Nama : ADITYA SETIAWANKOKO

No Absen : 01

Alamat : Ds. Kunci Jl. Ndarmingun No 38 Rt 07

Rw 01 Kec. Dander kab. Bojonegoro

Judul : SEKOLAH ING JAMAN ANYAR

Kriiiiiiiing. Suoro alarm hp ku pating gumleger

ing kuping. Suoro ibukku sing melu nyandingi agawe
aku langsung tangi soko anggonku turu. Tak pateni hp
ku banjur tak deleng wis jam 6 isuk. Koyo biasane aku
banjur ngrewangi ibukku resik-resik omah.

Ibu : ayo ndang tangi wes awan, we mau wes sholat

subuh durung?

Aku : sampun buk, bakdho sholat kulo tilem malih.

Ibu : lha bar sholat kok turu neh gak langsung

ngrewangi ibuk.
Aku : tasek ngantuk buk, yowes ndi sing durung tak
resikane

Ibu : iki kumbahane pemeen wes ibuk umbah, trus

kuwi piringe ojo lali diresiki, omahe sisan pel
mau wes tak sapu, bar kuwi larahane buwak en
ning cedak e pasar kono.

Aku : nggeh buk, yowes njenengan siram mawon niki

tak resikane.

Jenengku ADIT aku kelas 12 ipa 1, aku sekolah

ing SMA N 4 BOJONEGORO. Saben mari sholat subuh
aku mesti turu maneh banjur tangine jam 6 isuk. Mari
ngunu aku langsung rewangi ibukku amargo jam 7 ibu
kudu wes budal kerjo. Mari ngeresiki omah aku
langsung budal ning omah kidul utowo omah e mas ku
sing deweke sak iki kerjo ning Suroboyo ning kono aku
ngerumat pitik sing kabeh e enek 5.

Sakben isuk lan sore aku mesti mrono makani

pitek. Banjur kuwi aku langsung muleh trus mbukak hp
kanggo absen pelajaran dino kuwi kyo biasane.
Keseharianku iki mben ndino tak lakoni sakdurunge
padahal ora koyo ngene. Semenjak onok Virus Covid 19
kuwi aku mulai nglakoni sekolah koyo ngeneki.

Awal virus iki lagi geden-gedene yoiku pas ulan

Maret. Aku budal sekolah jam 6 isuk lek bar sholat
subuh aku langsung ngrewangi ibukku resik-resik banjur
kuwi aku sarapan lan adus. Mari adus aku siap-siap trus
langsung budal sekolah. Ing kelas wes enek koncoku
sing jenenge Arthur, Rozaq, Bintang. Aku guyon karo
koncoku ing ngarep kelas. Arthur ngomong lek iki ngko
ape enek pengumuman muleh isuk.

Arthur : he ki ngko lho ketok e mulih isuk.

Rozaq : lho lha enek opo kok muleh isuk, rapat

to pye gurune?

Bintang : ora, lha we ora ndeleng ta berita mang

mbengi ning Tv?

Rozaq : berita opo?

Aku : oualah berita Covid 19 iku ta?, jarene

Ketua Menkes lan Mendik sekolah bakal
 libur suwe amargo virus sak iki wes
nyebar ning Indonesia.

Arthur : aku yo ruh berita kuwi, budhe ku yowes

entuk surat e lek bakal libur suwe pekoro
Covid 19 iki.

Aku : mosok iku tenan, lha trus Ulangane sok

iki pye?

Arthur : jerene sih bakal diundur.

Bintang : cocok ki lek pancen libur tenan

mumpung aku urung nggarap PR dino iki
eg heheheh.

Rozaq : mugo-mugo ae ora suwi libur e.

Aku : lha kenopo? Gak yo malah penak kene

iso libur suwi.

Rozaq : yo ancene enak lha sak iki masalahe

adewe wes arek munggah kelas 12. Ngko
lek semisal urung masuk sampek kene
kelas 12 trus ujiane piye?
Aku : oh iyo ya, keplek nhu mengko lek pas
Ujian Klenga Klengo ra ngerti opo-opo

Kabeh :hahahaha

Ora suwe bel sekolah muni teeeeeeet. Para siswa

podo Langsung melbu ing kelas e dewe-dewe. Wektu
wes jam 7 luweh 15 menit biasane guru maple wing
melbu ing kelas tapi iki urung onok guru sing melbu
kelas.

Koncoku sing jenege Abel banjur ngomong

Abel : ambu-ambune sido muleh isuk ki

Arthur : iyo paling, ngko iso leyeh-leyeh ning

omah

Bintang : Mugo-mugo sido libur lek iso sampek

setahun

Aku : lambemu lha sok lek Ujian piye?

Abel : Loss gak rewel. Hahahaha

Ora let suwe bel sekolah muni Teeeet, Teeeeet,

Teeeeet. Bel sekolah muni ping telu tandane muleh
banjur kuwi diiringi suoro pengumuman saking Kepala
Sekolah. Para siswa sakniki kumpul teng Lapangan.
Banjur kuwi para siswa langsung baris teng lapangan.
Kepala Sekolah ketok koyo nggowo surat.

