi wabarakatuh.

Tabik Pun.
Selamat tukuk,bapak jama ibu sai ikam hormati.

Dija Ikam sebagai ketua RW di Kappung inji ngucapko puji syukur jama Tuhan Sai Maha Esa atas
izinni gham dapok kuppul dija. Ikam munih Neghima nihan ulih bapak jama ibu dapok ghatong dija.
Keghatongan ikam dija haga ngingokko betapa pentingni gham ngejaga kebersihan lingkunganni gham.
Khususni nyin penyakik demam berdarah sai lagi musim di lingkunganni gham. Penyakik hina
disebabko ulih mak bersihni lingkungan. Ulih jak hina Ikam haga nyin bapak Ibu sai dija teghus
memperhatiko kebersihan lingkungan gham. Hina gham lakuko nyin penyakik mak kena di
masyarakat.
Lapah gham guwaiko 3M, yaitu menimbun kaling-kaling bekas, menguras bak mandi, menutup ghang
nappung wai. Sapa lagi sai haga ngejaga likkungan gham ki mak gham.
Balak haghapan ikam supaya hal hina dapok jadi peghhatian gham saunyinni. Ikam munih kilu mahhap
kalau dilom nyappaiko hijo Ikam wat kekughangan.

Ikah Hina sai dapok Ikam sappaiko. Teghima kasih.

Wassalamualaikum warahmatullahi wabarakatuh.
CERPEN BAHASA LAMPUNG
“MUTIL KUPI”

Apai hijo nyak nutuk mit dakhak ni bakku, ampai pertama kali nyak nyilau mit dakhak. Khasani senang
baccong, pas di khelaya wat lamon pemandangan si helau.
Wat gunung, ghulah, bukit khik wat ghimba si unyin ni keliaan hujau khik sejuk. Sesekali nyak moneh
ngeliak pekon lunik disekitar kebun kupi. Hani bakku, hino gelakhni talang.
Sappai moneh nyak di dakhak. "Sappai, pah kham siap-siap mutil kupi" ukhau bak. "Siap, nyak khadu
mawat sabakh haga mutil kupi, pasti gappang khik bangik" timbalku.
Pas khadu gatti kawai, mengan, khik nyiapkon alat-alat, sikam mulai mutil kupi. Nyak makai sakhung
culuk, ginjar, tupi khik lading lunik khadu gegoh bakku.
"Ye mutil" nyak mekik kehanjakan. Pelegohan nyak mindahkon biji kupi jak batangni mit ginjar.
"Tekhnyata payah moneh yu" dilom pikikhanku.
"Nak, si lagi hujau dang di putil pai, si hujau lagi ngukha. Putil si khadu tuha gaoh, warna ni kuning
khik suluh" cawa bak ngeni pandai ki nyak salah mutil kupi.
"Oh payu bak, penyanaku unyinni mingan diputil" timbalku. Ampai sejam, hitingku khadu ngucukh.
Lumayan buya, tekhnyata mutil kupi mawat semudah si ku kikha. Culukku moneh kekhasa sakik, ulih
jakhi-jakhi si di gunakon pakai mutil kupi si lagi nempel di khatting batangni.
"Bak, nyak mingan istirahat mena kodo? nyak buya khik culukku mulai kekhasa sakik. Ginjarku moneh
mawat penuh-penuh, kidang khadu biyak. Nyak payah lapah bak" nyak ngeluh lawan bak.
"Mit istirahat nak," timbal bak palas senyum. Yakhadu ni ia ngewada. "Hamu haga mutil kupi si
lamon, eh tekhyata kelemohan moneh hehehee."
"Iyu bak, tekhnyata biyak moneh yu, penyanaku gappang" timbalku. "Hijo proses si paling gappang
jak ngebun kupi, wat proses si lain si lebih biyak gegoh ngecahkon jukuk khik ngekhatting, ngemupuk
khik ngemawai. Yu gukhajolah nak ki jadi petani, semula ni niku sekula si tinggi in niku mawat jadi
petani" jelaskon bak.