di HKBP Yogyakarta Minggu, 27 Juli 2014 – Dalam Ibadah Pukul 09:00 ----------------------------------------------------------------------- 01. Marende: BE 753:1 Di Pardalanan Jesus di Jolongku (Tingki Marende Huria, asa ro ma tu jolo St. E.P. Sirait & Keluarga mangadophon Pandita) Di pardalanan Jesus di jolongku, holong ni tanganMi manogu au; nang di ngolungku Ho do sombaonku, tung sonang mardalan raphon au. (Ref:) Huboto do tangkas panoguonMu diiringiring Ho do langkangki sahat rodi ujung ni pardalanku togu ma au jonok tu lambung-Mi. 02. Hata Pamonai: Huria ni Tuhanta di bagasan Jesus Kristus. Gok ma tingkina, di ari Minggu sadari on, paborhatonta ma pensiun Amang St. Ir. Eddy Pontas Sirait, rap dohot keluarga sian HKBP Yogyakarta on, ala boho na di ari Jumat, 25 Juli 2014, gok umurnasida 65 taon. Hombar tu Aturan dohot Paraturan ni HKBP 2002, pensiun ma Sintua dung marumur 65 taon. Pujipujian ma dohot hasangapon ma tapasahat tu Debata Jahowa. Mauliate ma tapasahat tu Amang St. E.P Sirait dohot keluarga, siala panghobasionnasida na saleleng on di HKBP Yogyakarta on. Marsangap ma Debata nang marhite panghobasionnasida jala lam taruli pasupasu dohot las ni roha ma Huria-Na. Na marpardomuan tu Sintua Pensiun, tabege ma isi ni Surat Keputusan sian Hurianta, na jinahahon ni Sekretaris Huria. 03. Manjaha Surat Keputusan Pensiun Sintua: (Oleh Sekretaris Huria, St. B. Napitu) 04. Paborhathon Pensiun St. Ir. Eddy Pontas Sirait (Huhut manjalang mandok) : Atas goar ni HKBP Resort Yogyakarta, ahu Pandita Resort raphon sude Parhalado dohot ruas ni Huria Kristen Batak Protestan Yogyakarta on, mandok mauliate tu Tuhanta siala panghobasionmuna. Di ari sadari on, Minggu 22 Juni 2014, hupaborhat hami ma hamu, Amanami St. E.P. Sirait, mamasuhi masa Pensiun sian Hasintuaon di HKBP Yogyakarta on dohot Pensiun sian Parhalado Resort Yogyakarta. Sai didongani asi ni roha ni TUHAN JESUS KRISTUS, dohot holong ni roha ni DEBATA AMA, dohot parsaoran ni TONDI PARBADIA ma hamu mandalani masa pensiun na binasabasahon ni Tuhanta tu hamu rap dohot keluarga! Mauliate ma dohot di keluarga na mangurupi panghobasion ni Amang Sintua saleleng marhobas di Huria on. Sai didongani Debata ma hamu mandalani masa-masa pensiunmuna. Tondi Parbadia i ma margogoihon hita saluhutna di angka parsaoran, panindangion, nang panghobasion na adong di Huria i. Marsangap ma Debata di tonga ni Huria-Na i. TUHAN mamasumasu dohot mandongani hita saluhutna. Amen. 05. Martangiang: Ale Jahowa Amanami marhitehite Jesus Kristus dohot Tondi Parbadia. Pujipujian dohot hasangapon ma di Ho naung pabangkithon dohot marsuru angka NaposoM marhobas di tonga ni HuriaM. Pasupasu ma angka panghobasion ni naposoM on raphon HuriaM. Borhati ma angka parhaladoM dohot ruas ni HuriaM patulushon ulaon panjouonMi di hami laho marsaor, marpanindangi, dohot marhobas. Secara khusus, borhati ma naposoM, St. Eddy Pontas Sirait raphon keluarga mandalani masa- masa pensiun sian hasintuaon. Pasupasu ma panghobasionnasida na saleleng on di tonga ni HuriaM on. Pargogoi ma nasida marhite Tondi Parbadia laho padasiphon ulaon panghobasionnasida nang marhite masa pensiun on di tonga ni parsaorannami di HuriaM dohot masyarakat. Ala ni Kristus Jesus, Tuhannami. Amen. 06. Pasahathon SK Pensiun: (Oleh Sekretaris Jemaat) 07. Mandok Hata Mewakili Warga Jemaat: 08. Mandok Hata Sintua Pensiun: 09. Mandok Hata Mewakili Parhalado/Parhalado Resort Laos Pasahathon Cindera- mata sian Huria: (Oleh Parhalado Parartaon, St. K. Samosir, S.E.) 10. Ende Panutup: BE 753:3 Di Pardalanan Jesus di Jolongku Patogu ma Tuhan haporseaonku, asa polin tu Ho manghirim au; tu surgo i patulus pardalanku, Tondi-Mi maringan ma di au. (Ref:) Huboto do tangkas panoguonMu diiringiring Ho do langkangki sahat rodi ujung ni pardalanku togu ma au jonok tu lambung-Mi.