Kepala Sekolah : Assalamualaikum wr. Wb

Para siswa : Waalaikumsalam wr. wb

Kepala Sekolah : anak-anak amargo virus Covid 19

iki mulai nyebar ing Indonesia lan
bakal diadakno PSBB
(Pembatasan Sosial Berskala
Besar). Mulo Kemendikbud
ngongkon mulai sak iki siswa
diliburno.

Para siswa : yeeeeeee, horeeeee.

Kepala Sekolah : dadi sakniki ndang podo muleh

ning omahe dewe-dewe, ojo metu
nang ndi-ndi, tetep jogo protocol
kesehatan. Mugi-mugi iso sehat
kabeh lan virus Covid 19 iki iso
ilang.amiin ya robal alamin
Kepala Sekolah : sekian Wassalamualaikum wr.
Wb

Para siswa : Waalaikumsalam wr. Wb

Banjur kuwi para siswa podo mulih ning omah e dewe-

dewe.

Ning omah aku langsung mbukak hp lan moco

wa. Wali kelasku ngong yen tugas tetep diwenehi lan
dikumpulno ing Googleclassroom. Aku banjur download
aplikasine awale aku ora mudeng soale selama iki aku
ora tau ruh gunane aplikasi kuwi. Ananging soyo suwe
aku soyo iso nganggone. Sak iki tugas-tugas dikerjakno
dewe-dewe nang omah lan dikumpulno nang
googleclassroom.

Pas ketibaan dino sing asline kene ulangan, guru

menehi pengumuman lewat grub Wa yen ulangan akhir
semester utowo PAS bakal diundur 2 minggu maneh lan
bakal dilaksanakno Daring. Aku banjur ngechat koncoku
sing jenenge Wahyu.

Aku : yu sok pas ulangan pye?lha aku ra

mudengki piye trusan.
Wahyu : lha yo mbuh, aku yo ra mudeng
materine eneg sing urung tak pahami. Ape
sinau yo aras-arasen ra enek sing ceto

Aku : ancen angel lek wes ngeneki mending

sekolah ae lek ngeneki

Wahyu : lha yo to lek ngene terus yo iso-iso utek

ku ra enek isine iki

Aku : piye lek sok pas ulangan kene kumpul

nok omah e Arthur ngerjak o bareng ngko
iso searching bereng.

Wahyu : yo ayo ae nek ngunu aku tak ngajak

Bintang, we ngajak Rozaq trus Arthur
kabari

Aku : oke

Banjur aku langsung ngandani Rozaq lang

ngandani Arthur lek sok ape kumpul nok omahe kanggo
nggarap ulangan bareng. Banjur kuwi aku langsung
ngerjakno tugasku sing durung bar lan langsung tak
kirim ning GC.
 Dino ulangan wes teko banjur aku langsung
budal menyang omahe Arthur. Masio isek PSBB
ananging piye maneh kabeh kudu dilakoni tapi tetep
protocol kesehatan ora lali yoiku nganggo masker lan
jogo jarak. Sak tekone kono koncoku wis podo teko lan
podo nganggo masker dewe-dewe.

Aku : wes ndang ayo digarap lek raruh

jawabane iso takok koncone.

Rozaq : oke, aku tak karo searching Google

nggoleki jawabane menowo enek.

Arthur : ngko tak takok cah-cah pisan lek mnowo

enek sing gak ruh.

Bintang : sip cocok wi

Wahyu : ndang nggarap ndang bar ndang wes

Sakwise nggarap ulangan aku lan liya-liyane podo muleh

ning omahe dewe-dewe. Sakben ndino adewe nggarap
ulangan yo ngeneki podo contekan tapi yo piye neh
kondisine koyo ngene.
 Sakwise PAS aku munggah kelas 12. Aku wes
arep-arep sekolah iso melbu maneh koyo biasane.
Ananging pikiranku karo kenyataane bedo. Kepala
Sekolah menehi pengumuman maneh yen siswa durung
iso melbu sekolah lan pembelajaran isek Online. Ora
keroso wes 6 ulan aku sinau Online padahal wes kelas
12. Saben ndino aku nggarap tugas soko guru ning
omah. Pas poso yo rasane bedo koyo biasane ora enek
sing jenge takbiran, pas riyoyo gede yo ora meriah koyo
biasane wong-wong podo ning omah kabeh ora ono sing
metu omah lek gak ono urusan penting.

Pas panerimaan siswa kelas 10 yo ora seru koyo

biyen, aku ngesakke bocah-bocah sing lagek podo melbu
sekolah durung patek kenal karo sekolahe. Opo maneh
poro kakel ku sing lulus lewat jalur Covid. Ancen
zamane wes bedo adoh koyo biyen. Sakenek e Covid
uripku dadi berubah sing biasane aku mari subuh
langsung tangi resik-resik sak iki yo turu neh terus tangi
jam 6. Biasane aku yahmunu wes siap-siap budal
sekolah sak iki mung sekolah nomah.
 Keseharianku sakben ndino yo ngunu iku sampek
sak iki. Aku sak iki arek lulus sekolah bingung arek
nerusno nang endi. Lek arek kuliah yo pancet masio
kuliahe nok Univ apik kuliahe yo tetep nomah. Ancen
sak juk Pandemi Covid 19 iki kabeh kehidupanku maleh.
Yo ancen ngeneki rasane Sekolah Ing Jaman Anyar.